Fréttablaðið - 12.09.2008, Síða 2

2 12. september 2008 FÖSTUDAGUR
Guðmundur, óttist þið ekki
háa tolla af innflutningi á
Eika Hauks?
„Það er nú það. Það er auðvitað
bannað að flytja inn rautt kjöt.“
Baggalútsmenn ætla að flytja hinn
rauðhærða Eirík Hauksson sérstaklega
inn frá Noregi til að syngja á væntanlegri
breiðskífu hópsins. Guðmundur Pálsson
er meðlimur í Baggalúti.
LÖGREGLUMÁL Maðurinn sem lædd-
ist inn í hús við Grettisgötu að
næturlagi aðfaranótt laugardags-
ins síðastliðins og er nú grunaður
um að hafa áreitt stúlkubarn kyn-
ferðislega hefur hlotið refsidóma
fyrir húsbrot og sætt rannsóknum
vegna kynferðisbrotamála.
Þetta er sami maður og læddist
inn í hús að næturlagi á Seyðisfirði
og gerði tilraun til að ræna fjög-
urra ára dóttur húsráðenda, eftir
að hann hafði tekið hana sofandi
upp úr rúmi sínu.
Heimilisfaðirinn hafði heyrt
þrusk á heimili sínu skömmu eftir
klukkan eitt um nóttina. Skömmu
síðar heyrði hann umgang og gekk
fram til að vita hverju það sætti.
Útidyrnar stóðu þá opnar og maður
var á leið frá húsinu með fjögurra
ára dóttur hans í fanginu. Faðirinn
hljóp til og náði að hrifsa barnið úr
fanginu á aðkomumanninum í
garði hússins. Húsbrotsmaðurinn
lét sig þá hverfa út í nóttina.
Lögreglan náði manninum
skömmu síðar ráfandi um bæinn.
Reyndist hann vera aðkomumaður
á Seyðisfirði sem gisti hjá ættingj-
um. Taldi lögregla við handtökuna
að maðurinn væri undir áhrifum
lyfja eða annarra vímuefna.
Embætti ríkissaksóknara ákærði
manninn síðan fyrir húsbrot og
brot gegn frjálsræði manna. Hann
var dæmdur í tveggja ára fang-
elsi.
Athæfi mannsins á Grettisgötu
aðfaranótt síðastliðins laugardags
var með mjög svipuðum hætti og
það sem að ofan greinir. Grunur
leikur á að hann hafi komist inn í
húsið við Grettisgötu gegnum
glugga. Kona var ein heima ásamt
sex ára stúlkubarni þegar maður-
inn braust inn í húsið. Konan var í
fasta svefni en vaknaði við að ein-
hver var á ferli í íbúðinni. Hún fór
á stjá og mætti þá ókunnugum
manni. Hann lagði á flótta þegar
hann sá hana.
Lögreglan hóf þegar í stað leit
að manninum og fann hann síðdegis
á mánudag. Maðurinn, sem er um
fertugt, var yfirheyrður að hand-
töku lokinni. Hann var síðan
úrskurðaður í gæsluvarðhald til
29. september. Kynferðisbrota-
deild lögreglunnar á höfuðborgar-
svæðinu rannsakar málið. Rann-
sóknin snýr meðal annars að því
hver afskipti mannsins af barninu
hafi verið. jss@frettabladid.is
GRETTISGATA Maðurinn sem situr nú í gæsluvarðhaldi komst að líkindum inn um
glugga á húsi við Grettisgötu. Hann er grunaður um kynferðislegt áreiti gegn lítilli
stúlku sem þar var. Húsin sem sjást á myndinni eru óviðkomandi atburðinum.
Sá grunaði dæmdur
fyrir að ræna barni
Maðurinn sem situr í gæsluvarðhaldi, grunaður um að hafa áreitt stúlkubarn
kynferðislega um síðustu helgi í húsi við Grettisgötu, hafði áður hlotið dóm fyrir
að ræna fjögurra ára stúlku. Hann hefur hlotið nokkra dóma fyrir húsbrot.
STJÓRNMÁL Geir H. Haarde
forsætisráðherra segir ótímabært
að fjalla um hvaða efnahagslegu
áhrif gætu fylgt hugsanlegum
aðgerðum stjórnvalda til að reisa
við forsendur kjarasamninga.
