Fréttablaðið - 23.07.2008, Blaðsíða 34
Lögmál 1: Bikarinn skal vera tandurhreinn, þveginn
upp úr fitulausri sápu og skolaður í köldu vatni þar
til hann nær sama hitastigi og ölið. Þannig verður
froðan þéttari og heldur hvítum hlífiskildi sínum
lengur yfir hinum dýrmæta vökva. Minnstu óhrein-
indi geta spillt fyrir og mengað fullkomin bragðgæði
Stellu Artois.
Lögmál 2: Þegar byrjað er að hella er bikarnum hallað um
45 gráður. Þá sjáum við hvernig dýrmætur vökvinn hringar
sig ofan í bikarinn og myndar iðuna sem er galdurinn við
fljótandi gullgerðarlist. Þegar ölið kemst í samband við súr-
efni myndast smám saman þétt froða sem innsiglar inni-
haldið og verndar það frá fyrsta sopa til hins síðasta.
Lögmál 3: Þegar bikarinn, sem
hingað til hefur hallað um
45 gráður, hefur verið fylltur að
þremur fjórðu skal hann réttur
við. Með jafnri hreyfingu er hann
samtímis færður niður frá flösku-
opi um sem nemur hæð bikarins.
Þannig krýnum við ölið þéttri
froðu sem skýlir innihaldi bikars-
ins og tryggir ferskleika og líf
þessa fljótandi gulls.
26 23. júlí 2008 MIÐVIKUDAGUR
sport@frettabladid.is
BADMINTON Badmintondrottningin
Ragna Ingólfsdóttir fer í aðgerð
eftir Ólympíuleikana í Peking.
Ragna sleit krossband í vinstri
fæti í apríl á síðasta ári og hafa
meiðslin sett strik í reikninginn
hjá Rögnu. Hún keppir þó á
leikunum en ætlar síðan að taka
sér frí frá badmintoniðkun til að
vinna bug á meiðslunum.
„Ég verð að fara í aðgerð ef ég
ætla að halda áfram að spila. Það
hefur komið vatn inn á hnéð og
aðgerð er óumflýjanleg. Ég hef
verið að þjösnast á þessu í meira
en ár og þarf að láta gera við
þetta,“ sagði Ragna sem verður
frá keppni í hálft ár hið minnsta
eftir aðgerðina. - hþh
Ragna Ingólfsdóttir:
Fer í aðgerð eftir
Ólympíuleikana
RAGNA Ætlar að sigrast á krossbandasliti
í eitt skipti fyrir öll. FRÉTTABLAÐIÐ/VILHELM
> Öll kvennaliðin komin með þjálfara
Fjölnir er kominn með þjálfara í Iceland Express-deild
kvenna í körfubolta á næsta tímabili en þá eru öll átta
lið deildarinnar komin með þjálfara. Bandaríkjamaðurinn
Patrick Oliver mun þjálfa Fjölnis-
stelpurnar ásamt því að leika með
karlaliðinu í 1. deild. Oliver lék
fyrstu fimm leikina með Fjölni
veturinn 2006-07 en var látinn
fara eftir að hafa skorað 15,2 stig,
tekið 7,4 fráköst og varið 3,8 skot
að meðaltali í leik. Oliver tekur við
af Grétu Maríu Grétarsdóttur sem
ætlar að einbeita sér að spila með
liðinu en hún tók við þegar Nemanja
Sovic hætti með liðið í fyrra.
Íslandsmótið í höggleik hefst í Vestmannaeyjum næst-
komandi fimmtudag og þar mun Keilismaðurinn Björgvin
Sigurbergsson reyna að verja Íslandsmeistarartitilinn en
hann varð meistari í fjórða sinn á Hvaleyrinni í fyrra.
