Fréttablaðið - 30.08.2008, Qupperneq 74

50 30. ágúst 2008 LAUGARDAGUR
sport@frettabladid.is
FÓTBOLTI Sverrir Sverrisson var í
gær ráðinn þjálfari Fylkis í Lands-
bankadeild karla og mun hann stýra
Árbæjarliðinu út yfirstandandi
keppnistímabil. Fyrsta verkefni
Sverris með Fylkisliðið verður und-
an úrslitaleikurinn í VISA-bikarn-
um gegn Fjölni á Laugardalsvelli á
morgun.
„Þetta er bara spennandi verk-
efni og það verður gaman að takast
á við þetta,“ segir Sverrir.
Þetta er í annað skiptið sem
Sverrir tekur við Fylki undir þess-
um kringumstæðum. Núna tekur
hann við af Leifi Garðarssyni sem
var sagt upp störfum í fyrrakvöld
en í september árið 2005 tók hann
við Fylkisliðinu af Þorláki Árna-
syni við sömu aðstæður.
Sverrir stýrði Fylkisliðinu þá í
tveimur leikjum og þeir unnust
báðir, þannig að hann hefur 100
prósent árangur að verja.
„Við náum vonandi að fylgja
þeim árangri eftir,“ segir Sverrir
og hlær við.
Sverrir er gamall Fylkismaður
og lék þrjú tímabil í Árbænum frá
árinu 2000 til ársins 2003.
„Ég er Fylkismaður út í gegn og á
reyndar heima nálægt Fylkisvellin-
um þannig að það er ekki langt að
sækja æfingarnar. Ég er búinn að
sjá alla heimaleikina hjá liðinu í
sumar og hef því fylgst vel með lið-
inu,“ segir Sverrir.
Annar gamall Fylkismaður, Finn-
ur Kolbeinsson, verður Sverri til
aðstoðar með liðið og Sverrir segir
að markmið þeirra fyrir lokaátökin
séu ekki flókin.
„Staða liðsins í deildinni er ekk-
ert sérstök og það liggur ljóst fyrir
að takmark okkar númer eitt, tvö
og þrjú er að halda liðinu í deild-
inni. Það er ekkert flóknara en
það,“ segir Sverrir.
Sverrir gerir samning við Fylki
út yfirstandandi keppnistímabil og
er ekkert farinn að hugsa lengra en
það.
„Það eina sem ég hugsa um er að
bjarga liðinu frá falli og síðan
sjáum við hvað setur. Það er ótíma-
bært að vera að horfa eitthvað
lengra fram í tímann,“ segir Sverr-
ir.
Sverrir stýrði sinni fyrstu æfingu
með Fylkisliðið í gærkvöldi, en
fyrsti leikur Fylkis undir hans
stjórn í Landsbankadeildinni verð-
ur 13. september á móti Grindavík
á útivelli.
Fylkir er sem stendur í tíunda
sæti Landsbankadeildarinnar, fjór-
um stigum fyrir ofan HK sem er í
fallsæti. Fylkir á fjóra leiki eftir í
deildinni en HK á fimm. -óþ
Forráðamenn Fylkis gengu frá ráðningu á nýju þjálfarateymi í gærdag:
Sverrir ráðinn þjálfari Fylkis
SPENNANDI VERKEFNI Sverrir Sverrisson hlakkar til þess að takast á við þjálfarastarfið
hjá Fylki og hér sést hann stýra sinni fyrstu æfingu hjá Árbæjarliðinu í gærkvöldi.
Sverrir segir að aðalmarkmið hans með liðið verði að tryggja því áframhaldandi sæti
í Landsbankadeildinni. FRÉTTABLAÐIÐ/VALLI
FÓTBOLTI Þjálfaranum Leifi Garð-
arssyni var sem kunnugt er vikið
úr starfi hjá Fylkismönnum í
fyrrakvöld en aðstoðarþjálfar-
inn Jón Sveinsson var einnig lát-
inn fara. Leifur tók við Árbæjar-
liðinu haustið 2005 og var því að
stýra liðinu á sínu þriðja keppn-
istímabili. Leifur gat ekki neitað
því að ákvörðun stjórnarinnar
hefði komið honum talsvert á
óvart þegar Fréttablaðið heyrði
hljóðið í honum í gær.
„Þetta kom mér bara mjög á
óvart, verð ég að segja. Það er
líklega fátt sem maður getur
sagt í stöðunni,“ segir Leifur sem
viðurkennir að staða liðsins á
þessum tímapunkti sé ekki sér-
lega góð.
„Það er búið að vera að endur-
nýja liðið talsvert í sumar og það
hefur bara ekki gengið nógu vel í
deildinni. það er ekkert hægt að
flýja það. Fylkir er hins vegar
komið í undanúrslit VISA-bik-
arsins og þar er kjörið tækifæri
til þess að snúa hlutunum við en
forráðamenn félagsins ákváðu
greinilega að það væri best að
gera það með einhverjum öðrum
þjálfara en mér,“ segir Leifur.
