Fréttablaðið - 06.01.2008, Page 56
24 6. janúar 2008 SUNNUDAGUR
sport@frettabladid.is
Nánar á expressferdir.is
eða í síma 5 900 100
Boltinn er hjá okkur
29.–30. janúar
Arsenal – Newcastle
49.900 kr.
Verð á mann í tvíbýli
8.–10. febrúar
West Ham – Birmingham
49.900 kr.
Verð á mann í tvíbýli
20.–21. febrúar
Arsenal – AC Milan
49.900 kr.
Verð á mann í tvíbýli
Það lítur því miður allt út fyrir að draumur
Hlyns Sigmarssonar um að halda leik
Flensburg og Gummersbach hér á landi
í upphafi febrúar sé dáinn. Hlyni hefur
ekki tekist að finna stóra styrktar-
aðila á viðburðinn og málið þar af
leiðandi sjálfdautt.
„Ég talaði talsvert við Kaupþing
um málið en þeir höfðu ekki
áhuga á að taka þátt, sem mér
fannst miður. Ég hef í kjölfarið
svo gott sem lagt niður vopnin
enda hef ég ekki endalausan
tíma. Svo hef ég ekkert heyrt frá
forráðamönnum Flensburg síðasta
mánuðinn þannig að líklega eru þeir
bara búnir að finna nýjan stað fyrir
leikinn,“ sagði Hlynur. Heyra mátti
að hann var mjög svekktur að sjá
stóra drauminn deyja en hann hafði allan
tímann fulla trú á því að hægt væri að
halda leikinn hér á landi.
Hann segist vera hissa á því hversu
lítinn áhuga stórfyrirtækin hafi
á að tengja sig við slíkan
stórviðburð miðað við
margt annað sem
þau setji peninga í.
„Þau eyða kannski
tugum milljóna í
eina auglýsingu en
það þarf ekki einu
sinni það mikinn
pening til að setja upp
flottasta handboltadag
sögunnar hér á landi.“
Hlynur er mikið ólík-
indatól og nýjasta uppá-
tæki hans er að skora á kvennalið Gróttu
í keppni. Hlynur hefur ákveðið að fara
í megrun og segist ætla að missa fleiri
kíló fyrir lokahóf HSÍ en lið Gróttu fær
í N1-deildinni eftir áramót. Alls eru
26 stig í boði fyrir Gróttustúlkur
þannig að Hlynur gæti þurft að
hafa sig allan við til að vinna
það veðmál en sá sem tapar
býður hinum í mat. „Ég hef
ekki enn fengið svar frá Alfreð
og Gróttustelpunum hvort þau
séu klár í slaginn en þó svo að
þau verði ekki klár fer ég bara
samt í keppni við þau. Það er
samt vonandi að þau taki slag-
inn,“ sagði Hlynur, sem stefnir
því að fara í formlega vigtun
með vitnum á næstu dögum.
HLYNUR SIGMARSSON: LEIKUR GUMMERSBACH OG FLENSBURG LÍKLEGA EKKI Á ÍSLANDI EFTIR ALLT SAMAN
Draumurinn dáinn og Hlynur farinn í megrun
11
DAGAR
Í EM
Í HANDBOLTA
LK Cup
Ísland-Noregur 28-28 (14-12)
Mörk Íslands (skot): Ólafur Stefánsson 7/2 (9),
Snorri Steinn Guðjónsson 4 (6), Einar Hólmgeirs-
son 4 (7), Guðjón Valur Sigurðsson 3/1 (7), Logi
Geirsson 3 (4), Arnór Atlason 2 (5), Ásgeir Örn
Hallgrímsson 2 (3), Róbert Gunnarsson 2 (5),
Hannes Jón Jónsson 1 (1).
Varin skot: Birkir Ívar Guðmundsson 8, Hreiðar
Guðmundsson 4.
Mörk Noregs: Kristian Kjelling 5/1, Rune
Skjærvold 4/2, Kjetil Strand 4/2, Frank Løke 3,
Håvard Tvedten 3, Thomas Skoglund 3, Børge
Lund 2, André Jørgensen 2, Erlend Mamelund 1,
Bjarte Myrhol 1.
Áhorfendur: 750.
Danmörk-Pólland 31-30
ÚRSLIT
HANDBOLTI Norski harðjaxlinn
Johnny Jensen var ekki nógu
sáttur með að hafa aðeins gert
jafntefli við Ísland á LK Cup í
gær.
