Fréttablaðið - 15.08.2008, Blaðsíða 10
10 15. ágúst 2008 FÖSTUDAGUR
SAMGÖNGUMÁL Þrjú tilboð, eitt aðal-
tilboð og tvö frávikstilboð, bárust í
smíði nýrrar Vestmannaeyjaferju
en þau voru opnuð hjá Ríkiskaup-
um í gær. Tilboðin bárust frá skipa-
smíðastöðvunum Fassmer í Þýska-
landi og Simek í Noregi. Tilboðin
eru áþekk eða frá 3,3 milljörðum
króna til 3,7 milljarða. Tilboð Vest-
mannaeyjabæjar og Vinnslustöðv-
arinnar í Eyjum sem stjórnvöld
höfnuðu í lok maí var áþekkt en
taldist vera of hátt. Það tilboð tók
einnig til reksturs ferjunnar.
Afhendingartími nýrrar ferju
verður í júlí eða nóvember árið
2010 verði tilboðunum tekið.
Elliði Vignisson, bæjarstjóri í
Vestmannaeyjum, segir að bæði
fyrirtækin séu traust. „En við
þekkjum það norska sérstaklega
vel þar sem þetta er sama fyrir-
tæki sem vann með okkur að til-
boðinu á sínum tíma. Eins og við
bentum á þegar við vorum í við-
ræðum við Ríkiskaup á sínum tíma
þá eru verðin núna heldur hærri en
það sem við buðum. Lykilatriðið er
að fyrirtækin treysti sér til að skila
ferjunni í júlíbyrjun 2010 svo
reynsla geti komið á skip og sigl-
ingaleið áður en veður versna.“
Aðspurður hvort til greina komi
að Eyjamenn geri tilboð í rekstur
ferjunnar telur Elliði það ekki lík-
legt. „Við lögðum í mikinn kostnað
síðast og töldum okkur bera skarð-
an hlut frá borði í viðræðum við
fulltrúa ríkisins. Við værum þó til-
búnir að standa við það tilboð sem
við gerðum á sínum tíma.“
- shá
Þrjú tilboð bárust í smíði nýrrar Vestmannaeyjaferju sem hefur siglingar 2010:
Hærri en tilboð heimamanna
HERJÓLFUR Ný ferja mun sigla til Bakka-
fjöruhafnar árið 2010 og leysir þá gömlu
af hólmi. FRÉTTABLAÐIÐ/ÓSKAR
VIÐSKIPTI Færeyska félagið
Atlantic Petroleum tilkynnti um
olíufund í gær. Bréf félagsins
hækkuðu um átta prósent í
kauphöllinni eftir þessi tíðindi.
Um er að ræða olíu í Bretlands-
hluta Norðursjávar. Olían fannst
sex kílómetra suður af Ettrick
Field sem er starfsstöð Atlantic
Petrolum á svæðinu. Aðrir
samstarfsaðilar Atlantic í þessu
verkefni eru Nexen með 80
prósenta hlut, Bow Valley með 12
prósent og Atlantic fer síðan með
átta prósenta hlut.
Færeyska félagið er skráð í
Kauphöll Íslands.
- as
Atlantic Petroleum:
Tilkynntu um
olíufund í gær
JAFNRÉTTISMÁL „Ef eitthvað skiptir
máli í samfélögum heims þá er það
að auka réttindi og bæta stöðu
kvenna, ekki bara fyrir konur
heldur samfélagið allt,“ sagði Ingi-
björg Sólrún Gísladóttir utanríkis-
ráðherra á blaðamannafundi
Íslandsdeildar UNIFEM í gær.
Ingibjörg, Kristján Möller sam-
gönguráðherra og Guðlaugur Þór
Þórðarson heilbrigðisráðherra
voru öll viðstödd blaðamannafund-
inn og voru efst á blaði undirskrift-
arsöfnunar UNIFEM, á unifem.is
undir yfirskriftinni „Segjum NEI
við ofbeldi gegn konum“.
Undirskriftarsöfnunin er hluti
af alþjóðlegu átaki, sem hófst í
nóvember á síðasta ári, til að
hvetja ríkisstjórnir heims til að
grípa til aðgerða gegn kynbundnu
ofbeldi í heiminum.
„Ofbeldi gegn konum er málefni
sem getur ekki beðið,“ sagði Reg-
ína Bjarnadóttir, stjórnarformað-
ur UNIFEM, á Íslandi en mark-
miðið með undirskriftarsöfnun
UNIFEM á Íslandi er að fá sem
flesta Íslendinga til að leggja
þessu átaki lið.
Átakið stendur yfir í tólf vikur
og því lýkur 6. nóvember. - vsp
Undirskriftarsöfnun gegn kynbundnu ofbeldi:
Segjum nei við of-
beldi gegn konum
VIÐSKIPTI Tilkynningum um
nauðungarsölu fjölgað um 55
prósent milli ára í Bandaríkjunum.
Nú er svo komið að 17 prósent alls
íbúðarhúsnæðis sem er á söluskrá
eru eignir sem eru í nauðungar-
sölu. Greiningardeildir telja
nauðungarsölum muni ekki fækka
fyrr en á fyrri helmingi næsta árs.