„Ég var með í Keflavík en annars hef ég verið rólegur alveg
eins og í fyrra. Þetta hefur því verið svipað sumar hjá
mér,“ sagði Björgvin spurður um hversu mikið hann
hefur verið með á mótunum í sumar. „Ég var að spila
vel í fyrra og get spilað vel ef ég vil. Svo er þetta bara
spurningin um að þetta smelli og að aðrir spili verr en
ég,“ segir Björgvin í léttum tón.
„Þetta er stærsta mótið og það sem allir stefna á
að reyna að vinna. Það er fullt af strákum sem geta
unnið þetta. Ég ætla bara að hafa gaman af þessu
og reyna að standa mig. Ég á eftir að vinna Íslands-
mót í Eyjum. Ef strákarnir verða góðir við mig þá
gæti þetta orðið fimmti titillinn,“ segir Björgvin
sem virkar mjög afslappaður fyrir mótið í Eyjum.
Honum líst líka vel á mótstaðinn.
„Þessi völlur og þetta svæði er bara snildin ein. Það
má samt segja að það sé von á öllu á vellinum í
Eyjum og þú veist oft á tíðum ekki hvort þú ert að
koma eða fara, hvað vind varðar, þegar þú stendur á
teignum,“ segir Björgvin.
Veðurspáin fyrir mótið er ekki alltof góð en Björgvin
hefur ekki áhyggjur af því. „Einhvers staðar var
það skrifað um mig að ég elskaði rok og rigningu
þannig að það hlýtur bara að vera svoleiðis. Ef að
þetta smellur hjá manni þá getur maður alveg elskað rok
og rigningu eins og allt annað. Ég vann 1995 í rok og rigningu
á Hellu þannig að ég elska rok og rigningu,“segir Björgvin
hlæjandi.
Dóttir hans Guðrún Brá mun taka þátt í meistaraflokki
kvenna í fyrsta sinn en hún er aðeins fjórtán ára og þegar
orðin ein af efnilegustu golfkonum landsins. Þau fóru
saman með Herjólfi í gær ásamt allri fjölskyldunni. „Þetta er
í fyrsta sinn sem við keppum á sama móti. Það verður því
bara fjölskyldustemning í Eyjum,“ sagði Björgvin að lokum.
ÍSLANDSMEISTARINN BJÖRGVIN SIGURBERGSSON: VONAST TIL AÐ VERJA TITILINN OG VINNA Í FIMMTA SINN
Þeir hafa skrifað að ég elski rok og rigningu
Landsbankadeild kvenna
KR-Þór/KA 3-1
1-0 Fjóla Dröfn Friðriksdóttir (20.), 1-1 Alexandra
Tómasdóttir (32.), 2-1 Edda Garðarsdóttir (73.),
3-1 Hólmfríður Magnúsdóttir (75.)
HK/Víkingur-Valur 1-4
0-1 Margrét Lára Viðarsdóttir (54, 1-1 Þórhildur
Stefánsdóttir (56.), 1-2 Dóra M. Lárusdóttir (76.),
1-3 Katrín Jónsdóttir (81.), 1-4 Margrét Lára (89.).
Fjölnir-Stjarnan 0-3
Inga Friðjónsdóttir, Björk Gunnarsdóttir 2.
Afturelding-Fylkir 1-0
1-0 Mist Edvardsóttir (77)
Keflavík-Breiðablik 0-2
Hlín Gunnlaugsdóttir, Hekla Pálmadóttir.
ÚRSLIT Í GÆR
FÓTBOLTI KR-stúlkur þurftu að hafa
vel fyrir hlutunum þegar þær unnu
Þór/KA í skrautlegum leik á KR-
vellinum í gærkvöld.
KR-stúlkur hófu leikinn af mikl-
um krafti og mættu gestunum í
Þór/KA hátt uppi á vellinum með
stífri pressu, sem gafst vel. Fyrsti
stundarfjórðungur leiksins fór
algjörlega fram á vallarhelming
gestanna sem áttu í vök að verjast
og talsvert reyndi á Berglindi
Magnúsdóttur í markinu.