„Við þurfum að vera miklu
agaðri. Við leiddum með fjórum
mörkum og þá fara menn að
skjóta of snemma í stað þess að
vera agaðir og bíða eftir góðu
færi,“ sagði Jensen frekar ósáttur
við NTB eftir leikinn.
Norðmenn byrjuðu síðari
hálfleikinn með miklum látum og
komust í 19-15. Þá kom íslenska
liðið aftur til baka.
„Ísland er ekki lið sem okkur
finnst gott að spila á móti en við
verðum að læra af mistökum
okkar hér í dag,“ sagði Jensen.
Norðmenn hvíldu Steinar Ege,
Frode Hagen og Glenn Solberg í
leiknum og munaði um minna
fyrir norska liðið. - hbg
Johnny Jensen:
Vorum ekki
nógu agaðir
JOHNNY JENSEN Segir Norðmenn ekki
líka að spila við íslenska landsliðið.
FRÉTTABLAÐIÐ/PJETUR
HANDBOLTI Þýskir fjölmiðlar
greindu frá því á dögunum að svo
gæti farið að Frakkinn Daniel
Narcisse gengi aftur í raðir
Íslendingaliðsins Gummersbach
eftir aðeins ár í Frakklandi.
Alfreð Gíslason, þjálfari Gum-
mersbach, segir fréttina vera
ranga.
„Þetta er algjörlega tilbúin
frétt. Þetta blað þarf nú venju-
lega ekki nema hálft orð svo það
skili sér í frétt. Við höfum ekki
verið á eftir Narcisse og mig
grunar að blaðið hafi einfaldlega
verið í vandræðum með að fylla
plássið á síðunum hjá sér,“ sagði
Alfreð við Fréttablaðið. - hbg
Narcisse til Gummersbach?
Ekkert til í þess-
ari frétt
DANIEL NARCISSE Ekki á leið til
Gummers bach á ný. FRÉTTABLAÐIÐ/BONGARTS
NBA Það er gríðarleg sigling á Detroit Pistons og
Boston Celtics í NBA-deildinni þessa dagana en
gott gengi liðanna hélt áfram aðfaranótt
laugardags. Þá vann Detroit sinn ellefta leik í
röð en Boston sinn áttunda. Lengsta sigurgangan
á þessari leiktíð er hjá Portland, sem
vann þrettán leiki í röð áður en
liðið tapaði fyrir Utah.
Detroit fór illa með Toronto og
vann stórsigur, 101-85. Varamenn Pistons
áttu frábæra innkomu og lögðu grunninn að
sigrinum.
„Við höfum áður farið á slíka siglingu en það
sem er hvað ánægjulegast við gengið núna er
hversu mikið framlag við fáum frá bekknum.
Varamennirnir eru að skila gríðarlega mikilvægu
verki á erfiðum augnablikum leikjanna,“ sagði
Tayshaun Prince, leikmaður Pistons, en hann skoraði
tíu stig og gaf einar ellefu stoðsendingar.
Boston lenti í óvæntu basli gegn Memphis á
heimavelli en Memphis hefur aðeins unnið níu leiki í
vetur. Varamaðurinn Tony Allen átti frábæran leik
fyrir Celtics og steig upp þegar Ray Allen var ekki
að finna sig. Ray klúðraði öllum níu skotum sínum
en setti niður tvö vítaskot þegar innan við tíu
sekúndur voru eftir af leiknum. Það var hans
framlag til leiksins.
Detroit tók síðan á móti Boston í uppgjöri
þessara liða í nótt. Síðasti tapleikur Boston
var einmitt gegn Detroit í desember.
„Ég held að leikmenn hafi verið
fullmikið með hugann við Detroit-
leikinn,“ sagði Doc Rivers, þjálfari
Boston. Tony Allen skoraði 20 stig í
leiknum en stjörnurnar Kevin
Garnett og Paul Pierce voru báðar
með 23 stig. - hbg
Detroit Pistons og Boston Celtics á mikilli siglingu í NBA-deildinni:
Ellefu sigurleikir í röð hjá Pistons
SJÓÐHEITIR Chaunc-
ey Billups og félagar
í Detroit Pistons eru
á mikilli siglingu um
þessar mundir og
mættu Boston í nótt í
uppgjöri heitustu liða
NBA-deildarinnar.
