Fréttablaðið - 30.08.2008, Blaðsíða 46

● heimili&hönnun
S tudent Cookbook er matreiðslu-bók námsmannsins og í henni
er fullt af uppskriftum sem eru búnar
til af nemum fyrir nema. Flestallar
matreiðslubækur innihalda flóknar
uppskriftir með dýru hráefni en í
Student Cookbook er hægt að finna
uppskriftir sem eru langt frá því að
vera dýrar í framleiðslu. Uppskriftir
bókarinnar eru ódýrar, bragðgóðar
og umfram allt næringarríkar fyrir
alla alvöru námsmenn. Í bókinni má
finna uppskriftir að drykkjum, mat
og ýmsum smáréttum. Einnig er þar
að finna skemmtilegar staðreyndir
um mat, sögu mats ásamt tilvitnun-
um í kvikmyndir. Hægt er að panta
bókina á vefsíðunni www.urbanout-
fitters.com.
Námsmannafæði
HAGNÝTIR KOLLAR Kollarnir hér hægra megin eru hönnun Tinnu Gunn-
arsdóttur og kallast geymslukollar. Kollurinn er í senn stóll og geymsla því undir
setunni er geymsluhólf. „Hann er unninn út frá kollum sem voru í eldhúsi ömmu
minnar í Vík. Mér fannst alltaf svo spennandi þegar ég var barn að lyfta lokinu og kíkja
ofan í kollinn,“ segir Tinna brosandi en gamla kollinn má sjá hér til vinstri. Að sögn Tinnu
hannaði hún fimm mismunandi gerðir af kollum með mismunandi stærð af hirslum, götum og
mismunandi litum eftir stærð. Upplýsingar um vörur Tinnu má finna á www.tinnagunnarsdottir.is.
Matreiðslubókin fæst á netinu og í
verslunum Urban Outfitters.
Pulaski-húsgögnin
minna á fyrri tíma.
Þetta fallega hliðarborð er hannað af húsgagnafyrirtækinu Pulaski.
Borðið nefnist „The Waxed Leather
Book Accent Table“ og er með einni
skúffu og lyftanlegri borðplötu.
Borðfæturnir eru fallega útskornir.
Fyrirtækið Pulaski er bandarískt og
dregur nafn sitt af Pulaski-bænum
í Virginíu-ríki. Húsgögn þeirra eru
öll stór og íburðarmikil og minna
helst á húsgögn fyrri tíma. Fyrirtækið
sérhæfði sig upphaflega í svefn-
herbergis- og borðstofuhúsgögn-
um. Í dag hefur fyrirtækið stækkað
húsgagnalínu sína og hannar og
framleiðir vönduð húsgögn fyrir allt
heimilið. Heimasíða Pulanski er www.
pulaskifurniture.com
Gamalt og nýtt
30. ÁGÚST 2008 LAUGARDAGUR18