Fréttablaðið - 31.05.2008, Side 44

● heimili&hönnun
Skógarmunstraðir lampar
N orski hönnuðurinn Cathrine Kullberg setti á stofn sitt eigið lampaframleiðslufyrirtæki árið 2006 og sýndi fyrsta lampann
sinn ári síðar. Hún byggir á aldagamalli skandinavískri hefð við lampa-
gerð og notar þunna birkirenninga í skerma í lampalínu sína Norweg-
ian Forest. Í viðinn er skorið út munstur, norskur greniskógur og má
sjá skógardýr á sveimi milli trjánna. Þegar kveikt er á lampanum lýsir
gullinni birtu gegnum birkiviðinn og munstrið lifnar við þegar ljósið
skín í gegnum það.
Birkirenningarnir eru skornir niður af flugvélamódelsmiði og stál-
grindin er smíðuð á málmverkstæði í nágrenni vinnustofu hönnuðar-
ins en allir lamparnir eru settir saman í höndunum á vinnustofunni.
Cathrine Kullberg lærði hönnun og arkitektúr ásamt listasögu og
útskrifaðist árið 2000 með mastersgráðu í hönnun. Nánar má lesa um
hönnun hennar á vefsíðunni, www.cathrinekullberg.com
Forum Aid var stofnað árið 1976
sem málgagn sænskra innanhúss-
hönnuða. Árið 1999 varð tímarit-
ið óháð fagtímarit og spanna efn-
istökin arkitektúr og hönnun al-
mennt á Norðurlöndunum.
Ritstjóri Forum Aid, Daniel
Colling, segir lesendahóp blaðsins
mestmegnis vera fagfólk í geir-
anum en öllum sem áhuga hafa á
skandinavískri hönnun og arki-
tektúr, ætti að þykja tímaritið
áhugavert.
„Efnistökin hjá okkur eru ein-
stök að því tilliti að óháðir blaða-
menn fjalla um hönnun og arki-
tektúr,“ útskýrir Daniel. „Við
fáum ekki hönnuðina sjálfa til að
fjalla um sín verk en Forum Aid
er eina tímaritið sem ég þekki til
sem nálgast hönnun eins og önnur
tímarit nálgast dægurmenningu.
Greinarnar okkar fjalla oftar en
ekki jafn mikið um persónuna bak
við hönnunarverkefnið eins og
verkefnið sjálft.“
Daniel segir blaðið hafa það að
markmiði að fjalla um það nýjasta
sem er að ger-
ast og kortleggja
framtíðina í arki-
tektúr og hönn-
un. Í nýjasta tölu-
blaði Forum Aid
er fjallað um ís-
lenska hönnun
og er það að detta
inn í verslanir Ey-
mundsson þessa
dagana. „Það er
ekkert fagtímarit
sem fjallar um ís-
lenska hönnun á markaðinum og
eðlilegt að við gerum það, þar sem
við fjöllum um öll Norðurlöndin,“
segir Daniel. „Það er mikil gróska
í íslenskri hönnun í dag og við
munum sannarlega fjalla oftar um
íslenska hönnun en hún sker sig
úr á Norðurlöndunum að því er
okkur finnst. Samfélagið er lítið
og hér er enginn stór húsgagna-
iðnaður. Það gerir íslenska hönn-
uði fjölhæfari en kollega þeirra
annars staðar á Norðurlöndum.“
Í grein sem ber yfirskriftina
„Iceland´s future“, eða framtíð
Íslands, er meðal annars fjallað
um grafík Signýjar Kolbeinsdótt-
ur og Hönnunarfyrirtækið Borðið.
Aftar í blaðinu er fjallað um arki-
tektastofuna Arkibúlluna.
- rat
Sænskt tímarit fjallar um íslenska hönnun
● Sænska hönnunartímaritið Forum Aid verður nú selt í bókabúðum hér á landi. Fjallað er um íslenska hönnun í nýjasta tölublaðinu.
Framtíð Íslands er yfirskrift greinarinnar þar sem íslenskir hönnuðir
koma við sögu. Aftar í blaðinu er fjallað um Arkibúlluna og segir ritstjóri
blaðsins að reglulega verði fjallað um íslenska hönnun.
● SAMEINAÐIR
KRAFTAR Í HÖNN-
UN Tveir þungavigtarmenn
í hönnun, hinn franski Pierre
Charpin og Ítalinn Alessandro
Mendini, leggja saman krafta sína á
hönnunarsýningu í Kreo-galleríinu í París. Þeir
sýna sameiginlega hönnun á mósaíkhús-
gögnum og list. Með sýningunni vilja
þeir sýna fram á fegurð og notagildi
mósaíklistarinnar. Einn af munum
sýningarinnar er endurgerður
hægindastóll eftir Mend-
ini sjálfan, þar sem
hönnuðirnir gerðu
mósaíkhlaðna útgáfu
af stólnum fræga.
Sýningin opnaði
24. maí síðastliðinn og
stendur fram til 25. júní
næstkomandi.
hönnun
Járnsmiðja Óðins
Persónuleg þjónusta og fagleg ráðgjöfjsó
31. MAÍ 2008 LAUGARDAGUR4