Fréttablaðið - 31.10.2008, Blaðsíða 43

FÖSTUDAGUR 31. október 2008 23
Út er komin hjá Bjarti samfélags-lýsingin Gómorra - Mafían í Nap-
olí eftir Roberto Saviano í þýðingu
Árna Óskarssonar. Höfundurinn vakti
heimsathygli fyrir verkið sem rekur
þræði glæpa-
starfseminnar
sem gegnsýrir
allt samfélagið
á heimaslóðum
hans á sunn-
anverðri Ítalíu.
Skipulögð glæpa-
starfsemi hefur
haldið borgum
og bæjum í
grennd við Napolí
í heljargreipum um langt skeið.
Glæpasamtökin Camorra hafa alþjóð-
leg tengsl og láta mikið að sér kveða í
byggingarstarfsemi, tískuiðnaði, eitur-
lyfjasölu og förgun eiturefna. Til þess
að kynnast glæpastarfseminni innan
frá vann Saviano sem aðstoðarmaður
hjá kínverskum fataframleiðanda,
starfaði sem byggingaverkamaður og
sem þjónn í brúðkaupi innan raða
glæpasamtakanna.
Ljósaskipti, skáldsaga Stephenie Meyer er komin út hjá Forlaginu.
Magnea J. Mattíasdóttir þýddi.
Sagan var og er á metsölulista New
York Times; á
lista Publishers
Weekly yfir bestu
bækur ársins;
útnefnd besta
bók áratugar-
ins hingað til
hjá Amazon; á
úrvalslista Teen
People. Isabella
Swan flytur til
smábæjarins
Forks þar sem hún kynnist Edward
Cullen, dularfullum og gullfallegum
pilti, og leyndardómsfullri fjölskyldu
hans. Þau Edward verða innilega
ástfangin en málin flækjast þegar á
daginn kemur að Edward er vampíra.
Bella þráir ekkert heitar en að vera
með Edward, sama hvað það kann
að kosta hana, en hún sér ekki fyrir
hætturnar sem steðja að henni og
öllum sem henni eru kærir.
Fluga á vegg - Sönn lygasaga - eftir Ólaf Hauk Símonarson er komin
út hjá Skruddu. Fluga á vegg er bók
sem lýsir uppvaxtarárum ungs drengs
í Vesturbæ
Reykjavíkur um
miðja síðustu öld.
Skrautlegar per-
sónur, tíðarandi,
viðburðir, vinir,
óvinir, myndir
sem greipast í
hugann. Segir
forlagið í tilkynn-
ingu: „Eins og við
er að búast frá
hendi Ólafs Hauks Símonarsonar, bók
full af gamansemi, dramatík, átökum
og hugljúfum stemningum.“
Út er komin bókin ÉG ef mig skyldi kalla – seinþroskasaga eftir Þráin
Bertelsson. Bókin er sjálfstætt fram-
hald metsölubók-
arinnar Einhvers
konar ég. „Hér
talar Þráinn opin-
skátt um líf sitt
af hinni alkunnu
snilld,“ segir í
tilkynningu frá
forlaginu. Horfist
í augu við sjálfan
sig ungan og
rifjar upp atvik úr
fortíðinni. Þetta er þroskasaga mann-
eskju. Seinþroskasaga. Útgefandi er
Sögur útgáfa.
NÝJAR BÆKUR
Bókatíðindi ársins 2008 eru nú í prentun, á
áætlun og líður því að því að þau verði borin út
á öll heimili. Fyrirfram hafði verið búist við
fækkun titla. Niðurstaðan er að
um 40 færri titlar eru í Bóka-
tíðindum í ár en árið 2007,
eða 759 alls. Þetta eru því
önnur stærstu Bókatíðindi
til þessa. Árið 2006 var
fjöldi titla 677. Árið 1998
voru þeir 418. Fækkunin er
mest í flokknum
Þýddar
barnabæk-
ur, en þar
virðist
sem
erlent
samprent verði fyrir barðinu á erfiðleikum við
eðlileg viðskipti við útlönd. „Fregnir berast af
því að bækur séu stopp á hafnarbökkum Aust-
urlanda fjær,“ segir Kristján B. Jónasson for-
maður Félags bókaútgefenda sem stendur
fyrir útgáfunni. Athygli vekur að sumir flokk-
ar vaxa. Í ár eru skráðir 53 titlar í ljóðaflokkn-
um en voru 45 í fyrra, voru 28 árið 1998 (sem
var annars gott ár í bókaútgáfu). Einnig hand-
bækur, þær eru 59 í ár en voru 53 í fyrra, 33
árið 1998. Þýdd skáldverk eru líka fleiri og þar
kemur kiljuútgáfan sterk inn, í ár eru 84 titlar
en voru 79 í fyrra, voru 66 árið 2006 og 71 árið
2005, 44 árið 1998. Með öðrum orðum: Aldrei
hafa jafn margar þýðingar á erlendum skál-
verkum verið skráðar til leiks í Bókatíðindum
og nú, en jafnan eru allflestar slíkar þýðingar
skráðar í Bókatíðindi.
Fækkun í öðrum flokkum er lítil svo munar
2-5 titlum og er ekki mikil m.v. t.d. árin 2006 og
2005. Frumsamdar barnabækur eru 76 í ár,
voru 51 árið 2006 og 39 árið 2005, 49 árið 1998.
Frumsamin ísl. skáldverk eru nú 72, voru 79 í
fyrra, 63 árið 2006 og 67 árið 2005, 49 árið 1998.
Ævisögur eru 40 í ár, voru 44 í fyrra, 33 árið
2006 og 36 árið 2005, 24 árið 1998. Einn stærsti
flokkurinn er Fræði og bækur almenns efnis.
Hann er nánast jafn stór og í fyrra, var þá 204
en er nú 202, sem er rosafjölgun frá 2006 (156)
og 2005 (162) og 124 árið 1998.
Mjög stór hluti þýðinganna er nú þegar kom-
inn út sem og mikið af fræðibókunum. Hitt fer
allt inn á jólamarkaðinn.
Það verður mikið úrval af bókum þessi jólin.
Enginn þarf að kvíða vöruskorti þar.
Aldrei hafa komið út jafn margar ljóðabæk-
ur. Ævisögur, skáldverk, ísl. barnabækur og
fræði eru í sögulegum hápunkti.
Bókatíðindi væntanleg
BÆKUR Kristján B. Jónasson, formaður Félags bókaútgefenda.