Fréttablaðið - 23.12.2008, Blaðsíða 2

2 23. desember 2008 ÞRIÐJUDAGUR
Gunnar, átt þú hauk í horni í
Ævari Erni?
„Hann getur verið óttalegur fálki
stundum.“
Ævar Örn Jósepsson rithöfundur skýrði
persónu í glæpasögunni Land tækifær-
anna eftir Gunnari Viktorssyni sjúkraþjálf-
ara, vini sínum úr Hafnarfirði. Persónan í
bókinni er Haukamaður, en alvöru Gunn-
ar er eitilharður FH-ingur. Gunnar skrifar
þetta á „óþverraskap“ af hálfu Ævars.
Þú getur alltaf treyst
á prinsinn
Hlíðasmára 8 • 201 Kópavogi • s: 554 7200
Reykjavíkurvegi 68 • 220 Hafnarfirði • s: 5557220
www.hafid.is
LÖGREGLUMÁL Lögregluvarðstjóri
af Suðurnesjum var handtekinn
tvívegis vegna óláta og slagsmála
á Hótel Nordica fyrir mánuði.
Engar skýrslur eru til um málið
hjá lögreglu og maðurinn er enn
við störf.
Fréttablaðið hefur undir hönd-
um afrit af dagbókarfærslum lög-
reglu um atvikið, sem átti sér stað
aðfaranótt sunnudagsins 23. nóv-
ember.
Þar kemur fram að lögregla hafi
verið kvödd að hótelinu vegna ölv-
aðs manns sem væri „með leiðindi
og uppivöðslu“. Þar rita lögreglu-
menn sem fóru á vettvang að
umræddur varðstjóri hafi átt í
rifrildi við þrjá aðra og verið
„mjög ógnandi“ við einn þeirra.
Þeir höfðu lent í átökum fyrr um
kvöldið, en ber ekki saman um
hver átti upptökin. Einn mannanna
sakaði varðstjórann um að hafa
slegið sig með krepptum hnefa í
andlitið. Hann hefur þó ekki kært.
„Í viðræðum við starfsfólk hafði
komið fram að ... var ekki velkom-
inn á hótelið ef hann myndi ekki
róa sig niður og virtust samstarfs-
menn frekar uggandi um ástand
hans,“ segir í dagbókinni.
Ákveðið var að færa hann á lög-
reglustöð úr því að hann virti ekki
tilmæli um að halda sig frá fólkinu
sem hann lenti í útistöðum við.
Honum var kynnt réttarstaða
handtekins og sakbornings, að því
er segir í dagbókinni.
Hann var mjög ölvaður við yfir-
heyrslur og nefndi ítrekað að hann
væri lögreglumaður og þyrfti ekki
að kynna sér neinar upplýsingar.
Að yfirheyrslu lokinni var honum
ekið aftur á hótelið. Hann hafði
áður lofað því að fara rakleiðis að
sofa, en þegar hann kvaddi sagði
hann hins vegar að hann hygðist
halda áfram að skemmta sér. „Þess
ber að geta að ...var mjög dónaleg-
ur og hrokafullur í garð lögreglu-
manna“ segir í dagbókinni.
Samkvæmt upplýsingum Frétta-
blaðsins þurfti síðan aftur að hand-
taka manninn og færa hann á lög-
reglustöð síðar um nóttina.
Þegar menn eru handteknir ber
lögreglu að rita handtökuskýrslu
um málið. Engin slík er hins vegar
til um þetta mál, né heldur svoköll-
uð frumskýrsla um málið. Stefán
Eiríksson, lögreglustjóri á höfuð-
borgarsvæðinu, segir að þar sé um
handvömm að ræða og úr því verði
bætt. Fráleitt sé að slak að hafi
verið á reglum um skráningu
vegna starfa mannsins.
