Fréttablaðið - 24.05.2008, Blaðsíða 74

46 24. maí 2008 LAUGARDAGUR
menning@frettabladid.is
Gerður Kristný rithöfundur, myndlistarmennirnir
Una Stígsdóttir og Anik Todd, og tónlistarparið
Dúó Stemma hlutu Vorvinda-viðurkenningar IBBY
á Íslandi. Verðlaunaafhendingin fór fram 18. maí
síðastliðinn í Gunnarshúsi við Dyngjuveg.
Gerður Kristný hlaut viðurkenningu fyrir barna-
bækur sínar, Mörtu smörtu, Jóladýrin, Land hinna
týndu sokka og Ballið á Bessastöðum, sem allt
eru vönduð og skemmtileg verk.
Una Stígsdóttir og Anik Todd hlutu viðurkenn-
ingu fyrir sýninguna Allt í plati sem opnuð var í
Gerðubergi í nóvember síðastliðnum í tengslum við
ritþing um Sigrúnu Eldjárn. Á sýningunni gátu gestir
upplifað heim þekktra sögupersóna Sigrúnar, þeirra
Málfríðar, mömmu hennar og Kuggs, með því að
ganga inn á heimili þeirra. Var öllum 8 ára börnum
á höfuðborgarsvæðinu boðið á sýninguna sem stóð
í allan vetur og var afar vel sótt og vinsæl.
Þriðju viðurkenninguna hlaut tónlistarparið
Dúó Stemma sem hefur glatt leikskólabörn
með sögunni um Jón bónda sem byggist öðrum
þræði á hljóðgjörningi. Dúó Stemmu skipa þau
Herdís Anna Jónsdóttir víóluleikari og Steef van
Oosterhout slagverksleikari sem hafa búið þekkt-
ar þulur og vísur í nýjan búning og leika undir á
óhefðbundin heimatilbúin hljóðfæri. Þau fluttu
stutt atriði fyrir samkomugesti á Vorvindahátíð-
inni við góðar undirtektir. - vþ
Barnamenning verðlaunuð
VERÐLAUNAHAFAR IBBY 2008 Listamenn sem þykja
hafa skapað framúrskarandi menningarafurðir fyrir
börn.
Bókaverslunin Útúrdúr á Njáls-
götu stendur fyrir kynningu á bók-
verkinu Höll blekkinganna eftir
Eirúnu Sigurðardóttur í dag á milli
kl. 16 og 17.
Uppistaða bókverksins er teikn-
ingar eftir Eirúnu en einnig stuttir
textar eftir Sigríði Þorgeirsdóttur
heimspeking og Sigrúnu Daníels-
dóttur sálfræðing, auk ljósmynda
sem Katrín Elvarsdóttir tók. Gunn-
ar Vilhjálmsson hannaði bókina
ásamt Eirúnu. Bókverkið er gefið
út í 200 númeruðum eintökum af
Kynningarmiðstöð íslenskrar
myndlistar og sýningarrýminu
Suðsuðvestur.
Teikningarnar voru unnar sam-
hliða lifandi hekluðum skúlptúr
sem sýndur var í sýningarrýminu
Suðsuðvestur í Keflavík í mars á
þessu ári. Á sýningartímanum sat
manneskja inni í vandlega hekluð-
um skúlptúrnum og heklaði úr
höfði sér þræði. Bókverkið sem nú
er sérstaklega kynnt í Útúrdúr
gefur skoðandanum færi á að kom-
ast nær kjarna skúlptúrsins. - vþ
Bókverkið Höll
blekkinganna
LIFANDI SKÚLPTÚR Mynd af verki Eirún-
ar Sigurðardóttur, Höll blekkinganna.
Dr. Hoshang Merchant, prófessor
í enskum bókmenntum við Hyder-
bad háskóla, flytur áhugaverðan
fyrirlestur í Háskóla Íslands á
mánudag. Þar fjallar hann um
aðstæður og sjálfsmynd samkyn-
hneigðra í Indlandi samtímans og
tekur í því tilliti dæmi úr verkum
þekktra indverskra rithöfunda
sem skrifa á ýmsum indverskum
tungumálum. Þar með veitir hann
óvenjulega innsýn inn í líf sam-
kynhneigðra karlmanna í ind-
verskum bæjum og þorpum.
Fyrirlesturinn, sem fluttur
verður á ensku, fer fram í stofu
225 í Aðalbyggingu Háskóla
Íslands og hefst kl. 12. Aðgangur
er ókeypis og öllum opinn. - vþ
Ergi á Indlandi
AÐALBYGGING HÁSKÓLA ÍSLANDS Hýsir
fyrirlestur dr. Hoshang Merchant.
Kl. 14
Boðið verður upp á leiðsögn um
sýningarnar Stefnumót við safnara
III í menningarmiðstöðinni Gerðu-
bergi í dag kl. 14. Á sýningunni má
sjá samansafn fjölbreyttra hljóðfæra.
Klukkutíma síðar, kl. 15, verður á
sama stað boðið upp á leiðsögn um
sýninguna Kynjaskepnur úr íslensk-
um þjóðsögum, en á henni má sjá
myndskreytingar eftir Jón Baldur
Hlíðberg.
