Fréttablaðið - 30.08.2008, Blaðsíða 40

● heimili&hönnun
Það var Eiríkur Smith listmálari
sem bæði teiknaði og átti húsið,
en kona hans er móðursystir Hild-
ar sem hefur búið í húsinu í átján
ár. „Ég hef fylgst með þessu húsi
frá því ég var lítil stelpa og séð
allar þær breytingar sem gerðar
hafa verið á því,“ segir Hildur en
hún var aðeins barn þegar móður-
systir hennar flutti inn í það og
var hún mikið hjá henni.
Eftir að Hildur stofnaði sína
eigin fjölskyldu og tímabært var
að flytja í stærra húsnæði var
þetta eina húsið sem Hildur gat
hugsað sér að búa í.
„Upphaflega vorum við fimm í
fjölskyldunni, en svo flugu börn-
in úr hreiðrinu og fyrir ári síðan
lést eiginmaður minn, Árni Ibsen
leikritaskáld, af völdum veikinda.
Því er kominn tími fyrir mig að
minnka við mig,“ segir hún. Hildur
ætlar sér þó ekki langt þegar hún
flytur því hún vill hvergi annars
staðar vera en í Hafnarfirði.
klara@frettabladid.is
Fjölskylduhús sem
gengið hefur í ættir
● Hildur Kristjánsdóttir býr í sögulegu húsi í Kinnahverfinu í Hafnarfirði en hún hefur
tengst húsinu frá því það var upphaflega byggt. Nú er þó komið að kveðjustund.
Hildur hefur fylgst með öllum þeim breytingum sem gerðar hafa verið á húsinu, eins
og þegar það var stækkað úr hundrað fermetrum í hundrað og fimmtíu.
Svarti veggurinn gengur í gegnum húsið
og setur óneitanlega sterkan svip á það.
Stóri glugginn í stofunni er sterkt einkenni hússins.
Stóllinn á myndinni er mjög gamall.
Maður Hildar, Árni Ibsen, sat í þessum
stól sem barn, en hann var keyptur í
Blindraheimilinu.
Opið er á milli borðstofu og eldhúss og prýða margir skemmtilegir munir veggi og hillur. FRÉTTABLAÐIÐ/GVA
Stóri glugginn gefur frá sér góða birtu inn í stofuna. Þegar setið er andspænis
honum er engu líkara en maður sé staddur úti í garði.
Símaborðið hennar Hildar er búið til úr tveimur kommóðum.
Hildur hefur þekkt húsið frá upphafi og á margar minningar tengdar því. Hún bjó þar
lengi með eiginmanni sínum heitnum, Árna Ibsen leikritaskáldi.
Skemmtileg sveitastemning er yfir
eldhúsinu.
30. ÁGÚST 2008 LAUGARDAGUR12