Fréttablaðið - 24.08.2008, Side 18

18 24. ágúst 2008 SUNNUDAGUR
Menningin blómstrar í miðbæ
Mikið var um að vera í miðbæ Reykjavíkur í gær þrátt fyrir að veðrið hafi ekki leikið við landann. Fjölmenni var í bænum þó
að rigning væri og af myndunum að dæma virtist sem fólk hafi notið sín vel. Íbúar í Þingholtum buðu að venju gestum og
gangandi inn til sín í vöfflur og kaffi og á meðal þeirra var Dagur B. Eggertsson, fyrrverandi borgarstjóri.
HEIMABAKSTUR Dagur B. Eggertsson bauð gestum og gang-
andi inn í vöfflur. Hann sagðist hafa fætt þúsund manns.
GÖTUSÝNING Tískusýningar voru haldnar víða um bæ. Hér
sýna fyrirsætur hönnun Særósar Mistar.
VATNSLISTAVERK Fjöldamargar þvottavélar á Skólavörðuholtinu
mynduðu skemmtilegt listaverk.
FJÖLSKYLDUHÁTÍÐ Fjöldi fólks lagði leið sína í miðbæinn í gær þrátt fyrir veðrið.
VEKUR ATHYGLI Þessi maður stóð í Bankastrætinu og vakti athygli á flóamarkaði
sem haldinn var í gær.
YLJAR SÉR Gott var að geta yljað sér aðeins í kuldanum. Heldur kaldara var á menn-
ingarnótt þetta árið en oft áður og listviðburðir innanhúss voru sérlega vinsælir.
10 KÍLÓMETRUNUM NÁÐ Aníta Hinriksdóttir varð í þriðja sæti í 10 kílómetra hlaupi kvenna. Ef mið er tekið af ungum aldri er
greinilegt að hér er upprennandi hlaupakona á ferð. FRÉTTABLAÐIÐ/DANÍEL
10.722 TÓKU ÞÁTT Í MARAÞONINU Hlaupið var í fimm vega-
lengdum í Reykjavíkurmaraþoninu í gær. Eflaust þótti mörgum
gott að taka því bara rólega eftir að komið var í mark.