Fréttablaðið - 23.07.2008, Blaðsíða 11

MIÐVIKUDAGUR 23. júlí 2008 11
MANNRÉTTINDI Nefnd SÞ um afnám allrar
mismununar gagnvart konum lýsir yfir
vonbrigðum með að ekki séu uppi áætlanir um
að lögfesta samning um afnám alls misréttis
gegn konum hér á landi. Þá tíndi nefndin til
leiðir sem hægt væri að fara til að ná jafnrétti
hraðar; svo sem að styrkja aðgerðaráætlun
gegn konum og börnum frá 2006.
Nefnd SÞ beindi einnig athygli sinni að
stöðu kvenna af erlendum uppruna og því hve
þær eru stór hluti þeirra sem leita til Kvenna-
athvarfsins. Nefndin lýsti áhyggjum yfir því
að útlendingalöggjöf gæti neytt konur til að
þrauka í ofbeldisfullum samböndum.
Hinn 8. júlí kynnti íslensk sendinefnd meðal
annars skýrslu Mannréttindaskrifstofu
Íslands fyrir SÞ. Þar var meðal annars lýst
yfir áhyggjum af því hve fáar konur gegna
áhrifastöðum í íslensku atvinnulífi og
prófessorstöðum háskóla þrátt fyrir hátt
menntunarstig.
Í skýrslu skrifstofunnar var einnig lýst
áhyggjum af því að vændi sé nú löglegt án
þess að gripið hafi verið til sérstakra aðgerða
eða aðstoðar. Þá kærir aðeins lítill hluti þeirra
sem leita aðstoðar vegna nauðgana og er það
áhyggjuefni. Mannréttindaskrifstofan hvetur
til þess að komið sé á fót skilvirku nálgunar-
banni. - kóp
Nefnd á vegum Sameinuðu þjóðanna um afnám allrar mismununar gagnvart konum:
Telja mögulegt að ná jafnrétti hraðar
ÍSLAND RÆTT Málefni Íslands voru rædd hjá nefnd SÞ
um afnám allrar mismununar gagnvart konum.
MENNTUN Landspítalinn og
læknadeild Harvard-háskóla í
Bandaríkjunum hafa samið um
samstarf um framhaldsmenntun í
slysa- og bráðafræðum.
Samkvæmt því skipuleggja
sérfræðingar stofnananna beggja
kennslu og starfsþjálfun ung-
lækna. Hefst hún 1. janúar
næstkomandi. Þá munu kennarar
við Harvard koma til landsins
annan hvern mánuð, viku í senn,
sem gestafyrirlesarar á samn-
ingstímanum, sem er tvö ár.
Þá munu íslenskir hjúkrunar-
fræðingar í diplomanámi eiga
kost á fjögurra vikna starfsnámi
við hið virta sjúkrahús Beth
Israel í Boston. - kóp
Framhaldsnám í hjúkrun:
Samstarf
við Harvard
SKRIFAÐ UNDIR Heilbrigðisráðherra,
rektor HÍ, forstjóri Landspítalans og full-
trúi Harvard skrifa undir samninginn.
FÉLAGSMÁL Um 800 milljónum
króna verður úthlutað úr Fram-
kvæmdasjóði fatlaðra til upp-
byggingar búsetuúrræða. Alls er
ríflega milljarði úthlutað úr
sjóðnum til fatlaðra.
Félags- og tryggingamálaráð-
herra, Jóhanna Sigurðardóttir,
staðfesti á mánudag tillögu
stjórnar sjóðsins um úthlutun
fyrir árið 2008. Tæplega 600
milljónum er veitt í verkefni
tengd Straumhvörfum, sem er
átaksverkefni um eflingu
þjónustu við geðfatlaða. Tæpum
200 milljónum króna verður varið
til uppbyggingar búsetuúrræða
fyrir aðra hópa fatlaðra. - kóp
Félagsmálaráðherra úthlutar:
800 milljónir
til fatlaðra
SJÁVARÚTVEGUR „Það er ljóst að
það eru margir sem lengdu
sumarlokanir núna út af niður-
skurði aflaheimilda,“ segir
Friðrik J. Arngrímsson, fram-
kvæmdastjóri Landssambands
íslenskra útvegsmanna, um
hlutfall íslenska fiskiskipaflotans
sem er í höfn.
Fréttablaðið greindi frá því í
gær að veiðiskipið Árbakur RE
205 liggur nú við höfn í Reykjavík
vegna aflaniðurskurðar og hás
olíuverðs, að sögn áhafnarmeð-
lima.
Friðrik segir að uppsjávarflot-
inn og frystitogarar séu „á fullu“,
en stór hluti flotans sé bundinn í
höfn.
- gh
Sumarfrí sjómanna lengist:
Flotinn í höfn
FISKISKIP Stór hluti íslenska fiskiskipa-
flotans liggur nú við höfn. FRÉTTABLAÐIÐ/VALLI
Þremur þúsundum sagt upp
Sænska fyrirtækið Autoliv sem
framleiðir öryggisbúnað fyrir bifreiðar
tilkynnti í gær að það hygðist segja
upp þrjú þúsund starfsmönnum.
Segir fyrirtækið það vera nauðsynlegt
til að bregðast við hækkandi verði á
hráefnum.
SVÍÞJÓÐ
VW Caddy 2005
Ekinn 88.000 km / Ásett verð: 1.290.000
VW Caddy 2005
Ekinn 60.000 km / Ásett verð: 1.290.000
VW Caddy 2005
Ekinn 88.000 km / Ásett verð: 1.180.000
Opið 10–18 virka daga
Kletthálsi sími 590 5040 www.heklanotadirbilar.is notadirbilar@hekla.is
ODYRT
VINNUAFL
Hafðu Volkswagen Caddy með í dæminu
þegar þú hugar að hagræðingu og
skynsamlegum rekstri. Caddy sendibíllinn hefur
getið sér sérstaklega gott orð hér á landi fyrir
áreiðanleika, þægindi og hagstætt verð.
HAGSTÆÐ
GREIÐSLU-
KJÖR
Kynntu þér úrval notaðra VW Caddy atvinnubíla sem við bjóðum
í HEKLU notuðum bílum. Komdu núna á Klettháls og gerðu hagstæð
kaup. Við erum sveigjanleg í samningum.
HEKLA NOTAÐIR BÍLAR KLETTHÁLSI