Fréttablaðið - 23.07.2008, Blaðsíða 35
MIÐVIKUDAGUR 23. júlí 2008 27
Lögmál 4: Bikarinn er fullur og froðutoppurinn
rís upp yfir brúnina. Þá er froðusveðjan tekin.
Henni er beint frá líkamanum og strokið lárétt með
45 gráðu halla, hársbreidd yfir brúninni. Stærstu
loftbólurnar hafa leitað efst í froðuna og mistakist
þetta skref munu þær springa þeim afleiðingum að
froðan fellur hratt. Án froðunnar er ölið varnar-
laust og verður flatt á skammri stundu.
Lögmál 5: Að lokum verður að tryggja að froðu-
toppurinn sé af nákvæmlega réttri þykkt.
Fullkomnunin felst í smáatriðunum: Í 33 cl
bikar skal froðan vera nákvæmlega 3 cm. Hvorki
meira né minna. Þetta samsvarar samanlagðri
breidd vísifingurs og löngutangar þess sem
njóta skal.
HANDBOLTI Íslenska kvennalands-
liðið er í riðli með Pólverjum,
Slóvökum, Lettum og Svisslend-
ingum í undankeppni HM í Kína á
næsta ári. Dregið var í gær en
leikið er 25.-30. nóvember, líklega
í Póllandi. Eitt lið kemst í
aukaleiki um sæti á HM.
„Pólverjar eru mjög sterkir og
fyrirfram sterkasta liðið í
riðlinum. Það þarf allt að ganga
upp til að við vinnum þær, þær
eru reynslumiklar. Það eru jafnir
möguleikar gegn Slóvakíu, ég veit
minnst um Letta en held að við
eigum fína möguleika gegn þeim
og Sviss er lakasta liðið,“ sagði
Júlíus Jónasson landsliðsþjálfari
um dráttinn. - hþh
Dregið í undankeppni HM:
Pólverjar með
sterkasta liðið
FÓTBOLTI Guðjón Þórðarson var
rekinn sem þjálfari ÍA í fyrra-
dag. Fréttablaðið náði loksins í
Guðjón í gær en hann var ómyrk-
ur í máli í samtalinu. Fyrsta
spurning var hvernig hann
kvaddi lið ÍA og hvort hann væri
ósáttur með brottreksturinn.
„Ég er ósáttur með að vera
vikið úr starfi en viðskilnaðurinn
er á góðum nótum,“ sagði Guðjón
sem ætlar að taka sér frí frá
þjálfun um óákveðinn tíma.
Hann sagði einnig að það lægi
alveg ljóst fyrir að hann hafi ekki
náð því út úr liðinu sem hann
vildi en vildi ekki ræða af hverju.
„Ég hef mörg svör á reiðum hönd-
um en er ekki tilbúinn að ræða
það við fjölmiðla,“ sagði Guðjón.
Aðspurður hvort hann hafi trú
á því að Arnar og Bjarki Gunn-
laugssynir nái að snúa gengi liðs-
ins við sagði Guðjón: „Ég ætla að
vona það. Þetta eru góðir strákar
og fínir fótboltamenn,“ sagði
Guðjón sem svaraði því ekki
hvort hann langaði til að halda
áfram að þjálfa.
„Það kemur bara í ljós. Þetta er
ótímabær spurning. Þetta er
asnaleg spurning,“ sagði Guðjón.
- hþh
Guðjón Þórðarson er kominn í frí frá fótbolta um óákveðinn tíma:
Vonar að tvíburunum vegni vel
EKKERT GEKK Það gekk ekkert upp
hjá Guðjóni í sumar. Undir hans stjórn
vann ÍA aðeins einn leik, gerði fjögur
jafntefli og tapaði sjö leikjum af tólf.
Það skoraði 9 mörk og fékk á sig 23.
FRÉTTABLAÐIÐ/VALLI
FÓTBOLTI Óvíst er hvort íslenska
kvennalandsliðið geti spilað
æfingaleik fyrir úrslitaleikinn um
laust sæti á EM gegn Frökkum
þann 27. september. Íslandsmót-
inu lýkur 13. september og viku
síðar er úrslitaleikur bikarkeppn-
innar. Auk þess spilar Valur í
Evrópukeppni í byrjun mánaðar-
ins.
„Þetta er því miður afskaplega
erfitt en við höfum ekki útilokað
neitt,“ segir Klara Bjartmarz,
skrifstofustjóri KSÍ, sem segir að
mesta gagnið yrði að spila gegn
sterku liði. Hugmynd hefur verið
uppi um að spila gegn úrvalsliði
leikmanna á Íslandi en ekkert
hefur verið ákveðið. - hþh
Íslenska kvennalandsliðið:
Enginn tími fyrir
æfingaleik?
LANDSLIÐIÐ Nær líklega ekki að spila
æfingaleik fyrir stórleikinn gegn Frökk-
um. FRÉTTABLAÐIÐ/VILHELM
HANDBOLTI Kvennalandslið Íslands
í handbolta skipað leikmönnum 20
ára og yngri varð að sætta sig við
jafntefli, 26-26, gegn Slóveníu í
öðrum leik sínum á HM U-20 ára
sem fram fer í Makedóníu. En
íslenska liðið gerði einnig
jafntefli í fyrsta leik sínum þar.
