Fréttablaðið - 28.02.2008, Blaðsíða 80

52 28. febrúar 2008 FIMMTUDAGUR
sport@frettabladid.is
HANDBOLTI Hið unga lið Fylkis kom
flestum á óvart með því að komast
alla leið í bikarúrslitaleik kvenna
á dögunum en þar spilaði örugg-
lega stóra rullu að þjálfari liðsins,
Guðríður Guðjónsdóttir, veit það
manna best hvað það er að komast
í og fagna sigri í bikarúrslitaleik í
Höllinni.
„Það er ótrúlega gaman að líta
til baka og rifja þetta upp því þetta
eru stærstu leikirnir fyrir utan
Evrópuleiki og aðra stærri leiki.
Þetta er alltaf stærsti leikurinn á
vetrinum í handboltanum,“ segir
Guðríður sem hefur fengið að
kynnast því oftar en allir að spila
slíka leiki.
Guðríður hefur tekið þátt í fjór-
tán bikarúrslitaleikjum á sínum
ferli þar af tólf sinnum sem leik-
maður. Guðríður hefur aðeins
tapað tvisvar sinnum bikarúrslita-
leik, þeim fyrsta í vítakeppni árið
1976 (15 ára gömul) og svo árið
1996 þegar hún sleit krossband í
hné viku fyrir bikarúrslitaleik og
hennar stelpur töpuðu fyrir Stjörn-
unni í framlengingu.
Guðríður hefur reyndar lent í
því tvisvar að meiðast skömmu
fyrir bikarúrslitaleik því auk þess
að slíta krossbönd fyrir úrslita-
leikinn 1996 þá hafði hún slitið lið-
band í þumli árið á undan sem
kostaði hana úrslitaleikinn sem
Fram vann eftir tvíframlengdan
leik gegn Stjörnunni.
Hún hefur farið fimm sinnum
alla leið sem spilandi þjálfari og
varð síðast bikarmeistari fyrir níu
árum, þá á 38. aldursári, þegar
Fram vann 17-16 sigur á Haukum.
Guðríður var þá bara að æfa með
b-liðinu og í rauninni hætt en
vegna meiðsla leikmanna í meist-
araflokknum komu þær gömlu
aftur inn. Þær mættu á nokkrar
æfingar fyrir úrslitaleikinn og
hjálpuðu síðan til við að landa bik-
arnum í eitt skiptið til viðbótar.
„Síðasti titillinn var algjör rús-
ína. Við vorum bara eitthvað að
leika okkur í Old-girls en svo kall-
aði Gústaf þjálfari í okkur og
spurði hvort við gætum hjálpað
aðeins til. Þessi síðasti bikarúr-
slitaleikur var alveg ótrúlegur en
hann fór fram á sextugsafmælinu
hans pabba og liðið labbaði allt
upp í Framheimili með bikarinn
þar sem hann hélt upp á veisluna
og þetta var því alveg ótrúlegur
dagur,“ rifjar Guðríður upp.
Guðríður varð fjórum sinnm
bikarmeistari undir stjórn föður
síns, Guðjóns Jónssonar, frá 1978
til 1982 og að þessi sinni leikur
dóttir hennar undir hennar stjórn.
Guðríður á þrjú börn og hún
náði því að verða bikarmeistari
þegar hún var orðin ólétt af tveim-
ur þeirra. Guðríður var komin tólf
vikur á leið með Sigríði Hauks-
dóttur þegar hún var bikarmeist-
ari 1991 en sex árum fyrr var hún
komin 19 vikur á leið með soninn
Guðjón árið 1985.
„Þessi leikur þegar ég var komin
19 vikur á leið var mjög eftir-
minnilegur. Þá var þriggja vikna
pása eftir að Íslandsmótið klárað-
ist og ég bara tímdi eki að sleppa
þessum eina leik sem var eftir.
Gústaf Björnsson var að þjálfa
okkur og hann sagði mér bara að
klára þetta en ég spilaði reyndar
bara sókn í leiknum og það gekk
bara glimrandi og við unnum leik-
inn. Þá var farið að sjást vel á
manni en 1991 vissi þetta enginn
nema ég og þjálfarinn,“ segir Guð-
ríður en dóttir hennar Sigríður
spilar vinstra horn.
