Fréttablaðið - 08.04.2008, Blaðsíða 42
26 8. apríl 2008 ÞRIÐJUDAGUR
sport@frettabladid.is
Kristján Andrésson hefur vakið mikla athygli í Svíþjóð fyrir frábæran
árangur sem þjálfari GUIF í sænsku úrvalsdeildinni í handbolta. Liðið
komst óvænt inn í úrslitakeppnina í Svíþjóð og þvingaði meistaralið
Hammarby í oddaleik sem tapaðist naumlega síðastliðinn sunnudag.
Kristján, sem er aðeins 27 ára og er yngsti þjálfarinn í deildinni, var
fyrir vikið á dögunum útnefndur þjálfari ársins í Svíþjóð en hann var
enn að jafna sig eftir leikinn á sunnudag þegar Fréttablaðið náði tali
af honum.
„Þetta keppnistímabil hjá GUIF er búið að vera ævintýri líkast en
ævintýrin verða víst að enda einhvern tímann. Ég get ekki neitað því
að ég er enn svolítið svekktur að við höfum dottið úr keppni eftir að
hafa verið svona nálægt því að slá út meistarana. Leikurinn á sunnu-
dag var úrslitaleikur um hvort liðið kæmist áfram eftir að hvort lið um
sig var búið að vinna tvo leiki í einvíginu. Hammarby leiddi leikinn
17-11 í hálfleik en við komum til baka og náðum að komast yfir en
við náðum ekki að halda leikinn út og svo fór sem fór,“ sagði Kristján,
sem hrósar strákunum í GUIF engu að síður í hástert fyrir framgöngu
sína á keppnistímabilinu og telur að liðið geti gert enn betur á næstu
leiktíð.
„Okkur var spáð fallbaráttu fyrir tímabilið, þar sem við misstum
nokkra lykilmenn og ákváðum að keyra þetta mestmegnis á ungum
og efnilegum leikmönnum, en strákarnir skiluðu sínu og rúmlega
það. Þeir eru líkt og ég alltaf að læra
meira og meira,“ sagði Kristján,
sem er með samning við GUIF til
ársins 2010 og er afar spenntur
fyrir framtíð félagsins.
„Strákarnir eru nú búnir að sjá
hverju það skilar að æfa vel og
það var almenn samstaða um
það á æfingu eftir tapleikinn á
sunnudag að leggja enn meira
á sig fyrir næsta tímabil og við
stefnum á að gera betur þá,“ sagði
Kristján bjartsýnn en Íslendingar
eiga annan fulltrúa hjá GUIF þar
sem Haukur, tvítugur bróðir
Kristjáns, leikur með liðinu.
KRISTJÁN ANDRÉSSON, ÞJÁLFARI GUIF: HEFUR NÁÐ EFTIRTEKTARVERÐUM ÁRANGRI Í SÆNSKA HANDBOLTANUM
Tímabilið hjá GUIF er búið að vera ævintýri líkast
FÓTBOLTI Liverpool og Arsenal mæt-
ast í þriðja sinn á sjö dögum í
kvöld, en fyrri tveir leikir liðanna
hafa endað með 1-1 jafntefli.
Liverpool stendur betur að vígi
eftir fyrri leik liðanna í Meistara-
deildinni sem fram fór á Emirates-
leikvanginum og William Gallas,
fyrirliði Arsenal, viðurkennir að
Arsenal eigi erfitt verkefni fyrir
höndum, en ekki ómögulegt.
„Liverpool spilar öðruvísi í
Meistaradeildinni. Þar er liðið
þéttara og gefur ekki mörg færi á
sér. Við þurfum því að vera
þolinmóðir og bíða eftir rétta
tækifærinu til þess að sækja og
sækja þá af fullum krafti. Það er
líka afar mikilvægt að gefast ekki
upp þrátt fyrir að við fáum á okkur
mark,“ sagði Gallas í viðtali á
heimasíðu UEFA. - óþ
Liverpool og Arsenal mætast:
Lokaorrusta sjö
daga stríðsins
ALLT UNDIR Liverpool og Arsenal mæt-
ast í þriðja skiptið á sjö dögum í kvöld.
