Fréttablaðið - 20.11.2008, Blaðsíða 52

40 20. nóvember 2008 FIMMTUDAGUR
maturogvin@frettabladid.is
> BÚÐU TIL EIGIN SÓSU
Ef þú ert orðin leið á að nota sömu pasta- eða
pitsusósuna úr krukku eða dós er um að gera að
búa til eigin sósu. Notaðu
nokkra vel þroskaða tóm-
ata, eða heila tóm-
ata úr niður-
suðudós, skerðu
lauk og hvít-
lauk fínt, bættu
út í tómatþykkni,
ólívuolíu, óregan-
ói, salti og pipar
eftir smekk. Láttu
sjóða í potti í tvær mínútur
og sósan er tilbúin.
„Mig langaði til að opna lítið og þægilegt kaffihús,“
segir Jón Valgeir Gunnarson, eigandi Muffin bakery
sem opnaði í Hamraborginni í Kópavogi fyrir
þremur vikum. Jón hefur unnið á Hard Rock café á
Íslandi, London og í Höfðaborg í Suður-Afríku á
síðustu árum, en ákvað að kúpla sig út úr því og
opna eigin stað. „Þó að við köllum okkur Muffin
bakery bökum við einnig ostakökur og brownies.
Svo erum við með matseðil þar sem við bjóðum upp
á súpur, salöt, pasta, samlokur, kjúkling og fisk,“
útskýrir Jón og segir verðinu stillt í hóf á þessum
síðustu og verstu tímum.
„Það eru nú þegar komnir fastagestir sem koma
mörgum sinnum í viku til að fá sér muffin og kaffi.
Við erum með nokkrar fastar bragðtegundir, svo
sem epla- og kanil-, bláberja-, gulrótar-, súkkulaði-
bombu- og svo mangómuffins, sem eru sérstaklega
vinsæl. Það eru nokkrar tegundir í þróun og nú
þegar farið er að nálgast jólin bjóðum við upp á
piparkökumuffins. Innan skamms verðum við svo
með Sachertertu, en bakarinn okkar er austurrískur
og lærður í sínu heimalandi svo hún verður alveg
ekta,“ útskýrir Jón sem er ánægður með þær góðu
viðtökur sem staðurinn hefur fengið. „Við erum með
opið fram á kvöld alla daga vikunnar nema sunnu-
daga og höfum fengið sérstakt hrós fyrir hvað
staðurinn er notalegur, enda á þetta að vera staður
þar sem fólk getur komið og virkilega slakað á,“
segir Jón. - ag
Nýbakaðar muffins og kaffi
ÞÆGILEGT KAFFIHÚS Á Muffin bakery er boðið upp á nýbak-
aðar muffins, brownies og ostaköku, auk spennandi rétta af
matseðli. FRÉTTABLAÐIÐ/GVA
Útvarpskonan Sigríður
Lund er meira fyrir að baka
en elda. Hún býður les-
endum uppskrift af skons-
um sem hún segir henta
frábærlega á sunnudags-
morgnum.
„Ég tel sjálfa mig ekki vera mik-
inn kokk, en þegar ég tek mig til
þykir mér gaman að elda,“ segir
Sigríður Lund Hermannsdóttir
dagskrárgerðar- og útvarpskona.
„Ég elska aftur á móti að baka og
er mun betri í því en eldamennsk-
unni. Þegar Elí Þór sonur minn
var lítill elskaði ég að halda
afmælisveislur fyrir hann og baka
kökur. Nú er Elí Þór að verða tví-
tugur og hefur nýlega fengið
áhuga á eldamennsku svo nú er
það frekar hann sem eldar á okkar
heimili. Hann er farinn að stúdera
kokkabækur og bjóða mömmu
sinni upp á dýrindis máltíðir, sem
hittir mig náttúrulega beint í
hjartastað.“ útskýrir Sigríður sem
hefur verið í heilsuræktarátaki
með samstarfsmönnum sínum í
útvarpsþættinum Zúúber á FM
95.7 undanfarnar vikur.
„Við erum búin að vera í cross-
fit í fimm vikur og það gengur
rosalega vel. Ég finn fyrir mikilli
breytingu, bæði
minnkandi ummáli og
þolið er að aukast. Við
borðum sex máltíðir á
dag á þriggja tíma
fresti og ég borða holl-
ari fæðu en ég var
vön,“ segir Sigríður.
„Mér finnst omme-
lettur með miklum
osti rosalega góðar, en
núna geri ég þær holl-
ari með því að nota
færri eggjarauður og
bæta við kotasælu.
Svo fæ ég mér frekar
sólkjarnabrauð en
venjulegt brauð og
meira grænmeti og fisk,“ bætir
hún við, en viðurkennir að erfiðast
hafi verið að sleppa gosdrykkjum.
„Þar sem ég er enginn megakokk-
ur ætla ég að bjóða lesendum upp
á skonsur sem hafa fylgt mér í
mörg herrans ár og
eru mjög vinsælar
innan fjölskyldunnar.
