Fréttablaðið - 29.07.2008, Blaðsíða 42

Fylkisvöllur, áhorf.: 877
Fylkir Keflavík
TÖLFRÆÐIN
Skot (á mark) 19–15 (8–9)
Varin skot Fjalar 6 – Ómar 5
Horn 6–7
Aukaspyrnur fengnar 13–17
Rangstöður 2–3
KEFLAVÍK 4–3–3
Ómar Jóhannsson 6
Guðjón Á. Antoníuss. 6
Kenneth Gustafsson 5
Hallgrímur Jónasson 7
Nicolai Jörgensen 5
Hörður Sveinsson 7
Jóhann B. Guðmunds. 6
(57. Hans Mathiesen -)5
Hólmar Örn Rúnarss. 7
Símun Samuelssen 6
Magnús Þorsteinsson x7
(67. Petrik Redo -)
Guðmundur Steinars. 8
(76. Högni Helgason -)
FYLKIR 4–5–1
Fjalar Þorgeirsson 6
Andrés Jóhannesson 5
(87. Peter Gravesen -)
Kristján Valdimars. 5
Ólafur Stígsson 6
Þórir Hannesson 6
Halldór Hilmisson 6
Valur F. Gíslason 7
Ian Jeffs 7
Allan Dyring 7
*Kjartan Breiðdal 8
Haukur I. Guðnason 6
0-1 Guðmundur Steinarsson (1.), 1-1
Ian Jeffs (35.), 1-2 Guðm. Stein. (42.),
1-3 Hörður Sveinsson (58.), 2-3 og
3-3 Kjartan Á. Breiðdal (73. og 86.).
3-3
Jóhannes Valgeirsson (7)
26 29. júlí 2008 ÞRIÐJUDAGUR
sport@frettabladid.is
Staðan í deildinni:
FH 13 9 1 3 31-14 28
Keflavík 13 8 3 2 29-19 27
Valur 13 7 2 4 24-18 23
Breiðablik 13 6 4 3 27-19 22
Fram 13 7 0 6 15-11 21
Fjölnir 12 7 0 5 22-14 21
KR 12 6 0 6 20-15 18
Grindavík 13 5 2 6 20-25 17
Þróttur 13 4 5 4 21-25 17
Fylkir 13 4 1 8 15-25 13
ÍA 13 1 4 9 13-33 7
HK 13 1 2 10 12-34 5
Opnunartími:
Mán - Fim 28. – 31. júlí: 9:00-18:00 Föstudagur 1. ágúst: 9:00-16:00
> Nær KR að hefna gegn Fjölni?
Nýliðarnir í Fjölni komu mörgum á óvart með því að
leggja KR að velli 2-1 í Grafarvoginum í 2. umferð Lands-
bankadeildar karla fyrr í sumar. Liðin mætast á nýjan leik
í kvöld kl. 20.00 í lokaleik 13. umferðar og fer leikurinn
fram á KR-vellinum í Frostaskjóli. Reynsluboltinn
Ágúst Gylfason, miðjumaður Fjölnis, hefur leikið
frábærlega með Fjölni í sumar en hann var áður
í herbúðum KR-inga. Bjarni Guðjónsson er í
leikmannahópi KR og byrjar væntanlega á
bekknum en gæti komið inn á. Logi Ólafs-
son, þjálfari KR, er ánægður að fá Bjarna
í hópinn. „Hann leit vel út á æfingunni,“
sagði Logi sem er á því að Bjarni sé bestur á
miðjunni. „Ég tek það en hann getur brugðið
sér í allra kvikynda líki inni á vellinum.“
Bjarni Guðjónsson skrifaði undir fjögurra og hálfs árs samning við
KR seint á sunnudagskvöldið. „Það er ekki gengið frá svona stórum
samningum á mánudögum á Akranesi eftir gamalli sjómannahjátrú.
Þetta hefði þurft að bíða þar til síðar í vikunni og KR vildi hafa mig til
taks fyrir leikinn gegn Fjölni,“ sagði Bjarni.
KR og Valur börðust um Bjarna og sáu Valsarar
ástæðu til að senda frá sér yfirlýsingu í gær þar
sem þeir sögðust ekki hafa treyst sér í launa-
kröfur Bjarna. „Viðræðurnar fóru nokkuð langt
og laun voru rædd en ég bað aldrei um nein
ákveðin laun hjá Val, ekki frekar en hjá KR
eða annarsstaðar,“ sagði Bjarni.
Valsarar sögðust í gærkvöldi standa
við yfirlýsinguna. Bjarni fær um 400
þúsund krónur í laun samkvæmt heim-
ildum Fréttablaðsins. Kaupverðið ku
nema um fjórum milljónum.
Bjarni mætti á sína fyrstu æfingu
með KR í gær og var búinn að borða
kvöldmat með fjölskyldu sinni skömmu
eftir hana. „Þetta er rosalegur munur,“ sagði Bjarni glaðbeittur en
hann á heima stutt frá KR-vellinum.
Hann stundar auk þess nám við Háskóla Reykjavíkur og þarf því
ekki að ferðast upp á heimabæinn Akranes á æfingar lengur.
„Það er ákveðin tilhökkun yfir því að vera kominn í KR. Vænting-
arnar eru miklar líkt og metnaðurinn. Ég er fyrst og fremst í þessu til
að ná árangri og ég held að ég geti það með KR,“ sagði Bjarni sem
verður í leikmannahópi KR í kvöld í leiknum gegn Fjölni.
Hann viðurkennir að síðasta vika hafi reynst honum erfið.