Það er lítil stoð í kynningarefni
dansflokkanna tveggja sem frum-
sýndu stórballettinn Ambra í gær-
kvöldi í Borgarleikhúsi að verkið
sé óður til hvala. Efnið byggi á
hugleiðingu um hvali, háttum
þeirra í hafinu og örlög. Áhorfandi
nýtur sýningarinnar fullvel án
þeirrar vitneskju, ef ekki lægi á
sviðinu hryggur úr hval gæti verk-
ið, rétt eins og mörg dansverk
okkar tíma, verið stefnulítið ramb,
rammalaust þótt bakveggur með
hólfum fyrir flokkaðan úrgang
gefi okkur hugmynd um að þetta
sé eitthvað nútímalegt og jafnvel
hugvekja um spilliefnin öll sem
við látum frá okkur. Ambra er inn-
yflaefni og notað til ilmefnagerðar
segir orðabókin. Nafnið eitt og sér
er þannig tilvísun til rányrkju, fyr-
irgefið nýtingar á hvalastofnum.
Annars deilist dansinn niður í
marga kafla og styrkist heildin
nánast einungis af búningum og
lýsingu því tónlistin hólfar verkið
ekki í sundur. Hún er lítt danshæf,
jafnvel þótt hvalablístur leggist á
taktrofna bylju þeirra Kiru Kiru
og Hildar. Margt er fallegt í þess-
um dansi. Það er gaman að sjá
dansarana hlið við hlið frá svo
skyldum flokkum og Carte Blanche
og Íd eru. En heldur er hann sund-
urlaus, skýra þræði vantar í hann.
Bestu partarnir eru vissulega
þegar Ina Christel Johannessen
leggur stóran hluta danssveitar-
innar í kröftuga corpus-dansa
undir skýru rytmísku mynstri. Þá
eru dansararnir lagðir á sömu
mælistiku og samstillingin hrífur
mann í krafti sínum. Smærri par-
dansar og sólar eru lagðir meira
og minna á herðar öllum þeim sem
dansflokkinn skipa og hér gefst
einstakt tækifæri til að sjá svona
stóran flokk á sviði. Þau eru 21.
Raunar sviptir sýningin hulunni af
því að smáir flokkar sem þessir
eiga að ná saman á reglulegum
grundvelli um stærri verkefni.
Stór svið eins og Borgarleikhúsið
heimta stóra flokka – og kalla
þannig á ríkari áhuga áhorfenda.
Vitaskuld halda stakir dansarar
athyglinni. Camillu Spidsöe er hér
gefið meira rými en öðrum, en af
okkar konum eru Aðalheiður Hall-
dórsdóttir og Katrín Ingvadóttir
eins og svo oft áður það sem augun
leita uppi. Steve Lorenz og Camer-
on Corbett reynast makar félaga
sinna í Björgvin, hörku dansarar.
Samstarf sem þetta getur lítið
nostrað við styrkinn. Það yrði ekki
nema á grundvelli reglulegs sam-
starfs að það væri hægt. Vel má
velta fyrir sér þeirri áherslu sem
Kamilla fær. Hún er sterkur dans-
ari, henni eru lagðar stórar hreyf-
ingar, hún heimtar rými og fær
það.
Og þá er bara hvort áhorfendur
skila sér. Sýning sem þessi væri
meira við hæfi utan þess annatíma
sem maí er að verða í framboði
listviðburða. Hið hefðbundna ár er
sprungið og raun ekki lengur hægt
að velja þá ráðstöfun að halda stór-
um hluta listastofnana lokuðum
lungann úr sumrinu. Nú verða
menn aftur að víkja öðru til hliðar:
það verða tvær sýningar til viðbót-
ar á Ömbru: laugardag kl. 17 og
sunnudag kl. 20. Það má ekki láta
þennan hvalreka hverfa úr fjör-
unni nema menn hafi séð rekann.
Páll Baldvin Baldvinsson
Hvaladans úr djúpunum
DANSLIST
Carte Blanche og Íd sýna
Ambra
Höfundur: Ina Christel Johannessen.
Tónlsit: Kira Kira, Hildur Ingveldardótt-
ir og Dirk Desselhaus. Leikmynd og
búningar: Kirsten Torp. Hljóðhönnun:
Morten Cranner.
★★★★
Athyglisverð sýning en losaraleg í
byggingu
DANSLIST Íslenski dansflokkurinn og Carte Blanche frá Björgvin leggja saman í
athyglisverða stóra danssýningu.
> Ekki missa af …
Sunnudagsspjalli um myndlist
í Listasafni Árnesinga í Hvera-
gerði á morgun kl. 15. Í safn-
inu stendur nú yfir sýningin
Listamaðurinn í verkinu, en á
henni má sjá verk eftir Magn-
ús Kjartansson. Spjallið leiðir
sýningarstjórinn Jón Proppé,
en ásamt honum taka til máls
þær Kogga, ekkja Magnúsar,
og Inga Jónsdóttir safnstjóri.
FIMMTUDAGUR 22. MAÍ KL. 20
PÍANÓTÓNLEIKAR FRÁ LHÍ
HÁKON BJARNASON
Aðgangur ókeypis!
ÞRIÐJUDAGUR 27. MAÍ KL. 20
SAMKÓR REYKJAVÍKUR
30 ára afmælistónleikar
Miðaverð 2000 kr.
FIMMTUDAGUR 29. MAÍ KL. 20
KEITH TERRY Í SALNUM
Body percussion.
Miðaverð 1000 kr.
FÖST 30. MAÍ KL. 20 UPPSELT!
LAUG 1. JÚNÍ KL. 20 ÖRFÁ SÆTI!
VÍKINGUR HEIÐAR ÓLAFSSON
TIL MINNINGAR UM BIRGI EINARSON
Miðaverð 2500 kr.