Fréttablaðið - 01.02.2008, Blaðsíða 10

10 1. febrúar 2008 FÖSTUDAGUR
VÍSINDI Vísindamenn Íslenskrar
erfðagreiningar hafa uppgötvað
tvo erfðabreytileika sem stýra
einum af grunnþáttum þróunar
mannsins. Um er að ræða áhrif á
svokallaða umröðun erfðamengis-
ins, sem verður þegar sáðfrumur
og egg myndast.
„Í stuttu máli þá uppgötvuðum
við erfðavísi sem hefur áhrif á það
hvernig mannskepnan er að þróast
áfram,“ segir Kári Stefánsson, for-
stjóri fyrirtækisins. „Samkvæmt
Biblíunni þá vorum við sett saman
fyrir ansi löngu síðan en staðreynd-
in er að það er ekki búið að ljúka
þessu verkefni enn. Skaparinn er
eins og venjulegur verktaki; lýkur
ekki verkefninu á þeim tíma sem
hann lofar. Við
erum enn að verða
til, og í greininni
lýsum við erfða-
vísi sem hefur
töluverð áhrif á
það hvernig það á
sér stað.“
Aðspurður
hvaða áhrif upp-
götvunin geti haft
segir Kári nær
ómögulegt að segja til um það. „Það
er erfitt að segja hvað það er sem
hefur endanlega áhrif á mig eða þig
eða lífið almennt, það eina sem ég
get sagt er að á þessu augnabliki er
þetta býsna merkileg uppgötvun.“
- sþs
„Frumsýning í Hafnarfjarðarleikhúsinu er alltaf til-
hlökkunarefni. Í þetta sinn stigu flinkir leikarar á svið
með skemmtilega sýningu.“
„Vigdís Hrefna Pálsdóttir er vandvirk leikkona. Hún nálgast
viðfangsefni sitt nánast vísindalega og var túlkun hennar á
Litháisku konunni heillandi."
**** Elísabet Brekkan, Fréttablaðið.
„ ... konan sem sat tveim sætum frá mér hló oft hátt og snjallt.
Og ég er viss um að hún var í raun og veru að skemmta sér...“
Jón Viðar Jónsson, DV.
í kvöld kl. 20
Sun. 3. febrúar kl. 20
Lau. 9. febrúar kl. 20
Sun. 10. febrúar kl. 20
Midasala: 555 2222. www.midi.is
„Hjálmar Hjálmarsson fer á kostum í hlutverki sjónvarpsins“
„Það er alltaf mikil stemming í Hafnarfjarðarleikhúsinu, kannski vegna þess að áhorfendur og leikarar eru
nær hver öðrum en í stóru leikhúsunum, og þessi sýning er engin undantekning.“
„ ... get ég ekki annað en mælt með sýningunni, sem er troðfull af skemmtilegum atriðum ...“
Martin Regal, Morgunblaðið.
EFNAHAGSMÁL „Ástandið breytist
ekki sjálfkrafa. Það þarf mikla
pressu og mikinn þrýsting utan
frá til,“ sagði Björgvin G. Sigurðs-
son viðskiptaráðherra á hádegis-
fundi Félags kvenna í atvinnu-
rekstri (FKA) og Auðar í krafti
kvenna í gær. Var umræðuefni
fundarins hvernig fjölga mætti
konum í stjórnum og öðrum
áhrifastöðum.
„Kannski þarf einhvers konar
yfirvofandi hótanir um lagasetn-
ingar og drastískar aðgerðir eins
og kynjakvóta til að eitthvað
breytist,“ sagði ráðherrann.
Á fundinum fjallaði viðskipta-
ráðherra um stöðuna í dag og hvað
ríkisstjórnin hygðist gera. Hann
sagði framtakið glæsilegt og
skipta heilmiklu máli. Þá sagðist
hann sannfærður um að þolin-
mæði gagnvart hlutskipti og hlut-
föllum kvenna í stjórnum í
atvinnulífinu væri á þrotum og
tími aðgerða runninn upp.
Hundrað konur lýsa sig reiðu-
búnar til að setjast í stjórnir fyrir-
tækja í auglýsingu sem birtist í
fjölmiðlum í gær. Er þar vísað til
þess að innan við tíu prósent
stjórnarsæta í stærstu fyrirtækj-
um á Íslandi séu skipuð konum.