„Það er ekki tímabært ennþá að
fjalla um það. Aðilar vinnumark-
aðarins eru að tala saman og það
er fínt, við fögnum því, en það
hefur ekki borist neitt frá þeim til
okkar. Og við erum auðvitað að
vinna okkar vinnu og með í
undirbúningi það sem að okkur
snýr, óháð því sem þeir eru að
gera,“ sagði Geir í samtali við
Fréttablaðið. - bþs
Endurreisn kjarasamninga:
Aðkoma stjórn-
valda í vinnslu
EFNAHAGSMÁL „Við teljum að þó að
það verði hér samdráttur, sem við
segjum að sé nauðsynleg aðlögun
eftir þá miklu spennu sem hér
hefur ríkt, þá teljum við okkur
ekki vera að fara í neinn frosta-
vetur,“ sagði Davíð Oddsson,
formaður bankastjórnar Seðla-
bankans, við kynningu stýrivaxta-
ákvörðunar í gær.
Bankinn tilkynnti þá að
stýrivextir yrðu óbreyttir, 15,5
prósent.
Davíð Oddsson sagði jafnframt
að Seðlabankinn teldi að verð-
bólga væri nærri hámarki og að
hún ætti eftir að hjaðna hratt á
næsta ári. - ikh / sjá síðu 16
Óbreyttir stýrivextir Seðlabanka:
Enginn frostavet-
ur fram undan
LÖGREGLUMÁL Ivan Konovalenko,
sem var eftirlýstur af lögreglunni
á höfuðborgarsvæðinu, slapp úr
landi í fyrrakvöld.
Lögreglunni láðist að láta
landamæradeildina á Suður-
nesjum vita af manninum og gekk
hann óáreittur í gegnum landa-
mæraeftirlitið í Keflavík.
„Það stóð til að láta vita af
honum og auðvitað hefði verið
hyggilegra að vera búinn af því, en
svona er þetta,“ segir Sigurbjörn
Víðir Eggertsson aðstoðaryfirlög-
regluþjónn. Lítill tími hafi verið til
umráða. Konovalenko er grunaður
um aðild að stórfelldri líkamsárás
um síðustu helgi. - kóþ, jss
Eftirlýstur og flúinn úr landi:
Eftirlitið var
ekki látið vita
best
„Það er auðvitað
www.americanexpress.is
er útgefandi American Express® á Íslandi
Kortið sem
kemur þér út
H
V
ÍT
A
H
Ú
S
IÐ
/
S
ÍA
–
0
8
–
1
5
4
1
Tvöfaldi
r
Vildarpu
nktar
í septem
ber
Gildir af
allri velt
u
að fá alltaf Vildarpunkta
þegar maður notar
kortið sitt, bæði heima
og erlendis.“
MANNFAGNAÐUR Hótel Hvolsvöllur
efnir til stórs stefnumóts
einhleypra annað kvöld. Þar
verður hægt að dorma í heitum
pottum áður en fordrykkur og
síðan kvöldverður er borinn fram
við kertaljós og kósíheit og síðan
stíga dans við lifandi tónlist.
„Ég mun raða til borðs en
blanda mér ekkert í hverjir gista
saman og gef fólki leyfi til að ráfa
milli herbergja. Aldurstakmark
er 25 ár svo hér er um fullþroskað
fólk að ræða,“ segir hótelstjórinn
Óli Jón Ólafsson, sem kveðst þó
vona innst inni að einhver finni
sér framtíðarmaka.
- gun / sjá Allt í miðju blaðsins
Kósíkvöld á Hvolsvelli:
Stefnumót fyrir
einhleypinga
VERTAR Stefán Ragnarsson, Óli Jón
Ólafsson og Gunnar Már Geirsson á
Hótel Hvolsvelli. MYND/BJÖRGVIN ÓSKARSSON
Samið um eldflaugavarnir
Ríkisstjórn Tékklands samþykkti í
vikunni seinni hluta samnings við
Bandaríkin um eldflaugavarnir. Þjóð-
þing landsins á þó eftir að staðfesta
samninginn, en á þingi hefur hann
ekki átt mikinn stuðning.
TÉKKLAND
LÖGREGLUMÁL Lögregla lagði hald á
vegabréf, önnur persónuskilríki,
ýmis skjöl og 1,6 milljónir króna í
húsleitum sem gerðar voru í gær á
sjö dvalarstöðum hælisleitenda í
Reykjanesbæ. Fjármunirnir voru
í ýmsum gjaldmiðlum.
Nær sextíu lögreglumenn tóku
þátt í aðgerðinni og var leitað hjá
42 hælisleitendum.