Ég hef bakað skonsur í
þó nokkurn tíma og
það er eitt af þessu fáa
sem klikkar aldrei hjá
mér þegar kemur að
eldamennskunni. Ég
og Elí Þór fáum okkur
iðulega skonsur á
sunnudagsmorgnum,
nýbakaðar beint af
pönnunni með smjöri
og osti og drekkum svo
ískalda mjólk með,“
segir Sigríður og bros-
ir. alma@frettabladid.is
Skonsur á sunnudögum
LJÚFFENGAR Sigríður Lund bakar gjarnan skonsur á sunnudagsmorgnum og ber þær
fram nýbakaðar með smjöri og osti. FRÉTTABLAÐIÐ/ARNÞÓR
SKONSUR
2 egg
2 bollar hveiti
2 tsk. lyftiduft
1 ½ bolli mjólk
½ bolli sykur
1. Setjið eggin í skál og þeytið létt með handþeytara (pískur
dugar líka alveg).
2. Setjið sykurinn og lyftiduftið út í ásamt einum bolla af
mjólk.
3. Bætið hveitinu smátt og smátt út í.
4. Þegar deigið er farið að þykkna er afgangnum af mjólkinni
hellt út í. Hrærið þar til deigið verður létt og ljóst.
5. Bakist á vægum hita á pönnukökupönnu.
Hvaða matar gætirðu síst verið án? Grjóna-
grauts, því honum fylgir heil stórfjölskylda.
Besta máltíð sem þú hefur fengið? Ein eftir-
minnilegasta máltíð sem ég hef fengið var í
ævintýralegri teppabúð í Marokkó þar sem
ég var 17 ára ásamt Álfrúnu vinkonu, Örnólfi
föður hennar og bróður. Örnólfur þekkti
eigandann sem bauð okkur til hádegisverð-
ar. Þetta var litríkasti og ljúffengasti matur
sem ég hafði nokkurn tíma borðað, margir
réttir og allir snæddir með höndunum ásamt
ávaxtalegustu ávöxtum sem ég hef smakkað.
Mennirnir sem báru þetta í okkur stóðu svo
bara hjá líkt og vitni til að undirstrika mikil-
vægi máltíðarinnar.
Er einhver matur sem þér finnst vondur?
Ég er enn að reyna að þroskast gagnvart
lambalifur.
Leyndarmál úr eldhússkápnum: Faðir minn
á heiðurinn að stórkostlegu leyndarmáli, en
ég má eiginlega ekkert segja nema að þetta
hefur með harðfisk að gera. Alveg ný leið
við að borða harðfisk. Þetta er eitthvað sem
verður afhjúpað síðar þegar við erum tilbúin
og mun þá líklega breyta munnsvip Íslend-
inga, til hins betra að sjálfsögðu. Meira get ég
bara því miður ekki upplýst að svo stöddu.
Hvað borðar þú til að láta þér líða betur?
Sælgæti og svo nóg af vatni til að láta mér
líða betur eftir allt sælgætið.
Hvað áttu alltaf til í ísskápnum? SÓL
appelsínusafa.
Ef þú yrðir föst á eyðieyju, hvað
tækirðu með þér? Ég myndi læra
utanbókar uppskrift að jógúrt áður en
ég færi. Mér skilst að jógúrt sé búin til
úr sjálfri sér og þar skipti því öllu
að skilja alltaf eftir eina skeið, því
með henni get ég búið til meira og þannig
koll af kolli. Ég myndi svo finna upp alls kyns
ólíkar jógúrtbragðtegundir úr hráefninu á
eyjunni. Sem minnir mig á að það er ekki til
rabbarbarajógúrt á Íslandi.
Hvað er það skrítnasta sem þú hefur
borðað? Sjór. En ég borðaði hann
kannski ekki þó ég hafi gleypt
hann. Ég hef borðað froskalappir
en hugmyndin er skrítnari en
lappirnar sjálfar. Ostrur þóttu
mér hins vegar skrítnar en
mjög góðar. Næsta verkefni
er að borða auga úr sviða-
haus. Það hefur mér ekki
enn tekist. Maður þarf
að passa sig að ná ekki
augnsambandi áður því
þá er mómentið horfið.
MATGÆÐINGURINN MARGRÉT BJARNADÓTTIR DANSARI
Borðaði ævintýralega máltíð í Marokkó
Skin care for
beautiful
festivities!
* Gildir ekki af öðrum tilboðum.
20 % afsláttur af Guinot
snyrtivörum í dag og á morgun.*
Frábær jólatilboð fyrir dömur og herra.
Snyrtifræðingar okkar
veita þér faglega ráðgjöf.
Snyrtistofan Gyðjan Snyrtistofan Ágústa
Skipholti 50d, s. 553-5044 Hafnarstræti 5, s. 552-9070
Snyrtistofan Hrund Snyrtistofan Ársól
Grænatúni, s. 554-4025 Grímsbæ, s. 553-1262
Þema snyrtistofa Guinot-MC stofan
Dalshrauni 11, s. 555-2215 Grensásvegi 50, s. 568-9916
Auglýsingasími
– Mest lesið