Fréttablaðið - 12.07.2008, Blaðsíða 6

6 12. júlí 2008 LAUGARDAGUR
FORYSTUMENN LANDSBANKANS
Björgólfur Guðmundsson naut ekki fjár-
styrkja frá sovéska kommúnistaflokkn-
um, segir héraðsdómur. FRÉTTABLAÐIÐ/HARI
HÚSNÆÐI Afnám stimpilgjalda
dugir ekki til að leiðrétta það
offramboð eigna sem er á
húsnæðismarkaði, segir Árni M.
Mathiesen fjármálaráðherra.
Hann var spurður um hugsanleg
áhrif þess að stimpilgjöld af
fyrstu íbúð voru afnumin.
Benti Árni á að fjölmargt annað
hefði áhrif á húsnæðisverð:
„Jafnvel breytingarnar sem við
gerðum [á Íbúðalánasjóði]
leiðrétta ekki offramboðið alveg.
Það skiptir máli að halda mark-
aðnum gangandi. Þar verður
verðmyndunin og okkar tilgangur
er að hann frjósi ekki.“
- kóþ
Afnám stimpilgjalda:
Minnkar ekki
offramboðið
MINNING Bautasteinn til heiðurs
Einari Oddi Kristjánssyni
þingmanni verður afhjúpaður á
Flateyri í dag. Rétt ár er um liðið
síðan Einar Oddur lést.
Samtök atvinnulífsins og
Alþýðusamband Íslands hafa látið
reisa bautasteininn. „Þetta var
mjög viðeigandi sameiginlegt
verkefni,“ segir Vilhjálmur
Egilsson, framkvæmdastjóri
samtakanna.
„Okkur þykir rík ástæða til
þess að halda minningu Einars
Odds á lofti, ekki síst í ljósi þess
mikla framlags sem hann lagði til
þjóðarsáttarinnar á sínum tíma.“
- ht
Bautasteinn afhjúpaður í dag:
Til minningar
um Einar Odd
EINAR ODDUR KRISTJÁNSSON Bauta-
steinn til minningar um hann verður
afhjúpaður í dag.
AFGANISTAN, AP Um síðustu helgi
urðu bandarískir hermenn 47
óbreyttum borgurum að bana í
Afganistan. Fólkið var á leiðinni
til brúðkaupsveislu í Nangarhar-
héraði í austanverðu landinu
þegar bandaríski herinn gerði
loftárás.
Þessu halda stjórnvöld í
Afganistan fram, en Bandaríkja-
her hefur neitað því að óbreyttir
borgarar hafi fallið í árásinni.
Burhanullah Shinwari, varafor-
seti öldungadeildar Afganistans,
var formaður níu manna nefndar
sem rannsakaði málið. Hann segir
að 39 þeirra sem fórust hafi verið
börn og konur, þar á meðal
brúðurin. Enginn í hópnum hafi
tengst Al Kaída. - gb
Bandaríkjaher í Afganistan:
Tugir borgara
féllu í loftárás
GERT AÐ SÁRUM DRENGS Allt að tíu
manns voru fluttir á sjúkrahús í Jalala-
bad. FRÉTTABLAÐIÐ/AP
HEIMILISLÆKNIR
Domus Medica
Torbjörn Andersen, sérfræðingur í heimilis-
lækningum hefur opnað stofu í Domus
Medica 3.hæð. Viðtalstímar 08:00-15:30.
Tímapantanir í síma 563-1032.
HEILSUVERND Talið er að um helm-
ingur íbúa Evrópu búi við hávaða
yfir eðlilegum mörkum samkvæmt
skýrslu Alþjóðaheilbrigðismála-
stofnunarinnar (WHO) og Evrópu-
sambandsins.
„Áreitið í umhverfinu hefur
mikil áhrif á heyrn okkar allra;
bílaumferð, hávær tónlist og stór-
ar verksmiðjur eru þar miklir
áhrifavaldar,“ segir Ólafur Hjálm-
arsson hljóðverkfræðingur. Hann
segist þó hafa mestar áhyggjur af
börnunum í leik- og grunnskólum
landsins.
„Frá því að skólatími leikskóla
var lengdur úr fjórum í átta tíma á
dag getur heyrnarskaði barna auk-
ist gífurlega enda mikill hávaði
allan daginn. Á mörgum deildum
leikskóla eru allt of mörg börn og
við það eykst hávaðinn.“
Hávaðaviðmiðunarkröfur Vinnu-
eftirlits ríkisins eru að vinnustaðir
hafi ekki meira en sem nemur 85
desíbelum að jafnaði á vinnutíma. Í
mælingu Vinnueftirlitsins frá 8.
desember 2006 kom fram að marg-
ir leikskólar væru með nálægt 100
desíbel að jafnaði.
