Fréttablaðið - 22.03.2008, Síða 68

22. mars 2008 LAUGARDAGUR
menning@frettabladid.is
Kl. 16
Býsna athyglisvert erindi verður flutt
í Sögusetrinu á Hvolsvelli í dag kl. 16
sem óhætt er að benda öllu áhuga-
fólki um sögu og bókmenntir á. Þar
fjallar Bjarni E. Sigurðsson um
Hallgerði langbrók, eina helstu
kvenhetju Njálu, á breiðum grund-
velli. Meðal annars mun Bjarni ræða
um ástir og afbrýði í lífi Hallgerðar.
Allir eru velkomnir.
> Ekki missa af …
þættinum Brot af íslenskri
menningarsögu: Ólympíu-
leikar myndlistarinnar sem
er á dagskrá Rásar 1 í dag
kl. 15.20. Í þættinum fjallar
Halldóra Ingimarsdóttir
um þátttöku Íslendinga í
myndlistarhátíðinni Fen-
eyjatvíæringnum. Eins og
kunnugt er hafa íslenskir
listamenn vakið mikla
lukku á hátíðinni, en næsti
fulltrúi okkar verður Ragn-
ar Kjartansson sem tekur
þátt árið 2009.
Guðný Guðmundsdóttir, konsertmeistari
Sinfóníuhljómsveitar Íslands, stendur á
þeim tímamótum að verða sextug á árinu.
Af því tilefni heldur hún glæsilega tónleika
í Salnum á fimmtudagskvöld kl. 20.
Guðný er einn af okkar fremstu tónlistarmönnum og á
að baki glæsilegan feril sem fiðluleikari og konsert-
meistari. Að auki er Guðný afar farsæll kennari og
hefur sinnt tónlistarlegu uppeldi margra af helstu fiðlu-
leikurum þjóðarinnar.
„Það er viðeigandi þegar ég er við það að komast á
sjöunda tuginn að sýna fólki að ég er ekki dauð úr öllum
æðum,“ segir Guðný og hlær. „Því er tilvalið að slá upp
glanstónleikum þar sem ég kem fram bæði ein og með
frábærum tónlistarmönnum sem sumir eru fyrrver-
andi eða núverandi nemendur mínir.“
Á efnisskrá tónleikanna er margt um dýrðir. „Ég hef
hóað saman landsliði fiðluleikara, þeim Sigrúnu
Eðvaldsdóttur, Auði Hafsteinsdóttur og Sif Tulinius, og
við leikum saman konsert fyrir fjórar fiðlur eftir
Vivaldi. Þessi konsert var upphaflega saminn fyrir fiðl-
unema, en það er gaman að heyra reynda tónlistarmenn
spreyta sig á honum. Ég frumflyt jafnframt nýtt verk
eftir Karólínu Eiríksdóttur sem nefnist Eintal. Verkið
er svo nýtt að blekið er líklega að þorna á síðunum í
þessum töluðum orðum. Ég þarf því að læra það í snatri
svo ég geti komið því til skila á fimmtudag,“ segir
Guðný. Á efnisskránni eru jafnframt verk eftir Bartók,
Dvorák, Rachmaninov og fræg sónata eftir Cesar
Frank. Enn eru ónefndir margir góðir gestir sem koma
fram á tónleikunum, en þeirra á meðal eru píanóleikar-
inn Shoshana Rudiakov og sellóleikarinn Gunnar Kvar-
an, en hann er eiginmaður Guðnýjar.
Fólk vill gjarnan nota tímamót til þess að líta um öxl,
en Guðný er ekki í þeim hópi. „Ég er ekki mikið fyrir að
velta mér upp úr því sem er liðið. Ferill minn hefur þó
veitt mér tækifæri til að sjá marga af færustu tónlistar-
mönnum heims koma fram og eru þeir tónleikar mér
afar minnisstæðir.“
Miðaverð á tónleikana er 2.000 kr., en eldri borgarar,
öryrkjar og námsmenn fá miðann á 1.600 kr. Miða má
nálgast í miðasölu Salarins.
vigdis@frettabladid.is
Tímamótatónleikar Guðnýjar
GUÐNÝ GUÐMUNDSDÓTTIR Fagnar tímamótum með glæsileg-
um tónleikum í Salnum á fimmtudag.