Fréttablaðið - 15.08.2008, Blaðsíða 28

fréttir
Hinn ungi og efnilegi fatahönnuður, Mundi, eða Guð-
mundur Hallgrímsson, mun kynna nýja vorlínu sína á
skemmtistaðnum Nasa í kvöld. „Tískusýningin verður
frekar óvenjuleg í sniðinu, við viljum uppljóstra sem
minnstu þar sem hún á að koma áhorfendum á óvart.
En ég lofa að þetta verður tryllt og lífleg sýning,“
segir Arna Sigrún Haraldsdóttir sýningarstjóri – en
fyrri sýningar Munda hafa vakið mikla athygli fyrir
frumlegar uppsetningar. „Við fáum hljómsveitir og
plötusnúða til þess að spila undir og svo verður blásið
til veislu í lok kvöldsins,“ segir Arna.
Mundi varð fyrst þekktur fyrir peysur sem hann
hóf að hanna á meðan hann var við nám í grafískri
hönnun í Listaháskólanum. Hann hætti að lokum námi
vegna anna, þegar fatalína hans undir merkinu Mundi
hafði stækkað ört. Fyrsta heila fatalína Munda var til
að mynda sýnd á tískuvikunni í París og seldist strax
til tíu búða um allan heim. Flíkur frá honum eru því
fáanlegar í Asíu, Bandaríkjunum og Evrópu. Umfjall-
anir um hönnun hans hafa þar að auki birst í tímarit-
um á borð við Surfacek, V-Magazine og Elle.
Tískumógúlar landsins geta því hugsað sér gott til
glóðarinnar í kvöld. „Við sendum út boðskort. Þeir sem
ekki hafa fengið slíkt geta reynt að koma sér í mjúkinn
hjá dyravörðunum,“ segir Arna kímin.
Mundi kynnir nýja vorlínu
Mundi hefur getið sér gott orð sem fatahönnuður þrátt fyrir
ungan aldur. MYND/ANTON
V
ið erum að leita að leikurum og lærðum svið-
slistamönnum í öll hlutverk,“ segir Ívar Örn
Sverrisson, leikari og leikstjóri sýningar-
innar Óþelló eftir Shakespeare, sem verður
frumsýnd 22. september næstkomandi, en sýningin
er hugmynd og framleiðsluverkefni Ívars og Ólafs
Þorvaldz leikara.
„Óþelló er farandsýning sem við munum æfa upp
á fimm vikum og fara með í alla menntaskóla lands-
ins. Útgangspunktur okkar í túlkuninni á Óþelló er
ástin í átökum við höfuðsyndirnar sjö, en auk leik-
ara leitum við að jaðarsportiðkendum svo sem BMX
„flatlander“, skeiturum og Parkour-iðkendum til að
krydda sýninguna, gefa henni kraft og flæði,“ út-
skýrir Ívar, en Parkour er ákveðin stefna sem varð
til í Frakklandi fyrir tíu árum og gengur út á að fram-
kvæma samfellda hreyfingu og komast sem hraðast
á milli staða án þess að láta nokkuð stoppa sig.
Opnar prufur fyrir hlutverk í Óþelló verða haldn-
ar á morgun, laugardaginn 16. ágúst, en frekar upp-
lýsingar má nálgast á heimasíðunni othelloparkour.
blogspot.com.
Ívar Örn Sverrisson mun leikstýra Óþelló,
en sýningin er hugmynd og framleiðslu-
verkefni Ívars og Ólafs Þorvaldz leikara.
É
g legg mikið upp úr því að
hanna föt sem eru klæði-
leg á konum, sama hvernig
þær eru í vextinum,“ segir
Katla Hreiðardóttir, sem rekur
og á verslunina Volcano design á
Skúlagötu 63 ásamt kærastanum
sínum, Gunnari Páli Viðarssyni,
en verslunin er einnig á netsíð-
unni volcanodesign.org.
„Ástæðan fyrir því að við
ákváðum að opna búð var sú að
það eru fá verkefni í innanhúss-
hönnun þessa stundina, en ég er að
læra innanhússarkitektúr í Barce-
lona. Gunnar hvatti mig áfram og
þó svo að það sé ekki mikill pen-
ingur í þessu finnst mér gaman
að prófa mig áfram í fatahönnun-
inni,“ segir Katla sem saumar og
hannar sjálf fötin sem hún selur,
en hún lauk stúdentsprófi af list-
námsbraut frá Fjölbrautaskólan-
um í Garðabæ með sérsvið í text-
ílhönnun og nam búðarhönnun og
sölusálfræði í Danmörku áður en
hún fór að læra innanhússarki-
tektúr.
