Fréttablaðið - 12.07.2008, Blaðsíða 45

LAUGARDAGUR 12. júlí 2008 21
ÞRIÐJA GREIN AF FJÓRUM
Á morgun:
Orkuframleiðsla og stóriðja
FRÉTTASKÝRING
BRJÁNN JÓNASSON
brjann@frettabladid.is
3. hluti
„Þessi virkjun mun stórskerða
lífsgæði okkar sem búum á þessu
svæði,“ segir Ólafur Sigurjóns-
son byggingameistari. Hann býr
á bænum Forsæti III, nokkru
fyrir neðan fyrirhugað lónsstæði
Urriðafossvirkjunar.
„Það yrðu stórkostleg náttúru-
spjöll verði virkjanirnar að veru-
leika,“ segir Ólafur, sem er félagi
í samtökunum Sól á Suðurlandi,
sem barist hafa gegn virkjununum.
„Þetta eru í mínum huga skelfi-
leg áform, sama hvernig að þessu
verður staðið,“ segir Ólafur. Útlit
árinnar breytist og eyrar hverfi.
Hann vísar í umhverfismat
vegna Urriðafossvirkjunar, þar sem
fram kemur að um 75 þúsund
rúmmetrar af framburði muni
berast í lónið á ári. Þar kemur
einnig fram að framburðinum
verði mokað upp úr lóninu, upp á
bakka árinnar.
„Þeir ætla að græða þetta upp,
en ég veit ekki hvernig þeir ætla
sér að gera það,“ segir Ólafur.
Hann óttast að jarðvegurinn muni
fjúka yfir sveitina í roki.
Ólafur bendir á að miklar
sprungur séu í jörðinni þar sem
Urriðafossvirkjun á að rísa, sprung-
ur sem hafi farið á hreyfingu í
jarðskjálftunum árið 2000. Því
sé full ástæða fyrir fólk sem búi
neðan stíflu að óttast stíflurof. „Ég
mun ekki geta leyft barnabörnun-
um að leika sér við ána neðan við
virkjunina vegna þeirrar hættu.“
Ólafur ber Landsvirkjun og sveit-
arstjórnarmönnum í Flóahreppi
ekki vel söguna. „Að tala við þetta
fólk er eins og að tala við heyrúllu
úti á túni, það bíta engin rök.“
„Ríflega helmingur kosninga-
bærra íbúa Flóahrepps skrifaði
undir mótmæli vegna Urriðafoss-
virkjunar, en sveitarstjórnin tók
ekkert mark á vilja íbúanna.“
BÖRNIN LEIKI EKKI
NEÐAN STÍFLU
Að tala við þetta fólk
er eins og að tala við
heyrúllu úti á túni, það bíta
engin rök.
ÓLAFUR SIGURJÓNSSON
„Virkjanirnar fara inn í heilög vé,“
segir Finnbogi Jóhannsson. Hann býr
í Minni-Mástungu og rekur þar hótel
með tólf herbergjum og nokkrum
kofum skammt frá fyrirhuguðu lóns-
stæði við Hvammsvirkjun.
Finnbogi segir landeigendur sem
þurfi að ná samningum við Lands-
virkjun marga feimna við að tjá and-
stöðu við virkjanirnar af ótta við að
fá ekki réttlátar bætur, verði af virkj-
ununum. Sjálfur segist hann á móti
virkjununum af ýmsum ástæðum. Sú
helsta sé þó sú að ýmsar náttúruperl-
ur muni fara undir lón, eða spillast af
öðrum orsökum.
„Ég get ekki hugsað mér að lands-
laginu hér verði umturnað,“ segir
Finnbogi. Hann segir að sveitin muni
breytast mikið, verði af virkjununum
og um það ríki þögnin. Hann segir
fjölmarga hafa taugar til svæðisins og
því sé mikil andstaða við virkjanirnar.
Finnbogi á hluta laxveiðiréttinda í
Kálfsá, sem er ein af þverám Þjórsár.
Hann segir eigendur veiðiréttar óttast
að laxinn hverfi með tilkomu virkjana.
Vinnubrögð sveitarstjórnarmanna
í Skeiða- og Gnúpverjahreppi hafa
ekki verið til fyrirmyndar, að mati
Finnboga, og á köflum verið afar
ólýðræðisleg. „Það átti að komast
hjá umræðum um þessi mál, þetta
átti að fara þegjandi og hljóðalaust í
gegn,“ segir Finnbogi.
Þannig hafi til að mynda ekki
verið haldinn kynningarfundur um
virkjanirnar fyrr en eftir að frestur til
að gera athugasemdir við breytingar
á aðalskipulagi rann út. Þrátt fyrir það
hafi um 300 athugasemdir borist, og
svör sveitastjórnarinnar óviðunandi.
Finnbogi tók sæti í umhverfisnefnd
fyrir hönd minnihlutans í sveitar-
stjórninni nýverið og segir nefndina
hafa verið algerlega hundsaða í mál-
inu. Þegar nefndin hafi gert athuga-
semdir við það og vísað í þá skyldu
sveitarstjórnar að bera mál sem þessi
undir nefndina, hafi reglum sveitarfé-
lagsins einfaldlega verið breytt. Nú sé
það ekki skylda að bera virkjanaáform
undir umhverfisnefnd, sem hljóti að
sæta tíðindum.
VINNUBRÖGÐ Á KÖFLUM ÓLÝÐRÆÐISLEG
Það átti að komast hjá
umræðum um þessi
mál, þetta átti að fara þegjandi
og hljóðalaust í gegn.
FINNBOGI JÓHANNSSON