Fréttablaðið - 08.04.2008, Blaðsíða 24

8. APRÍL 2008 ÞRIÐJUDAGUR4 ● fréttablaðið ● byggingariðnaður
Valdemar Johnsen hjá Verði tryggingum
hf. segir að almennt viðhald húseigna sé
vænlegasta leiðin til að lágmarka tjóna-
áhættu. Skyldur eru lagðar á húseigendur
að gæta þess að lögnum og niðurföllum sé
þokkalega vel við haldið. Ef vatnslagnakerfi
innanhúss gefa sig skyndilega og óvænt eru
tryggingafélögin bótaskyld.
Valdemar Johnsen, forstöðumaður vátrygginga-
sviðs hjá Verði tryggingum hf., bendir á að í
skilmálum húseigandatryggingar sé sú skylda
lögð á húseiganda að halda húseign sinni þannig
við að hún haldi vatni. Væri þetta ekki regla í
vátryggingaskilmálum húseigandatryggingar
þýddi það að tryggingafélögin í landinu bæru í
raun ábyrgð á viðhaldi húsa að hans sögn.
„Utanaðkomandi leki inn í hús er ekki bóta-
skyldur en á því er þó yfirleitt ein þröng undan-
tekning. Ef gerir skyndilegt og óvænt úrhelli
eða asahláku og frárennslislagnir íbúðahverfis
stíflast með þeim afleiðingum að yfirborðsvatn
lekur inn í hús, þá er slíkt hugsanlega bóta-
skylt. Þetta á þó ekki við ef stakt hús lendir í
þessu, heldur er verið að ná til flóða í heilum
hverfum þar sem enginn ræður neitt við neitt.“
Að sögn Valdemars á húsnæði á Íslandi að
vera þannig gert að það haldi vatni og vindum.
Íslenskir vátryggingarskilmálar taki þannig
mið af íslenskum aðstæðum.
„Á Norðurlöndunum eru skilmálar sambæri-
legir og í þeim eru ákvæði er taka mið af að-
stæðum þar. Þar hafa menn áhyggjur af jarð-
vegssigi undir húsum. Þekkt er að undirstöður
húsa gefi sig vegna veiks jarðvegs undir þeim.
Þarlendar vátryggingar eru oft bótaskyldar
fyrir þessu. Fok á trjám er annað vandamál á
Norðurlöndum þar sem þau falla iðulega á hús
og valda skemmdum. Hér á landi taka húseig-
andatryggingar til slíks tjóns ef vindhraði nær
að minnsta kosti 28,5 metrum á sekúndu.“
Valdemar segir húseigandatryggingar ekki
bæta tjón vegna utanaðkomandi vatns eða
vatns frá þakrennum eða frárennslisleiðslum.
„Orðalag skilmála húseigandatrygginga á
Íslandi er eilítið mismunandi en allar eiga þær
sameiginlegt að taka til tjóns vegna þess að
vatn streymir skyndilega og óvænt úr lagna-
kerfi hússins, til dæmis vegna þess að vatns-
rör í vegg gefur sig eða að tengi við uppþvotta-
vél bilar. Þá er einnig almennt bótaskylt í hús-
eigandatryggingu ef innanhúss leiðslukerfi
frostspringur vegna þess að hitakerfi hefur
bilað óvænt og skyndilega enda hafi verið eðli-
lega frá hlutum gengið, til dæmis í sumar-
húsum.“
Ef vatnstjón verður er mikilvægt að reyna
að koma strax í veg fyrir áframhaldandi vatns-
rennsli að sögn Valdemars. „Fólki er einnig
bent á að hafa samband við tryggingar félagið
sitt og fá aðstoð við það að koma í veg fyrir
frekara tjón.“
Valdemar hnykkir á því í lokin að vatnstjón
sé bætt þegar um er að ræða vatn sem skyndi-
lega og óvænt lekur úr lögnum hússins og á
upptök sín innan útveggja. - vg
Lagnir og niðurföll eru
á ábyrgð húseigenda
Valdemar Johnsen hjá Verði tryggingum hf. segir að íslenskir vátryggingarskilmálar taki mið
af íslenskum aðstæðum. Húsnæði á Íslandi eigi að halda vatni og vindum. FRÉTTABLAÐIÐ/ANTON
Byggingarvöruverslunin Mónuhúsið hýsti áður sælgætisverk-
smiðjuna Mónu. Í dag er þar byggingarvöruverslun sem var
opnuð fyrir tæpum tveimur mánuðum. „Við leggjum mikla
áherslu á persónulega og fagmannlega þjónustu,“ segir Stein-
grímur Ármannsson, sem á og rekur verslunina ásamt konu sinni,
Ástu S. Loftsdóttur, og foreldrum, þeim Ármanni Hallbertssyni
og Guðrúnu Steingrímsdóttur.
Fyrirrennari Mónubúðar var járnabindingafyrirtæki sem seldi
meðal annars fjarlægðarplast. „Helstu viðskiptavinir eru bygg-
ingaverktakar en að sjálfsögðu eru allir hjartanlega velkomnir í
Mónuhúsið,“ segir Steingrímur. Hann segist óhræddur við sam-
keppni við stærri verslanir. „Okkar áherslur eru aðrar. Þar má
nefna þýska verkfæralínu frá BIT sem hefur ekki fengist hér-
lendis. Sérstaðan þar er þriggja ára ábyrgð og fólk fær lánað
verkfæri ef eitthvað bregst, á meðan beðið er eftir viðgerð eða
nýjum. Síðan vil ég líka nefna tvenns konar efni sem eru ný. Kítti
sem meðfram gluggum fer beint á vota fleti. Einnig einangrunar-
efni sem kemur í veg fyrir útleiðslu í klóm, tenglum og á raf-
magnssnertiflötum,“ segir Steingrímur.
Vöruúrvalið er mikið og á eftir að aukast. Þar nefnir Stein-
grímur auk BIT-línunnar Rude-járnabakka og Spritzplast-fjar-
lægðarklossa fyrir járnabindingu. Einnig nefnir hann flúrlampa
og perur frá hafnfirska fyrirtækinu Flúrlömpum. Annars er í
versluninni að finna allt frá málböndum og hnífum upp í vönduð
rafhlöðuverkfæri, skrúfvélar, höggborvélar, hjólsagir og járna-
bindingatæki. Verslunin er opin alla virka daga frá kl. 8-18.
Mónuhúsið er við Stakkahraun 1, sími 544-2020. - rh
Fagmannleg þjónusta
Sælgætið er löngu flutt úr Mónuhúsinu. Nú er hins vegar boðið upp á bolta,
hjólsagir og önnur verkfæri sem borgar sig síður að bryðja.
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is