Fréttablaðið - 25.04.2008, Blaðsíða 72
40 25. apríl 2008 FÖSTUDAGUR
sport@frettabladid.is
> Risaslagur í úrslitum Lengjubikars kvenna
Erkifjendurnir KR og Valur mætast í sannkölluðum
risaslag í úrslitaleik Lengjubikars kvenna í kvöld kl. 19 í
Egilshöll. Bæði liðin komust í úrslitaleikinn með
sannfærandi 4-0 sigrum í undanúrslitum en
liðin mættust í byrjun apríl í deildarkeppni
Lengjubikarsins þar sem KR-stúlkur
höfðu betur, 5-2. Liðin léku einnig
til úrslita Lengjubikarsins í fyrra
og þá fóru Valsstúlkur með 2-1
sigur og unnu þar með sinn
þriðja deildarbikar á fimm
árum.
KÖRFUBOLTI Los Angeles Lakers og
Boston Celtics byrja bæði úrslita-
keppnina af krafti og eru bæði
komin í 2-0 eftir tvo sigra á heima-
velli.
Boston vann fyrstu tvo leikina á
móti Atlanta með 23 og 19 stigum
en Lakers vann fyrsta leikinn á
móti Denver með 14 stigum (128-
114) og fylgdi því síðan eftir með
15 stiga sigri, 120-107, í fyrrakvöld
þar sem Kobe Bryant átti frábær-
an leik og skoraði 49 stig og gaf 10
stoðsendingar.
„Ég áttaði mig ekki á því að ég
væri kominn með svo mörg stig.
Maður kemst bara í stuð, félagar
mínir í liðinu voru að leita að mér
og það er eins og boltinn leiti mig
uppi,“ sagði Kobe, sem hitti úr
66,7 prósent skota sinna í leikn-
um.
Kobe var aðeins einu stigi frá
því að jafna met sitt í úrslita-
keppninni en 19 af stigum hans
komu á 4 mínútna og 19 sekúnda
kafla í lokaleikhlutanum þegar
Lakers gerði út um leikinn.
Kobe Bryant er aðeins fjórði
leikmaðurinn á síðustu 15 árum
sem nær að skora 40 stig og gefa
10 stoðsendingar í sama leiknum í
úrslitakeppninni. Tracy McGrady
(42 stig-10 stoðs.) gerði það með
Orlando 2001, Kevin Johnson (46-
10) náði því með Phoenix Suns
1995 og tveimur árum fyrr var
Charles Barkley með 43 stig og 10
stoðsendingar fyrir Phoenix-liðið.
„Eins og hann var að spila í
kvöld hefðum við ekki getað stopp-
að hann þó að við hefðum fengið
að vera tíu inn á vellinum,“ sagði
Allen Iverson, leikmaður Denver.
George Karl, þjálfari Denver, varð
fyrsti pabbinn sem þjálfar á móti
syni sínum í úrslitakeppni því að
sonur hans Coby Karl spilaði í
tvær mínútur fyrir Lakers í leikn-
um.
Boston Celtics hefur farið illa
með Atlanta-liðið í fyrstu tveimur
leikjunum og stóra fréttin var
yfirlýsing Mike Bibby um að
áhorfendurnir í Boston væru ekki
sannir aðdáendur heldur hoppuðu
upp á vagninn núna af því að vel
gengi.
Bibby fékk að heyra það allan
leikinn og Rajon Rondo hélt honum
niðri inni á vellinum.
