Fréttablaðið - 01.02.2008, Blaðsíða 74
38 1. febrúar 2008 FÖSTUDAGUR
sport@frettabladid.is
HANDBOLTI Einn besti handknatt-
leiksmaður Svía frá upphafi,
Magnus Wislander, fylgdist vel
með íslenska landsliðinu á EM þar
sem hann var sjálfur að vinna.
Hann var eðlilega ekki hrifinn af
íslenska liðinu á mótinu. Aðspurð-
ur segist Wislander ekki hafa
áhuga á landsliðsþjálfarastarfinu
hjá Íslandi en gefur félaga sínum
Magnus Andersson, sem HSÍ
hefur rætt við um starfið, fín með-
mæli.
„Undirbúningur íslenska liðsins
fyrir EM gekk greinilega ekki sem
skyldi. Ég talaði við Alfreð úti í
Noregi og hann var ekki sáttur við
hvernig undirbúningurinn gekk.
Svo var leikurinn við Svíþjóð mjög
mikilvægur og það var erfitt fyrir
Ísland að tapa leiknum. Ég veit
ekki hvað var að hjá íslenska lið-
inu í Noregi. Í Þýskalandi var hóp-
urinn mjög samheldinn og liðið
barðist alveg gríðarlega. Ég sá
ekki þennan sama baráttuanda hjá
liðinu í Noregi og það munar svo
sannarlega um það.
Svo var Ólafur Stefánsson ekki
góður gegn Svíþjóð og mér finnst
oft eins og íslenska liðið sé ekki
gott þegar Ólafur finnur sig ekki.
Fyrir mér var markvarslan ekki
endilega aðalvandamálið hjá
Íslandi.
Markverðirnir vörðu kannski
ekki eins og Kasper Hvidt en þeir
voru allt í lagi fannst mér. Það
kom mér nokkuð á óvart hversu
slakt íslenska liðið var á EM,“
sagði Wislander við Fréttablaðið í
gær en hann er að þjálfa sænska
liðið Redbergslid um þessar
mundir.
Nafn hans er eitt af þeim sem
hafa komið upp í umræðunni síð-
ustu daga í tengslum við landsliðs-
þjálfarastarf Íslands. Sjálfur
segist Wislander ekki vera spennt-
ur fyrir starfinu.
„Ég hef mikið að gera hér í Sví-
þjóð og er líklega að framlengja
samning minn við Redbergslid
sem rennur út í sumar. Ég yrði
ekkert sérstaklega spenntur ef ég
fengi símtal frá HSÍ,“ sagði Wis-
lander sem segir það ekki vitlaust
skref hjá HSÍ að kanna hug nafna
síns Andersson sem hann spilaði
með í sænska landsliðinu til fjölda
ára.
„Ég tel að hann sé góður þjálf-
ari. Er með góða taktík og kann að
leggja upp leiki gegn sterkum
andstæðingum. Hann ætti vel að
geta gert fína hluti með íslenska
landsliðið færi hann þangað,“
sagði Wislander. henry@frettabladid.is
Hef ekki áhuga á starfinu
Sænska handboltagoðsögnin Magnus Wislander segist ekki hafa áhuga á starfi
landsliðsþjálfara Íslands en segir að nafni sinn Andersson gæti verið góður
kostur fyrir íslenska liðið. Hann hreifst ekki af íslenska landsliðinu á EM.
KOMINN Í GEGN Hinn fjölhæfi Magnus Wislander skorar hér mark gegn Íslandi á EM
2002 án þess að Ólafur Stefánsson fái rönd við reist. FRÉTTABLAÐIÐ/BONGARTS
Markahrókurinn Garðar Gunnlaugsson verður áfram í her-
búðum sænska liðsins Norrköping þrátt fyrir áhuga annarra
liða upp á síðkastið.
„Það komu nokkrar fyrirspurnir um mig á síðustu dögun-
um áður en janúarglugganum var lokað en Norrköping setti í
raun of háan verðmiða á mig til að eitthvað gæti orðið úr
því,“ sagði Garðar sem verður að öllu óbreyttu samn-
ingslaus hjá sænska liðinu í lok næsta tímabils.
