Fréttablaðið - 06.01.2008, Page 6

6 6. janúar 2008 SUNNUDAGUR
Sundlaug Kópavogs / sími 570 0470 / Íþróttamiðstöðin Versalir / sími 570 0480 / www.nautilus.is
OPNUNARTILBOÐ
Á ÁRSKORTUM
25.990 KR. Aðeins 2.166 kr. á mánuði með vaxtalausum Visa/Euro léttgreiðslum
Tilboðið gildir aðeins
þessa helgi!
STÆKKUM Í SUNDLAUG KÓPAVOGS UM HELGINA
ar
gu
s
/
07
0
97
4
VIÐURKENNING Samfélagsverðlaun
Fréttablaðsins verða veitt í
næsta mánuði, þriðja árið í röð,
og skiptast í fimm flokka.
Sá fyrsti nefnist Hvunndags-
hetjan og koma verðlaunin í hlut
einstaklings sem sýnt hefur sér-
staka óeigingirni eða hugrekki,
hvort sem er í tengslum við einn
atburð eða með vinnu að ákveðn-
um málaflokki í lengri tíma.
Næsti flokkur nefnist Frá kyn-
slóð til kynslóðar. Þar koma til
greina kennarar, leiðbeinendur,
þjálfarar eða aðrir uppfræðarar
sem skarað hafa fram úr á ein-
hvern hátt. Einnig félagasamtök
sem sinna börnum af sérstökum
metnaði og alúð.
Til atlögu gegn fordómum
nefnist þriðji flokkurinn. Þau
verðlaun geta fallið hvort sem er
einstaklingi eða félagasamtökum
í skaut. Heiðursverðlaun hreppir
einstaklingur sem með ævistarfi
sínu hefur stuðlað að betra sam-
félagi og fimmti og síðasti flokk-
urinn nefnist einfaldlega Samfé-
lagsverðlaunin og eru þau
veglegust. Ein milljón króna fer
þar til félagasamtaka sem hafa
unnið framúrskarandi mannúð-
ar- eða náttúruverndarstarf og
hafa lagt sitt af mörkum til að
gera íslenskt samfélag betra
fyrir okkur öll.
Allir sem eiga skilið virðingar-
vott fyrir gjörðir sínar og fram-
göngu koma til greina sem verð-
launahafar, jafnt óþekktir
einstaklingar sem þjóðþekktir.
Steinunn Stefánsdóttir, aðstoð-
arritstjóri Fréttablaðsins, er for-
maður dómnefndar eins og und-
anfarin ár og með henni er fólk
úr ýmsum áttum. „Þetta er ein-
staklega ánægjulegt verkefni,
ekki síst vegna þess að tilnefn-
ingar lesenda varpa ljósi á góð
verk sem unnin eru hvarvetna í
þjóðfélaginu,“ segir hún. „Það er
líka skemmtilegt að fá tækifæri
til að vekja athygli á þessum
verkum sem kastljós fjölmiðla
beinist sjaldan að.“
Tilnefningar til samfélags-
verðlaunanna má senda á visir.is
eða með því að senda tölvupóst á
netfangið samfelagsverdlaun@
frettabladid.is. Einnig má senda
bréf í pósti merkt Samfélags-
verðlaun Fréttablaðsins, Skafta-
hlíð 24, 105 Reykjavík. Skila-
frestur er til hádegis mánudaginn
28. janúar.
gun@frettabladid.is
Góðverkin
verðlaunuð
Samfélagsverðlaun Fréttablaðsins verða veitt í
febrúar. Lesendur geta haft áhrif á valið með því
að senda inn tilnefningar. Allir koma til greina sem
hafa lagt sitt af mörkum til að bæta samfélagið.
FRÁ VEITINGU SAMFÉLAGSVERÐLAUNA 2007. Ævar Jóhannesson hlaut viðurkenning-
una Hvunndagshetjan en Uppfræðari ársins var Benedikt Erlingsson. Fyrir framlag til
æskulýðsmála fékk Ráðgjafarmiðstöðin Sjónarhóll verðlaun og Freyja Haraldsdóttir
í flokknum Til atlögu gegn fordómum. Heiðursverðlaun hlaut Þorgerður Ingólfsdóttir
og Samfélagsverðlaunin fékk AFA, aðstandendafélag aldraðra.
Réttindalaus á ofsahraða
Lögreglan í Borgarnesi stöðvaði öku-
mann um miðnætti í fyrrinótt sem
mældist á 134 kílómetra hraða. Við
eftirgrennslan kom í ljós að hann var
réttindalaus og með fíkniefni. Tveir
farþegar voru í bílnum.
Á fullu gasi á ljósastaur
Ökumaður á Húsavík varð fyrir því
óláni að bensíngjöfin festist niðri
þegar hann var að aka úr stæði í
fyrrinótt. Ökuferðin varð því styttri
en fyrirhugað var en bíllinn hafnaði á
ljósastaur. Bíllinn er ónýtur, sem og
ljósastaurinn, en ökumanninn sakaði
ekki.