Detrot Pistons náði að jafna ein-
vígið á móti Philadelphia með
öruggum 17 stiga sigri, 105-88, en
76ers-liðið vann mjög óvænt
fyrsta leikinn í Detroit. Þetta er
eina einvígið sem er jafnt eftir
fyrstu tvo leikina en ekki eini úti-
sigurinn því Utah Jazz er komið í
2-0 eftir tvo sigra í Houston. - óój
Los Angeles Lakers og Boston Celtics byrjuðu bæði úrslitakeppnina í NBA-deildinni á tveimur heimasigrum:
Kobe Bryant sýndi á sér sparihliðarnar
SJÓÐHEITUR Kobe Bryant
setti niður 18 af 27 skotum
sínum. NORDICPHOTOS/GETTY
FÓTBOLTI Ef mið er tekið af frammi-
stöðu Vals gegn ÍA í Lengjubik-
arnum í gær mæta meistararnir
ógnarsterkir til leiks í Lands-
bankadeildinni sem hefst 10. maí
næstkomandi. Valsliðið leit virki-
lega vel út gegn hinu geysisterka
varnarliði ÍA og skoraði fimm
mörk í síðari hálfleik og vann, 5-2.
Valsmenn héldu uppi sannkallaðri
stórskotahríð í leiknum; skutu alls
30 sinnum að marki og 15 sinnum
fór boltinn á markið.
„Við vorum að spila við gott lið.
Valsmenn komu grimmir inn í síð-
ari hálfleikinn og vendipunktur-
inn var þegar við klúðrum vítinu í
seinni hálfleik. Ég tek samt ekkert
af þessu Valsliði að það er geysi-
lega sterkt og átti sigurinn skil-
inn,“ sagði auðmjúkur þjálfari ÍA,
Guðjón Þórðarson, eftir leikinn.
Guðjón gat engu að síður verið
ánægður með sitt lið í fyrri hálf-
leik. Þá vörðust Skagamenn ákaf-
lega fimlega og Valsmönnum gekk
ekkert að opna vörn þeirra þrátt
fyrir mikinn sóknarþunga. ÍA
komst yfir í sinni fyrstu sókn á 17.
mínútu. Gunnar Einarsson braut
þá ákaflega klaufalega á Andra
Júlíussyni innan teigs og Bjarni
Guðjónsson skoraði örugglega úr
vítinu.
Þannig stóðu leikar í hálfleik en
Valsmenn voru fljótir að jafna í
síðari hálfleik. Baldur Aðalsteins-
son fór þá illa með varnarmenn ÍA
í teignum og var að lokum brugð-
ið. Víti var dæmt sem sveitungi
Baldurs frá Húsavík, Pálmi Rafn
Pálmason, skoraði örugglega úr.
ÍA fékk kjörið tækifæri til að
komast yfir fimm mínútum síðar
er Dennis Bo Mortensen braut á
Jóni Vilhelm Ákasyni og þriðja
víti leiksins var dæmt. Kjartan
Sturluson sá aftur á móti við
Bjarna og enn jafnt. Skagamenn
blæddu fyrir vítið sex mínútum
síðar er Pálmi skoraði með skalla í
teignum en hann lék einkar vel í
gær.
Baráttujaxlarnir af Akranesi
neituðu að gefast upp og Stefán
Þórðarson sólaði Bjarna Ólaf upp
úr skónum 20 mínútum fyrir leiks-
lok, gaf boltann fyrir þar sem
Helgi Pétur Magnússon stóð einn
á fjærstöng og skoraði örugglega.
Skagamenn voru þó ekki lengi í
paradís því Valsmenn brunuðu
beint í sókn og gáfu boltann fyrir
þar sem Skagamenn hreinsuðu
boltann beint fyrir fætur Dennis
Bo Mortensen, sem afgreiddi bolt-
ann laglega frá vítateig. 3-2.
Dario Cingel, varnarmaður ÍA,
fékk að líta rauða spjaldið tveim
mínútum síðar og þá var baráttan
töpuð hjá Skagamönnum. Dennis
og Daníel Hjaltason stráðu salti í
sár Skagamanna og stórsigur Vals
staðreynd.
„Ég var mjög kátur með liðið.