„Annars er aðal höfuðverkur-
inn hjá okkur í sumar búinn að
vera sú staðreynd að okkur hefur
gengið illa að skora mörk. Liðið
var oft á tíðum að spila vel saman
úti á vellinum en náði ekki að
klára sóknirnar með marki. Það
skipti líka sköpum hjá okkur að
vegna meiðsla og leikbanna
neyddumst við til þess að gera
eina til tvær breytingar á varnar-
línunni leik eftir leik. Það er nátt-
úrulega ekki hægt að búa til
alvöru fótboltalið undir þannig
kringumstæðum,“ segir Leifur.
Leifur ætlar að taka sér sinn
tíma í að ákveða hvað nú taki
við.
„Ég ætla bara að byrja á því að
horfa á Everton slátra Ports-
mouth í enska boltanum. Við
sjáum hvað kemur upp á borðið í
þjálfun næsta haust,“ segir Leif-
ur. - óþ
Leifur Garðarsson bjóst ekki við að verða rekinn:
Kom mér á óvart
HISSA Leifur Garðarsson átti alls ekki von á því að verða vikið úr starfi þjálfara hjá
Fylki. Leifur var þriðji þjálfarinn til þess að verða rekinn í Landsbankadeildinni í
sumar á eftir Gunnari Guðmundssyni og Guðjóni Þórðarsyni. FRÉTTABLAÐIÐ/VALLI
>Fimmtugasti landsleikur Signýjar
Körfuknattleikskonan Signý Hermannsdóttir mun í dag
spila sinn fimmtugasta A-landsleik fyrir Íslands í leik í
Hollandi þar sem kvennalandsliðið spilar annan leik
sinn í Evrópukeppninni. Signý mun líka
bæta met Önnu Maríu Sveinsdóttur
yfir flesta leiki sem fyrirliði A-lands-
liðs kvenna. Signý verður sjöunda
landsliðskonan sem nær því að leika
50 A-landsleiki fyrir Íslands hönd
en það eru liðin átta ár síðan
Anna María Sveinsdóttir braut
fyrst 50 landsleikjamúrinn í
Lúxemborg 30. apríl 2000.
Íslenska kvennalandsliðið í körfubolta er komið til Hollands þar sem
liðið mætir heimastúlkum í dag í öðrum leik liðsins í Evrópukeppn-
inni. Ísland vann 15 stiga sigur á Sviss í fyrsta leiknum á miðviku-
daginn en Ágúst Björgvinsson, þjálfari liðsins, segir að liðið þurfi að
spila betur til þess að vinna Holland.
„Við erum klárlega minna liðið, bæði á pappírunum og líka í
bókstaflegri merkingu því þær eru mjög hávaxnar,” segir Ágúst
og bætir við. „Við eigum enn eftir að ná þessum toppleik
því mér finnst leikurinn okkar vera að batna,“ segir Ágúst.
Holland vann tveggja stiga sigur í Slóveníu í fyrsta leik
sínum og bæði lið eru því með fullt hús.
„Ég veit að hollensku stelpurnar eru mjög ánægðar
með sinn sigur í Slóveníu. Við vorum ánægðar með
að vinna Sviss en við teljum að við getum spilað miklu
betur og það er það sem við stefnum á að gera á morg-
un,“ segir Ágúst en hvað þarf að ganga upp í leiknum til
þess að íslenska liðið landi sigri.
„Það er mjög mikilvægt að vörnin haldi og að við séum
að taka fráköst. Við erum að fara að spila á móti liði sem er
töluvert hærri en við og ef við tökum fráköst og komum þeim
í aðstæður þar sem þær skora ekki auðveldar körfur þá eigum
við alltaf möguleika. Við erum með sterka sóknarleikmenn
með Helenu fremsta í flokki. Hún matar liðsfélaga sína og
ef að við erum að nýta okkar skot þá eigum við möguleika
í öll þessi lið sem við erum að fara að spila á móti í þessari
keppni,“ segir Ágúst sem var ánægður með að langskotin
gegn Sviss.
„Við höfum ekki verið að nýta þau en mér finnst
það vera koma betur hjá okkur, bæði á æfingum
en líka í leiknum á móti Sviss. Þar vorum að skora
mun fleiri þriggja stiga körfur en við vorum að
gera til dæmis á Norðurlandamótinu,“ segir Ágúst.
Landsliðsþjálfarinn stefnir á sigur en gerir sér vel
grein fyrir því að þetta verður mjög erfiður leikur.
„Við ætlum samt ekki að koma með neina
minnimáttakennd í leikinn, ætlum að stefna á sigur
eins og í öllum leikjum en við vitum það að við þurfum
toppleik til þess að vinna Holland.“
ÁGÚST BJÖRGVINSSON, ÞJÁLFARI KVENNALANDSLIÐSINS Í KÖRFUBOLTA: MÆTA HOLLANDI Í EVRÓPUKEPPNINNI Í DAG
Við þurfum toppleik til þess að vinna Holland