NORDIC PHOTOS/GETTY
FÓTBOLTI Chelsea yfirgaf Istanbúl
með 2-1 tap á bakinu í síðustu
viku en útivallarmark Chelsea
gæti reynst drjúgt. Michael
Ballack, leikmaður Chelsea, er
því hvergi banginn fyrir leikinn.
„Við vorum ósáttir með að tapa
fyrri leiknum en náðum að skora
gott mark og það gefur okkur
góða möguleika,“ sagði Ballack í
viðtali á heimasíðu UEFA.
Deivid, leikmaður Fenerbahce,
var allt í öllu í fyrri viðureign
liðanna en hann skoraði fyrst
sjálfsmark og tryggði svo
Fenerbahce sigur með þrumu-
fleyg. Brasilíumaðurinn knái
vandar Chelsea ekki kveðjurnar
fyrir leikinn í kvöld.
„Nöfn og peningar vinna ekki
leiki. Þú verður að fara út á
völlinn og hafa fyrir hlutunum.
Við spilum upp á líf og dauða og
liðið sem verður hungraðra fer
áfram í undanúrslitin, svo einfalt
er það,“ sagði Deivid í viðtali við
enska dagblaðið The Sun. - óþ
Chelsea mætir Fenerbahce:
Peningar vinna
ekki leiki
FAST SKOTIÐ Deivid er skotfastur innan
vallar sem utan og vandar Chelsea ekki
kveðjurnar. NORDIC PHOTOS/GETTY
SUND Sundkonan Erla Dögg Har-
aldsdóttir úr ÍRB átti einstaka
helgi á Íslandsmeistaramótinu í
sundi í Laugardalslauginni. Erla
Dögg vann til sex gullverðlauna,
þar af fimm í einstaklingssund-
um, setti fjögur Íslandsmet og
synti sig inn á Ólympíuleika í
tveimur greinum.
Erla Dögg hóf mótið á föstu-
deginum með því að slá rúmlega
sextán ára gamalt Íslandsmet
Ragnheiðar Runólfsdóttur í 100
metra bringusundi. „Ég sagði við
hana þegar hún var búin að ná
lágmarkinu: þetta var kannski
þess virði að ég plataði þig yfir í
sundið þegar þú varst tíu ára,“
sagði þjálfari hennar, Steindór
Gunnarsson, en Erla Dögg byrj-
aði í fimleikum.
Steindór hefði þó aldrei getað
spáð helginni sem Erla Dögg átti
í vændum. „Þetta er bara ótrú-
legt. Hún kom tvíefld til leiks
daginn eftir og byrjaði á því að
setja met í 50 metra bringusundi.
Þegar við fengum að sjá hver
ólympíulágmörkin yrðu lögðum
við strax ríkari áherslu á fjór-
sundið. Það var seinna sundið
hennar á laugar deginum og við
vorum búin að undirbúa okkur
vel fyrir það. Svo hugsaði maður
eftir að hún var búin að ná ólymp-
íulágmarkinu í 100 bringu hvort
það yrði ekki bara spennufall.
Það varð bara jákvætt spennufall
og losaði um hömlur,“ segir Stein-
dór en Erla Dögg bætti sig um
hátt í þrjár sekúndur.
„Við vorum búin að leggja
mikla rækt við baksundið, sem er
hennar akkilesarhæll í fjórsund-
inu. Þegar við sáum að það var
ekki alveg að virka settum við
meira púður í hennar sterkustu
greinar, sem eru flugsundið og
bringusundið. Svo small þetta
allt saman á laugardaginn, bak-
sundið var ljómandi gott, flug-
sundið frábært og bringusundið
aldrei betra. Þetta gat ekki verið
betra enda fór hún sekúndu hrað-
ar en Ólympíulágmarkið,“ segir
Steindór en ekki var allt búið
enn.
