Fréttablaðið - 11.06.2008, Qupperneq 10

10 11. júní 2008 MIÐVIKUDAGUR
LÖGREGLUMÁL Norskir feðgar sem leitað var í alla
fyrrinótt fundust sofandi í bíl sínum við Jökulsárlón
í gærmorgun.
Feðgarnir höfðu ekkert látið vita af sér síðan
á fimmtudag og því var afráðið að hefja eftir-
grennslan í fyrrakvöld. Lögreglan á Húsavík hafði
yfir umsjón með leitinni þar sem feðgarnir höfðu síð-
ast sést á þeim slóðum.
Talið var að þeir hefðu ætlað á hálendið, þar sem
flestir vegir eru enn ófærir. Ekki var hægt að leita
úr lofti sökum lélegs skyggnis og því voru björgun-
arsveitarmenn sendir á flesta hálendisvegi.
Í gærmorgun tókst lögreglu að rekja greiðslukorta-
notkun föðurins til Víkur í Mýrdal og eftirgrennslan
leiddi í ljós að þaðan höfðu þeir ætlað til Seyðis-
fjarðar. Þeir fundust síðan við Jökulsárlón.
Feðgarnir komu til landsins með glænýjan silfur-
gráan Honda CRV-jeppling, sem faðirinn hugðist
mynda við framandlegar aðstæður í atvinnuskyni. Í
þeim bíl fundust feðgarnir sofandi. Ekkert amaði að
þeim og þeir höfðu ekki hugmynd um að víðtæk leit
hefði staðið yfir að þeim. Að sögn lögreglu er ekki
vitað hvers vegna þeir höfðu ekki samband við fjöl-
skyldu sína í heimalandinu í fjóra daga. - sh
SLÓVENÍA, AP George W. Bush
Bandaríkjaforseti og evrópskir
bandamenn Bandaríkjanna hótuðu
í gær sameiginlega harðari þving-
unaraðgerðum gegn Íran í því
skyni að minnka möguleika Írans-
stjórnar á að geta komið sér upp
kjarnorkuvopnum. Bush sagði að
horfur á kjarnorkuvígvæddu Íran
myndu ógna heimsfriðnum.
„Þeir geta annað hvort kallað
yfir sig einangrun eða þeir geta
valið betri tengsl við okkur öll,“
sagði Bush um ráðamenn Írans á
blaðamannafundi eftir síðasta
samráðsfund sinn með leiðtogum
Evrópusambandsins, sem að þessu
sinni fór fram í kastala við bæinn
Kranj í Slóveníu. Slóvenar ljúka
formennskumisseri sínu í ESB
eftir leiðtogafund sambandsins í
næstu viku.
Langur listi umræðuefna var á
dagskrá fundar Bush og ráðherra
hans með evrópskum kollegum
sínum, en Íransmálið virðist hafa
sett önnur mál í skuggann.
Íransstjórn heldur því staðfast-
lega fram að hún áformi aðeins
friðsamlega nýtingu kjarnorkunn-
ar til raforkuframleiðslu. En það
standa á henni mörg spjót þar sem
hún hefur virt að vettugi þrjár
ályktanir öryggisráðs Sameinuðu
þjóðanna og heldur áfram að
auðga úran.
Bush varaði við því að ef svo
skyldi fara að Írönum tækist að
koma sér upp kjarnorkuvopnum
„myndi hinn frjálsi heimur spyrja:
hvers vegna gerðum við ekki eitt-
hvað í þessu tímanlega? ... Nú er
tíminn fyrir skilvirka diplómasíu.“
Meðal annarra mála sem leið-
togarnir ræddu voru aðgerðir
gegn hlýnun loftslags, efnahags-
þrengingar vestan- sem austan-
hafs, friðarhorfur í Mið-Austur-
löndum, Afganistan og fleira.
Að fundinum í Slóveníu loknum
heldur Bush til Berlínar, þar sem
hann tekur þátt í minningarathöfn
um loftbrúna sem fyrir sextíu
árum sá Vestur-Berlínarbúum
fyrir öllum nauðsynjum er Stalín
lét loka öllum landsamgöngum
þangað.
Því næst flýgur forsetinn til
Rómar og hittir Berlusconi for-
sætisráðherra og Benedikt XVI
páfa. Næsti áfangastaður er París
en eftir viðkomu í Lundúnum
lýkur hann þessari síðustu Evr-
ópuför sinni sem forseti í Belfast
á Norður-Írlandi.
audunn@frettabladid.is
Mest rætt um
málefni Írans
Á leiðtogafundi Bandaríkjanna og ESB skyggðu
umræður um frekari refsiaðgerðir gegn Íransstjórn
á aðra dagskrárliði. Með fundinum hóf George W.
Bush síðustu Evrópuförina í forsetatíð sinni.
ÞRÝSTA Á ÍRAN Bush ásamt slóvenska forsætisráðherranum Janez Jansa og Jose
Manuel Barroso, forseta framkvæmdastjórnar ESB, við Brdo-kastala í Slóveníu í gær.
