Fréttablaðið - 31.05.2008, Side 10
10 31. maí 2008 LAUGARDAGUR
SAMGÖNGUMÁL Ríkisstjórnin hefur
að tillögu Kristjáns L. Möller sam-
gönguráðherra ákveðið að falla
frá hugmyndum um smíði Vest-
mannaeyjaferju í einkafram-
kvæmd. Í stað þess verður smíði
ferjunnar boðin út með hefð-
bundnum hætti og rekstur hennar
boðinn út sérstaklega. Eyjamenn
leggja þunga áherslu á að skipið
sem smíðað verður uppfylli þær
kröfur sem þeir höfðu að leiðar-
ljósi í útboði sínu. Það eitt skiptir
máli að þeirra mati að siglingar
hefjist 1. júlí árið 2010 eins og ráð
er fyrir gert.
Gunnlaugur Grettisson, forseti
bæjarstjórnar Vestmannaeyja-
bæjar, fagnar því að halda á áfram
með samgöngubætur eins og ráð
var fyrir gert. „Áfram brýnum við
fyrir samgönguyfirvöldum að slá
ekkert af með stærð skipsins eða
flutningsgetu.“ Talið er að smíði
nýrrar ferju taki um tvö ár. Gunn-
laugur telur að ferjan geti því
farið að ganga á milli lands og
Eyja á tilsettum tíma. „En tíminn
vinnur vissulega á móti okkur en
engu að síður er þetta vel ger-
legt.“
Árni Johnsen alþingismaður
tekur undir með Gunnlaugi. „Mín
skoðun er sú að skynsamlegra
hefði verið að semja við Eyja-
menn. Það er mikilvægt að allt það
rými sem mögulegt er verði nýtt
varðandi þetta nýja skip og það
verði ekki minna en það skip sem
bærinn og Vinnslustöðin ætluðu
að láta smíða. Minnumst þess að
allir Herjólfar hafa orðið of litlir á
fyrsta ári.“ Spurður hvort tilboð
Eyjamanna muni ekki hafa verið
raunsætt og það eigi eftir að koma
í ljós í nýju útboði segir Árni að
það megi vel vera. „Aðalatriðið er
þó að ákvörðun liggur fyrir.“
Endurskoðað tilboð Vestmanna-
eyjabæjar og Vinnslustöðvarinnar
var 45 prósentum yfir kostnaðar-
áætlun en vinnuregla Siglinga-
stofnunar er að taka ekki tilboðum
sem fara tíu prósent yfir kostnað-
aráætlun. Á þeim forsendum er
tilboðinu hafnað nú og að telja má
að aðstæður á lánamörkuðum séu
óhagfelldar fyrir einkafram-
kvæmd. Siglingastofnun Íslands
verður falið að bjóða út smíði
nýrrar Vestmannaeyjaferju með
hefðbundnum hætti í eiginfram-
kvæmd ríkisins. Síðar verði rekst-
ur ferjunnar boðinn út á sama hátt
og gert hefur verið undanfarin ár.
Gunnlaugur útilokar ekki að
Vestmannaeyjabær bjóði í rekstur
ferjunnar þegar þar að kemur en
tekur fram að ekkert slíkt hafi
verið rætt hingað til.
svavar@frettabladid.is
Ríkið smíðar
nýjan Herjólf
Ríkisstjórnin hefur slegið tilboð Eyjamanna í smíði
og rekstur ferju út af borðinu. Ríkið annast verkið.
Eyjamenn segja það eitt skipta máli að siglingar
hefjist 2010 og ferjan uppfylli allar þeirra kröfur.
HERJÓLFUR Eyjamenn leggja þunga áherslu á að ný ferja rúmi 400 farþega og 68
bíla að lágmarki. FRÉTTABLAÐIÐ/ÓSKAR
„Áfram brýnum við fyrir
samgönguyfirvöldum að
slá ekkert af með stærð skipsins
eða flutningsgetu.“
GUNNLAUGUR GRETTISSON
FORSETI BÆJARSTJÓRNAR VESTMANNAEYJA
„Íslensk blóm
eru harðgerð,
kröftug og fersk.“
Björn Sigurbjörnsson, garðyrkjumaður.
Í áratugi hafa íslenskir garðplöntuframleiðendur unnið að því að byggja
upp og rækta úrval af garðplöntum fyrir íslenska veðráttu.
Nýttu þér dýrmæta þekkingu og reynslu íslenskra garðplöntuframleiðenda.
VELDU ÍSLENSK SUMARBLÓM, SÉRMERKT ÞÉR.
FÆREYJAR Um þriggja metra há
flóðbylgja gekk á land í Hvanna-
sundi á Viðey í Færeyjum síð-
degis á miðvikudag. Skömmu
síðar sogaðist sjórinn út og stóðu
bátar á þurru og fiskur lá sprik-
landi í fjörunni, eins og segir í
færeyskum fjölmiðlum. Engar
skýringar hafa fengist á þessum
atburði.