„Á sunnudeginum hugsaði
maður um hvort hún væri ekki
orðin södd. Hana langaði greini-
lega í meira,“ sagði Steindór en
Erla bætti þá fjórða Íslandsmetið
sitt, nú í 200 metra flugsundi.
„Hún er núna örugg inn á leik-
ana og nú er bara að stefna á það
að ná betri árangri þar. Hún er í
gríðarlega góðu jafnvægi, er
líkam lega mjög vel undirbúin og
búin að vinna vel í sálfræðilegum
þáttum. Hún hefur lært af undan-
förnum árum,“ segir Steindór.
- óój
Steindór Gunnarsson, þjálfari Erlu Daggar Haraldsdóttur, er í skýjunum með Íslandsmeistaramótið:
Plataði hana tíu ára gamla yfir í sundið
RISASTÓR ÁFANGI Erla Dögg Har-
aldsdóttir brosir út að eyrum.
VÍKURFRÉTTIR/JÓN BJÖRN
> Geir eftirlitsmaður á Brúnni í kvöld
Geir Þorsteinsson, formaður KSÍ, verður eftirlitsmaður
UEFA á leik Chelsea og Fenerbahce á Stamford Bridge í
kvöld. Leikurinn er seinni viðureign liðanna í fjórðungs-
úrslitum Meistaradeildar Evrópu en Tyrkirnir unnu fyrri
leikinn 2-1. Dómarar leiksins koma frá
Þýskalandi og er það píanóleikarinn Her-
bert Fandel sem dæmir leikinn. Hann
dæmdi einmitt úrslitaleik AC Milan
og Liverpool í Meistaradeild Evrópu á
síðasta tímabili, sem og úrslitaleik Sevilla
og Middlesbrough í úrslitum UEFA-
bikarsins árið 2006.
Iceland Express-deild karla
Grindavík-Snæfell 94-97 (52-55)
Stig Grindavíkur: Jamaal Williams 32 (6 fráköst),
Adama Darboe 22, Páll Axel Vilbergsson 15,
Þorleifur Ólafsson 9, Páll Kristinsson 8, Igor
Beljanski 5, Helgi Jónas Guðfinnsson 3.
Stig Snæfells: Justin Shouse 17, Slobodan
Subasic 16, Sigurður Þorvaldsson 15, Ingvaldur
M. Hafsteinsson 14, Hlynur Bæringsson 13 (14
fráköst), Jón Ó. Jónsson 12, Anders Katholm 8,
Árni Ásgeirsson 2.
Sænska úrvalsdeildin
Hammarby-Sundsvall 5-3
1-0 Petter Andersson (12.), 1-1 Hannes Þ. Sig-
urðsson (15.), 1-2 Stefan Alander (30.), 2-2 Erkan
Zengin (45.), 3-2 Paulinho Guara (58.), 4-2 Haris
Laitinen (80.), 5-2 Charlie Davies (83.), 5-3
Hannes Þ. Sigurðsson (90.). Hannes og Sverrir
Garðarsson léku allan leikinn með Sundsvall en
Ara Frey Skúlasyni var skipt af velli á 60. mínútu.
Elfsborg-AIK 3-0
1-0 Stefan Ishizaki (38.), 2-0 Joakim Sjöhage
(44.), 3-0 Denni Avdic (54.). Helgi Valur Daníels-
son lék allan leikinn fyrir Elfsborg.
Danska úrvalsdeildin
AGF-Viborg 0-0
Kári Árnason lék allan leikinn fyrir AGF en Rúrik
Gíslason fór meiddur af velli hjá Viborg á 23.
mínútu.
ÚRSLITIN Í GÆR
FÓTBOLTI Brasilíumaðurinn Kaka,
leikmaður AC Milan, telur að
ensku liðin fjögur, Arsenal,
Chelsea, Liverpool og Manchester
United, hafi öll getuna til þess að
fara alla leið og vinna Meistara-
deildina í ár.