Meginmarkmið aðgerðanna var
að leita persónuskilríkja og gagna
til að bera kennsl á hælisleitendur.
Lögregla segist hafa rökstuddan
grun um að hælisleitendur komi
slíkum gögnum undan og framvísi
þeim ekki meðan á hælismeðferð
stendur. Húsleitirnar voru
árangurs ríkar, samkvæmt upplýs-
ingum frá lögreglu.
Aðgerðin fór fram á grundvelli
úrskurða Héraðsdóms Reykja-
ness. Lögregluembættin á Suður-
nesjum og á höfuðborgarsvæðinu,
ásamt ríkislögreglustjóra, tóku
þátt í henni, og kom Útlendinga-
stofnun að undirbúningnum.
Atli Viðar Thorstensen hjá
Rauða krossi Íslands segir að
alltaf komi fyrir að einhverjir
hælisleitendur framvísi ekki rétt-
um pappírum, eða hafi ekki tök á
því. „En við leggjum áherslu á að
hvert mál er einstakt og þau beri
að rannsaka eftir því,“ segir Atli
Viðar. - jss, kóþ
LÖGREGLAN AÐ STÖRFUM Samtals 58
lögreglumenn tóku þátt í húsleitum á
sjö stöðum í Reykjanesbæ.
Nær sextíu lögreglumenn í Reykjanesbæ gerðu húsleit hjá hælisleitendum:
Hald lagt á vegabréf og peninga
EFNAHAGSMÁL Ef Samtök atvinnu-
lífsins, SA, og Alþýðusamband
Íslands, ASÍ, ná samstöðu um
heildarsýn á aðgerðir í efnahags-
og atvinnumálum og þróun kjara-
mála til þess að stuðla að stöðug-
leika og hagvexti í framtíðinni
þarf að hefja viðræður við ríkis-
stjórnina á þeim grunni. Þetta
kemur fram í grein Vilhjálms
Egilssonar, framkvæmdastjóra
SA, á vef samtakanna.
„Ekki hefur enn reynt á það
hvort nauðsynleg samstaða næst
en á það verður látið reyna,“
segir Vilhjálmur. „Það þarf líka
að hafa í huga að afstaða til ein-
stakra mála í viðræðum af þessu
tagi fer í ýmsum tilvikum eftir
því hvernig þau falla inn í heild-
armyndina og hvort hún skapar
þær raunhæfu framtíðarvænt-
ingar um stöðugleika og hagvöxt
sem sóst er eftir.“
Í fjölmiðlum hefur komið fram
að SA hafi kynnt tólf punkta hug-
myndir að stöðugleika fyrir for-
ystumönnum innan ASÍ. Í tillög-
unum er meðal annars gert ráð
fyrir að Íbúðalánasjóður verði
lagður niður og hafa forystu-
menn innan verkalýðshreyfing-
arinnar þegar hafnað því.
Vilhjálmur segir að SA hafi
unnið sína heimavinnu og velt
upp margvíslegum hugmyndum.
Fjölmiðlaumfjöllun sé „ótíma-
bær vegna þess að viðræðurnar
eru svo skammt komnar og eng-
inn verið beðinn um að taka
afstöðu til þeirra, hvorki innan
SA né ASÍ og hvað þá að sameig-
inleg afstaða hafi verið mótuð“.
- ghs
SKAMMT KOMIÐ Vilhjálmur Egilsson
segir viðræðurnar skammt á veg
komnar.
Vilhjálmur Egilsson, framkvæmdastjóri SA, um hugmyndir í efnahagsmálum:
Enginn beðinn um afstöðu
FÓLK Hinn 21. september frum-
sýnir Stöð 2 fyrsta þátt Dag-
vaktarinnar. Þættirnir verða á
dagskrá á sunnudagskvöldum.
Spennuþáttaröðin Svartir englar
verður á dagskrá á nákvæmlega
sama tíma hjá Ríkissjónvarpinu.
Þættirnir verða frumsýndir 21.
september. Pálmi Gunnarsson,
sjónvarpsstjóri Stöðvar 2, segir
þetta gert til höfuðs Stöðvar 2 en
Þórhallur Gunnarsson, dagskrár-
stjóri RÚV, segir svo ekki vera.
- jbg / sjá síðu 42
Slagur milli Stöðvar 2 og RÚV:
Innlendir þætt-
ir á sama tíma
SPURNING DAGSINS