Fréttablaðið - 13.05.2008, Qupperneq 34

13. MAÍ 2008 ÞRIÐJUDAGUR10 ● fréttablaðið ● híbýli - svefnherbergi
Ameríski vöruhönnuðurinn Paul Loebach sérhæfir sig í
viðarhúsgögnum sem henta vel inni í svefnherbergi.
Viðarhúsgögn eru hlýleg og notaleg í svefnher-
bergið. Fallega rennt smáborð með áföstum vösum
færi vel sem náttborð við höfðalagið á rúminu
og hægt að smeygja blómi í vasann að morgni
dags. Fötin sem ekki fara í taukörfuna er hægt að
hengja á stiga sem hallast einfaldlega upp að vegg
eða leggja þau yfir stólbak.
Ameríski vöruhönnuðurinn Paul Loebach
rekur hönnunarstúdíó í New York og sérhæfir
sig í hönnun viðarhúsgagna til fjöldaframleiðslu.
Hann byggir hönnun sína á þekkingu fjölskyldu
sinnar á tré og tækni en hann kemur af þýsk-
um trésmiðum langt aftur í ættir. Húsgögnin
hans bera vott um hlýju og rómantík í bland
við húmor en hann segir mikilvægt að hlut-
irnir hafi merkingu. Húsgögnin sýndi hann
meðal annars á hönnunarvikunni í Mílanó
nú í apríl og fékk góðar viðtökur.
Á heimsíðu hönnuðarins, www.paul-
loebach.com, má sjá myndir af fleiri
verkum eftir hann. - rat
Viður í svefnherbergið
Spegillinn er skemmtilegur en
það er engu líkara en hann hafi
verið skorinn í tvennt.
Fatastigi úr
renndum við
kemur skemmti-
lega út í svefn-
herberginu.
Stóll með fallega renndum viðar-
fótum og baki, sem gæti komið
vel út í horni svefnherbergisins.
Smáborð með
áföstum blóma-
vösum.
● VAKNAÐU MEÐ STÆL
Nú á dögum eru margir
hættir að fjárfesta í vekjara-
klukkum og láta farsímann
þess í stað vekja sig, og fara
þannig á mis við margar flott-
ar klukkur. Ein flott klukka er
Retro iPod vekjaraklukkan
sem er ansi skemmtilega
hönnuð. Nánast allar gerðir
iPoda passa í klukkuna og er
einn kostur hennar sá að hún
hleður iPodinn á meðan eig-
andinn sefur. Er hann fullhlað-
inn daginn eftir.
Klukkurnar fást í
nokkrum litum,
gráu, hvítu og
bleiku.
Stafl a má allt að 40 stólum á vagna.
STACCO er þægilegur og endingargóður stóll.
Fæst með krómaðri eða litaðri grind. Mikið úrval áklæða.
STÁLIÐJAN ehf, Smiðjuvegi 5, 200 Kópavogur
Sími: 564 5885 Fax: 564 5886
E-mail: einar@stalidjan.is
Söluaðilar: Pennin h/f, Hallarmúla 2-4, Reykjavík
Á. Guðmundsson ehf, Bæjarlind 8-10, Kópavogi
E.G. Skrifstofuhúsgögn ehf, Ármúla 22, Reykjavík
Toscana húsgagnaverslun, Smiðjuvegi 2, Kópavogur
Innx Innréttingar ehf, Faxafeni 8, Reykjavík
STACCO
Hönnuður: Pétur B. Lúthersson FHI
Hönnunarár: 1980
Stóllinn hefur farið sigurför á íslenskum markaði í 28 ár og er ennþá
jafnvinsæll og í byrjun. Stáliðjan ehf í Kópavogi hefur framleitt STAC-
CO síðan 1989, en um 10 ára skeið var hann ennfremur framleiddur í
Danmörku á framleiðsluleyfi og seldur víða um heim.
STACCO er sannkallaður fjölnotastóll eins og reynslan hefur sýnt.
Hann hentar vel í biðstofur, kaffi - og veitingahús, sjúkrahús, skóla,
fundarherbergi, ráðstefnusali, fyrirlestrasali, safnaðarheimili og
skrifstofur. Hann sómir sér líka vel við borðstofuborðið heima.
STACCO stóllinn hefur verið
seldur í yfi r 200.000 eintökum