LÖGREGLUFRÉTTIR
Hafna bótakröfu
Byggðaráð Norðurþings hafnar kröfu
kaupenda jarðarinnar Eyvindarstaða
um bætur vegna meintra skertra
afnota af jörðinni og aukakostnaðar.
Byggðaráð segir að kaupendunum
hafi verið fullkunnugt um hvað þeir
buðu í og keyptu.
NORÐURÞING
Sjálfstæðisafmælis minnst
Fylgismenn flokks Aung San Suu Kyi,
stjórnarandstöðuleiðtoga í Búrma
(Mjanmar), minntust á föstudag
sextíu ára sjálfstæðisafmælis landsins
með því að krefjast þess að hún
yrði látin laus úr stofufangelsi og að
sleppt yrði pólitískum föngum, sem
voru fangelsaðir er herforingjastjórnin
batt enda á mótmæli lýðræðissinna
í fyrra.
BÚRMA
SAMGÖNGUR Loftleiðaþota sem
franskir starfsmenn hjálparsam-
taka ætluðu að nota til að smygla
103 börnum frá Afríkuríkinu
Tsjad í október er enn í Tsjad.
Nýverið fékkst loks heimild til að
nota þotuna á ný.
Guðni Hreinsson, framkvæmda-
stjóri Loftleiða Icelandic, dóttur-
félags Icelandair, segir að nú eigi
allir tilskildir pappírar að vera í
lagi, og unnið sé að nauðsynlegu
viðhaldi á þotunni eftir svo langa
kyrrstöðu.
Loftleiðir hafa ekki tapað fé
vegna málsins, enda er spænska
flugfélagið Girjet með þotuna í
leigu til nokkurra ára og ber því
alla ábyrgð á þeim tíma.
- bj
Flugheimild veitt fyrir kyrrsetta Loftleiðaþotu í Tsjad:
Þotan brátt í loftið
Hefur þú verið beitt(ur) ofbeldi
á skemmtistað?
Já 37%
Nei 63%
SPURNING DAGSINS Í DAG
Telur þú að Barack Obama
verði forsetaframbjóðandi
demókrata?
Segðu skoðun þína á vísir.is
BANDARÍKIN Talsmaður Samtaka
leikara í Hollywood, Alan
Rosenberg, segir að einróma
samkomulag hafi náðst um að
virða verkfall handritshöfunda í
Hollywood. Félagar í samtökun-
um ætla að sniðganga Golden
Globe-verðlaunahátíðina sem
fyrirhuguð er um næstu helgi.
Golden Globe-verðlaunin þykja
koma næst á eftir Óskarsverð-
laununum hvað orðstír varðar. Ef
helstu leikarar ákveða að
sniðganga athöfnina er óvíst
hvort henni verður yfir höfuð
sjónvarpað. Enn eru þó viðræður
í gangi í því augnamiði að ná
einhvers konar málamiðlun. - hs
Sniðganga Gullna hnöttinn:
Leikarar virða
verkfallsmúra
DÓMSMÁL Maður á sjötugsaldri
hefur verið ákærður fyrir fjár-
drátt á árunum 1999 og 2000 með
því að hafa dregið fyrirtækinu TB-
tæknibúnaði rúmlega 157 þúsund
krónur af iðgjaldsgreiðslum starfs-
manna fyrirtækisins. Einnig runnu
greiðslur starfsmanna sem áttu að
fara til Verslunarmannafélags
Reykjavíkur, samtals rúmlega 39
þúsund krónur, til fyrirtækisins.
Málið var þingfest í Héraðsdómi
Reykjavíkur á miðvikudag.
Sjö og hálft ár er liðið frá því
brotin áttu sér stað en þau komust
upp skömmu síðar. Guðjón Magn-
ússon, fulltrúi hjá lögreglunni á
höfuðborgarsvæðinu, segir nokkra
þætti ráða því að manninum sé ekki
birt ákæra fyrr en nú. Málið er angi
af gjaldþroti. „Fyrst reyna stéttar-
félögin að innheimta upphæðirnar
sem um ræðir hjá félögunum sjálf-
um. Það getur tekið tvö til þrjú ár.
Síðan berst málið til lögreglunnar.
Af þessu leiðir að málið verður ekki
forgangsmál hjá lögreglunni. En
það gefur auga leið að þetta er of
langur tími,“ segir Guðjón.
Málið barst til lögreglunnar um
mitt ár 2003 og hefur það verið þar
til meðferðar síðan. - mh
Maður á sjötugsaldri ákærður meira en sjö árum eftir að upp komst um brotið:
Ákærður eftir sjö og hálft ár
LÖGREGLUSTÖÐIN VIÐ HVERFISGÖTU Sjö
og hálft ár liðu frá því málið kom upp,
þar til ákært var í því. FRÉTTABLAÐIÐ/GVA
KJÖRKASSINN