Fréttablaðið - 12.07.2008, Blaðsíða 53

LAUGARDAGUR 12. júlí 2008 29
Hin árlega Reykholtshátíð verður haldin í
tólfta skipti dagana 23.-27. júlí í kirkjunni
í Reykholti. Í ár hefst hátíðin á tónleikum
karlakórs St. Basil-dómkirkjunnar í
Moskvu sem heldur þrenna tónleika á
hátíðinni. Ekki veitir af; færri komust að en
vildu á tónleika kórsins á hátíðinni í fyrra.
Arndís Björk Ásgeirsdóttir, verkefnastjóri Reyk-
holtshátíðar, segir margt spennandi á dagskrá í ár.
„Við erum afar ánægð með að geta boðið upp á
tónleika með karlakór St.Basil-dómkirkjunnar að
nýju þar sem aðsóknin var svo mikil í fyrra. Þessi
kór flytur trúarlega tónlist, miðaldatónlist og svo
rússnesk þjóðlög sem eiga sér stað í hjarta margra
Íslendinga þar sem við þekkjum sum þeirra með
íslenskum textum. Einnig er vert að minnast á
tónleika bandaríska tenórsins Donald Kaasch, en
hann kemur fram ásamt Steinunni Birnu Ragnars-
dóttur. Hann ræðst ekki á garðinn þar sem hann er
lægstur heldur tekur bæði aríur og íslensk sönglög.
Kammerhópurinn Virtuosi di Praga frá Tékklandi
er með verk eftir meðal annarra Mozart og Samuel
Barber á efnisskrá sinni, en hópurinn er afar virtur
og hafa einleikarar og söngvarar á borð við
Rostropovich og Domingo komið fram með
honum.“
Reykholtshátíðinni lýkur með stórtónleikum þar
sem koma fram þær Auður Hafsteinsdóttir og
Pálína Árnadóttir fiðluleikarar, Þórunn Ósk
Magnúsdóttir víóluleikari, Steinunn Birna Ragnars-
dóttir píanóleikari og Bryndís Halla Gylfadóttir
sellóleikari. Á efnisskrá þeirra eru verk eftir Händ-
el og hinn þekkti píanókvintett í A-dúr op 81 eftir
Dvorák.
Arndís segir að ávallt skapist sérstök stemning
á Reykholtshátíðinni. „Umhverfið hér er afskap-
lega fagurt og leggur sitt af mörkum til þess að
gera hátíðina ánægjulega, enda fátt betra en að
hlusta á góða tónlist í fallegu umhverfi. Svo er að
auki margt skemmtilegt hægt að gera og skoða á
þessum slóðum og því tilvalið fyrir fólk að koma á
tónleika í Reykholti og skoða sig aðeins um í
leiðinni.“
Miðasala á tónleika hátíðarinnar er þegar hafin
á www.midi.is, en einnig verður hægt að kaupa
miða við innganginn. Nánari upplýsingar um
dagskrá hátíðarinnar má nálgast á www.reyk-
holtshatid.is. vigdis@frettabladid.is
Tónlist í fögru umhverfi
Önnur sumartónleikahelgin við
Mývatn fer nú í hönd og býður
tónlistaráhugafólki upp á ljúfa
tóna gítars og lágfiðlu. Þau Krist-
inn H. Árnason gítarleikari og
Helga Þórarinsdóttir lágfiðluleik-
ari koma fram á tónleikum í
Reykjahlíðarkirkju í kvöld kl. 21
og í Skútustaðakirkju annað kvöld
kl. 21 og leika þar létta og skemmti-
lega efnisskrá sem inniheldur
meðal annars sónötu eftir Vivaldi,
spænska tónlist og nokkrar ómiss-
andi perlur úr íslenskri sönghefð.
