Fréttablaðið - 20.11.2008, Blaðsíða 8

20. nóvember 2008 FIMMTUDAGUR
Flokksstjórnarfundur
Samfylkingarinnar
Í FJÖLBRAUTASKÓLA GARÐABÆJAR
LAUGARDAGINN 22. NÓVEMBER KL. 12.30
Nánari upplýsingar á www.samfylking.is
Allir velkomnir!
Dagskrá:
, formanns Samfylkingarinnar
EFNAHAGSMÁL Borgarstjórn
Reykjavíkur hefur samþykkt að
falast eftir 5,8 milljarða láni. Það
verður nýtt til framkvæmda en
gert er ráð fyrir framkvæmdum
fyrir 7 milljarða króna á næsta
ári.
Hanna Birna Kristjánsdóttir
borgarstjóri segir lánsheimildina
vera í fullu samræmi við aðgerða-
áætlun Reykjavíkurborgar þar
sem áherslan er á að standa vörð
um grunnþjónustuna, störfin og
gjaldskrána. Hún ítrekar að þetta
sé ekki rekstrarlán heldur ætlað
til framkvæmda.
„Það er mikil pólitísk sátt um
málið og þetta er liður í því að
reyna að halda úti mannaflsfrek-
um framkvæmdum á næsta ári,“
segir Hanna Birna. „Skuldastaða
borgarinnar við núverandi aðstæð-
ur er ásættanleg. Borgarsjóður
skuldaði um áramót tæpa fimm
milljarða og það er mikilvægt að
þetta lán fari í framkvæmdir.“
Óskar Bergsson, formaður borg-
arráðs, segir að markmiðið með
lántökunni sé að fara í fram-
kvæmdir á næsta ári til að halda
uppi atvinnustigi í borginni. „Verð-
ur þá sérstaklega horft til mann-
aflsfrekra framkvæmda svo sem
viðhalds,“ segir Óskar. Hann segir
lánsheimildina vera lið í aðgerðar-
áætlun sem borgarstjórn sam-
þykkti samhljóða í haust.
Samkvæmt henni er áformað að
fjárfesta í samgöngumannvirkj-
um og fasteignum fyrir rúmlega
sjö milljarða króna. Óskar segir
hluta af því verða greiddan af
eigin fé borgarinnar. Hann segir
það muni koma í ljós við fjárhags-
áætlun í hvaða framkvæmdir
verður farið.
„Við erum ekki endilega að
horfa til einstakra stórra fram-
kvæmda, heldur lítum við heilt
yfir sviðið. Mannaflsfrekar
aðgerðir eru til að mynda við-
haldsverk. Þar fer oft 70 prósent
af kostnaði í mannafl en 30 pró-
sent í efni. Í sumum framkvæmd-
um er hlutfallið akkúrat öfugt. Við
munum þannig skoða þetta heild-
stætt og meta hvaða framkvæmd-
ir verður farið í.“
Óskar kallar eftir því að fleiri
grípi til sambærilegra aðgerða og
Reykjavíkurborg. Það eigi sér-
staklega við um ríkisvaldið, en
einnig önnur sveitarfélög.
Lánið verður til 25 ára og verð-
ur aflað með skuldabréfaútboði
með tryggingu í tekjum sveitar-
félagsins. Fjármálastjóri semur
um lánið fyrir hönd borgarstjórn-
ar, sem samþykkir endanlega nið-
urstöðu.
Lánsheimildin var samþykkt
samhljóða í borgarstjórn. Ólafur
F. Magnússon sat hjá.
kolbeinn@frettabladid.is
Atvinnustigi
haldið uppi
með lántöku
Borgarstjórn hefur samþykkt lánsheimild að upp-
hæð 5,8 milljarðar króna til framkvæmda. Liður í
að komast hjá uppsögnum. Formaður borgarráðs
kallar eftir því að ríkisvaldið og önnur sveitarfélög
grípi til sambærilegra aðgerða.
BORGARSTJÓRN Samþykkt var heimild til 5,8 milljarða láns á fundi borgarstjórnar á
þriðjudag. Lánið verður nýtt til framkvæmda og með því er vonast til að ekki þurfi að
segja upp fólki, skera grunnþjónustu niður eða hækka gjaldskrár.
ÓSKAR BERGSSONHANNA BIRNA
KRISTJÁNSDÓTTIR
LÖGFRÆÐI Hæstaréttarlögmaður-
inn Ragnar H. Hall telur ný lög
sem fela meðal annars í sér bann
við lögsókn gegn fjármálastofnun-
um í greiðslustöðvun vera gróft
brot á stjórnarskrá Íslands. Þetta
kom fram í viðtali við Ragnar á
Stöð 2 í fyrrakvöld. Lögin sem um
ræðir voru samþykkt á Alþingi í
síðustu viku. Ragnar sagði lögin
inngrip í þann rétt hvers manns að
geta borið réttarágreining undir
óháðan og sjálfstæðan dómstól án
ástæðulausrar tafar. Atli Gíslason,
þingmaður Vinstri grænna, sagði í
samtali við visir.is að flokkurinn
hefði árangurlaust varað forseta
Alþingis við lagafrumvarpinu. Lög-
festing þess væri hneyksli. - gar
Ragnar H. Hall hæstaréttarlögmaður:
Telur bankalög vera
brot á stjórnarskrá
RAGNAR H. HALL Ekki hægt að banna
lögsókn gegn bönkum.