„Það kom alda inn í sundið
sunnan frá og þeir halda að flóð-
bylgjan hafi verið fimm til sex
mílur á lengd. Menn giska á að
mikið grjóthrun hafi orðið á hafs-
botni,“ segir Eiður Guðnason,
aðalræðismaður Íslands í Fær-
eyjum. Eiður segir að um stað-
bundið fyrirbæri hafi verið að
ræða. „Þetta kom hvergi fram
nema á þessum eina stað. Athygl-
isvert er að þetta gerðist í blíðu-
veðri.“ Engan sakaði og ekki er
vitað um tjón.
Magnús Tumi Guðmundsson
jarðeðlisfræðingur segir að þessi
óvenjulegi atburður í Færeyjum
tengist ekki jarðskjálftum á
Íslandi á nokkurn hátt. Mjög lík-
legt sé að um neðansjávarskriðu-
föll sé að ræða eins og rætt er
um í Færeyjum.
- shá
Fiskar og bátar á þurru í Hvannasundi í Færeyjum:
Undarleg sjávarflóð
HVANNASUND Á VIÐEY Atburðirnir eru
óútskýrðir en ljóst að þeir tengjast ekki
jarðskjálftunum hér á Íslandi.
SAMEINUÐU ÞJÓÐIRNAR, AP Meira en
hálf milljón manna hefur flosnað
upp frá heimilum sínum vegna
stríðstátaka á fyrstu fimm mánuð-
um þessa árs. Flestir eru þeir í Afr-
íku. Auk þess hafa þúsundir
óbreyttra borgara farist í stríðsá-
tökum í Darfúr, Gaza, Írak, Afgan-
istan og víðar.
John Holmes, yfirmaður mann-
úðarmála hjá Sameinuðu þjóðun-
um, skýrði Öryggisráði Sameinuðu
þjóðanna frá þessu í vikunni.
Hann sagði að þótt friður sé að
festast í sessi á Fílabeinsströnd-
inni, í Nepal og á Austur-Tímor, og
þrátt fyrir jákvæða þróun víðar í
heiminum, þá eru „milljónir af
venjulegu fólki enn fastar í hryll-
ingi stríðs og átaka“.
Öryggisráðið varði einum degi í
að ræða um vernd almennra borg-
ara í stríðsátökum. Ráðið hefur
samþykkt fjórar ályktanir um þessi
mál án þess að lausn sé í sjónmáli.
Holmes var kallaður á fundinn til
að greina frá stöðu mála, en fundin-
um lauk með því að samþykkt var
yfirlýsing þar sem ráðið segist ætla
áfram að láta sig „áhrif vopnaðra
átaka á óbreytta borgara“ miklu
varða.
Í yfirlýsingunni eru öll brot á
alþjóðalögum fordæmd og sú krafa
gerð að „allir viðkomandi láti án
tafar af slíkri iðju“. - gb
Stríðsátök hafa enn gríðarleg áhrif á almenna borgara víða um heim:
Hálf milljón hrakist á flótta
FLÓTTAFÓLK FRÁ DARFÚR Öryggisráð
Sameinuðu þjóðanna skorar á ríki
heims að hætta að brjóta alþjóðalög.
NORDICPHOTOS/AFP
LONDON, AP Nýi borgarstjórinn í
London, Boris
Johnson, kveðst
ætla að binda
enda á umdeild-
an samning við
Venesúela um
ódýrt eldsneyti
fyrir almenn-
ingsvagna
borgarinnar.
Samkvæmt
samningnum, sem gerður var í
borgarstjóratíð vinstrimannsins
Ken Livingstone, fékkst afsláttur
af eldsneyti á vagnana gegn því að
veita ráðgjöf um skipulagsmál í
höfuðborg Venesúela, Caracas.
Gagnrýnisraddir hafa sagt samn-
inginn leyfa einni ríkustu borg
heims að arðræna þróunarland.
Samningurinn rennur út í ágúst og
verður ekki endurnýjaður. - rat
Samgöngur í London:
Hætt við Venes-
úela-samning
BORIS JOHNSON
JÓMFRÚARFERÐ Stoltur svanasteggur
fylgir unga sínum áleiðis út í hinn
stóra heim í Lincoln Park dýragarðin-
um í Chicago.
NORDICPHOTOS/AFP
ÞÝSKALAND, AP Vinstriflokkurinn,
yngsti flokkur Þýskalands, lauk
fyrsta landsþingi sínu með því að
sverja að nýta þann meðbyr sem
flokkurinn hefur notið í kosning-
um til héraðsþinga og sveitar-
stjórna að undanförnu til að koma
sterkur til leiks í kosningum til
Sambandsþingsins eftir rúmt ár.
Hinir 550 landsþingsfulltrúar
sem komu saman í austurþýsku
borginni Cottbus staðfestu Oskar
Lafontaine í embætti flokksfor-
manns. Vinstriflokkurinn varð til
árið 2005 úr arftakaflokki
austurþýska kommúnistaflokksins
og hópi vesturþýskra vinstri-
manna. - aa
Flokksþing Vinstriflokks:
Lafontaine
áfram formaður