Fréttablaðið - 11.06.2008, Side 50

26 11. júní 2008 MIÐVIKUDAGUR
sport@frettabladid.is
Valur og KR mætast á Vodafonevellinum í
kvöld kl. 19.15 í einum af stórleikjum sum-
arsins í kvennaboltanum. Bæði lið eru
með fullt hús stiga eftir fimm umferðir
og hafa stungið af í deildinni.
Margrét Lára Viðarsdóttir, leik-
maður Vals, kvað Valsstúlkurnar
tilbúnar í slaginn.
„Það er gríðarlega góð stemming
í Valsliðinu og mikil eftirvænting
eftir þessum leik, sem er klárlega
einn af stórleikjum sumarsins,“
sagði Margrét Lára, sem telur
að Íslandsmeist-
arar Vals hafi alla
burði til þess að
halda uppteknum
hætti í Lands-
bankadeildinni sumar.
„Það er komin gríðarlega reynsla í
okkar hóp, reynsla sem hefur verið
að koma á undanförnum tímabilum
með þátttöku í Evrópu-
keppnum og öðru,
sem á örugglega eftir
að hjálpa okkur
í undirbúningi fyrir svona leik.
Við vitum samt að við þurfum
að vera klárar þegar leikurinn
byrjar og sýna hvað við getum inni á
vellinum.“
Hólmfríður Magnúsdóttir, leik-
maður KR, kvað KR-stúlkur ekki
síður spenntar fyrir leiknum
en stöllur þeirra hjá Val.
„Við lentum í smá
ströggli í upphafi móts
en höfum náð að
klára alla okkar leiki og þetta er allt
að smella hjá okkur núna,“ sagði
Hólmfríður, sem er eðlilega
minnug þess hvernig fór hjá
KR í fyrra þar sem Vestur-
bæjarliðið tapaði aðeins
einum leik um sumarið en varð
að sætta sig við annað sætið.
„Við komum náttúrlega alveg
brjálaðar í þennan leik og ætlum
okkur ekkert annað en sigur og
erum orðnar hungraðar í að fá
Íslandsmeistaratitilinn í Vesturbæ-
inn,“ sagði Hólmfríður, sem vonast
til þess að fólk fjölmenni á völlinn.
„Það væri gott fyrir okkur ef stuðn-
ingsmenn KR myndu fjölmenna á
völlinn og ég skora sérstaklega á stuðn-
ingsmannafélagið „Miðjuna“ að mæta.“
LANDSBANKADEILD KVENNA Í FÓTBOLTA: MARGRÉT LÁRA, VAL, OG HÓLMFRÍÐUR, KR, VERÐA Í ELDLÍNUNNI Í KVÖLD
Einn af stórleikjum sumarsins í kvennaboltanum
> Aron Einar til Coventry?
Samkvæmt heimildum vefmiðilsins Vísis á landsliðsmað-
urinn Aron Einar Gunnarsson, leikmaður AZ Alkmaar í
Hollandi, nú í viðræðum Coventry eftir að AZ samþykkti
kauptilboð enska félagsins í leikmanninn. Aron Einar, sem
hefur verið fastamaður í landsliðshópum Ólafs Jóhannes-
sonar, hefur ekki farið leynt með vilja sinn til að komast
burt frá AZ en hann hefur verið að leika með
unglinga -og varaliði félagsins til þessa.
Coventry rétt náði að bjarga sér frá falli í
næst efstu deild á Englandi á nýaf-
stöðnu tímabili þegar félagið endaði í
21. sæti af 24. félögum í deildinni.
Knattspyrnustjóri Coventry er
Chris Colemann sem þjálfaði
Heiðar Helguson hjá Fulham á
sínum tíma.
FÓTBOLTI Skagamaðurinn Stefán Þór Þórðarson
var dæmdur í tveggja leikja bann af aga- og
úrskurðarnefnd KSÍ í gær. Sex aðrir leikmenn,
einn forráðamaður og einn þjálfari úr Lands-
bankadeild voru settir í skammarkrókinn.
