Fréttablaðið - 15.08.2008, Blaðsíða 56

36 15. ágúst 2008 FÖSTUDAGUR
PEKING 2008 Björgvin Páll
Gústavsson heldur áfram að
stimpla sig rækilega inn í
íslenska landsliðið en hann varði
22 skot í leiknum gegn Kóreu. Fór
hreinlega hamförum og hélt
íslenska liðinu inni í leiknum á
köflum en það dugði því miður
ekki til.
„Ég hitti á ágætis leik í dag en
það er samt hægt að leggja
dæmið upp þannig að ég hafi
varið tveim skotum of lítið,“ sagði
Björgvin Páll hógværðin uppmál-
uð í leikslok.
„Ég er með mikið sjálfstraust
og maður reynir að njóta þess að
vera hérna. Við stöndum allir
saman í þessu og það er gott að
finna traustið frá vörninni og
öllum öðrum,“ sagði Björgvin
Páll. – hbg
Björgvin varði afar vel:
Er með mikið
sjálfstraust
PEKING 2008 Það var grátlegt að
horfa upp á tap íslenska hand-
boltalandsliðsins gegn Suður-
Kóreu í gær. Strákarnir fóru illa
með fjölmörg dauðafæri og það
síðasta á lokasekúndum leiksins.
Það hafnaði í slánni og Kóreubúar
fögnuðu eins marks sigri, 21-22.
Leikurinn fór mjög rólega af
stað og ljóst að fyrstu tveir leik-
irnir höfðu tekið sinn toll hjá
báðum liðum. Hinir pólsku dómar-
ar leiksins virkuðu einnig þreyttir
og byrjuðu fljótlega að dæma á
hina furðulegustu hluti.
Íslenska vörnin var í standi
strax frá upphafi og hæðarmunur-
inn á liðunum sýndi sig er íslenska
hávörnin tók hvert skotið á fætur
öðru. Fyrir aftan þessa sterku
vörn stóð Björgvin Páll og varði
eins og berserkur. Sóknarleikur-
inn var aftur á móti dapur og það
var í raun aðeins Logi Geirsson
sem ógnaði af einhverju viti í
sókninni þegar hann skoraði þrjú
mörk í röð.
Hálfleikstölur voru í takti við
gönguboltann sem boðið var upp
á, 9-10 fyrir Kóreu. Síðari hálfleik-
ur byrjaði ekki vel. Kórea skoraði
fimm af fyrstu sjö mörkunum og
komst í þægilega stöðu. Á þessum
tíma gekk hvorki né rak í sóknar-
leiknum og Björgvin Páll hélt
Íslandi á floti með stórbrotinni
markvörslu.
Strákunum gekk ekkert að
brjóta sér leið framhjá frábærri
vörn Kóreubúa. Þeir voru geysi-
lega hreyfanlegir og í íslensku
leikmönnunum án þess að snerta
þá mikið. Fyrir vikið fengu
íslensku strákarnir dæmda á sig
fjölda ruðninga en vörnin hjá Kór-
eumönnum var það vel útfærð að
þeir misstu mann aðeins einu sinni
af velli og það var rangur dómur
eins og svo margir hjá pólska par-
inu.
Ísland vann sig smám saman
inn í leikinn og fékk tækifæri til
þess að jafna nokkrum sekúndum
fyrir leikslok en Ásgeir Örn var
mjög óheppinn því vippa hans fór
í slána og út. Hrikalegt.
Þrátt fyrir tapið er hægt að taka
margt jákvætt úr leiknum. Vörnin
var enn og aftur frábær með Ingi-
mund í aðalhlutverki á ný. Fyrir
aftan hann var svo Björgvin í
fantaformi allan leikinn og athygl-
isvert að nýliðarnir séu að skara
fram úr. Undirritaður man annars
ekki eftir því hvenær íslenskur
landsliðsmarkvörður lék síðast
vel í 60 mínútur. Það er sorglegt
að vinna ekki leiki þegar þessir
hlutir eru í lagi.
Strákarnir geta annars engum
um kennt nema sjálfum sér. Þeir
voru að skjóta ákaflega illa allan
leikinn og voru klaufar oft á tíðum.
