Fréttablaðið - 14.11.2008, Side 14

14 14. nóvember 2008 FÖSTUDAGUR
BANDARÍKIN, AP Íraksstríðinu lýkur
með brotthvarfi bandaríska hers-
ins. Sameinuðu þjóðirnar sam-
þykkja allsherjar vopnabann.
Condoleezza Rice biðst afsökunar
á lygum stjórnarinnar um gjör-
eyðingarvopn í Írak og George W.
Bush ákærður fyrir landráð.
Þetta eru aðeins nokkrar af
helstu fréttum dagblaðsins New
York Times, sem dreift var ókeyp-
is í 1,2 milljónum eintaka víðs
vegar í Bandaríkjunum í gær.
Blaðið er reyndar dagsett 4. júlí
árið 2009, og er bara plat. Útgef-
endurnir segjast vilja leggja sitt
af mörkum til að hvetja Barack
Obama, nýkjörinn Bandaríkjafor-
seta, til að standa við loforð sín.
Meðal annarra góðra frétta í
blaðinu má nefna hámarkslaun
stjórnarformanna stórfyrirtækja
og innköllun allra bensínbifreiða.
Auk þess verður hafist handa við
að byggja upp heilbrigt efnahags-
líf.
Þá er í blaðinu einkaviðtal við
George W. Bush, fyrrverandi
Bandaríkjaforseta, sem segist
ætla að helga tíma sinn leitinni að
Osama bin Laden. Einnig er skýrt
frá því að Bandaríkjamenn bjóða
tveimur milljónum flóttamanna
frá Írak hæli.
Útgáfan er einkaframtak nokk-
urra blaðamanna, kennara og
kvikmyndagerðarmanna, sem öfl-
uðu sér fjár að hluta með frjálsum
framlögum á Netinu.
- gb
Ríflega milljón eintaka af platútgáfu eins virtasta dagblaðs Bandaríkjanna dreift:
Góðar fréttir í gerviútgáfu New York Times
DAGSETT 4. JÚLÍ ÁRIÐ 2009
Gerviútgáfa dagblaðsins New York Times
flytur draumafréttir úr framtíðinni.
NORDICPHOTOS/AFP
SAMFÉLAGSMÁL „Ég þrjóskaðist
lengi vel við að tengja síaukna
aðsókn hjá okkur efnahags-
ástandinu. En nú er ljóst að við
verðum að horfast í augu við að
það er tenging þarna á milli,“
segir Sigþrúður Guðmundsdóttir,
fræðslu- og framkvæmdastýra
Kvennaathvarfsins.
Það sem af er ári hafa 115
konur komið í dvöl hjá Kvennaat-
hvarfinu. Það er mikil aukning
frá því í fyrra þegar um hundrað
konur dvöldu í athvarfinu yfir
allt árið.
Viðtölum hefur einnig fjölgað
til muna. Tæplega tvö hundruð
konur hafa komið í viðtal það sem
af er ári. Það eru álíka margar
konur og allt árið í fyrra.
Starfsemin er þó enn ekki farin
að þrengja að konunum í athvarf-
inu. Nýverið var aðstaðan stækk-
uð og betrumbætt. Nýju svefn-
herbergi hefur verið komið fyrir,
bað- og snyrtiaðstaða bætt og eld-
húsið stækkað. Þegar þörf krefur
er svo stofum og fundarherbergj-
um breytt í svefnaðstöðu.
Sigþrúður segir engar sérstak-
ar ráðstafanir hafa verið gerðar í
athvarfinu til að mæta breyttum
efnahagsaðstæðum. Sem fyrr
standi starfskonurnar klárar á
vaktinni, hvenær sólarhrings
sem er. - hhs
Annríki í Kvennaathvarfinu eykst í takti við slæmt efnahagsástand:
Aldrei fleiri í Kvennaathvarfið
SIGÞRÚÐUR GUÐMUNDSDÓTTIR Fram-
kvæmdastýra Kvennaathvarfsins segir að
almennt megi gera ráð fyrir að ofbeldi
á heimilum aukist með verra efnahags-
ástandi. FRÉTTABLAÐIÐ / PJETUR
BÆNDUR MÓTMÆLA Franskir sauðfjár-
bændur tóku með sér kindahjörð til
Parísar og stilltu sér upp við Eiffel-
turninn til að mótmæla lækkandi
tekjum bænda í efnahagsþrengingum
þjóðarinnar. NORDICPHOTOS/AFP
Opið 10–18 virka daga | Opið 12–16 laugardaga
Kletthálsi sími 590 5044 www.heklanotadirbilar.is notadirbilar@hekla.is
FRÁBÆRT TILBOÐ Á BÍLALEIGUBÍLUM
Nú bjóðum við vel með farna bílaleigubíla á kjörum
sem bjóðast ekki annars staðar: Allir bílaleigubílar með
5 ára ábyrgð frá skráningardegi. Við erum í samninga-
skapi um frábært verð á næstum nýjum notuðum bílum.
Komdu á Klettháls og kynntu þér vandaða og vel með
farna notaða bíla af ýmsum gerðum.
Við erum í samningaskapi!
MENNTUN Tillögur Íslenskrar
málnefndar að íslenskri mál-
stefnu verða afhentar mennta-
málaráðherra á sunnudag, degi
íslenskrar tungu.
Í tilkynningu kemur fram að í
tillögum nefndarinnar sé lögð
megináhersla á að treysta stöðu
íslenskrar tungu í samfélaginu,
enda verði framtíð tungunnar
best tryggð með því að nota hana
á öllum sviðum íslensks samfé-
lags. Meðal annars er lagt til að
fundin verði skynsamleg leið til
að treysta lagalega stöðu íslenskr-
ar tungu í samfélaginu. Einnig að
hlutdeild móðurmálskennslu í
skólakerfinu verði aukin. - kg
Íslensk málnefnd:
Tillögur af-
hentar ráðherra
FINNLAND Fjórum átján ára
Finnlands-Svíum, sem töluðu
sænsku sín á milli og við lögregl-
una, var hent í fangaklefa í Esbo í
Finnlandi um helgina án þess að
nokkrar skýringar væru gefnar.
Ungu mennirnir voru í afmælis-
veislu þegar lögreglan kom og
leysti upp samkvæmið, að sögn
Hufvudstadsbladet.
Á sektarmiða frá lögreglunni
segir að ungu mennirnir hafi ekki
hlýtt en sjálfir segjast þeir hafa
spurt á sænsku hvað væri í gangi.
Einn þeirra er frá Álandseyjum og
hefur aldrei lært finnsku. Ungu
mennirnir segjast hafa farið að
tala sænsku við lögregluna og þá
hafi lögreglumennirnir þrjóskast
við og talað finnsku við Álandsey-
inginn. Í Finnlandi eru tvö opinber
mál með jafnháa réttarstöðu,
finnska og sænska. - ghs
Finnlands-Svíar í klandri:
Í fangelsi fyrir
að tala sænsku