NORDIC PHOTOS/GETTY IMAGES
HANDBOLTI Íslenska landsliðið gerði jafntefli við
Norðmenn á LK Cup í gær, 28-28. Íslenska liðið
leiddi með tveim mörkum í leikhléi, 14-12, en gaf
verulega eftir í upphafi síðari hálfleiks og leikurinn
var í járnum allt til loka. Norðmenn fengu tækifæri
til þess að klára leikinn en Hreiðar Guðmundsson
varði lokaskot leiksins frá Íslandsbananum Kjetil
Strand sem gerði 19 mörk gegn Íslandi á EM í Sviss.
„Við leiddum eiginlega allan fyrri hálfleikinn sem
var vel spilaður af okkar hálfu. Sóknarleikurinn var
agaður þó svo við höfum ekki verið að klára skotin
nægjanlega vel. Varnarleikurinn var einnig mjög
góður og Birkir í ágætu formi fyrir aftan vörnina.
Síðari hálfleikur var ekki eins góður. Við réðum þá
ekkert við línumann Norðmanna og vorum að láta
reka okkur of mikið af velli. Birkir fann sig ekki en
Hreiðar kemur inn undir lokin. Byrjar ekki vel en
ver vel á síðustu mínútunum. Við hefðum getað
tapað leiknum og við hefðum líka hæglega getað
unnið hann,“ sagði Alfreð Gíslason landsliðsþjálfari
við Fréttablaðið eftir leikinn.
Einar og Ólafur voru mikið mun
sterkari í dag
„Miðað við hvernig
leikurinn þróaðist er ég
þokkalega sáttur við úrslitin
þó svo ég hefði viljað fá
sigur. Aftur á móti er margt
jákvætt í okkar leik á þessu
móti. Einar Hólmgeirsson kom
sterkari inn núna og Ólafur
Stefánsson var miklum mun betri
núna en gegn Pólverjum.
Arnór átti köflóttan fyrri hálfleik
en var samt að gera fína hluti að
mínu mati, Logi Geirsson átti
fína spretti í síðari hálfleik
en það sem ég er ósáttast-
ur við er hversu illa við
kláruðum skotin.
Róbert Gunnars-
son og Guðjón
Valur fundu
sig ekki alveg.
Snorri átti
fínan fyrri
hálfleik
en það
fjar-
aði undan honum í þeim síðari,“ sagði Alfreð en
hann skipti minna gegn Norðmönnum en gegn
Pólverjum.
Markverðirnir vörðu aðeins tólf bolta að þessu
sinni en Alfreð var samt þokkalega sáttur við þeirra
framlag.
„Varnarvinnan var líka fín og Birkir átti góða
kafla. Aftur á móti vörðum við síðan ekki bolta á 20
mínútna kafla og það er náttúrlega ekki ásættan-
legt,“ sagði Alfreð en hvernig leggur hann upp
leikinn gegn Dönum í dag?
„Menn eins og Einar verða að fá að spila ef ég
ætla að hafa hann í standi í Noregi. Bjarni Fritzson
er kominn út þannig að hann fær
eitthvað að spila og Ólafur fær
meiri hvíld fyrir vikið. Við
ætlum samt í leikinn til að
vinna og munum ekki gefa
neitt eftir,“ sagði Alfreð
Gíslason.
henry@frettabladid.is
Margt jákvætt í okkar leik
Ísland og Noregur gerðu jafntefli, 28-28, í öðrum leik liðanna á LK Cup í Dan-
mörku í gær. Landsliðsþjálfarinn Alfreð Gíslason var tiltölulega sáttur við leik
sinna manna og margir að spila ágætlega. Lokaleikurinn er við Dani í dag.
ÓLAFUR HEITUR
Ólafur Stefánsson átti
mjög fínan leik gegn
Norðmönnum í gær
og skoraði sjö mörk
úr níu skotum.
Hann fær aðeins
meiri hvíld gegn
Dönum í dag.
FRÉTTABLAÐIÐ/PJETUR
> Hlynur er ekki hjátrúarfullur
Það vakti athygli í leik Snæfells og Njarðvíkur í gær að
Hlynur Bæringsson mætti í treyju númer 8 en hann hefur
verið í treyju númer 4 til þessa í vetur.
„Jón vildi fá fjarkann og ég lét hann
bara fá treyjuna. Mér er sléttsama
hvaða númer ég ber á bakinu enda
ekki hjátrúarfullur. Það var átta
núna, tían í fyrra og hver veit
hvað ég mæti með næst.
Annars lentum við næstum
í vandræðum út af þessu því við
gleymdum að breyta skýrslunni og
láta dómarana vita. Það slapp þó
fyrir horn,“ sagði Hlynur.