Fréttablaðið - 24.05.2008, Blaðsíða 35

LAUGARDAGUR 24. maí 2008 5
Flugskóli Íslands er stærsti og öflugasti flugskóli landsins með 17 flugvélar,
þyrlu og flughermi í rekstri og á næsta ári bætist B-757 flughermir í flotann.
Skólinn býður upp á allt nám sem þarfnast til að flugmaður geti hafið störf hjá
flugfélagi sem atvinnuflugmaður. Að auki sinnir skólinn tegundarþjálfunum og
endurmenntun fyrir flugmenn innlendra og erlendra flugfélaga.
WWW.FLUGSKOLI. IS
FLUGSKÓLI LANDSINS
STÆRSTI OG ÖFLUGASTI
ÁHAFNASAMSTARF
ÞYRLUNÁM
TEGUNDARÁRITANIR
Flugskól i Ís lands er hluti af og í e igu Tækniskólans, skóla atvinnul ífs ins
Það hefur vakið athygli hjá
Copenhagen Business School
að stór hluti nemenda í fullu
MBA-námi er Íslendingar.
Skólinn er oftast nefndur CBS og
eru þar mun fleiri Íslendingar en
Danir í fullu MBA-námi. Námið er
hugsað fyrir fólk með háskóla-
menntun og um fimm til sjö ára
starfsreynslu. „Við erum átta
strákar sem erum að útskrifast en
yfirleitt hafa verið tveir til þrír
Íslendingar í þessum hópi en það
hefur vakið mikla athygli hvað við
erum margir núna,“ segir Einar
Már Guðmundsson, sem stundar
nú nám við skólann.
„Það væri hægt að skrifa heila
bók um upplifunina af þessu öllu.
Má þar til dæmis nefna þá gremju
sem við finnum fyrir frá sumum
Dönum í garð Íslendinga en and-
inn er svolítið þannig að enginn
má vera öðrum fremri. Það var til
dæmis mjög viðkvæmt þegar
Baugur keypti Magasín og um
daginn þegar ég var að sækja
dóttur mína í skólann kom kennar-
inn glottandi með forsíðuna á
Børsen þar sem stóð að allt væri
að fara til fjandans á Íslandi og
það þótti mér dálítið magnað,“
segir Einar. Hann hefur orðið var
við umræðu um að nú sé að koma í
ljós að íslenska undrið hafi allt
verið bóla sem sé að springa.
Einar hefur þó líka margt gott
um dvöl sína í Danmörku að segja
og er hann afskaplega ánægður
með námið. „Ég var framkvæmda-
stjóri áður en ég kom hingað og
mér fannst ég þurfa að bæta kunn-
áttu mína í fjármálum og fleiru.
Námið er sniðið að þeim þörfum.
Það veitir almennan skilning á því
að vera stjórnandi og það er verið
að þjálfa stjórnendur í að verða
betri í sínu starfi.“ Bakgrunnur
nemenda er fjölbreyttur. Þó er
gert ráð fyrir að þeir hafi nokk-
urra ára reynslu af vinnumark-
aðnum svo þeir hafi eitthvað fram
að færa. „Náminu svipar til sam-
bærilegs náms í Háskólanum í
Reykjavík nema að það er tveggja
ára nám hugsað með vinnu,“
útskýrir Einar en hann telur að
þótt álagið í árslöngu MBA-námi
sé
mikið sé ekki síður erfitt að stunda
svona nám með vinnu.
Ástæðan fyrir að Íslendingar í
náminu eru mun fleiri en Danir er
að mati Einars einna helst sú að
Danir eru almennt ekki tilbúnir að
greiða nám sitt dýru verði. „Námið
kostar tvær og hálfa milljón. Síðan
kemur fólk alls staðar að úr heim-
inum en það er stutt fyrir okkur
Íslendinga að fara og fjölskyldu-
vænt umhverfi,“ útskýrir Einar,
sem flutti fjölskylduna með sér til
Danmerkur. Það er alltaf mikil
breyting að koma sér fyrir í nýju
landi en Einar naut þar dýrmætrar
aðstoðar. „Stór hluti Íslendinga
sem flyst til Danmerkur hefur
notið aðstoðar Sigrúnar Þormar
sem er íslensk kona, búsett í Dan-
mörku. Hún sérhæfir sig í að
aðstoða Íslendinga við að koma
sér fyrir.“
Þrátt fyrir að um
tuttugu þúsund
manns
vanti til starfa í Danmörku telur
Einar að hann gæti átt erfitt með
að finna starf.„Fyrirtækin gefa til
kynna að þau vilji ráða útlendinga
og benda okkur á að fara inn á
heimasíður og sækja um en þær
eru allar á dönsku og það þykir
okkur bera vitni um að þeim er
ekki full alvara. Við höfum heyrt
margar sögur af því að útlending-
ar eigi minni möguleika á störf-
um,“ segir Einar og er það í raun
ekki ólíkt því sem gerist á Íslandi.
Á heildina litið eru Einar og
félagar þó mjög ánægðir
með námið og myndu
ekki breyta neinu.
hrefna@fretta-
bladid.is
Íslenska útrásin í CBS
Einar Már flutti alla fjölskylduna með sér til Kaupmannahafnar og una þau þar hag
sínum vel. Hann vill gjarnan prófa að starfa í Danmörku að námi loknu.
Komin er út ný og betrumbætt
útgáfa af Tölvuorðabókinni
sem reynst hefur námsmönn-
um og öðrum ómetanlegt
verkfæri.
Síðasta útgáfa Tölvuorðabókar-
innar kom á markað 2003 og hefur
nú verið verulega betrumbætt
með 25.000 nýjum uppflettiorðum
í hvort orðasafn, en sú stækkun
jafnast á við meðalstóra orðabók.
Tölvuorðabókin 2008 er í aðalat-
riðum eins og hún hefur verið alla
tíð; með margrómaða og þægilega
hönnun, og allt útlit eins og not-
endur hennar áður þekkja. Í nýju
Tölvuorðabókinni er ensk-
íslenska og íslensk-enska
orðasafnið um 155.000
uppflettiorð.
Tölvuorða-
bókina er hægt að sækja beint af
netinu, sem er í senn afar nútíma-
legt og sparar fólki bæði tíma og
fyrirhöfn. Það þarf engan disk
lengur og hægt að sækja Tölvu-
orðabókina inn á tölvu sína hvar
sem er í heiminum og byrja að
nota hana innan fimm mínútna, en
tekið skal fram að ekki þarf netið
til að nota Tölvuorðabókina eftir
að hún hefur einu sinni verið
sótt af netinu.
Sjá nánar á www.
ordabok.is.
- þlg
Tölvuorðabókin
2008 komin út
Nám og störf verða leikur einn með hraðvirku, nútímalegu og ítarlegu orðasafni
Tölvuorðabókarinnar.