Fréttablaðið - 01.02.2008, Blaðsíða 68
32 1. febrúar 2008 FÖSTUDAGUR
tonlist@frettabladid.is
TÓNNINN GEFINN
Trausti Júlíusson
Sala á geisladiskum hefur dregist töluvert saman síðustu fimm ár eða
svo, en á sama tíma hefur sala á gömlu góðu svörtu 33 1/3 snúninga
vínyl-plötunum aukist jafnt og þétt. Nú er svo komið að það er orðið
mjög algengt að gefa nýjar plötur út á vínyl samhliða útgáfu á geisla-
disk og á mp3-skrám til niðurhals.
Þegar geisladiskurinn kom á almennan markað fyrir rúmlega 20
árum var sérstaklega talað um hvað hljómurinn á honum væri tær og
fullkominn, en í
dag eru flestir
þeirrar skoðunar
að geisladisknum
hafi ekki tekist
að ná þessum
hlýja og djúpa
hljóm sem
einkennir
vín ylinn.
Hljómgæði
geisladisksins
hafa reyndar
batnað mikið, en
í staðinn fyrir að
nýjungar eins og
Audio DVD og
SACD nái
fótfestu er það
gamli vínyllinn
sem heillar.
Menn eru jafnvel farnir að dásama snarkið og smárispurnar sem
einkenna mikið spilaðar vínylplötur.
Enn er sala á vínyl-plötum bara brot af heildarsölu á tónlist. Geisla-
diskurinn hefur enn yfirburði. Samkvæmt nýlegri grein í Time er
hlutur hans á bandaríska markaðnum tæp 90%, sala á MP3-skrám um
10% og sala á vínyl innan við eitt prósent. Í sömu grein er talað um að
þar sem vínyllinn seljist að stórum hluta í smáverslunum sem eru utan
við söluskráningarkerfi þá sé hlutur hans sennilega nokkuð stærri í
heildinni en þessar tölur gefa til kynna. Í Bretlandi er vínyllinn í
mikilli uppsveiflu. Ný stórverslun Rough Trade á Brick Lane í Austur-
London er t.d. að miklu leyti stíluð inn á vínyl-sölu og talsmenn Virgin
Megastore og HMV segja að nýjar plötur með ungum listamönnum
eins og Arctic Monkeys og The Raconteurs seljist betur hjá þeim á
vínyl heldur en á geisladiskum. Vínylútgáfa hér á landi er mjög lítil, en
eins og útgáfa á plötu Sprengjuhallarinnar Tímunum okkar á vínyl
sýnir þá eru menn farnir að prófa sig áfram.
Ástæðurnar fyrir endurkomu vínylsins eru nokkrar. Vondur hljómur
iPodsins er ein, en önnur er að vínylplatan þykir heillandi hlutur.
Umslögin eru stór þannig að myndirnar á þeim njóta sín og vínylplatan
sjálf er sveipuð fortíðarljóma.
Maður þarf greinilega að fara að taka gamla vínylsafnið upp úr
geymslukössunum og fjarlægja bókastaflana af plötuspilaranum...
Enn eitt kombakkið
KOMBAKK Það er opinbert. Svarta vínylplatan er komin aftur!
Kumpánarnir kátu í ofur-
stuðsveitinni Hot Chip eru
tilbúnir með sína þriðju
breiðskífu, Made in the
Dark. Steinþór Helgi Arn-
steinsson hlýddi á nýjustu
afurð Íslandsvinanna.
Hot Chip spilaði fyrst hérlendis á
Airwaves-hátíðinni árið 2004, þá
nær algjörlega óþekkt. Í dag eru
þessir tónleikar með þeim eftir-
minnilegustu í sögu hátíðarinnar
enda greip um sig Hot Chip-æði
meðal landans eftir tónleikana.
Fyrir utan Ísland þekktu hins vegar
fáir sveitina og ef spurt var um Hot
Chip í plötubúðum, til dæmis í Lond-
on, ráku flestir upp undrunarsvip.
Þetta var áður en Hot Chip skrifaði
undir samning við plöturisann
EMI.
