Fréttablaðið - 08.04.2008, Blaðsíða 46

30 8. apríl 2008 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. gleðimerki 6. org 8. styrkur 9.
prjónavarningur 11. voði 12. barn 14.
gleði 16. tveir eins 17. knæpa 18.
tímabils 20. gangþófi 21. dó.
LÓÐRÉTT
1. lýð 3. guð 4. stormur 5. slagbrand-
ur 7. ávaxtatré 10. persónufornafn 13.
rúmábreiða 15. andi 16. blekking 19.
vörumerki.
LAUSN
VEISTU SVARIÐ?
Svör við spurningum á síðu 8.
1 Robert Mugabe.
2 Pétur Þór Gunnarsson.
3 ÍR.
LÁRÉTT: 2. bros, 6. óp, 8. afl, 9. les,
11. vá, 12. kríli, 14. unaðs, 16. tt, 17.
krá, 18. árs, 20. il, 21. lést.
LÓÐRÉTT: 1. fólk, 3. ra, 4. ofviðri, 5.
slá, 7. perutré, 10. sín, 13. lak, 15.
sála, 16. tál, 19. ss.
„Það er Austur-Indíafélagið, það
er ekki hægt að finna betri stað.
Það er frábært að sitja þar og
maturinn er upp á tíu.“
Sigríður Beinteinsdóttir söngkona.
„Nei, nei, þetta er nú kannski ekki eitthvað
sem maður lendir í daglega. En það kemur
ýmislegt upp á. Og menn við öllu búnir,“
segir Þorsteinn V. Snædal, bóndi á Skjöld-
ólfsstöðum á Jökuldal.
Hann lenti í sérkennilegu atviki um
helgina þegar poppstjarnan Magni kom
óvænt brunandi í hlað og var í vanda. Hvítt
var yfir öllu, blíðviðri og glampandi sól
þannig að Magni var orðinn blindur.
Magni segir svo frá að hann hafi verið að
koma frá Egilsstöðum á leið norður til
Akureyrar. Og lent í þvílíkri blindu. Hann
ræddi við bróður sinn á Egilsstöðum sem
ráðlagði honum bara að banka upp á á
næsta bæ. Magni þekkti engan þarna, kunni
varla við að banka upp á hjá bláókunnugu
fólki og sníkja sólgleraugu. En sér ekki eftir
því.
„Alveg yndislegt fólk. Þorsteinn fór út í
næsta bíl, dró þar fram skúffu og bauð mér
úrval gleraugna. Með mismunandi birtu-
stigi. Ég valdi mér lítil gleraugu með
kvensniði. Þau voru dekkst. Veit ekki alveg
hvernig þau lúkkuðu en virkuðu vel í
sólinni,“ segir Magni sem er ánægður með
bændur á Dal. Lofaði vitanlega að skila
gleraugunum aftur og ætlar sér að standa
við það.
Þorsteinn bóndi lét sér hins vegar hvergi
bregða, öllu vanur og segir þetta ekki það
furðulegasta sem hann hafi lent í. Öðru nær.
Hann kannaðist við Magna og þótti magnað
að hann væri sólgleraugnalaus. Væri
einmitt sú týpan sem væri með sólgleraugu
ofarlega í forgangsröðinni þegar farið væri
úr húsi.
- jbg
Magni fær sólgleraugu á næsta bóndabæ
Inntökupróf í leiklistarskólann Rose Bruford
College í London fóru fram hér á landi um
helgina. Eyrún Jónsdóttir, sem sjálf lærði við
Rose Bruford og kom að skipulagningu
prufanna hér á landi, segir marga hafa skráð
sig til leiks. „Þetta gekk rosalega vel og það
var mikið af góðu fólki sem kom,“ segir
Eyrún, en fjörutíu höfðu skráð sig í prufur
fyrir helgina.
Rose Bruford er virtur leiklistarskóli í Bret-
landi en meðal fyrri nemenda þaðan er
stórleikarinn Gary Oldman. Þó nokkrir
Íslendingar hafa numið við eða eru við nám í
Rose Bruford-skólanum. Þeirra á meðal eru til
dæmis Sigurður Hrannar Hjaltason, sem nú
leikur við Þjóðleikhúsið, og Jón Ingi Hákonar-
son. Nokkrir Íslendingar eru nú í námi við
skólann, enda hafa prufur á hans vegum verið
haldnar hér undanfarin ár. „Þessi skóli leggur
sérstaka áherslu á að vera með alþjóðlega
nemendur svo það er stór hluti af nemendum
sem kemur að utan,“ útskýrir Eyrún. „Það er
samt mjög mismunandi hvað þeir taka marga
inn héðan og fer eftir því hversu marga þeir
sjá sem henta hinum mismunandi deildum,“
bætir hún við.
Íslendingarnir sem spreyttu sig um helgina
geta átt von á því að fá svar á næstu vikum.
„Það eru prufur í mörgum löndum á sama
tíma og nú þarf að fara yfir þetta allt og setja
saman hópinn svo að það sé líka jafnvægi á
milli landa,“ útskýrir Eyrún.
- sun
40 Íslendingar í prufum fyrir breskan skóla
ÁHERSLA Á ALÞJÓÐLEGA NEMENDUR Eyrún Jónsdóttir,
sem sjálf lærði við Rose Bruford College, segir skólann
leggja sérstaka áherslu á að hafa alþjóðlegan nem-
endahóp, en hann hefur haldið áheyrnarprufur hér á
landi síðustu ár.