Það er erfitt að glíma við ÍA enda
gefur liðið fá færi á sér. Mesti
sigur inn hjá okkur fannst mér
liggja í því að við héldum þolin-
mæðinni þó svo við værum 1-0
undir í hálfleik,“ sagði Willum Þór
Þórsson, þjálfari Vals, en hann fer
ekkert í grafgötur með að hans lið
sé líklegt til afreka í sumar.
„Við vitum að við erum með
hörkulið. Það hafa litlar breyting-
ar orðið á liðinu og titillinn í fyrra
gefur mönnum aukið sjálfstraust
sem vonandi skilar sér í sumar,“
sagði Willum Þór Þórsson.
henry@frettabladid.is
Enginn vorbragur á Val
Íslandsmeistarar Vals litu geysilega vel út í gær þegar þeir lögðu ÍA, 5-2, í undan-
úrslitum Lengjubikarsins. Meistararnir spiluðu leiftrandi sóknarbolta lengstum
og var engan vorbrag að sjá á liðinu. Valsmenn mæta geysisterkir til leiks í sumar.
TVENNA Dennis Bo Mortensen var heitur í gær. FRÉTTABLAÐIÐ/DANÍEL
FÓTBOLTI Það stefnir allt í það að
HK sé að missa sinn efnilegasta
leikmann fyrir tímabilið í
Landsbankadeildinni í sumar.
HK og West Ham hafa náð
samkomulagi um kaup enska
liðsins á Hólmari Erni Eyjólfs-
syni og á hann aðeins eftir að
semja um kaup og kjör.
Þegar Fréttablaðið heyrði í
Hólmari Erni í gær var hann
búinn að hafna fyrsta samnings-
tilboði frá West Ham en var búinn
að senda mótttilboð. Hólmar Örn
er eins og kunnugt er sonur
Eyjólfs Sverrissonar sem er
honum stoðs og stytta enda með
áralanga reynslu af heimi
atvinnumennskunnar.
Hólmar var samt ekkert allt of
bjartsýnn þegar Fréttablaðið
heyrði í honum hljóðið og sagði
alveg eins möguleiki á því að
þetta færi allt í vaskinn. West
Ham á næsta leik og það má
búast við að það skýrist fljótlega
hvort Hólmar Örn taki nýju
tilboði eða að ekkert verði af
kaupum West Ham.
Hólmar verður 18 ára í haust
og getur bæði leyst stöðu
miðvarðar og miðjumanns. Hann
lék 12 leiki með HK í Lands-
bankadeildinni í fyrra og fékk
mikið lof fyrir frammistöðu sína.
- óój
Hólmar Örn Eyjólfsson:
Sendi West
Ham móttilboð
TIL WEST HAM? Hólmar Örn Eyjólfsson
gæti orðið nýjasti Íslendingurinn i ensku
úrvalsdeildinni. FRÉTTABLAÐIÐ/VALLI
FÓTBOLTI Tom Hicks, annar
eig enda Liverpool, hitti Rafa
Benitez, stjóra Liverpool, að máli
fyrir leikinn gegn Chelsea á
þriðjudag og svo aftur daginn
eftir.
„Þetta var frábær fundur og
ástandið er heilbrigt. Rafa er
mjög ánægður og vill ræða enn
frekar hvert hann ætlar með
þetta félag,“ sagði Hicks við The
Times en Benitez hafði beðið um
fund með æðstu eigendum
félagsins eftir að í ljós kom að
þeir funduðu með Jürgen
Klinsmann undir lok síðasta árs.
Það er grunnt á því góða á milli
Hicks og George Gillett, sem á
Liverpool með Hicks, og þeir
talast ekki lengur við.
Hicks staðfesti enn fremur að
Benitez hefði ekki viljað fara of
djúpt í málin á fundi með honum
einum og að til stæði að setjast
niður með Benitez, Gillett og Rick
Parry framkvæmdastjóra sem
Hicks vill reyndar að segi af sér.
- hbg
Hicks hitti Benitez:
Þetta var frá-
bær fundur
RAFA BENITEZ Vill hitta alla hæstráðend-
ur Liverpool saman á einum fundi.
