Fréttablaðið - 30.08.2008, Blaðsíða 30
„Markaður fyrir notaðar vinnu-
vélar er mun líflegri nú en á sama
tíma í fyrra, en því miður er lítið
til af slíkum kosti í landinu. Nú
fara heilu skipsfarmarnir utan
vegna hagstæðrar gengisþróunar
á slíkum vélakosti til útlanda,“
segir Gunnar Einarsson, sölustjóri
hjá Vélum og þjónustu.
„Í fyrra keyptu verktakar nýjar
vinnuvélar, en í dag velja margir
þann kost að leigja því þeir eiga í
verulegum erfiðleikum með að
fjármagna vélakaup. Vinnuvélar
eru dýr atvinnutæki, á verðinu 10
milljónir og upp úr, en í dag er
enginn hægðarleikur að fá lánsfé
og stendur aðeins til boða þeim
sem standa vel. Í fyrra fékkst
100% fjármögnun, en í dag verða
menn að eiga þriðjung til útborg-
unar, plús virðisaukaskatt,“ segir
Gunnar alvarlegur í bragði.
„Verðgildi vinnuvéla fellur um
20% fyrsta árið og 15% árin á
eftir. Þriggja ára vinnuvélar þykja
gamlar þar sem Íslendingar nota
þær á annan hátt en erlendis. Við
notum eina og sömu vélina í allt;
hvort sem það er mold, sandur,
möl eða grjót, en erlendis er ein
vél notuð fyrir hvert og eitt hrá-
efni. Viðhaldskostnaður er því
umtalsverður þegar aldurinn fær-
ist yfir, en kaup á notaðri vinnuvél
geta verið hagstæð fyrir þá sem
eru með verkstæði sjálfir, því
vinnuhlutinn hefur hækkað, eins
og annað.“
Í Vélaborg er einnig rólegra yfir
vötnum en áður.
„Það er alltaf hreyfing í notuð-
um vinnuvélum en sala á nýjum
vinnuvélum hefur snarminnkað,“
segir Ólafur Erlingsson, sölumað-
ur hjá Vélaborg.
„Fjármögnun helst í hendur við
gengisþróun og fyrsta árið rýrnar
andvirði vinnuvéla um 20%. Inn-
kaupsverð á nýjum vélum er 40
prósent hærra í dag en á sama
tíma í fyrra og að sama skapi hafa
notaðar vélar hækkað, miðað við
afskriftareglur,“ segir Ólafur.
„Vel meðfarnar vinnuvélar eru
alltaf eftirsóttar, en verra er með
útjaskaðar vélar sem ekki hafa
verið í höndum vandaðra véla-
manna. Slælegt viðhald bitnar á
verði, en æ fleiri vanda nú til við-
halds því þeir sjá ekki fram á að
geta endurnýjað á næstunni og
ætla sér að láta vélarnar duga
lengur.“
thordis@frettabladid.is
Notaðar vélar vinsælar
Á tímum niðursveiflu í íslensku efnahagslífi fer þeim fækkandi sem geta eignast nýjar vinnuvélar.
Eftirspurn eftir notuðum vinnuvélum er mikil, en flestar eru seldar til útlanda vegna hærra andvirðis.
Að sögn Gunnars Einarssonar, sölustjóra vinnuvéla hjá Vélum og þjónustu, fara
flestar notaðar vinnuvélar frá Íslandi á uppboð erlendis. FRÉTTABLAÐIÐ/ARNÞÓR
HEKLA mun frumsýna nýjan Volkswagen Passat CC í
sýningarsal Volkswagen, HEKLU-húsinu, Laugavegi 174, í dag.
Sýningin hefst klukkan 10 og stendur yfir til klukkan 16.
Bremsuhlutir
í alla jeppa
og pickupa
Vagnhöfða 7
110 Reykjavík
Sími: 517 5000
Diskar
Klossar
Dælur
Borðar
Ísetningarþjónusta
P
R
E
N
T
S
N
IÐ
E
H
F
.