Fréttablaðið - 14.11.2008, Síða 36

10 föstudagur 14. nóvember
tíðin
✽ prófaðu eitthvað nýtt
Á DAGSKRÁNNI
um helgina..
Þ etta var æðislegt kvöld,“ segir Yesmine Olsson sem hélt glæsilegt partí á Hilton hóteli síðastliðinn
fimmtudag í tilefni útgáfu matreiðslubókarinnar Fram-
andi og freistandi, indversk og arabísk matreiðsla. „Ég
einfaldaði flóknar uppskriftir svo þær taka ekki lang-
an tíma og passaði að allt hráefnið sé auðfáanlegt úti
í matvörubúð,“ segir Yesmine sem fór meðal annars til
Dubai og Suður-Indlands á meðan hún skrifaði bók-
ina og hannaði uppskriftirnar. Um 150 manns
mættu í útgáfuteitið og fengu forskot á
sæluna þar sem boðið var upp á góm-
sætar veitingar úr bókinni, svo sem
engifer- og möndlukjúkling, litlar
kebab-bollur og chili saffron-súkku-
laðitrufflur svo eitthvað sé nefnt.
Bókin er sjálfstætt framhald af
fyrstu bók hennar, Létt og lit-
rík matreiðsla, sem kom út árið
2006 og hefur selst í rúmlega
6.000 eintökum. Útgáfan er í
höndum Yesmine sjálfrar og
eiginmanns hennar, Arngríms
Fannars Haraldssonar, sem eiga
bókaútgáfuna Brekku.
KONUR EIGA ORÐIÐ ALLAN ÁRSINS HRING Ástin í ýmsum myndum, frelsi,
jafnrétti og umhverfisvernd eru efniviður hugleiðinga íslenskra kvenna sem birtar eru í bókinni
Konur eiga orðið allan ársins hring. Um er að ræða dagatalsbók Sölku sem er myndskreytt
af listakonunni Myrru leifsdóttur. Hliðstæð bók kom út í fyrra og seldist upp á mettíma og því
vissara að tryggja sér eintak af bókinni hið fyrsta.
Yesmine Olsson gefur út aðra matreiðslubók:
Hélt „framandi og
freistandi“ útgáfupartí
Leist vel á Rúnari Gíslasyni og
Hákoni Örvarssyni kokkum leist
vel á nýjustu bók Yesmine.
Ljósmyndarinn
Yesmine Olsson með Ás-
laugu Snorradóttur ljós-
myndara, en hún tók
allar glæsilegu myndirn-
ar sem prýða bókina.
Glæsilegar Elín Reynisdóttir förðunarmeist-
ari, Guðlaug Elísabet Ólafsdóttir og Ragn-
hildur Steinunn Jónsdóttir tóku sig vel út.
Útgefendurnir
Yesmine ásamt eiginmanni
sínum, Arngrími Fannari Har-
aldssyni, betur þekktum sem
Addi Fannar úr Skítamóral.
Afraksturinn
Yesmine með
nýjustu mat-
reiðslu-
bók sína,
indversk
og arab-
ísk mat-
reiðsla.
Flott til
fara Frið-
rika Geirs-
dóttir og
Ármann
Skærings-
son voru
flott til fara.
Þráinn Skóari Skóbúð • Grettisgata 3
Bubbi í Laugardalshöll
Tónleikarnir „Áfram með lífið“ verða á dagskrá á laugardaginn
og hefjast þeir klukkan átta. Það er frítt inn á tónleikana á
meðan húsrúm leyfir en hægt er að nálgast miða frá klukkan
12:00 samdægurs í Laugardalshöll. Fjöldi listamanna kemur
fram á tónleikunum en þar á meðal eru Baggalútur, HAM, Lay
Low, Ný dönsk, Sálin hans Jóns míns og Bubbi Morthens.
Frítt í Húsdýragarðinn
Svo verður alveg upplagt að fara með smáfólkið í
Húsdýragarðinn á laugardaginn en sætar kusur og
svín ættu að kæta smáfólkið. Svo er líka frítt inn í
tilefni dagsins!
Egg og stemning
Aðalstemningin um þessar mundir er svo víst að mótmæla en það mætti
kalla Alþingishúsið hinn nýja samkomustað bæjarbúa. Ekki vitlaust að skella
sér niður í bæ með skilti og vera hress, en forðast fljúgandi egg.
Kreppubjór fyrir kreppudjammara
Kaffibarinn heldur upp á 15 ára afmæli sitt um þess-
ar mundir og kallar sig „Fullan í fimmtán ár“. Af
þessu tilefni verður boðið upp á bjór á 15 ára gömlu
verði sem kemur sér vel á þessum síðustu og verstu.
List fyrir unga sem aldna í Hafnarhúsinu
Á sunnudaginn verður „Spennandi sunnudagur“ í
Hafnarhúsinu. Þar verður meðal annars leiðangur um
sýninguna ÚT/INN í Hafnarhúsinu og miðbænum fyrir
börn og fullorðna klukkan tvö en tilgangur hans er að
skoða listaverk úr eigu Listasafns Reykjavíkur sem eru
uppi hjá verslunum og þjónustuaðilum í miðborginni.
Klukkan þrjú verður listamannaspjall Katrínar Ólínu
Pétursdóttur en hún talar um Ugluspegil í ID-LAB-sýn-
ingunni en þar eiga fjölmargir listamenn verk, meðal
annars Gjörningaklúbburinn, Hrafnhildur Arnardóttir,
Huginn Þór Arason og Jón Sæmundur Auðarson. Hönnuðurinn Katrín Ólína
Pétursdóttir er einn listamannanna sem eiga verk á sýningunni ID LAB. Katr-
ín Ólína hefur starfað á alþjóðlegum vettvangi og fjallað hefur verið um verk
hennar í fjölmörgum alþjóðlegum tímaritum og bókum. Ugluspegill, innsetn-
ing Katrínar Ólínu, er ævintýraheimur sem er fullur af auðlesnum en um leið
margslungnum vísunum og táknum. Áhorfandinn stígur inn í verkið sem um-
lykur hann og býður honum að halda í ferðalag í óræðri náttúru.