„Það má segja að samningaviðræður mínar við
félagið séu komnar á klaka eins og er en forráðamenn
félagsins hafa eindregið sagst vilja halda mér áfram
hjá félaginu. Þjálfari liðsins, sem er reyndar líka
yfirmaður knattspyrnumála hjá Norrköping, hefur
ennfremur tjáð mér það að hann sé mjög ánægður
með mig og hann mun því örugglega reyna að
þrýsta á mig að skrifa undir nýjan samning áður
en núgildandi samningur rennur úr gildi í lok
næsta tímabils. Ég geri mér svo sem alveg grein
fyrir því að ég er að taka ákveðna áhættu með
því að skrifa ekki undir nýjan samning, þar sem ég mun ekki geta
farið í annað lið á næstunni eftir að janúarglugganum var lokað, en
ég ætla mér eðlilega ekki að skrifa undir nýjan samning ef félagið
kemur ekki almennilega til móts við kröfur mínar. Svo einfalt er það
nú,“ sagði Garðar sem var markakóngur í sænsku 1. deildinni á
síðasta tímabili og hlakkar til þess að fá að spreyta sig í efstu
deildinni.
„Það er mikill hugur í Norrköping að ná að festa sig í sessi
í efstu deildinni í Svíþjóð og félagið er nú þegar búið að
fjárfesta í fjórum nýjum leikmönnum fyrir tímabilið. Æfingar
standa nú sem hæst og það er fín stemning í mannskapn-
um og mér líst bara vel á liðið, en mótið sjálft hefst í lok
mars. Ég einbeiti mér að sjálfsögðu 100% að Norrköping
eins og ég hef jafnan gert síðan ég kom til félagsins og á
persónulegum nótum þá hlakka ég mjög til þess að fá að
reyna mig í efstu deildinni í Svíþjóð því hún er klárlega mun
meira spennandi en 1. deildin. Hvað sem gerist svo eftir
tímabilið verður bara að koma í ljós og ég mun skoða mín
mál þegar þar að kemur,“ sagði Garðar að lokum.
GARÐAR GUNNLAUGSSON, NORRKÖPING: ÁFRAM HJÁ SÆNSKA LIÐINU ÞRÁTT FYRIR ÁHUGA ANNARRA LIÐA
Norrköping setti of háan verðmiða á mig
> N1-deild karla aftur í gang
N1-deild karla í handbolta hefur verið í dágóðri pásu síðan
fyrir jól sem til kom vegna Evrópumótsins í Noregi. Það er
því við hæfi að keppnin fari aftur í gang
með stórleik þegar topplið Hauka mætir
í heimsókn til Íslandsmeistara Vals í
Vodafone-höllina að Hlíðarenda í kvöld
kl. 20.00. Liðin mættust einmitt í
fyrstu umferð N1-deildarinnar
fyrr í vetur í Vodafone-höll-
inni og þá höfðu Haukarn-
ir betur 20-23 en liðin
skildu jöfn, 22-22, að
Ásvöllum um miðjan
nóvember.
BADMINTON Badmintonkonan
Ragna Ingólfsdóttir kom til Írans
í nótt eftir sextán tíma ferðalag.
Ragna er í þriðja sæti á styrk-
leikalista mótsins sem þýðir að
hún er talin líkleg til að komast í
undanúrslit á mótinu.
Mótið, Iran Fajr, er mjög sér-
stakt að því leyti að keppni karla
og kvenna er skipt algerlega í
tvennt, það er karlarnir og kon-
urnar keppa ekki á sama stað. Þar
sem konurnar keppa má enginn
karlmaður koma inn og eru því
allir dómarar og starfsmenn
konur.
Í fyrstu umferð mætir Ragna
Achinimeshika Rathnasiri Kap-
uru Mudiyanselage frá Srí Lanka
en lítið er vitað um getu hennar.
Vinni Ragna hana í fyrstu umferð
bíður líklega heimamaður frá Íran
í annarri umferð. Komist Ragna í
átta liða úrslit er von á mjög sterk-
um andstæðingi, annaðhvort
stúlku frá Malasíu eða Simone
Prutsch frá Austurríki sem er
númer 68 á heims listanum.
Alþjóða badmintonsambandið
(BWF) gaf út nýjan heimslista í
gær og þar er Ragna enn í 53.sæti
listans og í 19. sæti Evrópubúa.
