Fréttablaðið - 26.07.2008, Side 22

[ ]
Með veislu í farangrinum er
uppskriftakver fyrir ferða-
glaða sælkera sem vilja nýta
það sem hendi er næst, bæði
úr ísskápnum heima og úti í
náttúrunni.
Með veislu í farangrinum er full
af einföldum en frumlegum upp-
skriftum þar sem hráefni að heim-
an og efniviður úr náttúrunni eru
notuð í matargerð, sem hentar
bæði í sumarbústaðinn og tjaldúti-
leguna.
Í bókinni er að finna uppskriftir
að fjallabrauði, fíflavíni og ýsu
með hundasúrum svo fátt eitt sé
nefnt. Í henni eru einnig skemmti-
legar sögur og fróðleiksmolar á
hverri síðu um hvernig megi gera
útleguna betri og skemmtilegri.
Kverið er eftir þaulvanar fjalla-
konur, þær Ingibjörgu Guðrúnu
Guðjónsdóttur og Ragnheiði Ing-
unni Ágústsdóttur, sem hafa eldað
utandyra við ævintýraleg skilyrði
og veðráttu í fimmtán ár. - mmr
Arnþór Gunnarsson, sagnfræðingur og masters-
nemi í ferðamálafræði, undirbýr nú lokaverkefni
um samspil náttúruverndar og ferðamennsku í
Vatnajökulsþjóðgarði. En er mögulegt að sam-
ræma þetta tvennt?
„Ég tel hægt að skapa skilyrði fyrir ferðamenn við
íslenskar náttúruperlur þannig að þær bíði ekki tjón.
Þar þarf ríkið að koma myndarlega að. Það hefur
lítinn tilgang að moka inn sífellt fleiri ferðamönnum
ef náttúra landsins þolir ekki álagið. Þá einfaldlega
spilla ferðamennirnir þeim gæðum sem þeir eru að
sækjast eftir. Þannig er ákveðinn eyðileggingarmátt-
ur falinn í þessari atvinnugrein eins og við rekum
hana í dag,“ segir Arnþór og telur Íslendinga hafa
sofið á verðinum.
Arnþór er nýkominn ofan úr Laka þar sem mikil
umferð er á þessum árstíma og náttúran viðkvæm.
Hann byrjar á góðu fréttinni. „Gönguleiðin upp á Laka
er dæmi um það sem vel hefur verið gert. Hún er
nánast ósýnileg í fjallinu þrátt fyrir að mörg hundruð
manns fari þar um á hverjum degi yfir sumarið.
Þarna hafa verið gerð þrep úr steinum og þannig frá
gengið að stígurinn annar umferðinni,“ segir hann en
snýr sér svo að því sem er ábótavant. „Á bílastæðinu
við Laka er ekki nema eitt salerni og átakanlegt að sjá
langa röð ferðamanna bíða þar utan við tímunum
saman. Svona á ekki að bjóða gestum upp á. Það leiðir
til óþrifnaðar kringum bílastæðið. Þarna vantar líka
fleira starfsfólk. Einn landvörður kemst ekki yfir að
leysa úr spurningum allra og hafa um leið hemil á
umferðinni þannig að fólk haldi sig á stígum.“
Arnþór nefnir að við Tjarnargíg séu fleiri og betri
salerni en við Laka og þau séu í húsum sem falli vel að
umhverfinu. „Þar eru líka bekkir og pallur þar sem
fólk getur borðað nestið sitt,“ segir hann og bætir við.
„En fólk stoppar fyrst við Laka og ég held að þar væri
einnnig hægt að fela þjónustuhús þannig að ekki yrði
sjónmengun að.“
Arnþór segir veginn upp að Laka afleitan lengstan
hluta leiðarinnar. „Bara í þessari einu ferð varð ég
vitni að jákvæðum hlutum en því miður líka neikvæð-
um en tel þó alls ekki við starfsfólk þjóðgarðsins að
sakast. Það reynir að gera sitt besta en er fáliðað og
hefur úr alltof litlum fjármunum að moða,“ segir hann
og minnir í lokin á að í nóvember síðastliðnum hafi
forsætisráðherra skipað nefnd um hvernig styrkja
megi ímynd Íslands. „Eitt er víst,“ segir Arnþór,
„ónýtir vegir og ófullkomin hreinlætisaðstaða skapa
ekki góða ímynd.“ gun@frettabladid.is
Ferðamennskan byggist
á gæðum náttúrunnar
Arnþór staddur á Sveinstindi 18. júlí sl.
MYND/ERLA HULDA HALLDÓRSDÓTTIR
Með veislu í farangrinum inniheldur
einfaldar en frumlegar uppskriftir.
Á þriðjudag verður hægt að
ganga að Þúfubjargi með
landvörðum í þjóðgarðinum
Snæfellsjökli.
Í þjóðgarðinum Snæfellsjökli eru
landverðir duglegir að bjóða gest-
um og gangandi í styttri og lengri
göngur. Á þriðjudag fer ein slík
fram og ber hún yfirskriftina
„Lífið í bjarginu.“
Landverðir taka á móti gestum
á bílstæðinu við Svalþúfu. Þaðan
er gengið að Þúfubjargi þar sem
fuglalíf er einkar fjölskrúðugt og
tófan á það til að skjóta upp kollin-
um. Undir bjarginu ku Kolbeinn
einnig hafa kveðist á við Kölska
samkvæmt þjóðsögunni.
Að endingu er gengið að Lón-
dröngum en þar má sjá minjar um
vermennsku fyrri tíma.
Gangan tekur um eina klukku-
stund og lagt er að stað klukkan
14.00. - tg
Snæfellsþjóðgarður er fullur af skemmtilegum gönguferðum. FRÉTTABLAÐIÐ/GVA
Lífið í bjarginu
Fyrir sælkerana
Reiðhjólaferðir geta verið hin skemmtilegasta íþrótt, sérstaklega
þegar veður er gott. Íslenski fjallahjólaklúbburinn býður upp á lengri
og styttri hjólaferðir sem sérhver hjólandi maður ætti að taka þátt í.
BÍLALEIGUBÍLAR
SUMARHÚS Í DANMÖRKU
Sumarhús
Útvegum sumarhús í
Danmörku af öllum stærðum
Fjölbreyttar upplýsingar á
www.fylkir.is
LALANDIA - Rødby
Lágmarksleiga 2 dagar.
LALANDIA - Billund
Nýtt frábært orlofshúsahverfi
rétt við Legoland.
Ódýrari bílaleigubílar
fyrir Íslendinga.
Bílar frá dkr. 1.975.- pr. viku.
Innifalið í verði;
ótakmarkaður akstur, allar
tryggingar, engin sjálfsábyrgð.
( Afgr.gjöld á flugvöllum).
Höfum allar stærðir bíla, 5 – 7
manna og minibus 9 manna og
rútur með eða án bílstjóra.
Súpersól til
Búlgaríu
18. til 31. ágúst
59.990
Kr. 59.990
Netverð á mann, m.v. 2 - 4 í hótel-
herbergi / stúdíó / íbúð í 13 nætur,
18. - 31. ágúst.
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...