„Hún er nú ekki lík mömmu
sinni og er kannski ekki að spila
mikið en hún hefur þó verið að
koma inn á,“ segir Guðríður en
dóttir hennar er aðeins sextán ára
og hefur því nægan tíma.
Guðríður veit að Fylkisliðið er
ungt og reynslulítið en hún segir
það skipta mestu máli í leiknum að
stjórna spennustiginu og hún
ætlar að reyna að sjá til þess að
sínar stelpur kikni ekki í hnjánum
við að koma inn í Höllina. Það er
þó ljóst að Fylkisliðið hefur allt að
vinna en flestir búast við sigri
Stjörnunnar. ooj@frettabladid.is
Bikar-Gurrý mætir í Höllina á ný
Guðríður Guðjónsdóttir hefur orðið tólf sinnum bikarmeistari og á laugardaginn mætir hún með Fylki í
bikarúrslitaleikinn. Þetta er bikarúrslitaleikur ungu stelpnanna í Fylki, þar á meðal hjá Sigríði Hauksdótt-
ur, dóttur hennar, en Guðríður var kominn 12 vikur á leið með hana þegar hún varð bikarmeistari 1991.
13. FEBRÚAR 1999 Guðríður stjórnar sig-
ursöngnum í lokin á bikarúrslitaleiknum
1999. FRÉTTABLAÐIÐ/HILMAR ÞÓR
7. APRÍL 1991 Guðríður Guðjónsdóttir fagnar hér bikarmeistaratitlinum eftir 19-14
sigur á Stjörnunni í úrslitaleik. Guðríður er þarna komin tólf vikur á leið að dóttur
sinni Sigríði sem spilar einmitt undir hennar stjórn um helgina. FRÉTTABLAÐIÐ/GUNNAR
13. FEBRÚAR 1999 Guðríður Guðjónsdóttir var síðast bikarmeistari árið 1999 þá á 38.
aldursári. Hér eru hún með Sigríði dóttur sinni og bikarinn í leikslok. Sigríður spilar
nú með Fylki undir stjórn móður sinnar. FRÉTTABLAÐIÐ/HILMAR ÞÓR
BIKARÚRSLITALEIKIR
GUÐRÍÐAR Á FERLINUM:
Guðríður Guðjónsdóttir hefur skorað
67 mörk í þeim 12 bikarúrslitaleikjum
sem hún hefur spilað á ferlinum,
en það gera 5,6 mörk að meðaltali
í leik.
1976
Skoraði 1 mark í 15-17 tapi fyrir
Ármanni eftir vítakeppni.
1978
Skoraði 4 mörk í 13-11 sigri á FH.
1979
Skoraði 5 mörk í 11-8 sigri á KR.
1980
Skoraði 9 mörk í 20-11 sigri á Þór
Akureyri
1982
Skoraði 5 mörk í 19-9 sigri á ÍR.
1984
Skoraði 10 mörk í 25-20 sigri á ÍR.
1985
Skoraði 9 mörk í 21-14 sigri á Val.
1986
Skoraði 11 mörk í 23-18 sigri á
Stjörnunni.
1987
Skoraði 4 mörk í 14-13 sigri á FH.
1990
Skoraði 2 mörk í 16-15 sigri á Stjörn-
unni.
1991
Skoraði 6 mörk í 19-14 sigri á Stjörn-
unni.
1995
Lék ekki með vegna meiðsla en
stjórnaði Fram til 22-21 sigurs á
Stjörnuni eftir framlengingu.
1996
Lék ekki með vegna meiðsla en
stjórnaði Fram sem tapaði fyrir Stjörn-
unni eftir framlengingu.
1999
Skoraði 1 mark í 17-16 sigri á
Haukum.
2008
Stjórnar Fylki gegn Stjörnunni.
16. APRÍL 1986 Guðríður Guðjónsdóttir var óstöðvandi og skoraði 11 mörk í 23-18
sigri á Fram í bikarúrslitaleiknum 1986 sem fram fór í Seljaskóla.