Markið lá hreinlega í loftinu og
það kom loksins á 20. mínútu. KR-
stúlkan Embla Sigríður Grétars-
dóttir átti þá sendingu sem fór af
varnarmanni Þórs/KA og barst
fyrir lappirnar á Fjólu Dröfn Frið-
riksdóttur sem lyfti boltanum
snyrtilega yfir Berglindi og KR
komið með verðskuldaða forystu.
Það fór hins vegar svo að Þór/
KA náði að jafna leikinn á 32. mín-
útu þegar Alexandra Tómasdóttir
fékk sendingu inn fyrir vörn KR
og skoraði af harðfylgi án þess að
markvörðurinn María Björg
Ágústsdóttir kæmi neinum vörn-
um við. Gestirnir voru fram að því
í raun ekki búnir að sýna mikla
sóknartilburði, en framherjinn
Rakel Hönnudóttir var þó sívinn-
andi og gaf varnarmönnum KR lít-
inn tíma til að athafna sig.
Staðan var enn jöfn, 1-1, þegar
flautað var til hálfleiks.
Það dró svo heldur betur til tíð-
inda snemma í seinni hálfleik
þegar KR-stúlkan Ólína Guðbjörg
Viðarsdóttir fékk að fjúka útaf
með rautt spjald. Ólína fékk fyrst
gult spjald fyrir kjaftbrúk og svo
annað gult og þar með rautt fyrir
að því er virtist látalæti í fram-
haldi að því, þar sem hún klappaði
dómaranum lof í lófa á kaldhæðn-
islegan hátt.
Þór/KA-stúlkur voru nálægt því
að nýta sér liðsmuninn á 70. mín-
útu þegar Rakel slapp ein í gegn-
um vörn KR eftir sendingu hinnar
slóvensku Mateja Zver, sem var að
leika sinn fyrsta leik fyrir Akur-
eyrarliðið, en skot hennar fór beint
á markið.
KR-stúlkur voru þó ekki af baki
dottnar og sýndu styrk sinn á loka-
mínútunum. Fyrst skoraði Edda
Garðarsdóttir með langskoti á 73.
mínútu og tveimur mínútum síðar
skoraði Hólmfríður Magnúsdóttir,
einnig með þrumuskoti utan teigs.
Rakel komst í tvígang nálægt
því að minnka muninn á lokakafl-
anum en allt kom fyrir ekki og
KR-stúlkur unnu að lokum dýr-
mætan 3-1 sigur og hanga því
áfram í Valsstúlkum í baráttunni
um Íslandsmeistaratitilinn.
„Við fengum hundrað færi sem
við nýttum ekki og komum okkur í
vandræði þegar við lentum einum
manni færri. En við sýndum svo
fínan karakter og ég er fyrst og
fremst ánægð með sigurinn,“
sagði Helena Ólafsdóttir, þjálfari
KR.
Dragan Stojanovic, þjálfari
Þórs/KA, var fremur svekktur
með að fá ekkert fyrir sinn snúð.
„Eins og þetta spilaðist þá hefði
ég gjarnan viljað fá eitthvað út úr
leiknum. Við sköpuðum okkur
nokkur fín færi, sem hefðu mátt
nýtast,“ sagði Dragan að lokum.
omar@frettabladid.is
Tíu KR-stúlkur afgreiddu Þór/KA
KR-stúlkur sýndu mikinn karakter þegar þær unnu sprækt lið Þór/KA ,3-1, á KR-vellinum í gærkvöld. KR-
stúlkur voru einum leikmanni færri nær allan síðari hálfleik eftir að Ólína Viðarsdóttir fékk rautt spjald.
MARK Alexandra Tómasdóttir skorar hér jöfnunarmark Þórs/KA á KR-vellinum í gær. En KR-stúlkur sýndu mikinn karakter þegar
þær komu til baka í síðari hálfleik, þá einum leikmanni færri, og skoruðu tvö mörk og unnu að lokum 3-1. FRÉTTABLAÐIÐ/AUÐUNN