FRÉTTABLAÐIÐ/VALLI
MAGNI Blindum var honum tekið með kostum og kynj-
um á Jökuldal og boðið að velja úr úrvali gleraugna.
„Meginmálið er að safna saman í
einn hóp þeim sem eiga þennan
merkilega bíl eða eintak af honum,
jafnt ung sem gömul eintök,“
segir Ólafur Gunnarsson rithöf-
undur en hann er einhver helstur
áhugamaður um Kadilakk-bíla á
Íslandi.
Ólafur er nú, ásamt félögum
sínum í hinum íslenska Kadilakk-
klúbbi, að undirbúa mikið Kad-
ilakk-mót sem haldið verður um
miðjan maímánuð á Hótel Hvítá.
„Hinum megin við ána stendur
sjálfur Skálholtsstaður. Þetta er
mót til að koma klúbbnum almenni-
lega í gang og fá sem flesta til að
mæta í kaffi og pönnukökur. Ég
flyt einhverja tölu og reyni að
setja menn inn í málin. Svo verður
kosið í stjórn,“ segir Ólafur.
Klúbburinn var stofnaður árið
14. desember árið 2005 þegar í
undirbúningi var fræg för sem
farin var til Ameríku og ekið á
Kadilakk stranda á milli. Um þá
ferð skrifuðu Ólafur og Einar
Kárason í sameiningu bókina Úti
að aka. „Ég taldi það góða hug-
mynd að ganga í stærsta og eina
Kadilakkklúbb heimsins sem
mark er takandi á: The Cadillac la
Salle Club, sá klúbbur er um hálfr-
ar aldar gamall með deildir um
allan heim. Þar á meðal The Ice-
landic Chapter. Með því gátum við
fengið ýmsa hjálp á okkar ferð.
Og reyndar allir meðlimir lendi
þeir í vandræðum.“
Ólafur ætlar að á Íslandi séu
um 60 til 70 bílar af Kadilakkgerð.
En þó gæti það verið miklu meira
og vert væri að kanna það nánar
hjá Umferðarstofu. Og sitthvað er
kadilakk og kadilakk.
„Sjálfur er ég ekki spenntur
fyrir bílum sem eru mikið yngri
en frá 1970. Þá var byrjað að
minnka bílana en þá var yfirvof-
andi bensínkreppa í heiminum.
Og menn tóku að minnka vélarnar
í þeim. Stóru rokkarnir sem settir
voru í þessa bíla fyrir 1970 voru
400 hestafla vélar,“ segir Ólafur.
Hann nefnir sem dæmi að faðir
hans átti 1930 módel af Kadilakk
sem var með V16 vél og tók aðeins
tvo farþega. „Hræið af slíkum bíl
kostar kannski svona milljón ef
hægt er að finna það einhvers
staðar. Hann var enn til 1965 en
var þá urðaður einhvers staðar.
Væri gaman að taka sig til og
moka hann upp,“ segir Ólafur sem
hlakkar til að hitta þá sem deila
þessu áhugamáli með sér. Og þá
ekki síður að skoða alla eðalvagn-
ana sem væntanlegir eru.
jakob@frettabladid.is
ÓLAFUR GUNNARSSON: LANGÞRÁÐ KADILAKK-MÓT VERÐUR AÐ VERULEIKA
Kadilakk-karlar lítt fyrir
nýja og sparneytna bíla
ÓLAFUR GUNNARSSON Boðar til mikils
Kadilakk-móts á Suðurlandi í sumar
en rithöfundurinn snjalli er einn helsti
áhugamaður um þá ágætu bílategund á
Íslandi og þótt víðar væri leitað. FR
ÉT
TA
B
LA
Ð
IÐ
/G
VA
Blaðakonan Brynja Björk
Garðarsdóttir á Nýju lífi á von á
erfingja innan tíðar. Þetta verður
fyrsta barn Brynju og unnusta
hennar, leikstjórans
Guðjóns Jóns-
sonar. Brynja
sagði í samtali
við Frétta-
blaðið að
meðgang-
an væri
næstum
því hálfnuð
og mikil
hamingja
og spenna
væri á heimili
þeirra.
Norðanmönnum var haldið á
spariskónum um helgina en
hljómsveitirnar Dr. Spock,
Benny Crespo´s Gang
og Sign tróðu upp á
Græna hattinum meðan
Merzedes Club ásamt
plötusnúðnum
Sammy spiluðu á
Sjallanum. Einhver
samgangur virðist
hafa verið milli staða
því aðdáendur Óttars
Proppé ráku upp stór
augu þegar Dr. Spock
taldi í smellinn Hóhó-
hó, we say heyheyhey
og á sviðinu birtist við mikinn
fögnuð sjálfur Cerez 4, forsöngvari
Merzedes Club.
Þórhallur Gunnarsson, dagskrár-
stjóri á RÚV, hefur margt á sinni
könnu eins og alkunna er. Eða í
það minnsta rekja þeir Spaugstofu-
menn þá töf sem orðið hefur á að
gengið sé frá samningum við þá
um vikulega þætti á
næsta sjónvarpsári
til þess. Spaugstofu-
menn semja til
eins árs í senn
og oftast hefur
verið gengið
frá áframhaldi
miklu fyrr á
árinu en nú er.
- hdm/jbg
FRÉTTIR AF FÓLKI