Fréttablaðið - 31.05.2008, Síða 30

30 31. maí 2008 LAUGARDAGUR
F
jölmargir ungir og efnilegir leikarar, söngvarar og dansarar
mættu í prufur í Loftkastalanum haustið 1997, í von um að fá
hlutverk í söngleiknum Bugsy Malone í leikstjórn Baltasars
Kormáks. Söngleikurinn var frumsýndur við góðar undir-
tektir í byrjun árs 1998 og vegna mikillar aðsóknar stóðu
sýningar fram á haust sama ár, með hléi yfir sumartímann.
Þeir sem réðu í hlutverkin hafa heldur betur haft gott auga fyrir
upprennandi hæfileikafólki því margir af krökkunum hafa haslað sér
völl sem leikarar á síðustu árum. Myndirnar eru ýmist teknar úr
Ljósmyndasafni Reykjavíkur eða úr leikskrá sýningarinnar, þar sem
Grímur Bjarnason sá um myndatöku.
„Ég hafði leikið í nokkrum leikritum og sjónvarpsmyndum og var að
leika í Fiðlaranum á þakinu á sama tíma og Bugsy var sýnt, svo ég hafði
nokkuð góða reynslu. Ég var orðin 16 ára og var svona í eldri kantinum
miðað við hina, en yngstu krakkarnir voru 10 eða 11 ára. Bugsy Malone
var ein uppáhaldsmyndin mín, svo mér fannst þetta mjög spennandi og
vissi alveg hvaða hlutverk mig langaði að leika þegar Baltasar hafði
samband og bað mig um að koma í prufur,“ segir Álfrún Örnólfsóttir
sem hafði leikið mun stelpulegri hlutverk í sýningum á borð við Söngva-
seið og Emil í Kattholti fram að hlutverki sínu sem Tallulah í Bugsy
Malone.
„Þetta var fyrsta „fullorðins“-hlutverkið mitt þar sem ég var að reyna
að vera kvenleg, að leika dívu og táldraga Þorvald Davíð, sem var miklu
minni en ég á þessum tíma,“ segir Álfrún og hlær.
Þorvaldur Davíð Kristjánsson var fjórtán ára gamall þegar hann lék
annað aðalhlutverkanna í sýningunni og segir miklar breytingar hafa átt
sér stað á þessum tíma. „Ég man að búningurinn minn var orðinn of lítill
undir lokin, en þá höfðum við tekið hlé yfir sumartímann. Maður
stækkaði svo hratt á þessum tíma,“ segir Þorvaldur Davíð. „Þetta var
mjög skemmtilegt og hópurinn alveg frábær. Ég datt eiginlega inn í
þetta fyrir tilviljun, því mér var bara sagt frá prufunum og ég ákvað að
skella mér. Þá var ég reyndar búinn að vera í Kardemommubænum í
Þjóðleikhúsinu og tala inn á teiknimyndina Lion King, svo maður var
kominn með ágætis ferilskrá eftir Bugsy Malone svona miðað við aldur,“
sagði Þorvaldur Davíð að lokum.
Fyrstu skrefin stigin í Bugsy Malone
Það var fríður hópur ungmenna sem þreytti frumraun sína á leiksviði í söngleiknum Bugsy Malone fyrir réttum áratug. Ungur
og upprennandi leikstjóri, Baltasar Kormákur, leiðbeindi þar krökkum á borð við Álfrúnu Örnólfsdóttur og Þorvaldi Davíð
Kristjánssyni. Alma Guðmundsdóttir rifjaði upp þennan vinsæla söngleik.
GÓÐUR HÓPUR Margir krakkar fóru í prufur fyrir hlutverk í Bugsy Malone og hér má sjá þau sem urðu fyrir valinu. LJÓSMYND/HILMAR ÞÓR
Sem barn fékk hann hvert hlutverkið á fætur öðru í hinum ýmsu uppfærslum og talsetti meðal
annars hlutverk í teiknimyndinni Lion King og söng einnig á barnaplötunni Barnabros.
Árið 2007 hlaut Þorvaldur inngöngu í hinn virta Juilliard-listaháskóla í New York og er hann
fyrsti Íslendingurinn til þess að hljóta inngöngu í leiklistardeild skólans.
Þorvaldur Davíð Kristjánsson
Á langan starfsferil að baki, hún lék aðeins tíu ára gömul aðalhlutverkið í kvikmyndinni Svo á jörðu
sem á himni. Síðan hefur hún leikið fjölda hlutverka í sjónvarpi og kvikmyndum. Hún útskrifaðist
úr Webber Douglas Academy of Dramatic Art árið 2003. Eftir að hún kom heim úr námi hefur hún
tekið þátt í fjölda leiksýninga, meðal annarra Eldað með Elvis, Úlfhamssögu og Segðu mér allt.
Álfrún Örnólfsdóttir
LJ
Ó
SM
YN
D
/B
RY
N
JA
R
G
A
U
TI
ÞORVALDUR DAVÍÐ OG ÁLFRÚN
Hér má sjá stærðarmuninn á
þeim, en parið fór með aðalhlut-
verkin í sýningunni.
LJ
Ó
SM
YN
D
/H
A
R
I
MEÐ LEIKSTJÓR-
ANUM Þorvaldur
Davíð og nokkrir
krakkar úr sýning-
unni með leikstjór-
anum, Baltasar
Kormáki.