Fréttablaðið - 21.07.2008, Blaðsíða 42

26 21. júlí 2008 MÁNUDAGUR
FÓTBOLTI Fredrikstad og Stabæk
verða seint talin til stórvelda í
norskum fótbolta en liðin eru sem
stendur í efstu tveimur sætum
norsku úrvalsdeildarinnar og það
er ekki síst fyrir góðan leik Garð-
bæinganna Garðars Jóhannssonar
hjá Fredrikstad og Veigars Páls
Gunnarssonar hjá Stabæk. Fre-
drikstad heimsækir Stabæk ein-
mitt heim í kvöld þegar liðin eig-
ast við í deildinni og þar verða
Garðar og Veigar Páll án vafa í
eldlínunni.
Fara á kostum
Veigar Páll hefur sýnt það og sann-
að hjá Stabæk síðustu ár að hann
er einn allra besti leikmaður
norsku úrvalsdeildarinnar en
hann er nú að leika sitt fimmta
tímabil með félaginu. Veigar Páll
hefur skorað tvö mörk og lagt upp
hvorki fleiri né færri en tíu mörk í
deildinni í ár.
„Það gengur mjög vel hjá okkur
í Stabæk þó svo að við séum aðeins
búnir að fá eitt stig af níu mögu-
legum eftir fríið og Fredrikstad er
þar með komið í efsta sætið. Þetta
gerðist reyndar líka í fyrra, að við
fengum bara eitt stig úr fyrstu
þremur leikjunum eftir frí, og við
misstum efsta sætið líka þá. Núna
höfum við samt einhvern veginn
meiri trú á því að fara alla leið,“
sagði Veigar Páll, sem bíður
spenntur eftir að mæta Garðari og
félögum í Fredrikstad í kvöld.
„Við ætlum okkur ekkert annað
en sigur í þessum leik og það er
kominn tími á að við vöknum eftir
fríið og náum að vinna leik. Það
verður gaman að spila á móti
Garðari þó svo að við munum
eflaust ekki eigast við oft í leikn-
um, þar sem við erum báðir fram-
herjar. En ég ætla alla vega að
skora meira en hann í leiknum,“
tilkynnti Veigar Páll í gamansöm-
um tón.
Það stóð ekki á svari hjá Garð-
ari þegar tilkynning Veigars Páls
var borin undir hann.
„Hann má alveg skora meira en
ég, bara ef við vinnum leikinn,“
sagði Garðar, sem hefur vakið
mikla athygli fyrir góða spila-
mennsku á þessu tímabili.
„Ég skoraði strax í fyrsta leik
tímabilsins en svo kom smá lægð.
Ég hef svo verið að spila vel í síð-
ustu fimm til sex leikjum og von-
andi heldur það áfram. Það er
náttúrulega búið að ganga ljóm-
andi vel hjá Fredrikstad og það
hefur komið skemmtilega á óvart,
þó svo að við höfum alveg vitað að
með smá heppni gætum við bland-
að okkur í toppbaráttuna.“
Lítil félög á Noregsvísu
Stabæk hefur aldrei orðið norskur
meistari og Fredrikstad varð síð-
ast norskur meistari tímabilið
1960-1961. Það er því mikill áhugi
og eftirvænting í heimabæjum lið-
anna yfir góðu gengi þeirra.
„Stabæk er í rauninni mjög lítill
klúbbur hér í Noregi, hvað varðar
efnahag og áhorfendafjölda. Völl-
urinn hjá okkur tekur bara 7.000
manns en það verður allt stappað
á pöllunum gegn Fredrikstad,“
sagði Veigar Páll og Garðar tók
undir með honum.
„Það er náttúrluega allt að verða
vitlaust í Fredrikstad; bærinn er
alveg að tryllast yfir gengi liðsins
í deildinni og það er gaman að
fylgjast með því. Fredrikstad
vann reyndar norska bikarinn árið
2006 þannig að leikmennirnir
þekkja það hvað er að vinna og
vonandi nýtist það,“ sagði Garðar.
að lokum. omar@frettabladid.is
Garðbæingar að gera það gott
Framherjarnir Garðar Jóhannsson hjá Fredrikstad og Veigar Páll Gunnarsson hjá Stabæk hafa farið á kost-
um með liðum sínum í toppbaráttu norska boltans á yfirstandandi leiktíð. Leikmennirnir þekkjast vel eftir
að hafa leikið saman með yngri flokkum Stjörnunnar, ásamt því að leika saman með KR sumarið 2003.
HÆTTULEGIR Garðar og Veigar Páll mynduðu stórhættulegt sóknarpar með Stjörn-
unni og KR á sínum tíma en nú leiða þeir framlínur tveggja stríðandi liða í baráttunni
um norska meistaratitilinn. Á myndinni má sjá þá félaga fagna marki með KR sumar-
ið 2003 ásamt Sigursteini Gíslasyni. FRÉTTABLAÐIÐ
„Veigar Páll er fyrst og fremst
mjög góður leikmaður. Hans
helsti kostur er hversu
skapandi hann er og hann nær
því að búa til mikið af mark-
tækifærum fyrir liðsfélaga
sína. Hann er
líka
vinnusam-
ur og það
er gaman
að spila
með honum
og kannski
spilum við
einhvern
tímann saman
aftur í framtíð-
inni,“ sagði
Garðar.