Sóknarleikurinn var rysjóttur en
miklu meira framlag vantaði frá
Ólafi Stefánssyni og Snorri náði
ekki alveg að fylgja eftir fyrstu
leikjunum sínum en Kóreubúarnir
pressuðu hann nánast út á miðju.
Eina alvöru ógnunin í sókninni
kom frá Loga Geirssyni. Alexand-
er var líka duglegur að reyna en
hlutirnir voru ekki að detta fyrir
hann. Guðjón Valur skilaði síðan
sínu vel líkt og venjulega.
Leikur hinna glötuðu tækifæra
Strákarnir okkar voru algjörir klaufar að leggja ekki Suður-Kóreu í Peking í gær. Þeir gerðu í raun allt rétt í
leiknum nema nýta dauðafærin. Það reyndist eðlilega dýrkeypt.
ÞVERSLÁIN Ásgeir Örn vippar yfir markmanninn á lokasekúndu leiksins en því miður
small boltinn í þverslánni. FRÉTTABLAÐIÐ/VILHELM
PEKING 2008 Árni Már Árnason
varð fyrstur íslensku sundmann-
anna í Peking til þess að ná mark-
miðum sínum þegar hann setti
glæsilegt Íslandsmet í 50 metra
skriðsundi í gær. Árni kom í mark
á 22,81 sekúndu og sló þar með
met Arnar Arnarsonar sem var
23,02. Besti tími Árna í greininni
fyrir sundið í gær var 23,13 og því
talsverð bæting hjá Árna.
„Ég er mjög sáttur og átti í raun-
inni ekki von á þessu. Ég vissi að
ég væri nálægt þessu meti en átti
ekki endilega von á því að slá það,“
sagði Árni Már skælbrosandi
þegar hann var nýstiginn upp úr
lauginni. Tími Árna skilaði honum
í 44. sæti af 97 keppendum.
„Ég er búinn að vera að bæta
mig mikið. Biðin eftir þessu sundi
hefur verið löng og erfið. Upp-
skeran er því verulega ánægjuleg.
Ég er mjög stoltur af þessu og
mun átta mig betur á þessu
seinna,“ sagði Árni Már sem er
aðeins tvítugur að aldri og á svo
sannarlega framtíðina fyrir sér.
„Ég fer til Bandaríkjanna þar
sem ég ætla að halda áfram að
bæta mig en ég tel mig eiga mikið
inni. Ég á eftir að byggja upp mik-
inn vöðvamassa miðað við strák-
ana í stuttu greinunum. Nú er að
byrja að taka fleiri af þessum
metum sem Örn á en það átti ekki
að vera hægt að slá þau,“ sagði
Árni Már borubrattur og hafði vel
efni á því. - hbg
Árni Már setti Íslandsmet í 50 metra skriðsundi:
Mjög stoltur og átta mig seinna
METINU FAGNAÐ Árni Már fagnaði þegar
hann sá að hann hafði bætt Íslandsmet-
ið í Peking í gær. FRÉTTABLAÐIÐ/VILHELM
PEKING 2008 KR-ingurinn Hjörtur
Már Reynisson stóð sig vel í 100
metra flugsundi í gær. Kom í
mark á 54,17 sekúndum sem er
hans besti tími frá upphafi.
Tíminn dugði þó ekki til að slá
Íslandsmet Arnar Arnarsonar.
Hjörtur hafnaði í 52. sæti af 65
keppendum.
„Ég verð að vera sáttur við
þetta þar sem þetta er minn besti
tími frá upphafi. Ég er samt
keppnismaður og vil synda
hraðar. Ég vildi gera betur og hélt
ég myndi synda hraðar en átti
ekki meira inni,“ sagði Hjörtur
Már frekar léttur eftir sundið.
Hann hætti eftir síðustu leika,
hvað gerir hann núna? „Ég er í
það minnsta farinn í sumarfrí. Á
meðan ég næ ekki því sem ég tel
mig geta gert er ég hungraður í
meira. Ég er enn hungraður. Við
sjáum til hvað ég geri.“ - hbg
Hjörtur Már Reynisson:
Bætti sitt per-
sónulega met
GOTT SUND Hjörtur á fleygiferð í Peking
í gær. FRÉTTABLAÐIÐ/VILHELM
PEKING 2008 „Þetta er hrikalega
svekkjandi eins og alltaf eftir
tap. Við fengum tækifæri en
nýttum það ekki. Annars veit ég
ekki hvað ég á að segja. Er hálf-
dofinn eftir þennan leik,“ sagði
varnartröllið Ingimundur Ingi-
mundarson eftir sárt tap Íslands
fyrir Suður-Kóreu í gær.