NORDIC PHOTOS/GETTY IMAGES
FÓTBOLTI Landsliðsmaðurinn
Brynjar Björn Gunnarsson hjá
Reading er enn að kljást við
nárameiðslin sem hafa verið að
plaga hann síðan um áramót.
Brynjar fór í aðgerð á nára og
var orðinn leikfær og lék í 90
mínútur með varaliði félagsins á
dögunum. Reiknað var með því að
Brynjar myndi
leika 300.
leikinn á
ferli sínum
með enskum
félögum gegn
Arsenal um
síðustu helgi en
hann var svo ekki
í leikmannahópi
Reading. Í gær
var svo staðfest á
heimasíðu
Reading að
Brynjar hefði
kennt meiðslanna
á ný og ekki væri
nú vitað hvenær
hann yrði leikfær
með Reading. - óþ
Brynjar Björn Gunnarsson:
Enn að kljást
við nárameiðsli
Það eru breyttir tímar hjá hinum 25 ára körfuknattleiksmanni
Axeli Kárasyni sem hefur leikið með Skallagrími síðustu ár. Hann
er að klára nám sitt í Landbúnaðarháskóla Íslands á Hvanneyri
og næsta haust heldur hann utan til Ungverjalands þar sem
hann ætlar að læra til dýralæknis. Hann hefur þar af leiðandi
leikið sínn síðasta körfuboltaleik með
Sköllunum.
„Ég er á fullu við að klára lokaritgerð-
ina mína í skólanum þessa dagana.
Rit gerðin er um vellíðan mjólkurkúa á
Íslandi. Ég er búinn að spjalla við um 700 kýr
og þær hafa það bara fínt,“ sagði Axel léttur en hvernig fær
hann það eiginlega út hvort þeim líði vel eða illa?
„Það eru hlutir eins og hreinlæti, sár og hegðun sem
gefur til kynna hvort kúm líði vel eða ekki. Heildarniður-
staðan er að þeim líði vel, sem er hið besta mál,“ sagði
Axel, sem er að ljúka námi á búvísindabraut. Hann
verður því búfræðikandidat í sumar og eftir sumarið
heldur hann síðan utan Ungverjalands.
„Ég mun læra dýralækninn í Ungverjalandi og ástæðan fyrir
því landi er sú að þeir meta nám mitt hér heima til styttingar á
náminu úti. Ég verð þarna úti í fjögur og hálft ár að klára námið
og því ljóst að ég spila ekki körfubolta hér heima næstu árin.
Svo þegar maður kemur heim er ekkert endilega víst að
maður hafi einhvern tíma til þess að vera í boltanum sam-
hliða þessu starfi. Það má því vel vera að ég sé búinn að
spila minn síðasta körfuboltaleik hér heima,“ sagði Axel,
sem hefur þó áhuga á að sprikla eitthvað úti í Ungverja-
landi.
„Ég ætla að líta í kringum mig og hef verið í sambandi
við menn sem hafa tengsl í Ungverjalandi. Það er ekkert
komið upp ennþá en við sjáum hvað setur. Það er erfitt að
hætta í boltanum svona snöggt og skemmtilegra að geta
spilað aðeins áfram,“ sagði Axel, sem játar fúslega að hann sé
mikill sveitastrákur; alinn upp á sveitabæ og flutti þaðan í Varma-
hlíð áður en hann fór á Sauðárkrók.
„Mér líður best í sveitinni. Mitt náttúrulega umhverfi er í lopapeysu
og stígvélum í sveitinni,“ sagði Axel.
AXEL KÁRASON KÖRFUBOLTAKAPPI: TEKUR DÝRIN FRAM YFIR KÖRFUBOLTANN OG ER Á LEIÐ TIL UNGVERJALANDS
Skrifar ritgerð um vellíðan mjólkurkúa á Íslandi