„Við erum eiginlega bara
hundfúl að hafa misst þetta svona
niður, þar sem við vorum með
leikinn í okkar höndum allan
tímann. Staðan var 13-10 okkur í
vil í hálfleik og við vorum með
fjögurra marka forystu þegar tíu
mínútur voru eftir og þær jafna
svo leikinn þegar tíu sekúndur
eru eftir,“ sagði Guðríður
Guðjónsdóttir, annar þjálfara
liðsins, við Fréttablaðið í gær. - óþ
HM U-20 ára í Makedóníu:
Annað jafntefli
ÓHEPPNAR Íslensku stelpurnar voru
nálægt því að vinna Slóveníu en urðu
að sætta sig við jafntefli. FRÉTTABLAÐIÐ/DANÍEL
FÓTBOLTI Guðmundur Benedikts-
son segir að Valsmenn þurfi að
eiga sinn besta leik í sumar ætli
þeir sér að vinna upp tveggja
marka forystu FC BATE frá
Hvíta-Rússlandi í kvöld. Liðin
mætast í forkeppni Meistara-
deildarinnar á Vodafone-vellin-
um.
„Maður á alltaf séns,“ sagði
Guðmundur um möguleika Vals.
„Þetta er hörku lið og við þurfum
að eiga okkar besta leik á
tímabilinu til að vinna með
þriggja marka mun. Þetta eru
þaulþjálfaðir atvinnumenn með
500 milljónir dollara í árslaun,
þeir bestu. Þeir hafa þrjá frábæra
miðjumenn sem tæta lið í sig fái
þeir möguleika á því. Við munum
spila okkar leik og við sjáum
hvert það leiðir okkur,“ sagði hinn
skeleggi framherji.
„Ef við þurfum að skora mörk
seinni partinn verður bætt í
sóknina, en þetta er ekki lið sem
þú getur galopnað.“ - hþh
Valur mætir FC BATE í kvöld:
Þurfum besta
leik sumarsins
GUÐMUNDUR Segir að allir leikmenn
liðsins þurfi að eiga toppleik ef Valur á
að komast áfram. FRÉTTABLAÐIÐ/DANÍEL
GOLF Golfklúbbur Vestmannaeyja
er sjötugur í ár og af því tilefni fer
Íslandsmótið í höggleik fram í
Eyjum en mótið fór einnig fram
þar 1996 og 2003. Golfklúbburinn
virðist þó ekki ætla að fá góða
afmælisgjöf frá veðurguðunum
því það er vond veðurspá á meðan
mótið fer fram í Eyjum sem hefst
á morgun.
„Við vonum að það verði einn
þáttur þarna í lagi og það er veðr-
ið. Eins og spáin er núna getur
pínulítið brugðið til beggja vona.
Veðrið mun spila stóra rullu í því
hvernig árangurinn verður sem
og skemmtanahald í kringum völl-
inn,“ sagði Jón Ásgeir Eyjólfsson,
forseti GSÍ, á kynningarfundi
fyrir mótið.
120 keppendur eru skráðir til
leiks og síðan verður skorið niður
eftir tvo keppnisdaga. Það ræst út
hálf átta á fimmtudaginn og það
gæti skipt kylfinga miklu máli
hvenær þeir fara út. En hvaða
möguleikar eru í stöðunni ef að
spárnar ganga eftir og fimmtu-
dagurinn verður jafnslæmur og
verstu spár segja til um?
„Við biðlum bara til veðurguð-
anna. Ef veðrið verður erfitt þá
gæti það raskað mótinu. Ef við
þurfum að fresta leik þá munum
við reyna að spila lengur fram á
kvöldið því það verður reynt að
klára tvær umferðir ef við mögu-
lega getum. Ef við náum ekki að
klára á fimmtudeginum þá byrj-
um við jafnvel fyrr á föstudegin-
um og spilum líka lengur,“ sagði
Hörður Þorsteinsson, fram-
kvæmdastjóri GS.
„Við munum nota allar leiðir til
þess að klára tvo hringi ef við
mögulega getum. Ef þeir geta
byrjað að ræsa klukkan 6.15 á
opna breska þá hljótum við að geta
gert það líka,” sagði Hörður. Dóm-
arnir á mótinu verða með hand-
veðurstöðvar sem gefa góða upp-
lýsingar um veðrið allstaðar á
vellinum.
„Ef það næst ekki þá fellur mót-
stjórnin niður einn hring og þá
ræður bara einn hringur niður-
skurðinum fyrir laugardag og
sunnudag. Sama gildir síðan um
þá daga,“ bætti Hörður við en
hann talaði einmitt um að menn
hafi verið heppnir með veður í
sumar eða kannski þangað til nú.
Slæmt veður setti líka mikinn
svip á opna breska meistaramótið
um síðustu helgi. „Við búum á
Íslandi og við þurfum bara að spila
við þær aðstæður sem boðið er
upp á. Við erum ekki með eins
hraðar flatir og úti og því eigum
því að geta spilað í töluvert vondu
veðri. Vellirnir hér eru líka styttri
þannig að það erum ýmsar for-
sendur sem segja að við eigum all-
vegna að geta spilað í sama veðri
og þeir gerðu á Opna breska meist-
aramótinu. En auðvitað verður
golfið ekki eins áferðafallegt í
svona veðrum,“ sagði Hörður að
lokum. -óój
Íslandsmótið í höggleik fer fram í Vestmannaeyjum um helgina:
Við biðlum til veðurguðanna
HELLIDEMBA Kínverjinn Liang Wen-chong lenti í rigningu á opna breska eins og svo
margir aðrir. Hér er hann á lokadeginum. FRÉTTABLAÐIÐ/AFP