„Í reglum Vinnueftirlits ríkisins
þurfa starfsmenn fyrirtækis með
yfir 85 desíbel að jafnaði á vinnu-
tíma að vera með heyrnahlífar,“
segir Ólafur.
Svokallaður ómtími er mæli-
kvarði á hversu hljómmikil rými
eru og er þar miðað við sekúndu-
fjölda. Eftir því sem ómtíminn er
lengri því verri vinnuaðstæður eru.
Samkvæmt reglugerðum er
miðað við að ómtími í vinnurými
fari ekki fyrir ofan 0,6 sekúndur.
Eins og sést í línuritinu við grein-
ina er stór hluti rýma á leikskólum
með óviðunandi ómtíma.
Ólafur segir 0,6 sekúndna við-
miðunartímann vera tiltölulega
háan miðað við í nágrannalöndun-
um. Hann segir að nú standi til í
Danmörku að lækka viðmiðunar-
tímann í 0,4 sekúndur.
„Í könnun Vinnueftirlitsins mátti
sjá að ástandið er enn verra í sund-
höllum og leikfimisölum þar sem
þau rými eru flest með ómtíma frá
2,5-3,3 sekúndur og nánast öll
rýmin hafa yfir 85 desíbel að jafn-
aði.
Ljóst er að ástandið er svart og
verður enn svartara ef stjórnvöld
bregðast ekki við stigmagnandi
hávaða í umhverfi okkar sem getur
valdið miklum skaða á heyrn.
Starfsmenn á yngstu stigum skóla-
kerfisins geta orðið fyrir stórfelld-
um heyrnarskaða sem uppgötvast
oft ekki fyrr en á efri árum,“ sagði
Ólafur að lokum.
vidirp@frettabladid.is
Hávaði á leikskólum
kallar á eyrnahlífar
Ólafur Hjálmarsson hljóðverkfræðingur segir hávaða á leikskólum svo mikinn
að starfsmenn þyrftu samkvæmt reglum að vera með eyrnahlífar.
Ómtími leikskólarýma er oft langt
yfir það sem eðlilegt þykir.
Samkvæmt reglum Vinnueftir-
lits ríkisins þyrftu starfsmenn að
vera með eyrnaskjól á sumum
leikskólum.
Ólafur Hjálmarsson hljóðverk-
fræðingur segir ástandið svart.
Í STUTTU MÁLI
Auglýsingasími
– Mest lesið
30
25
20
15
10
5
0
0,3 0,4 0,5 0,6 0,7 0,8 0,9 1,0 1,1 1,2 1,3 1,4 1,5 1,6 1,7 1,8
■ Leyfilegur ómtími
■ Á mörkunum
■ Bannað
SKV. REGLUGERÐ VINNUEFTIRLITS RÍKISINS
2
16
27
21
29
15
8
3
4
5
1 1 1 1
sekúndur HEIMILD: VINNUEFTIRLIT RÍKISINS
ÓMTÍMI Í LEIKSKÓLUM
Ljóst er að ástandið er
svart og verður enn svart-
ara ef stjórnvöld bregðast ekki við
stigmagnandi hávaða í umhverfi
okkar sem getur valdið miklum
skaða á heyrn.
ÓLAFUR HJÁLMARSSON
HLJÓÐVERKFRÆÐINGUR
FR
ÉT
TA
B
LA
Ð
IÐ
/E
.Ó
L.
ÞJÓÐLENDUR Landssamtök
landeigenda lýsa yfir vonbrigðum
sínum með að ríkisvaldið skuli
ekki draga lærdóm af úrskurði
óbyggðanefndar varðandi
austanvert Norðurland (svæði
sex) og afturkalla fráleitar
landakröfur sínar á vestanverðu
Norðurlandi (svæði sjö).
Óbyggðanefnd úrskurðaði þann
6. júní síðastliðinn að af þeim 119
landsvæðum sem deilt var um á
svæði sex væru þrettán þjóðlend-
ur að öllu leyti, þrjú að hluta og
103 eignarlönd að öllu leyti.
Landssambandið segir þann
úrskurð í raun hafa staðfest það
sjónarmið að ríkið fari fram með
rakalausri hörku í þjóðlendu-
málinu. - kg
Þjóðlendumálið:
Landeigendur
vonsviknir
INDÓNESÍA, AP Indónesinn Amed
Súradjí var tekinn af lífi í
Indónesíu í fyrradag eftir að hafa
verið dæmdur fyrir morð á 42
konum og stelpum.