„Ensku liðin hafa verið í mikilli
sókn síðustu fimm til sex ár og nú
eru þau orðin stöðug í leikjum
sínum í Meistaradeildinni. Ég tel í
raun að öll fjögur ensku liðin sem
eru með í átta liða úrslitunum
hafi getuna til þess að komast til
Moskvu í úrslitaleikinn og vinna
Meistaradeildina. En vitaskuld
má heldur ekki afskrifa lið eins
og Barcelona,“ sagði Kaka í
viðtali við BBC Sport í gær. - óþ
Kaka um Meistaradeildina:
Hefur trú á
ensku liðunum
KÖRFUBOLTI Snæfell vann þriggja
stiga sigur á Grindavík, 94-97, í
fyrsta leik liðanna í undanúrslita-
einvígi sínu í Iceland Express-
deild karla í Röstinni í Grindavík í
gærkvöldi.
Grindvíkingar virtust vera með
pálmann í höndunum með níu
stiga forskot, 87-78, þegar sex
mínútur voru eftir en Snæfelling-
ar voru ekki á því að gefast upp og
lönduðu mikilvægum sigri.
„Það vantaði greinilega bara að
fá mig út af því þegar ég kom
aftur úr klefanum voru strákarnir
búnir að minnka þetta niður í tvö
stig. Svo varð maður að fara að
reyna að hjálpa eitthvað í lokin,“
sagði Hlynur Bæringsson, fyrir-
liði Snæfells, sem fór alblóðugur
af velli þegar fimm mínútur voru
eftir eftir að hafa fiskað ruðning á
Jaamal Williams. Hlynur átti í
basli með Jamaal, sem skoraði 32
stig í leiknum.
„Mér finnst ég alltaf vera með
hann fyrir framan mig og vera að
fylgja þessum varnarreglum sem
mér hafa verið kenndar í gegnum
tíðina en hann er bara að setja
þetta ofan í. Hann blæðir hins
vegar fyrir það hinum megin því
hann er ekki í nægu formi til þess
að spila vörn og taka fráköst,“
sagði Hlynur. Jamaal setti niður
13 af 19 skotum sínum í leiknum
en Hlynur vann hann aftur á móti
í fráköstum 14-6.
„Þetta var alls ekki nógu góður
leikur hjá okkur og það er ótrú-
legt að við náum samt að vinna
hér í Grindavík með svona leik.
Við hittum úr skotunum sem við
þurftum að hitta úr og sem betur
fer spiluðu þeir ekki heldur vörn.
Ef þeir hefðu spilað vörn hefðu
þeir unnið,“ sagði Hlynur, sem
fann Justin í þriggja stiga skoti
sem var líklega stærsta karfa
leiksins og kom Snæfelli í 95-94
þegar 42 sekúndur voru eftir.
Adama Darbor kastaði síðan bolt-
anum frá sér á óskiljanlegan hátt
skömmu síðar og Magni Haf-
steinsson kom Snæfelli þremur
stigum yfir af vítalínunni. Páll
Axel Vilbergsson fékk síðasta
skotið en það var eins erfitt og
hægt var að taka það og mistókst.
Adama lét Justin Shouse líta illa
út allt fram í fjórða leikhlutann en
þá tók Justin stjórnina og keyrði
sitt lið til sigurs.
ooj@frettabladid.is
Þeir spiluðu ekki vörn
Hlynur Bæringsson og félagar í Snæfelli eru komnir í 1-0 eftir dramatískan
þriggja stiga sigur í Grindavík í gær. Grindavík var níu stigum yfir þegar sex
mínútur voru eftir en kastaði frá sér sigrinum á lokaandartökum leiksins.
FÖGNUÐUR Snæfellingar eru komnir í bílstjórasætið í einvíginu gegn Grindavík eftir
góðan endasprett í Röstinni í gærkvöld. MYND/VÍKURFRÉTTIR