Tilraunakenndari hjá risanum
Fyrsta platan undir merkjum EMI
(fyrsta plata Hot Chip, Coming on
Strong, var gefin út af Moshi Moshi
en seinna endurútgefin af DFA) var
The Warning sem naut gríðarlegra
vinsælda á árinu 2006, ekki síst
fyrir sakir ofurslagarans Over and
Over. Engum blöðum er um það að
fletta að The Warning var töluvert
poppaðri en fyrirrennari hennar.
Platan var þó jafnframt mun ágeng-
ari og jafnvel tilraunakenndari.
Allar ásakanir um að Hot Chip hefði
selt sálu sína djöflinum með því að
ganga til liðs við EMI áttu þess
vegna við engin rök að styðjast.
Meira lýðræði
Höfuðpaurar Hot Chip hafa frá
upphafi verið þeir Alexis Taylor (sá
litli) og Joe Goddard (sá þybbni
með krullurnar). Hafa þeir tveir
yfirleitt séð algjörlega sjálfir um að
semja lögin og ráðið því hvernig
lögin birtust á plasti. Á tónleikum
er lögunum hins vegar breytt mikið
því eins og kom fram í viðtali í
Fréttablaðinu í fyrra, rétt fyrir tón-
leika Hot Chip með Björk í Laugar-
dalshöllinni, þá vilja hinir þrír í
sveitinni koma fram sínum hug-
myndum á tónleikum. Á nýju skíf-
unni, Made in the Dark, fengu hins
vegar allir fimm meðlimir Hot Chip
að leggja eitthvað til málanna í upp-
tökuferlinu. Goddard og Taylor eru
samt sem áður enn aðallagahöfund-
arnir.
Vilja gera „Radiohead-plötu“
Í þessu fyrrnefnda Fréttablaðs-
viðtali kom einnig fram að Taylor
og Goddard voru akkúrat á þeirri
stundu staddir fyrir framan tölvuna
að semja lög fyrir nýja plötu. Átti
platan að líta dagsins ljós seint á
árinu (2007), samkvæmt Goddard.
Sú varð hins vegar ekki raunin en
þess í stað fáum við strax í febrúar
eina af plötum ársins 2008.
Hot Chip líkar ekkert sérstaklega
vel að vera stjórnað af plötufyrir-
tæki eins og kemur fram í nýjasta
hefti Uncut. Sögðust meðlimir
sveitarinnar helst vilja gera
„Radiohead-plötu“ þar sem þeir
þyrftu ekki að vera undir þrýstingi
frá einum eða neinum.
Robert Wyatt mikill aðdáandi
Við fyrstu hlustanir virðast Hot
Chip drengirnir enn og aftur hafa
snarað fram einstakri poppsnilld.
Lagasmíðarnar eru fjölbreyttari og
áhrif frá ýmsum tónlistarstefnum
eru töluvert meira áberandi en
áður. Andlegt kæruleysi er enn til
staðar í textasmíðunum og piltarnir
halda áfram að fjalla um ástina,
lífið og tilveruna á alvarlegan hátt
með kímnina að vopni. Ekki skrýtið
að gamla brýnið Robert Wyatt finn-
ist Hot Chip vera ein besta sveit
dagsins í dag og kalli tónlist þeirra
„folk-tónlist iðnvæðingarinnar“.
Popptónlist er besta formið
Þungarokkssveitin Celestine, sem
segist vera sú þyngsta á Íslandi,
gefur á næstunni út frumraunina
At The Borders of Arcadia. Sveit-
in var stofnuð árið 2006 og stóð
vinna við plötuna yfir í átta mán-
uði. Trommari Celestine, Ólafur
Arnalds, sem gaf út sína fyrstu
sólóplötu á síðasta ári, stjórnaði
upptökum á plötunni.
Að sögn gítarleikarans Josephs
C. Muscat er bjart framundan hjá
Celestine. Meðal annars kemur út
erlendis sjö tommu vínylplata
síðar á árinu í samstarfi við þýsku
sveitina Actress og ætlar Celest-
ine að spila í Danmörku og Þýska-
landi til að fylgja henni eftir.
„Þetta er bara byrjunin. Við stefn-
um mjög hátt eins og flestir en við
erum alla vega komnir á gott
skrið,“ segir Joseph.