Lögregluvarðstjórinn er enn við
störf. Jón Bjartmarz, starfandi
lögreglustjóri á Suðurnesjum,
segir að embættið hafi verið látið
vita af málinu og verið sé að vinna
í því. stigur@frettabladid.is
Ekki gerð skýrsla um
ólæti lögreglumanns
Lögregluvarðstjóri af Suðurnesjum handtekinn fyrir slagsmál og ólæti. „Dóna-
legur og hrokafullur í garð lögreglu,“ segir í dagbók. Lögregla skrifaði ekki
skýrslu um málið. Handvömm, segir lögreglustjóri. Varðstjórinn enn við störf.
HÓTEL NORDICA Árshátíð stóð yfir á hótelinu umrætt kvöld. Átökin milli varðstjórans
og eins mannanna brutust út á salerninu. FRÉTTABLAÐIÐ / STEFÁN
STEFÁN
EIRÍKSSON
JÓN BJARTMARZ
Halldóra
Eldjárn,
fyrrverandi
forsetafrú,
lést síðast-
liðinn
sunnudag, 85
ára að aldri.
Halldóra
fæddist á
Ísafirði 24. nóvember 1923.
Foreldrar hennar voru
Ingólfur Árnason, fram-
kvæmdastjóri á Ísafirði, og
Ólöf Sigríður Jónasdóttir
húsfreyja.
Halldóra lauk verslunarprófi
frá Verslunarskóla Íslands árið
1942. Hún starfaði meðal
annars hjá Orðabók Háskóla
Íslands.
Hún giftist Kristjáni Eldjárn
þjóðminjaverði árið 1947.
Kristján var kjörinn forseti
Íslands 1968 og gegndi
embætti í þrjú kjörtímabil, til
ársins 1980. Kristján lést 14.
september 1982.
Börn Halldóru og Kristjáns
eru Ólöf Eldjárn, Þórarinn
Eldjárn, Sigrún Eldjárn og
Ingólfur Árni Eldjárn.
Halldóra Eld-
járn látin
DANMÖRK Fimmtán ungmenni fá
níu til fimmtán mánaða óskilorðs-
bundna fangelsisdóma vegna
mótmælanna út af niðurrifi
Ungmennahússins á Norðurbrú í
Kaupmannahöfn vorið 2007.
Sannað þótti að þau hefðu búið sig
undir blóðug átök við lögreglu.
Ungmennin fimmtán höfðu
dvalist í húsinu síðustu dagana
áður en það var rifið. Í húsinu
fundust járnstengur, bens-
ín sprengjur, grjót og fleira
vopnakyns, sem þótti ótvíræð
merki þess að beita hafi átt ofbeldi.
- gb
Deilur um Ungdómshúsið:
Fimmtán hlutu
fangelsisdóma
HARÐAR DEILUR Óeirðir stóðu vikum
saman á Norðurbrú í Kaupmannahöfn.
FRÉTTABLAÐIÐ/HARI
MENNTUN Greiðsluseðlar til nýrra nemenda við
Háskóla Íslands eru á leiðinni í heimabanka þeirra,
eftir að í ljós kom að skólinn fær úthlutað 130
milljónum meira frá ríkinu en talið var.
Skólinn hafði látið eyða greiðsluseðlunum úr
heimabönkunum, eftir að tilkynnt var um að framlög
ríkisins lækkuðu um 960 milljónir frá því sem áður
var áætlað. Rektor skólans sagði þá að ekki væri hægt
að taka á móti 1.630 nýjum nemendum án aukafjár-
veitingar.
Milli annarrar og þriðju umræðu frumvarpsins á
Alþingi bættust svo við þessar 130 milljónir í
verðlagsuppfærslur. Kristín segir að þessi viðbót hafi
verið óvænt en mjög ánægjuleg. „Okkur hafði verið
sagt að fjárveitingin yrði minni og því teljum við
komið til móts við okkur. Við bjóðum því þá nemendur
velkomna sem uppfylla inntökuskilyrði,“ segir Kristín
Ingólfsdóttir rektor. Góður hugur sé í starfsfólinu og
það tilbúið til að leggja á sig þetta aukaálag.