Wall Street Journal hafði eftir Alan
Greenspan á fimmtudaginn að
lækkanirnar myndu stöðvast á
fyrri helmingi næsta árs, en
„hugsanlega myndu verðlækkan-
irnar halda áfram út árið, og næsta
ár“. - msh
Fasteignamarkaður í BNA:
Nauðungar-
sölur í Ameríku
NAUÐUNGARSÖLUR Einn af hverjum
464 fasteignaeigendum fengu tilkynn-
ingu eða hótun um nauðungaruppboð.
FRÉTTABLAÐIÐ/AFP
Seigla fékk verðlaun
Bátasmiðjan Seigla á Akureyri fékk
frumkvöðlaverðlaunin 2008 á Nor-
Fishing sjávarútvegssýningunni í
Þrándheimi í Noregi í vikunni. Seigla
fékk verðlaunin fyrir þróun á báti
sem sérhannaður er fyrir siglingar á
Norður-Atlantshafi.
NOREGUR
SAMGÖNGUR „Þetta er sögulegur dagur,“ sagði
Kristján Möller samgönguráðherra þegar
samningur um gerð Landeyjahafnar og
Bakkafjöruvegar var undirritaður í gær.
Höfnin á að þjóna nýjum Herfjólfi en opnað
var fyrir tilboð í smíði hans í gær. „Þetta er
bylting í samgöngumálum á Suðurlandi,“
sagði samgönguráðherra.
Ferðin með nýju ferjunni frá Landeyjar-
höfn mun aðeins taka tæpan hálftíma en með
gamla Herjólfi tekur ferðin um þrjá tíma.
Ferðatíminn frá Reykjavík verður um
þremur korterum styttri í heild þar sem
klukkutíma lengri keyrsla er á Bakka en
Þorlákshöfn. Gert er ráð fyrir fimm ferðum á
dag með nýju ferjunni, en þær eru aðeins
tvær nú.
„Þetta er einn af stærstu dögunum fyrir
sögu Vestmannaeyja,“ segir Elliði Vignisson
bæjarstjóri. „Þetta á eftir að valda straum-
hvörfum í byggðaþróun í Eyjunum. Við erum
að renna saman tveimur öflugum sveitarfé-
lögum með ráðandi markaðshlutdeild í
matvælaframleiðslu þjóðarinnar,“ segir hann
og á við sjávarútveg Eyjamanna og landbúnað
í Landeyjum. „Það kæmi mér ekkert á óvart
að í framtíðinni verði það rætt af fullri alvöru
að sameina sveitarfélögin. Vestmannaeyjar
eru með mjög hátt þjónustustig og sveitarfé-
lagið er tilbúið til að veita þjónustu inn á
mikið stærra svæði en hingað til.“
Tilboð Suðurverks í Hafnarfirði, sem
samþykkt var, hljóðaði upp á 1,9 milljarða.
Það er sextíu prósentum lægra verð en
kostnaðaráætlun hljóðaði upp á, en hún gerði
ráð fyrir 3,1 milljarð. „Það er talað um að við
séum að bjóða of lágt, en ég vil verja mínar
heimalendur,“ segir Dofri Eysteinsson,
forstjóri Suðurverks, sem er ættaður af
svæðinu. „Það passar alveg saman að vera í
bisness og verja heimalendurnar.“
Árni Johnsen fagnar framkvæmdunum en
segir að aðrir möguleikar hafi ekki verið
skoðaðir til fulls. „Ég á við aðra ferju frá
Þorlákshöfn eða jarðgöng milli lands og
Eyja,“ segir Árni sem er þess fullviss að
jarðgöng muni koma. „Þau gætu verið komin
innan fimmtán ára,“ segir hann. Samgöngu-
ráðherra gefur þó lítið fyrir jarðgöng í svo
náinni framtíð. gudmundure@frettabladid.is
Ný höfn fyrir nýjan Herjólf
Samningur um gerð Landeyjahafnar og Bakkafjöruvegar undirritaður í gær. Ferðin með nýju ferjunni
mun taka hálftíma en hún tekur þrjá tíma nú. Straumhvörf í byggðaþróun segir bæjarstjóri Eyja.
UNDIRSKRIFT Bæjarstjóri Vestmannaeyja telur daginn einn þann stærsta í sögu Eyjanna en þær sjást vel í bak-
grunni. FRÉTTABLADID/RÓSA
FUNDAÐ Á RÍVÍERUNNI Nicolas
Sarkozy, forseti Frakklands, og
Condoleezza Rice, utanríkisráðherra
Bandaríkjanna, hittust í Frakklandi í
gær og ræddu málefni Rússlands og
Georgíu. FRÉTTABLAÐIÐ/AP
BLAÐAMANNAFUNDUR UNIFEM Regína Bjarnadóttir, stjórnarformaður UNIFEM,
Steinunn Gyðu- og Guðjónsdóttir, framkvæmdastýra UNIFEM og Ingibjörg Sólrún
Gísladóttir, utanríkisráðherra á blaðamannafundinum í gær. FRÉTTABLAÐIÐ/ARNÞÓR