Eftir mótið í Íran keppir hún á
Evrópumóti landsliða og svo á
mótum í Austurríki, Króatíu og
Portúgal. - óój
Iran Fajr 2008 badmintonmótið hefst á morgun í borginni Teheran:
Ragna kom til Írans í nótt
LANGT FERÐALAG Ragna Ingólfs-
dóttir er komin alla leið til Írans.
FRÉTTABLAÐIÐ/GVA
SENDU JA WHF Á NÚMERIÐ
1900 OG ÞÚ GÆTIR UNNIÐ!
Vinningar eru Bíómiðar fyrir tvo, tölvueikir, DVD myndir,
varningur tengdur myndinni og margt fleira!
SMS
LEIKUR
FRÁ GAURNUM SEM FÆRÐI ÞÉR
KNOCKED UP OG SUPERBAD
Vinningar verða afhendir hjá BT Smáralind. Kópavogi. Með því að taka þátt ertu kominn í SMS klúbb. 99 kr/skeytið.
FRUMSÝND 1. FEBRÚAR
FÓTBOLTI Fabio Capello valdi ekki
David Beckham í fyrsta landsliðs-
hóp sinn en England mætir Sviss í
vináttulandsleik 6. febrúar
næstkomandi.
Ítalski þjálfarinn segir þó að
Beckham eigi enn möguleika á að
spila sinn 100. landsleik en hann
muni skoða hann betur þegar
Beckham er farinn að spila með
LA Galaxy og kominn í leikæf-
ingu, þó svo að hinn 32 ára gamli
Beckham segist vera í eins góðri
æfingu og mögulegt er eftir að
hafa æft með Arsenal upp á
síðkastið.
Markvörðurinn Paul Robinson
er einnig úti í kuldanum en
Capello valdi hins vegar nýliðana
Gabriel Agbonlahor og Curtis
Davies frá Aston Villa og tók
Emile Heskey hjá Wigan aftur inn
í liðið. Markverðirnir að þessu
sinni eru þeir Chris Kirkland,
Scott Carson og David James.
Capello ákvað enn fremur að
leyfa Aaron Lennon, Theo
Walcott, Joe Hart og David
Wheater að spila frekar mikil-
vægan leik með U-21 árs liði
Englendinga en æfingaleik gegn
Sviss, en þeir kæmu vissulega til
greina síðar. - óój
Fyrsta landslið Capello:
Beckham úti
í kuldanum
TÍMINN HJÁ REAL Fabio Capello þjálfaði
David Beckham hjá Real Madrid í fyrra-
vetur. NORDICPHOTOS/GETTY
FÓTBOLTI Lið Þróttar í Lands-
bankadeild karla fær til sín tvo
Brasilíumenn til reynslu. Það
gæti því orðið brasilískur
sambabolti hjá Þrótti í sumar.
„Við fórum í heimsókn til
Danmerkur í haust og komust þar
í kynni við brasilískan umboðs-
menn og báðum þá að skoða
ákveðin mál fyrir okkur. Þeir
töldu sig vera búnir að finna
karaktera sem voru tilbúnir að
koma til Íslands,“ segir Gunnar
Oddson, þjálfari Þróttar, en
leikmennirnir sem um ræðir eru
25 ára sóknarmaður og 24 ára
örvfættur kant- eða miðjumaður.
„Þeir Brasilíumenn sem voru
að spila í Danmörku og komu í
gegnum þessa sömu umboðsmenn
voru mjög góðir og þess vegna
urðum við svona spenntir að hitta
þá og athuga hvort þeir gætu
skoðað eitthvað fyrir okkur.
Þegar mennirnir fást ekki hér þá
þarf að finna þá einhvers staðar
annars staðar. Við reyndum að
manna liðið með íslenskum
spilurum en það gekk ekki alveg,“
sagði Gunnar sem bíður spenntur
eftir komu Brassanna. „Þetta
verður örugglega gott krydd í
okkar hóp,“ sagði hann í léttum
tón að lokum. - óój
Brassar í reynslu hjá Þrótti:
Gott krydd
í okkar hóp
SPENNTUR Gunnar Oddsson, þjálfari
Þróttar, vonast til að nýju Brasilíumenn-
irnir styrki liðið. FRÉTTABLAÐIÐ/VILHELM