Garðar um Veigar Pál:
Skapandi og
vinnusamur
„Garðar er duglegur að bjóða
sig og opna svæði fyrir
meðspilara sína og það er
þægilegt að spila með
honum. Hann er líka
sterkur og útsjónarsamur
en á móti kemur að hann er
nú engin raketta,“ sagði
Veigar Páll.
Veigar Páll um Garðar:
Sterkur og út-
sjónarsamur
FÓTBOLTI Óheppni Skagamanna
með meiðsli virðast engan enda
ætla að taka en markvörðurinn
danski Esben Madsen er nýjasti
leikmaðurinn á meiðslalistanum.
Madsen fékk spark framan á
puttann og fingurbrotnaði í
leiknum gegn Honka í leik í
Evrópukeppni félagsliða sem
fram fór í Finnlandi á fimmtudag.
Meiðslavandræði hjá ÍA:
Esben Madsen
fingurbrotnaði
MEIDDUR Esben Madsen verður að
öllum líkindum frá vegna meiðsla næstu
vikur. FRÉTTABLAÐIÐ/STEFÁN
FRJÁLSÍÞRÓTTIR Ásdís Hjálmsdóttir
úr Ármanni bætti eigið Íslands-
met í spjótkasti þegar hún fór
með sigur af hólmi á móti í
Lapinlahti í Finnlandi í gær. Ásdís
kastaði 59,80 metra og stórbætti
þar með gamla metið sitt sem hún
setti á móti í Eistlandi fyrr í
sumar.
Það er því greinilegt að Ásdís
er á réttri leið en hún verður
meðal keppenda á Ólympíuleikun-
um í Peking í næsta mánuði. - óþ
Ásdís Hjálmsdóttir, Ármanni:
Stórbætti eigið
Íslandsmet
NÝTT MET Ásdís Hjálmsdóttir stórbætti
eigið Íslandsmet í spjótkasti á móti í
Finnlandi í gær. FRÉTTABLAÐIÐ/VALLI
GOLF Hinn írski Padraig Harring-
ton gerði sér lítið fyrir og varði
titil sinn á Opna breska meistara-
mótinu í golfi sem lauk á Royal
Birkdale-vellinum í gær. Harring-
ton var í öðru sæti á eftir Greg
Norman fyrir lokahringinn en lék
frábærlega í gær og sigraði á sam-
tals þremur höggum yfir pari.
Það þurfti engan bráðabana til
hjá Harrington í ár en hann lék
lokahringinn á 69 höggum eða
einu höggi undir pari Royal Birk-
dale-vallarins og sigurinn varð á
endanum nokkuð öruggur.
„Það var stórkostleg tilfinning
að vinna Sergio Garcia í bráða-
bana í fyrra en að koma hingað og
verja titilinn er ólýsanlegt. Ég var
samt sannfærður um að ég gæti
unnið aftur og var því mjög ein-
beittur á lokahringnum og sem
betur fer tókst mér að klára
dæmið,“ sagði Harrington glaður í
mótslok í gær.
Ian Poulter lék á 69 höggum
líkt og Harrington á loka-
hringnum og náði að
vinna sig upp um sjö sæti
og enda í öðru sæti en
hinn gamalreyndi Greg
Norman átti ekki góðan dag í
gær.
„Ég er mjög vonsvikinn
eftir erfiðan dag en ég get
borið höfuðið hátt og
reyndi allt sem í mínu
valdi stóð. Það var bara
ekki nóg í þetta sinn,“
sagði Norman. „Hvíti
hákarlinn“ fann sig
engan veginn og lék
á 77 höggum og varð
á endanum að sætta
sig við að deila þriðja sætinu með
hinum sænska Henrik Stenson
sem lék á 71 höggi og vann sig upp
um sex sæti í gær.
Suður-Kóreumaðurinn KJ Choi
sem leiddi eftir fyrsta keppnis-
daginn og var jafn Harrington
fyrir lokahringinn hrapaði niður í
þrettánda sæti en hann lék á 79
höggum í gær.
Hástökkvari gærdagsins var
hins vegar Englendingurinn David
Howell sem lék á 67 höggum og
vann sig upp um 57 sæti og endaði
í 7.-15. sæti.
Enski áhugamannakylfingurinn
Chris Wood vakti einnig sérstaka
athygli en hann er aðeins tvítugur
og endaði í 5.-6. sæti ásamt Jim
Furyk. - óþ
Padraig Harrington lék vel á lokahring Opna breska meistaramótsins í gær:
Harrington varði titil sinn
ÆVINTÝRIÐ Á ENDA HJÁ NORMAN Sigurvegarinn Padraig Harrington
huggar hér hinn gamalreynda Greg Norman sem missti niður forskot sitt
á lokahringnum á Opna-breska meistaramótinu í gær. Hinn 53 ára gamli
Norman hefði getað orðið elsti kylfingurinn til að vinna á mótinu en allt
kom fyrir ekki. Til hægri sést Harrington svo faðma sigurlaunin.
NORDIC PHOTOS/GETTY
OPNA BRESKA Í GOLFI
Lokastaðan: Högg yfir pari:
1. Padraig Harrington +3
2. Ian Poulter +7
3.-4. Henrik Stenson +9
3.-4. Greg Norman +9
5.-6. Jim Furyk +10
5.-6. Chis Wood +10
7.-15. David Howell +12
7.-15. Robert Karlsson +12
7.-15. Ernie Els +12
7.-15. Paul Casey +12
7.-15. Stephen Ames +12
7.-15. Steve Stricker +12
7.-15. Robert Allenby +12
7.-15. Anthony Kim +12
7.-15. Ben Curtis +12