„Erfiðast var líklega þegar mér var orðið ljóst að ég væri að fara af
Akranesi. Ýmsar tilfinningar spruttu fram en ég ræddi við mitt fólk
og ég er sannfærður um að þetta sé rétt ákvörðun, ég sé alls ekki
eftir henni.“
Bjarni kveður Skagann sáttur. „Ég er í fullri sátt við tvíbur-
ana, stjórnina og leikmenn. Ég hef trú á því að tvíburarnir nái
að snúa genginu við og óska þeim alls hins besta.“
Ingvar Örn Ákason, Byssan, er einn af helstu stuðnings-
mönnum KR er mjög ánægður með komu Bjarna og hann
yrði boðinn velkominn í kvöld með lag sem sungið var fyrir
hann í búningi ÍA, „Bjarni fairplay, Bjarni Bjarni fairplay.“
BJARNI GUÐJÓNSSON: VALDI KR FRAM YFIR VAL SEM SAKA HANN UM OF HÁAR LAUNAKRÖFUR
Kominn í nýja hverfisliðið úr uppeldisbænum
FÓTBOLTI Það vantaði ekki drama-
tíkina í hröðum og skemmtilegum
rigningarleik Fylkis og Keflavík-
ur í gærkvöld þegar liðin skildu
jöfn í Landsbankadeildinni.
Það er óhætt að segja að leikur-
inn hafi farið fjörlega af stað á
Fylkisvelli þar sem fyrsta markið
leit dagsins ljós eftir aðeins 24
sekúndur. Keflvíkingar sóttu og
Hörður Sveinsson skallaði boltann
fyrir Guðmund Steinarsson sem
átti fast skot niðri í hægra hornið,
óverjandi fyrir Fjalar Þorgeirsson
í marki Fylkis.
Sannarlega slæm byrjun Fylkis-
manna sem virkuðu þungir og
slegnir út af laginu á upphafsmín-
útunum á meðan hröð sóknarlína
Keflavíkur naut þess greinilega
að spila á blautum vellinum.
Fylkismenn náðu þó að vinna
sig ágætlega inn í leikinn um mið-
bik fyrri hálfleiks og voru farnir
að ná ágætis tökum á miðjunni.
Sókn þeirra bar árangur þegar
Dyring og Ian Jeffs átti gott sam-
spil sem endaði með því að Jeffs
jafnaði leikinn með skoti af stuttu
færi.
Flest benti til þess að liðin færu
inn í leikhlé með sitt markið hvort
þegar Fylkismenn gerðu sig seka
um að sofna illilega á verðinum.
Hólmar Örn Rúnarsson átti þá
sendingu á kollinn á Guðmundi
sem skoraði sitt annað mark með
góðum skalla á fjærstöng. Staðan
því 1-2 í hálfleik.
Fylkismenn réðu ferðinni í upp-
hafi síðari hálfleiks en það voru
sem fyrr slæm varnarmistök sem
urðu þeim að falli og Keflvíkingar
kunna að nýta sér það. Jeffs missti
boltann á eigin vallarhelmingi og
Hörður fékk boltann og skaut
föstu skoti sem Fjalar varði en
boltinn lak inn í hliðarnetið og
staðan orðin 1-3.
Keflvíkingar færðu sig aftar á
völlinn í kjölfarið og reyndu að
verja fenginn hlut en hagur Fylk-
ismanna vænkaðist þegar Brynjar
Guðmundsson fékk að líta rautt
spjald fyrir brot á Dyring. Kjart-
an Ágúst Breiðdal skoraði beint úr
aukaspyrnu í kjölfarið og leikur-
inn allt í einu orðinn galopin á ný.
Fylkismenn náðu svo að nýta
sér liðsmuninn á 86. mínútu þegar
Kjartan bætti við sínu öðru marki
með skoti af stuttu færi eftir klafs
í vítateig Keflvíkinga.
Fylkismenn reyndu hvað þeir
gátu til þess að taka öll stigin á
lokamínútunum en það gekk ekki
upp og lokatölur urðu 3-3.
Ólafur Stígsson, fyrirliði Fylkis,
var stoltur af Árbæjarliðinu. „Ég
er mjög sáttur með liðið að hafa
ekki gefist upp í stöðunni 1-3 á
móti jafn sterku liði og Keflavík
og við vorum í raun nálægt því að
taka öll stigin. Við gerðum okkur
seka um tvö herfileg varnarmis-
tök en unnum okkur vel til baka og
sýndum að við getum spilað góðan
fótbolta,“ sagði Ólafur.
Guðmundur Steinarsson, fyrir-
liði Keflavíkur, var vitanlega ekki
jafn kátur í leikslok. „Það á að
vera meira en nóg að komast tvisv-
ar sinnum yfir en það dugði ekki
að þessu sinni og við erum veru-
lega svekktir. Ef við getum tekið
eitthvað jákvætt út úr leiknum þá
er það kannski sú staðreynd að við
erum að taka stig í Árbænum í
fyrsta sinn í langan tíma. Við
vorum ekki að spila alveg á pari í
þessum leik en það er enginn
heimsendir og deildin verður
áfram spennandi og það er nóg
eftir,“ sagði Guðmundur.
Fylkismenn neituðu að gefast upp
Fylkir og Keflavík gerðu 3-3 jafntefli í Árbænum í kaflaskiptum leik í gær. Keflvíkingum mistókst að end-
urheimta toppsætið en Fylkismenn náði í dýrmætt stig í botnbaráttunni.
BARÁTTA Guðjón Árni nær
hér til boltans á undan Allani
Dyring í einu af fjölmörgum
návígjum í leiknum í gær.
FRÉTTABLAÐIÐ/ARNÞÓR