Það var af nógu að taka á fundi Aga- og
úrskurðarnefndar KSÍ en alls níu rauð
spjöld fóru á loft í 6. umferð Lands-
bankadeildar karla. Flest spjöld voru í
leik Fram og Grindavíkur þar sem
Grindvíkingarnir Zoran Stamenic,
Marinko Stamenic og Scott Ramsey
fengu reisupassann. Í leikslok fengu
svo þjálfarinn Milan Stefán Jankovic
og forráðamaðurinn Ingvar Guðjóns-
son hjá Grindavík brottvísanir. Allir
þessir aðilar voru dæmdir í eins leiks
bann, sem og þeir Atli Sveinn Þórarins-
son, hjá Val, Davíð Þór Viðarsson, hjá
FH og Kristján Valdimarsson, hjá Fylki.
Stefán Þór Þórðarson, hjá ÍA, var hins vegar
dæmdur í tveggja leikja bann eftir að hafa feng-
ið sitt annað rauða spjald í sumar gegn HK, en
Stefán Þór var þá að spila sinn fyrsta leik eftir
að hafa afplánað eins leiks bann. Stefán Þór
var vissulega svekktur með að vera að
fara aftur í leikbann en kvaðst engu geta
ráðið um það núna og horfir björtum
augum fram á veginn.
„Það þýðir lítið að tala um þessi
rauðu spjöld núna, það hefur ekkert
upp á sig,“ sagði Stefán Þór, sem fund-
aði með þjálfara og stjórn ÍA um stöðu
mála á mánudagskvöld.
„Við ætlum bara að leggja þetta
mál að baki okkur og horfa fram á
veginn. Ég mun alla vega ekki breyta
mínum leikstíl, það er hlutur sem ég
mun ekki gera, því miður fyrir suma.
Ég stend í þeirri trú að allir leikmenn
séu jafnir þegar þeir ganga inn á völl-
inn og vona að það sé þannig,“ sagði
Stefán Þór að lokum. - óþ
Aga- og úrskurðarnefnd KSÍ tók fyrir 6. umferð Landsbankadeildar karla í gær:
Nóg að gera hjá aganefndinni
SVEKKTUR Stefán Þór fékk tveggja
leikja bann í gær.
FRÉTTABLAÐIÐ/EIRÍKUR
Auglýsingasími
– Mest lesið
KÖRFUBOLTI Jón Arnór Stefánsson
og félagar í Lottomatica Roma
urðu fyrstir til þess að vinna Mont-
epaschi Siena í úrslitakeppninni
þegar þeir unnu öruggan sigur, 84-
70, á heimavelli sínum í PalaLott-
omatica í gærkvöldi.
Jón Arnór gaf sínu liði tóninn og
trúna með frábærri byrjun en hann
skoraði öll sjö stigin sín í fyrsta
leikhluta og stal auk þess 5 boltum
og tók 3 fráköst á 26 mínútum. Bar-
áttan og hungrið í sigur var þó hans
meginframlag til leiksins í gær og
átti stóran þátt í frábærum sigri.
„Spennustigið hjá okkur var rétt
í kvöld. Við vorum afslappaðir og
mun afslappaðri en í hinum leikj-
unum því öll pressan var á þeim.
Við komum inn í þennan leik með
því hugarfari að láta reyna á þetta
og berjast og spennustigið var
jafnt og gott hjá okkur. Það var
samt vörnin sem skilaði þessum
sigri því varnartaktíkin var ofsa-
lega góð hjá okkur,“ sagði Jón
Arnór og bætti við: „Ég fann mig
vel í kvöld og svona hefur mér liðið
mestallt tímabilið. Það er gott að
vera kominn með þessa tilfinningu
aftur. Þessir tveir síðustu leikir
hafa verið mjög góðir fyrir mig og
sjálfstraustið,“ sagði Jón Arnór,
sem hefur skorað 15 stig í síðustu
tveimur leikjum eftir að hafa skor-
að 8 stig í fyrstu tveimur leikjun-
um í Siena.
Jón Arnór var aftur í byrjunar-
liðinu og byrjaði aftur á Mið-Afr-
íkumanninum Romain Sato. Það
var greinilega að dagsskipunin hjá
Siena var að fara inn á Sato í upp-
hafi leiks en Jón Arnór stoppaði
hann þrisvar í fyrstu tveimur sókn-
unum og skoraði síðan fimm stig á
fyrstu þremur mínútunum, öll úr
hraðaupphlaupum. Jón Arnór át
Sato hreinlega og eftir fimm mín-
útur var Sato skipt útaf. Jón Arnór
fékk síðan mikið klapp þegar hann
fékk sína fyrstu hvíld með 5 stig og
2 stolna bolta á fyrstu 7 mínútun-
um.