FRÉTTABLAÐIÐ/BRYNJAR GAUTI
7. APRÍL 1991 Guðríður Guðjónsdóttir
tekur við bikarnum eftir að hafa skorað
6 mörk í sínum 11. bikarúrslitaleik.
FRÉTTABLAÐIÐ/GUNNAR
Reynsluboltinn Halldór Ingólfsson, 39 ára, hefur verið
mikilvægur hlekkur í toppliði Hauka í N1-deild karla
í vetur, en meiðsli hafa þó sett strik í reikninginn hjá
honum eftir að hann fékk högg á hnéð í desember síðast
liðnum. Halldór hefur leikið þrettán af átján leikjum Hauka í
N1-deildinni í vetur og hefur því þurft að hvíla nokkra leiki og
ekki getað æft á fullu þess á milli.
„Eftir að ég fékk höggið á hnéð þá hef ég bólgnað upp alltaf
þegar eitthvað álag er á hnénu og þurft að hvíla mig vel og ekkert
getað æft að ráði á milli til þess að geta spilað sem flesta leiki,“ sagði
Halldór sem er ánægður með gengi Haukaliðsins í vetur og telur
liðið vera á þeim slóðum sem búist var við í upphafi móts í herbúð-
um félagsins..
„Við erum vissulega í þægilegri stöðu eins og er með fjögurra
stiga forystu á toppnum þegar tíu leikir eru eftir en ég tel þó ekki
að liðið sé endilega að koma á óvart. Það hefur alltaf verið stefna
Hauka í gegnum tíðina að vera í toppbaráttunni og tímabilið í ár
var þar engin undantekning. Þrátt fyrir að liðið hafi átt frekar dapurt
tímabil í fyrra. Við vissum alveg að við værum með mannskap í að
vera í toppbaráttunni og það er góð blanda hjá okkur af ungum
og efnilegum leikmönnum sem eru að koma upp og eldri og
reyndari mönnum inn á milli og þess fyrir utan erum við með
góðan þjálfara í Aroni Kristjánssyni,“ sagði Halldór sem hyggst
leggja skóna á hilluna í lok þessa tímabils.
„Ég er ekki búinn að afskrifa þetta tímabil ennþá og von-
ast náttúrulega eftir því að geta hjálpað liðinu eitthvað á
lokasprettinum. Ef það gengur ekki upp þá hef ég engar
áhyggjur af því að það komi ekki bara maður í manns
stað, þar sem það er mikið af efnilegum og góðum
strákum að koma upp hjá Haukaliðinu í ár. Ég er svo
hins vegar búinn að ákveða að hætta endanlega
eftir tímabilið og það væri óskandi að enda ferilinn
á einum titli í lok móts,“ sagði Halldór sem útilokar
ekki að snúa sér að þjálfun þegar hann hættir sjálfur
að spila.
„Það er allt til í dæminu og ég mun skoða það sem
kemur upp í þeim málum þegar þar að kemur,“ sagði
Halldór að lokum.
HALLDÓR INGÓLFSSON: ER MEIDDUR Á HNÉ EN VONAST TIL ÞESS AÐ VERA MEÐ Á LOKASPRETTI N1-DEILDARINNAR
Óskandi að enda ferilinn með titli í lok móts
Úrslitaleikur í Egilshöll í kvöld
Fram og ÍR mætast í úrslitaleik Reykjavíkurmóts karla í
knattspyrnu í Egilshöll kl. 19.15 í kvöld. Landsbankadeild-
arlið Fram hefur tuttugu og fjórum sinnum unnið mótið
en 2. deildarlið ÍR er að leika til úrslita í fyrsta skiptið. ÍR
vann A-riðil mótsins eftir sigur gegn Fjölni í
lokaleik liðsins en niðurstaða riðilsins lá
þó ekki fyrir fyrr en í fyrradag þegar kæra
Valsmanna á hendur KR-ingum var látin
niður falla og úrslit leiks liðanna látin
standa óbreytt. Ef Valur hefði unnið kær-
una hefði liðið sigrað riðilinn. Fram
fór hins vegar með sigur af hólmi í
B-riðli mótsins.