Súradjí var töfralæknir og
trúði því að morðin, sem framin
voru frá 1986 til 1997, færðu
honum töframátt. Fórnarlömbin
höfðu heimsótt Súradjí þar sem
þau trúðu að hann gæti fram-
kvæmt galdra fyrir þau. - gh
Fjöldamorðingi í Indónesíu:
Galdramaður
tekinn af lífi
LÖGREGLUMÁL Tveir ungir menn réðust á leigubílstjóra
í Garðabæ í fyrrinótt og rændu hann. Bíl stjórinn
þurfti að leita sér að hlynningar á slysadeild eftir
árásina.
Mennirnir tveir, sem taldir eru vera undir tvítugu,
voru ófundnir þegar Fréttablaðið fór í prentun í
gærkvöldi.
Mennirnir tóku leigubílinn frá Hlemmi og að
verslun 11-11 í Gilsbúð í Garðabæ. Þegar þangað var
komið réðust þeir á bílstjórann, sem er á sextugsaldri.
Þeir ógnuðu honum meðal annars með hníf, höfðu í
hótunum við hann og slógu hann auk þess í andlitið.
Bílstjórinn hlaut af því nokkra áverka. Hnífnum beittu
þeir ekki á bílstjórann.
Árásarmennirnir kröfðu bíl stjórann um peninga.
Þeir höfðu þó að lokum heldur lítið upp úr krafsinu,
því þeir yfirgáfu bílinn eftir bar smíðarnar með
þúsund krónur í reiðufé og farsíma bílstjórans.
Að sögn varðstjóra lögreglu er talið að mennirnir
hafi verið undir áhrifum fíkniefna.
Bílstjórinn þurfti sem áður segir að leita sér
læknisaðstoðar á slysadeild vegna áverkanna sem
ræningjarnir veittu honum, en mun þó ekki vera alvar-
lega meiddur. - sh
Lögregla leitar tveggja ungra ofbeldismanna eftir fólskulega árás:
Börðu og rændu leigubílstjóra
LEIGUBÍLL Mennirnir voru vopnaðir hníf sem þeir hótuðu að
beita gegn bílstjóranum. FRÉTTABLAÐIÐ / STEFÁN
Hefur Samfylkingin staðið við
loforð sín í umhverfismálum?
Já 32,7%
Nei 67,3%
SPURNING DAGSINS Í DAG:
Finnst þér rétt að láta flugfélög
borga fyrir losun gróðurhúsa-
lofttegunda?
Segðu þína skoðun á vísir.is
DÓMSMÁL Ummæli sem Kristján
S. Gumundsson skipstjóri setti
fram í Morgunblaðsgrein í okt-
óber í fyrra um Björgólf Guð-
mundsson og Landsbankann voru
í fyrradag dæmd dauð og ómerk
í Héraðsdómi Reykjavíkur.
Hvað Björgólf varðaði snerust
ummæli Kristjáns meðal annars
um að hann hefði „með tilkomu
Rússagulls“ náð yfirhöndinni í
Eimskip. Fyrir dómi sagði Kristj-
án að Björgólfur legði of þrönga
túlkun í orðið Rússagull með því
að telja það jafngilda því að
segja að hann hefði notað fjár-
gjafir frá sovéska kommúnista-
flokknum.
„Hvernig sem því hefur verið
háttað sýnist ljóst að í íslenskri
þjóðmálaumræðu hefur almennt
verið um málið fjallað á þeim
nótum að móttaka slíkra fjár-
muna væri smánarleg og jaðraði
við föðurlandssvik. Með því að
halda því fram að stefnanda hafi
áskotnast Rússagull verður að
telja að gefið sé í skyn að stefn-
andi hafi auðgast með vafasöm-
um hætti,“ segir héraðsdómur.
Varðandi Landsbankann
dæmdi héraðsdómur ummæli
Kristjáns um „ósvífni, einræðis-
öfl í Rússlandi, valdagráðuga
menn og hefndarsjónarmið“ til-
hæfulaus og meiðandi fyrir
bankann.
Hvorki Landsbankinn né Björg-
ólfur kröfðust bóta. Kristján var
hins vegar dæmdur til að greiða
hvorum aðila um sig 300 þúsund
krónur í málskostnað en ekki
gerð refsing.
- gar
Héraðsdómur Reykjavíkur dæmir ummæli í Morgunblaðsgrein dauð og ómerk:
Rússagullið tengt föðurlandssvikum
KJÖRKASSINN