Jón Arnór byrjaði svo annan
leikhluta og gætti þá Litháans
Rimantas Kaukenas. Góð vörn
Jóns þvingaði strax tapaðan bolta
og skoraði hann síðan í framhald-
inu körfu úr hraðaupphlaupi og
fékk víti að auki. Vítið fór reyndar
forgörðum en Jón Arnór var orð-
inn langstigahæstur í Rómarliðinu
með sjö stig.
Jón Arnór settist á bekkinn
þegar fjórar og hálf mínúta voru
liðnar. Lottomatica lenti í kjölfarið
undir en skoraði fjögur stig í röð
og komst aftur yfir skömmu eftir
að Jón Arnór kom aftur inn í leik-
inn. Staðan var síðan jöfn, 39-39,
þegar hálfleiksflautið gall.
Lottomatica-liðið hitti hins vegar
mjög illa úr þriggja stiga körfum
og það var aðeins Jón Arnór sem
hitti úr þriggja stiga skoti í fyrri
hálfleik en ekkert átta skotanna
sem aðrir leikmenn tóku rötuðu í
körfuna.
Jón Arnór fékk nú að byrja
seinni hálfleikinn og Jasmin
Repesa gerði ekki sömu mistök og
í síðasta leik. Jón Arnór stal boltan-
um eftir aðeins tuttugu sekúndur,
fiskaði villu strax í kjölfarið og
Roma komst síðan yfir í sókninni á
eftir. Gott frákast og góð ákvörðun
Jóns í næstu sókn á eftir skilaði sér
í opnu þriggja stiga skoti sem Haw-
kins setti niður og kom Lottomati-
ca fimm stigum yfir, 44-39. Jón
Arnór náði síðan að stela fimmta
boltanum sínum í leiknum áður en
hann fékk aftur hvíld. Staðan fyrir
lokaleikhlutann var 59-56 fyrir
Lottomatica.
Ibrahim Jaaber átti flotta rispu í
upphafi fjórða leikhluta og eftir
níu stig í röð hjá honum var Lott-
omatica komið tíu stigum yfir, 68-
58. Jón Arnór sat á bekknum á
meðan liðið náði þessum frábæra
kafla en með hverri körfu jókst
stemningin og stuðningurinn við
Lottomatica-liðið. Það gekk hrein-
lega allt upp hjá Rómarliðinu og
það náði í kjölfarið þrettán stiga
forskoti. Munurinn var 9 stig þegar
Jón Arnór kom aftur inn í leikinn
þegar 4:40 voru eftir. Jón Arnór
kom yfirvegun inn í liðið á þessum
tíma og Lottomatica stýrði skút-
unni heim og vann flottan fjórtán
stiga sigur, 84-70.
„Núna er allt önnur staða komin
upp og ef við stelum næsta leik er
þetta orðin sería aftur. Maður finn-
ur það að þegar á móti blæs hjá
þessu liði verða þeir svolítið stress-
aðir,“ sagði Jón Arnór og er bjart-
sýnn fyrir fimmta leikinn annað
kvöld. ooj@frettabladid.is
Gaf Lottomatica tóninn og trúna
Einbeittur og einstaklega baráttuglaður Jón Arnór Stefánsson átti mikinn þátt í frábærum 14 stiga sigri
Lottomatica Roma á Montepaschi Siena, sem hafði ekki tapað leik síðan í deildarkeppninni 20. janúar.
HARÐFYLGI Jón Arnór gefur hér ekkert
eftir gegn leikmönnum Montepaschi
Siena. GRAZIANERI
EINBEITTUR Jón Arnór átti góðan leik fyrir Lottomatica Roma í 84-70 sigri liðsins
gegn Montepaschi Siena á heimavelli í fjórða leik liðanna í úrslitaeinvígi um ítalska
meistaratitilinn. Staðan í einvíginu er 3-1 fyrir Montepaschi Siena. GRAZIANERI
ÍTALSKI KÖRFUBOLTINN
ÓSKAR ÓFEIGUR JÓNSSON
skrifar frá Róm
ooj@frettabladid.is