FRÉTTABLAÐIÐ/AP
STJÓRNSÝSLA „Þetta er mikil breyt-
ing á skipan ákæruvaldsins,“
segir Ragna Árnadóttir, ráðu-
neytisstjóri dóms- og kirkju-
málaráðuneytisins.
Á síðasta degi þingsins voru
samþykkt ný lög um meðferð
sakamála en með því var nýtt
embætti héraðssaksóknara stofn-
að. Lögin munu taka gildi 1. jan-
úar árið 2009 en þau eru afrakstur
margra ára vinnu réttarfars-
nefndar.
„Þetta tryggir vandaðri máls-
meðferð hjá ákæruvaldinu þar
sem það yrði þrískipt. Nú er það
hins vegar tvískipt í höndum lög-
reglustjóra og ríkissaksóknara.“
Embætti héraðssaksóknara
tekur ákvarðanir á fyrsta stjórn-
sýslustigi í nán-
ast öllum meiri
háttar sakamál-
um, þar á meðal
manndráps- og
kynferðis-
brotamálum.
„Lögreglu-
stjóra er gefið
meira svigrúm
til að ljúka máli
með sekt án
ákæru. Það þýðir að málum sem
til dæmis færu fyrir dómstóla í
dag myndi ljúka hjá honum,“
segir Ragna.
Hlutverk ríkissaksóknara sam-
kvæmt lögunum verður aðallega
að setja reglur og hafa eftirlit
með öðrum ákærendum. - vsp
Embætti héraðssaksóknara sett á laggirnar:
Ákæruvaldið verður
þrískipt um áramótin
RAGNA
ÁRNADÓTTIR
LÖGREGLUMÁL Tekið hefur gildi
reglugerð sem kveður á um útgáfu
evrópsks skotvopnaleyfis á Íslandi.
Handhöfum leyfisins er heimilt
að fara með skotvopn sín til veiða
eða stunda íþróttaskotfimi á
Schengen-svæðinu. Þetta er þó
aðeins heimilt sé notkun vopnsins
leyfð í viðkomandi landi og dvölin
skemmri en þrír mánuðir. Leyfin
verða gefin hjá lögreglustjórum
um allt land. - kg
Evrópskt skotvopnaleyfi:
Þarf ekki leyfi
til útflutnings
AKUREYRI Í ljósi reynslu frá dög-
unum í kringum 17. júní síðustu
ár, sem einkennst hafa af ofbeldi
og áfengis- og vímuefnaneyslu á
tjaldsvæðum Akureyrarbæjar að
Hömrum og Þórunnarstræti, verð-
ur aðgengi stýrt að tjaldsvæðun-
um í ár.
Kemur þetta fram í tilkynningu
rekstaraðila tjaldsvæðanna og
tekur til daganna 12. til 18. júní í
sumar.
Þar segir að einnig verði aukin
öryggis- og löggæsla til að tryggja
að reglum tjaldsvæðanna sé fram-
fylgt, að aðgengi sé fyrir fjöl-
skyldufólk en miðist við tuttugu
ár fyrir aðra. - ovd
Aukið eftirlit á Akureyri:
Stýra aðgengi að tjaldsvæðum
LÖGREGLA Tilkynnt var um reyk í
Dvergabakka í Breiðholti klukkan
þrjú aðfaranótt þriðjudags. Þar
hafði kviknað í potti í eldhúsi
þegar verið var að elda súpukjöt.
Töluverður reykur var í húsinu
og íbúi var fluttur á spítala með
vott af reykeitrun.
Í fyrrakvöld kom upp mikill
eldur í þríbýlishúsi við Álfaskeið
í Hafnarfirði og er húsið nú
nánast gjörónýtt. Enginn slasaðist
í eldsvoðanum.
Mikill vatnsleki var snemma í
gærmorgun í fjölbýlishúsi í
miðbæ Reykjavíkur. Telur
lög reglan að þó nokkrar skemmd-
ir hafi orðið á húsinu. - vsp
Erill var hjá slökkviliðinu:
Kviknaði í
súpukjötspotti
ALLT Á FLOTI Í INDIANA Svona var
umhorfs við bakka Hvítár nærri Elnora
í Indiana-ríki í gær. Búist var við að
draga færi úr vatnavöxtunum.
FRÉTTABLAÐIÐ/AP
Straumur tók kafara
Fimm evrópskir kafarar, þar af einn
sænskur, hurfu þar sem þeir voru við
köfun í Indónesíu nýlega. Kafararnir
fundust á eyðieyju eftir tvo sólar-
hringa en sterkur hafstraumur hafði
hrifið þá með sér, að sögn Svenska
Dagbladet.
ASÍA
Víðtæk leit gerð á hálendinu að norskum ljósmyndara og syni hans:
Fundust sofandi í myndefninu
SEBASTIAN
HOLT
TORE
HOLT