At the Borders of Arcadia verð-
ur gefin út í Bandaríkjunum hjá
litlu plötufyrirtæki sem nefnist
Milkweed Records og hjá breska
fyrirtækinu Sound Devastation
Records. „Ef þú ætlar að fara í
þennan geira og stefna á einhvern
pening er eins gott að þú verðir
einn af þeim stærstu. Við stefnum
að því að verða stærri en svona
bönd hafa verið hérna heima,“
segir hann. Celestine stefnir á
útgáfutónleika hér heima áttunda
febrúar. - fb
Þyngstir á Íslandi
Ammæli Sykurmolanna er
eitt af ástsælustu rokklög-
um þjóðarinnar enda það
lag sem kom Sykurmolun-
um á kortið og opnaði gluf-
una sem íslenskar hljóm-
sveitir hafa troðið sér inn
um á alþjóðamarkað æ
síðan. Bandaríska framúr-
stefnu-rokksveitin Mars
Volta setti í vikunni sína
útgáfu af laginu á netið hjá
Amazon.com. Þetta er gert
í tengslum við nýja plötu
þeirra, The Bedlam In Goliath, en Ammæli
er þó ekki að finna á þeirri plötunni. Lagið
er mjög líkt frumútgáfunni með Sykurmol-
unum fyrir utan að það hefur fengið að
liggja um stund í sýrubaði Mars Volta.
„Mér finnst þetta assgoti flott hjá þeim,“
segir Einar Örn Bene-
diktsson, annar söngvari
Molanna. „Ég held að
þetta séu hressir strákar
og þetta er rosalega vel
gert hjá þeim.“
Þetta er ekki í fyrsta
skipti sem Ammæli
kemur út með öðrum.
„Það er til útgáfa með
japönsku söngkonunni
Hajime Chitose sem er
mjög sérstök og alveg
æðisleg,“ segir Einar.
Einnig má geta þess að hljómsveitin
Dimma sigraða Sykurmolaábreiðukeppni
Rásar 2 þegar Sykurmolarnir komu saman
aftur árið 2006. Einar Örn segir annað
Sykurmola-kombakk ekki vera fyrirhugað
– „allavega ekki í bráð“.
Mars Volta taka Ammæli
CELESTINE Hljómsveitin Celestine gefur
á næstunni út sína fyrstu plötu.
MYND/KALLI
ASSGOTI GÓÐIR Einar Örn er ánægður
með Mars Volta.
Hljómsveitin My Bloody Valent-
ine, færeyski tónlistarmaðurinn
Teitur, sænska sveitin At the
Gates og hin
bandaríska
Yeasayer hafa
allar boðað
komu sína á
Hróarskeldu-
hátíðina
næsta sumar.
My Bloody
Valentine er
að koma
saman eftir
langt hlé og
eru þetta því
góð tíðindi fyrir aðdáendur
sveitarinnar. Áður höfðu Radio-
head og The Chemical Brothers
tilkynnt um þátttöku sína á
hátíðinni, sem fer fram dagana 3.
til 6. júlí. Nánari upplýsingar má
finna á roskilde-festival.is.
Valentine á
Hróarskeldu
MY BLOODY VALENT-
INE Hljómsveitin My
Bloody Valentine
spilar á Hróarskeldu
í ár.
> Í SPILARANUM
Vampire Weekend - Vampire Weekend
The Whigs - Mission Control
SamAmidon - All is Well
Evangelicals - The Evening Descends
Nada Surf - Lucky
VAMPIRE WEEKEND NADA SURF
> Plata vikunnar
Ghostface Killah - The Big Doe
Rehab
★★★★
„Wu-Tang meðlimurinn Ghost-
face Killah fylgir eftir plötu-
tvennunni Fishscale og More
Fish með ágætis plötu sem
stenst þó ekki samanburð við
meistaraverkið Fishscale.“ TJ
Á FLUGI Drengirnir fimm í Hot Chip ætla að halda áfram að leggja undir sig
poppheiminn með sinni þriðju breiðskífu en hún nefnist Made in the Dark og er
væntanleg í plötubúðir í næstu viku.
„...fyrst á visir.is“
...ég sá það á visir.is