Fréttablaðið - 28.02.2008, Blaðsíða 42
28. FEBRÚAR 2008 FIMMTUDAGUR6 ● fréttablaðið ● vinnuvélar
Vélsmiðja Guðmundar í Hafn-
arfirði er rótgróið fyrirtæki
sem sérhæfir sig í gröfuskófl-
um, ripperum og hraðtengj-
um. Nú er þar einnig hafin
umboðssala hinna kínversku
SANY vinnuvéla.
„SANY er að ryðja sér til rúms í
Evrópu og við erum með þeim
fyrstu sem tökum þátt í því með
þeim,“ segir Aðalsteinn Guð-
mundsson en hann er framleiðslu-
stjóri Vélsmiðju Guðmundar.
Aðspurður um fyrirtækið segir
Aðalsteinn SANY vera stærsta
beltagröfuframleiðanda Kína, og
bjóði upp á 120 mismunandi vöru-
flokka til mannvirkjagerðar en
fyrirtækið hefur verið starfrækt
síðan 1989. SANY er nú þegar með
umboðsaðila í yfir 130 löndum. Þar
sem afhendingaröryggi skiptir
gríðarlegu máli fyrir kröfuharða
íbúa Norður-Evrópu, hefur vara-
hlutalager ásamt tækjalager verið
komið fyrir á heppilegasta stað til
flutnings frá Belgíu. Enn fremur
verður skamms að bíða uns sam-
setningarverksmiðja verður tekin
til starfa í Þýskalandi.
„Í grunninn eru þeir steypudælu-
framleiðandi og hafa framleitt dæl-
urnar lengst af öllum sínum tækj-
um. Þeir eru stærstir í heimi á því
sviði en eru ekki bara með belta-
vélar heldur einnig með veghefla
og gámalyftara, malbikunarvélar á
Kínamarkaði og fleira í þeim dúr,“
segir Aðalsteinn og bætir við að á
Íslandi einbeiti þeir sér mest að
beltavélum og vegheflum.
„Það er gríðarlegur áhugi fyrir
þessu hérna á Íslandi enda verðið
gott og tækin uppfylla ströngustu
gæðakröfur neytenda, með íhlut-
um frá fremstu framleiðendum í
heimi svo sem þýsku glussakerfi,
japönskum tjökkum og cummins
motor,“ segir Aðalsteinn og bætir
við að nú þegar séu þrjú tæki til
sýnis hjá Vélsmiðju Guðmundar
að Íshellu 10, tvær hjólavélar og
einn veghefill og er öllum velkom-
ið að koma og skoða.
- rss
SANY í fyrsta sinn á Íslandi
Sany-vinnuvélarnar eru kínverskar og eru að ryðja sér til rúms í Evrópu.
Aðalsteinn Guðmundsson hjá Vélsmiðju Guðmundar við Sany-vinnuvélar sem fyrirtækið er með umboð fyrir. FRÉTTABLAÐIÐ/STEFÁN
Vélar og þjónusta héldu um
dagana sýningu á lyfturum,
vinnuvélum og landbúnaðar-
tækjum. Þar var meðal annars
að sjá skemmtilegan saman-
burð á Hermann McCormick
traktor árgerð 1953 og nýinn-
fluttum og óseldum traktor af
sömu gerð.
„Litli traktorinn kom frá Star-
dal efst í Mosfellsdal, en eigand-
inn heitir Jón Hjartarson frá Eyri
í Kjós,“ segir Þorfinnur Júlíus-
son, starfsmaður Véla og þjón-
ustu. Þorfinnur hefur, að sögn
samstarfsfélaga, verið í traktora-
bransanum í hundrað ár.
„Litli traktorinn er varðveitt-
ur upp á söfnunarlegt gildi hans,“
segir Þorfinnur. „Hann er rúmlega
tíu hestöfl, en sá stóri er 280 hest-
öfl. Það þarf því 28 litla traktora
til að jafna hestaflatöluna. Stóri
McCormickinn er á 42 tommu
felgum að aftan og dekkin eru 71
sentimetra breið. Til samanburðar
er litli traktorinn á 24 tommum að
aftan og hjólin mjög mjó.“ Að sögn
Þorfinns er ‘53 árgerðin í topp-
lagi og meira að segja til sláttuvél
aftan á hana sem er heil og fín.
Þó að litli traktorinn virðist lít-
ill í samanburði við stóru vélina
var þetta hörkutól sem létti vinnu
fólks á bæjum mikið um miðja síð-
ustu öld. Hann var notaður við al-
menn bústörf, slátt og hvað sem
var. „Það var til svona traktor á
mínu heimili í Borgarfirði. Hann
var bandarískur að uppruna, en
allir traktorar sem fóru að berast
hingað til lands um 1920 komu frá
Bandaríkjunum,“ segir Þorfinn-
ur en þarf svo að slíta talinu, því
eitthvað mikilvægara en léttvægt
spjall við blaðamann bíður hans.
- nrg
Litli traktor
og stóri traktor
Þorfinnur situr keikur á litla traktor frá árinu 1953, á bak við hann stendur nýinn-
fluttur McCormick-traktor.
F
í
t
o
n
/
S
Í
A
N1 VERSLANIR
SÍMI 440 1200
WWW.N1.IS
Hjá N1 finnur þú landsins mesta úrval af bílavarahlutum frá
viðurkenndum framleiðendum. Í verslunum okkar um land
allt er fagfólk reiðubúið að veita þér alla þá aðstoð og ráðgjöf
sem þú þarfnast. N1 – Meira í leiðinni.