Ingimundur átti enn einn stór-
leikinn í vörn íslenska liðsins í
gær en hann hefur stokkið nán-
ast fullskapaður inn í íslensku
vörnina sem er að spila betur
með hann innanborðs en hún
hefur lengi gert.
„Ég reyni að nýta tækifærin
sem ég fæ. Ég, Sverre og Fúsi
vinnum mikið saman. Við Sverre
erum að smella saman núna. Við
erum ekki hávaxnir, þurfum því
að vera grimmir og fara út í
mennina,“ sagði Ingimundur sem
hefur verið inn og út úr landslið-
inu síðustu ár.
„Ég kem bara í landsliðið á
þriggja ára fresti. Við Guðjón
Valur spiluðum okkar fyrsta
landsleik saman á sínum tíma og
hann á orðið nokkra leiki á mig,“
sagði Ingimundur léttur.
- hbg
Ingimundur Ingimundarson fer á kostum í Peking:
Kem í landsliðið á
þriggja ára fresti
PEKING 2008 „Þetta var alveg grát-
legt og sorglegt að sjá ekki síðustu
skotin fara í markið. Sportið er
grimmt og lokasekúndurnar end-
urspegla lánleysi okkar í dauða-
færunum,“ sagði Guðmundur
Guðmundsson landsliðsþjálfari
svekktur en hann grét glötuð tæki-
færi líkt og lærisveinar hans.
„Varnarleikurinn var frábær í
þessum leik. Við vorum búnir að
stúdera þá vel og vorum með svör-
in til þess að mæta þeim. Mark-
varslan kom í kjölfarið og þessi
varnarleikur og markvarsla á að
duga til sigurs. Það sem skilur á
milli eru dauðafærin sem við
förum með. Því fór sem fór.“ - hbg
Guðmundur Guðmundsson:
Alveg grátlegt
og sorglegt
SVEKKTUR Landsliðsþjálfarinn grípur um
höfuð sér í leiknum í gær.
FRÉTTABLAÐIÐ/VILHELM
HENRY BIRGIR GUNNARSSON
Skrifar frá Peking
henry@frettabladid.is
Handbolti:
Ísland - Suður-Kórea 21-22(9-10)
Mörk Íslands (skot): Logi Geirsson 5 (7),
Guðjón Valur Sigurðsson 5 (7), Alexander
Petersson 4 (11), Sigfús Sigurðsson 2 (2),
Arnór Atlason 2 (3), Ingimundur Ingimund-
arson 1 (1), Ólafur Stefánsson 1 (4), Snorri
Steinn Guðjónsson 1/1 (5/2), Ásgeir Örn
Hallgrímsson (1), Róbert Gunnarsson (3).
Varin skot: Björgvin Gústavsson 17/1 (39/4,
44%)
Hraðaupphlaup: 4 (Guðjón Valur 2, Alex-
ander 1 og Ingimundur 1).
Fiskuð víti: 2 (Róbert og Arnór).
Utan vallar: mínútur.
Mörk Suður-Kóreu: Yoo 6, S. Jung 3, J. Lee
3, C. Cho 3/2, J. Park 3, K. Ko 2, W. Paek 2,
Utan vallar: 2 mínútur
Staðan í B-riðli eftir þrjá leiki:
1. Ísland 4 stig (markatala +5)
2. Þýskaland 4 stig (2)
3. Suður-Kórea 4 stig (-2)
4. Danmörk 3 stig (0)
5. Rússland 2 stig (-2)
6. Egyptaland 1 stig (-3)
ÓL Í PEKING
EKKERT SVEKKELSI Sigfús hughreystir
Ásgeir Örn eftir að lokaskot hans geig-
aði. FRÉTTABLAÐIÐ/VILHELM
GÓÐUR Björgvin varði vel í leiknum
gegn Kóreu en það dugði ekki til sigurs.
FRÉTTABLAÐIÐ/VILHELM