„Fötin sem ég hanna eru undir
miklum áhrifum götutískunnar
í Barcelona, en ég hef líka allt-
af verið voðalega hrifin af Japan
og á von á stuttum kimono-jökk-
um,“ segir Katla sem selur einn-
ig skart og töskur sem hún flytur
inn frá Bandaríkjunum. „Það sem
er vinsælast eru ermar sem er
hægt að breyta með því að draga
upp í vængi og svo hettur sem eru
fóðraðar með flísefni og eru með
vösum fyrir veski, síma og fleira,“
bætir hún við.
Aðspurð segist Katla halda
aftur út til Barcelona
á haustmánuð-
um, en þá mun
versluninni
á Skúla-
götu verða
lokað. „Við
ætlum að
loka í okt-
óber svo
við von-
umst til
að selja
sem mest
þangað
til, en það verður áfram hægt að
nálgast vörur í gegnum netversl-
unina og svo stefnum við á að opna
aftur næsta sumar,“ segir Katla að
lokum. alma@frettabladid.is
Katla Hreiðarsdóttir í versluninni Volcano design
Götutíska Barcelona heillar
Katla hannaði bux-
urnar meðal annars
undir áhrifum götutísk-
unnar í Barcelona.
Í Volcano
design fást
bæði hett-
ur, ermar,
töskur
og skart.
ÍVAR ÖRN SVERRISSON LEIKARI HELDUR OPNAR PRUFUR
Ráðið í hlutverk fyrir Óþelló
„Ég ætla að fara í óvissuferð,“ segir Guð-
mundur Steingrímsson, rithöfundur og
tónlistarmaður. „Við fjölskyldan gáfum
pabba [Steingrími Hermannssyni, fyrrver-
andi forsætisráðherra] óvissuferð í átt-
ræðisafmælisgjöf.“ Guðmundur
vill skiljanlega ekki gefa mikið
upp um ferðina en segir þó
að stórfjölskyldan fari með
„afmælisbarninu“. „Það
er kannski ekki hægt að
tala um afmælisbarn í
tilviki áttatíu ára manns.
En svona er nú íslensk-
an skemmtileg.“
„Föstudagskvöld-
ið verður bara rólegt og
gott með frænda, barni
og kærustu. Við eldum
góðan mat.“
HVAÐ ÆTLAR ÞÚ AÐ GERA
UM HELGINA?
Guðmundur Steingrímsson,
rithöfundur og tónlistar-
maður
Útgáfufélag 365 prentmiðlar
Ritstjórn Sunna Dís Másdóttir
sunna@frettabladid.is
Alma Guðmundsdóttir
alma@frettabladid.is
Marta María Jónasdóttir
martamaria@frettabladid.is
Forsíðumynd Gunnar V. Andrésson
Útlitshönnun
Arnór Bogason og
Kristín Agnarsdóttir
Auglýsingar Sigríður Dagný
Sigurbjörnsdóttir
sigridurdagny@365.is sími 512 5462
Föstudagur Skaftahlíð 24
105 Reykjavík, sími 512 5000
FÖSTUDAGUR
Katla Hreiðars-
dóttir eigandi Vol-
cano design í
einni af hettunum
vinsælu sem hún
hannaði og saum-
aði sjálf.
Leyndarmálið felst í lögmáli aðdráttaraflsins.
Allt sem gerist í lífinu löðum við að okkur.
Leyndarmálið er falið innra með hverjum og
einum og möguleikarnir eru endalausir.
HUGLEIKUR SITUR VIÐ
SKRIFTIR
Myndasagnahöfundurinn vinsæli
Hugleikur Dagsson dvelur nú fyrir
norðan, þar sem hann situr við
skriftir. Hugleikur á ættir að rekja til
Tjarnar í Svarfaðardal, en afi hans
er Hjörtur, bróðir Kristjáns Eldjárns
og rithöfundurinn og teiknarinn er
því af forsetaættum. Hugleikur er nú
að vinna að næsta bindi í „Okkur-
seríunni“. Það verður fimmta bind-
ið í þeirri röð og jafnframt hið síð-
asta. Bókin kemur út samhliða því
að Hugleikur heldur myndlistarsýn-
ingu um miðjan næsta mánuð.
2 • FÖSTUDAGUR 15. ÁGÚST 2008