Fréttablaðið - 12.07.2008, Blaðsíða 21

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Margir húsbílar héldu úr borginni í gær norður
í land. Í þeim flota var Fagri-Blakkur með
Gunnar Þórðarson og Lilju Þórarinsdóttur
innanborðs. Gunnar var gómaður við farkostinn
áður en lagt var af stað og hann spurður aðeins
um sögu hans.
„Við höfum átt þennan bíl síðan 2006 og notað hann
dálítið,“ segir Gunnar í upphafi spjalls. „Þetta var
prufubíll hjá póstinum í Þýskalandi sem var fluttur
hér inn. Ég bauð í hann af rælni en bjóst alls ekki við
að fá hann. Sat svo uppi með hann og síðan er búið að
einangra hann og innrétta og nostra mikið við hann.“
Fagri-Blakkur er af gerðinni Mercedes Bens Vario
og af árgerð 2003, ekinn um 40 þúsund kílómetra.
Gunnar segir annan sömu gerðar hér á landi í eigu
Handverkshússins en allt öðruvísi innréttaðan. Þessi
er klæddur vatnsheldum krossviði að innan og þar er
svefnaðstaða fyrir fjóra, salerni, sturta og eldhús
með öllum þægindum. Tvær sólarsellur knýja flest
tæki og að sögn Gunnars duga þær, svo fremi sem
ekki rigni í mánuð. Aftan á bílnum stendur Ell og Bell
og Gunnar hlær þegar hann er inntur skýringa. „Inn-
réttingafyrirtæki setja yfirleitt merki sín á húsbíla
en sonur okkar og vinur hans smíðuðu allt inn í þenn-
an. Þeir heita Elvar og Baldur og þess vegna heitir
okkar innrétting Ell og Bell!
Gunnar á ættir að rekja vestur í Ísafjarðardjúp og
mynd þaðan prýðir afturhlið bílsins. Eyjan Vigur er í
forgrunni og fjallið Hestur í baksýn. Fagra-Blakks-
nafnið er öðrum þræði þangað sótt að sögn eigand-
ans. „Svo sagði einhver að bíllinn væri ljótur,“ segir
hann og bætir við kankvís: „Við vildum bara hnykkja
á að svo væri ekki.“ gun@frettabladid.is
Ferðast á Fagra-Blakki
Gunnar tók sér smáhlé frá því að ferma Fagra-Blakk áður en lagt var af stað norður í land með Félagi húsbílaeigenda.
FRÉTTABLAÐIÐ/VALLI
SNEKKJAN Í SMÍÐUM
Sigurjón Jónsson, tækni-
fræðingur og annar eigenda
skipasmíðastöðvarinnar
Skipavík í Stykkishólmi,
hefur hannað víkinga-
snekkju sem nú er
verið að smíða.
FERÐIR 3
ÖRUGG OG FLOTT
Í versluninni Motors
er seldur tískufatnaður
fyrir vélhjólafólk. Þar er
bæði að finna ódýran
en vandaðan búnað,
sem og sérsaumaðan
tískufatnað.
TÍSKA 4
Nýtt! Gras.is beint á skjáborðið þitt!
Gras.is hefur sett upp vefþjónustu (Gagdet) sem t
engir þig beint
við fréttirnar, án þess að þurfa opna vafrann þinn!