Telja konurnar að hvorki fyrir-
tækin né samfélagið hafi efni á
óbreyttri stöðu.
Fundinn sóttu um 150 konur og
kom þar fram að nöfnum kvenna í
auglýsingunni hefði verið safnað
á einum sólarhring. Því mætti sjá
að auðvelt ætti að vera að fá konur
til að taka að sér ábyrgðarstöður
og að tengslanet kvenna væri að
styrkjast. - ovd
Ráðherra ræðir lagasetningu vegna hlutskiptis kvenna í stjórnum fyrirtækja:
Þolinmæði fólks er á þrotum
FRÁ FUNDINUM Á NORDICA Vel á annað hundrað kvenna komu saman til að ræða
hvernig fjölga mætti konum í stjórnum og áhrifastöðum. FRÉTTABLAÐIÐ/AUÐUNN
KLIFURKÖTTUR Hinn lipri Mark
Asel klifrar upp reipi meðan hann
heldur stöðugri flösku á enninu á
sér. Gjörningurinn er hluti af veðmáli
í þýska þættinum „Wetten, dass..?“
sem gæti útlagst á íslensku „Þorið þið
að veðja..?“ Þátturinn gengur út á að
veðja á hin ýmsu uppátæki.
NORDICPHOTOS/AFP
KÍNA, AP Tveggja vikna nærri stöð-
ug snjókoma í mið- og austurhluta
Kína, þar sem slíkt veður er sjald-
gæft, hefur að mestu lamað allt
mannlíf þar. Umferð hefur stöðv-
ast, uppskera eyðilagst og tugir
manna hafa farist, bæði í umferð-
arslysum og vegna hruns húsa.
Spáð er áframhaldandi hríðar-
byljum sem einnig hafa víða valdið
rafmagnsleysi. Flugvöllum hefur
þurft að loka og lestarsamgöngur
hafa legið niðri.
Áhrif á uppskeru ársins hafa
einnig orðið hrikaleg, að því er
Chen Xiwen, framámaður í Komm-
únistaflokknum segir.
Hu Jintao, forseti landsins og
leiðtogi Kommúnistaflokksins,
heimsótti bæði kolanámu og skipa-
miðstöðvar í norðurhluta landsins
þar sem hann hvatti verkafólk til
dáða.
„Félagar, þið vitið allir að það
hafa orðið alvarlegar náttúruham-
farir í suðrinu sem hefur haft
áhrif á líf fólks,“ sagði hann við
kolanámumennina. „Við vonumst
því til þess að þið getið beitt hinum
sérstaka anda ykkar sem kola-
námumenn í baráttu við náttúru-
hamfarirnar og byggt á þeirri hefð
að koma náunganum til hjálpar,
framleiða meiri kol og leggja
ykkur fram við að efla efnahags-
lífið.“ - gb
Óveður og fannfergi í Kína lamar þjóðfélagið:
Kínaher berst við
náttúruhamfarir
HERINN MOKAR SNJÓ Kínverska herliðið hefur verið kallað til bjargar þar sem fann-
fergið er til trafala. FRÉTTABLAÐIÐ/AP
ÍTALÍA, AP Giorgio Napolitano
Ítalíuforseti vill að mynduð verði
bráðabirgðastjórn á Ítalíu.
Stjórnin á að starfa þangað til
þingið hefur afgreitt breytt
kosningalög, en að því búnu verði
boðað til kosninga.
Franco Marini, forseti þingsins,
fékk á miðvikudagskvöld það
hlutverk að fá þingflokkana til
þess að mynda slíka stjórn.
Napolitano hefur síðustu daga
rætt við formenn flokkanna til að
kanna möguleikann á myndun
bráðabirgðastjórnar. Romano
Prodi forsætisráðherra sagði af
sér í síðustu viku eftir að stuðn-
ingsyfirlýsing við stjórn hans var
felld í öldungadeild þingsins.
Hægri flokkarnir vilja að
kosningar verði haldnar strax, en
vinstri flokkarnir vilja breyta
kosningalögunum fyrst. - gb
Stjórnarkreppan á Ítalíu:
Vill bráða-
birgðastjórn
Grein frá vísindamönnum Íslenskrar erfðagreiningar:
Skilja betur hvernig
maðurinn þróast
KÁRI
STEFÁNSSON