Kristinn er landsþekktur tón-
listarmaður og leikur jafn listavel
tónlist eftir Bach á klassískan
gítar, rytmann í Rússíbönum og
stuðið í poppinu með hljómsveit-
inni Hringjum. Helga Þórarins-
dóttir leiðir lágfiðlusveit Sinfóníu-
hljómsveitar Íslands og leikur
jafnframt með kammerhóp.
Rétt er að benda á að þau Krist-
inn og Helga koma einnig fram á
tónleikum í Byggðasafninu Hvoli
á Dalvík í dag kl. 14.
- vþ
Víóla og gítar fyrir norðan
HELGA ÞÓRARINSDÓTTIR OG KRISTINN
H. ÁRNASON Leika fallega tónlist á
Norðurlandi í dag og á morgun.
VIRTUOSI DI PRAGA Virtur tékkneskur kammerhópur sem
kemur fram á Reykholtshátíðinni í ár.
Hið óvenjulega Dúó Harpverk heldur tónleika í
Sólheimakirkju kl. 14 í dag. Meðlimir dúósins eru
Katie Elizabeth Buckley hörpuleikari og Frank
Aarnink slagverksleikari. Á efnisskránni er að
finna ýmis ný íslensk verk sem samin hafa verið
sérstaklega fyrir dúóið, en á meðal tónskálda eru
Daníel Bjarnason og Bára Grímsdóttir.
Katie og Frank kynntust í Sinfóníuhljómsveit
Íslands og hafa spilað saman sem dúett síðan 2007.
Má því búast við glæsilegum tónleikum þar sem að
nýrituð íslensk tónlist fær að njóta sín. Aðgangur
að tónleikunum er ókeypis og eru allir velkomnir.
- vþ
Harpverk lætur í sér heyra
KATIE ELIZABETH BUCKLEY OG FRANK AARNINK Skipa hið
bráðskemmtilega Dúó Harpverk.
Ragnhildur K. Sandholt opnar
málverkasýninguna Tré og perlur
í Gömlu Borg, samkomuhúsinu að
Minni Borg í Grímsnesi, í dag.
Á sýningunni getur að líta olíu-
málverk sem Ragnhildur hefur
unnið á undanförnum árum og
yrkisefnið er gjarnan sótt í Gríms-
nesið. Tré og trjástofnar eru oft í
aðalhlutverki í bland við aðrar
náttúrustemningar.
Ragnhildur hefur stundað
myndlistarnám frá árinu 1995 og
hefur sótt ýmis námskeið og hlot-
ið leiðsögn, meðal annars hjá
myndlistarmönnunum Rúnu
Gísladóttur og Bjarna Sigur-
björnssyni.
Sýningin Tré og perlur er fyrsta
einkasýning listakonunnar en
áður hefur hún tekið þátt í nokkr-
um samsýningum, meðal annars
hjá Myndlistarskólanum Mynd-
máli og nú nýlega í Gerðarsafni
með Myndlistarskóla Kópavogs.
- vþ
Tré og perlur
RAGNHILDUR K. SANDHOLT Opnar sína
fyrstu einkasýningu í Gömlu Borg í dag.
LISTVINAFÉLAG HALLGRÍMSKIRKJU, 26. STARFSÁR
ALÞJÓÐLEGT ORGELSUMAR, 16. STARFSÁR
KLAISORGELIÐ 15 ÁRA
Alþjóðlegt orgelsumar
í Hallgrímskirkju
MIÐASALA Í HALLGRÍMSKIRKJU S. 510 1000
Norræn orgelhátíð
HINN HEIMSÞEKKTI
BÁSÚNULEIKARI Christian Lindberg
OG Gunnar Idenstam ORGELLEIKARI
Í HALLGRÍMSKIRK JU
SUNNUDAGINN
13. JÚLÍ KL. 20.
Á efnisskránni eru
þeirra eigin verk og
umritanir á þekktum
tónverkum m.a.
BOLERO eftir Ravel.
l ist vinafelag. is
A
u
g
lý
si
n
g
a
sí
m
i
– Mest lesið