Fréttablaðið - 28.02.2008, Blaðsíða 83
FIMMTUDAGUR 28. febrúar 2008 55
FÓTBOLTI Það hefur mikið gengið á í her-
búðum Chelsea síðustu daga og breskir
fjölmiðlar hafa farið mikinn í umfjöllun
sinni um félagið. Þar ber hæst gagnrýni á
liðsval knattspyrnustjórans Avram
Grant í úrslitaleik deildarbikarsins.
Chelsea tapaði 2-1 í framlengdum
úrslitaleik deildarbikarsins gegn
nágrönnum sínum í Tottenham um
síðustu helgi en sögusagnir í kjöl-
farið um vaxandi óánægju leik-
manna Chelsea-liðsins með aðferð-
ir Grant við tilkynningu á liðinu
fyrir leikinn hafa vakið athygli.
Grant mun hafa kosið að tilkynna byrjun-
arliðið aðeins rétt fyrir leik og þá kom í
ljós að stórstjörnurnar Michael Ballack
og Joe Cole voru ekki í byrjunarliðinu.
Breskir fjölmiðlar vilja meina að
umræddir leikmenn séu afar
ósáttir með vinnubrögð Grants
sem og reyndar sé vaxandi
óánægja meðal stuðningsmanna
félagsins með hans störf.
Grant virðist þó eiga hauk í
horni í fyrirliðanum John Terry
sem hefur varið knattspyrnu-
stjóra sinn í liðsvali hans. „Hann
heldur valinu út af fyrir sig fram í
lengstu lög og þannig hefur það
verið hjá honum til þessa. Leik-
mennirnir verða bara að sætta
sig við það og þetta heldur okkur
öllum á tánum,“ sagði Terry í viðtali við BBC
Sport. Terry lét hins vegar í ljós óánægju sína
með síðustu æfingu fyrir bikarúrslitaleikinn
og átti hörð orðaskipti við aðstoðarstjórann
Henk ten Cate og hefur hollenski þjálfarinn
staðfest að fúkyrðin hefðu flogið þeirra á milli
en að það væri nú gleymt og grafið. Breskir
fjölmiðlar vilja hins vegar meina að atvikið
undirstriki ólguna sem er í herbúðum félagsins
um þessar mundir. Til að bæta gráu ofan á
svart þá fjallaði Sky Sport um möguleg vand-
ræði Grant við að afla sér UEFA PRO þjálfun-
argráðunnar sem er nauðsynleg til þess að
hann stýri Chelsea áfram en hann er með und-
anþágu sem stendur.
Þrátt fyrir neikvæða umfjöllun í breskum
fjölmiðlum er Chelsea enn þá að keppa á þrem-
ur vígstöðvum, í ensku úrvalsdeildinni, enska
FA-bikarnum og Meistaradeild Evrópu. - óþ
Málefni Chelsea hafa verið í brennidepli hjá breskum fjölmiðlum eftir tapið gegn Tottenham um helgina:
Farið að hitna undir Grant hjá Chelsea?
UNDIR PRESSU Breskir fjöl-
miðlar vilja meina að starf
Avrams Grant hjá Chelsea
sé í hættu. NORDIC PHOTOS/GETTY
THE NEW ADVENTURES OF OLD CHRISTINE - kl. 20:15 MY NAME IS EARL - kl. 20:40 FLIGHT OF THE CONCHORDS - kl. 21:30
My name is Earl- í kvöld kl. 20:40
EINN BESTI
GAMANÞÁTTUR SÍÐARI ÁRA
FÓTBOLTI Brasilíski framherjinn
Carvalho De Oliveira Amauri
hefur heldur betur slegið í gegn
með Palermo í ítölsku Serie A-
deildinni í vetur og skorað
grimmt. Hann hefur hins vegar
til þessa ekki verið kallaður í
brasilíska landsliðið og hefur nú í
hyggju að sækja um ítalskt
vegabréf eftir að hafa dvalið á
Ítalíu í meira en fimm ár.
„Amauri fær að öllu óbreyttu
ítalskt vegabréf 30. apríl næst-
komandi og verður þá löglegur
með ítalska landsliðinu,“ sagði
Mariano Grimaldi, talsmaður
Amauri, í samtali við Kiss Kiss
útvarpsstöðina í gær.
Ítalska dagblaðið Corriere dello
Sport fer fögrum orðum um
Amauri en honum hefur oft verið
líkt við Didier Drogba, leikmann
Chelsea, á velli þar sem hann
þykir kraftmikill og skartar
reyndar einnig svipaðri greiðslu
og Fílabeinastrendingurinn.
Samkvæmt ítölskum fjölmiðl-
um í gær er talið afar líklegt að
Roberto Donadoni, þjáfari Ítalíu,
muni hafa samband við Amauri
hið fyrsta um möguleikann á að
leika fyrir Ítalíu, það er að segja
ef Dunga, þjálfari Brasilíu,
stekkur ekki til áður. - óþ
Amauri, Palermo:
Verður ítalskur
þegn í apríl
LÍKT VIÐ DROGBA Amauri hefur verið
borinn saman við Didier Drogba vegna
hæfileikanna og hárgreiðslunnar.
NORDIC PHOTOS/GETTY
FÓTBOLTI Gary Neville, 33 ára
varnarmaður Manchester United,
tók mikilvægt skref í baráttu
sinni við að komast aftur á fullt
skrið með Englandsmeisturunum
þegar hann lék í 60 mínútur í
varaliðsleik gegn Liverpool í
fyrrakvöld.
Hægri bakvörðurinn hefur
ekkert leikið með aðalliði United í
tæpt ár eftir að hafa meiðst á
kálfa og ökkla en hann hefur
nokkrum sinnum reynt að koma
aftur eftir meiðslin en þá hafa
lítilvæg meiðsli tekið sig upp og
hann þurft að bíða enn lengur.
Neville komst hins vegar
ómeiddur í gegnum þann
klukkutíma sem hann spilaði að
þessu sinni og það væri sannar-
lega byr í báða vængi fyrir
United á lokasprettinum að fá
Neville aftur í aðalliðið.
Liverpool vann leikinn 2-0 með
mörkum Xabi Alonso og Harry
Kewell en aðdáendur félagsins
geta einnig verið ánægðir með að
Daniel Agger lék með að nýju
eftir fimm mánaða fjarveru
vegna meiðsla og ætti að snúa
aftur í aðalliðið von bráðar. - óþ
Leikmenn á batavegi:
Styttist í Agger
og Neville
ENDURKOMA Gary Neville spilaði í 60
mínútur fyrir varalið United í fyrrakvöld.
NORDIC PHOTOS/GETTY