Heildarniðurskurður Alþingis hljóði nú upp á 830
milljónir í stað 960. „Og það breytir talsverðu,“ segir
rektor. Aukinn fjöldi nema og minna fé bitni alls ekki
á námsgæðum. Menntamálaráðherra sagði á sunnu-
dag að jafnvel þyrfti að skera enn meira niður á
næsta ári. - kóþ
Rektor HÍ telur 130 milljónir duga háskólanum til að taka á móti 1.600 nemum:
Greiðsluseðlar HÍ birtast brátt
KRISTÍN INGÓLFSDÓTTIR OG MENNTAMÁLARÁÐHERRA Rektor
HÍ er óðum að jafna sig á 830 milljóna króna minnkun á fram-
lagi ríkisins í ár. Þorgerður Katrín hefur gefið til kynna að rektor
geti átt von á enn meiri samdrætti á næsta ári. FRÉTTABLAÐIÐ/GVA
STJÓRNMÁL Geir H. Haarde,
forsætisráðherra og formaður
Sjálfstæðisflokksins, segist ekki
eiga von á því að gerð verði
breyting á ráðherraskipan
Sjálfstæðismanna fyrir landsfund
sem haldinn verður í lok næsta
mánaðar.
Þetta kom fram í viðtali við
hann á Stöð 2 í gær. Hann sagði
það þó ekki útilokað að slíkar
breytingar yrðu gerðar á þessu
kjörtímabili. Hann sagði jafn-
framt að fleyting krónunnar hefði
farið vel af stað og að hann
vonaðist til þess að hægt yrði að
slaka á höftum með fjármagns-
viðskipti eftir áramót - jse
Geir Haarde forsætisráherra:
Ekki breyting á
ráðherraskipan
DÝRAHALD Stærstur hluti útigangs-
hrossa á Kjalarnesi reyndist vera
orðinn fárveikur í fyrradag, þegar
fólk bar þar að. Í hópnum voru
samtals fjörutíu hross. Eitt þeirra
drapst úr veikinni. Fimm hesthús
í Mosfellsbæ hafa verið innsigluð
vegna málsins, svo og eitt utan
svæðisins.
„Hrossin sem veiktust voru
með niðurgang og háan hita,“
segir Gunnar Örn Guðmundsson,
héraðsdýralæknir Gullbringu- og
Kjósarumdæmis. „Það vakti með
okkur ugg að blóðmyndin gat í
fyrstu bent til veirusmits. En við
erum búin að kryfja þetta eina
hross sem drapst og krufningin
sýndi mikið smit í meltingar-
færum. Við erum því frekar á því
að þarna sé um bakteríusmit að
ræða, líklega salmonellu, sem
gæti hafa verið í vatni eða fóðri
hrossanna.“
Að sögn Gunnars Arnar hafði
hluti hrossanna verið fluttur í
fyrrakvöld og fyrrinótt niður í
hesthúsahverfið í Mosfellsbæ.
„Ég var í fyrstu nokkuð áhyggju-
fullur yfir því,“ segir Gunnar Örn.
„En það spáði svo illa að menn
voru áhyggjufullir og vildu koma
hrossunum undir þak. Þeim sem
eftir eru er verið að koma í húsa-
skjól. Ég mun þó ekki loka öllu
hverfinu heldur þeim húsum þar
sem hrossin eru hýst og setja upp
ákveðnar varúðarreglur hvað þau
varðar.“ - jss
HESTHÚSABYGGÐ Í MOSFELLSBÆ
Fjögur hesthús í hverfinu hafa verið
innsigluð. Myndin er úr safni.
Um fjörutíu útigangshross á Kjalarnesi veiktust hastarlega og eitt drapst :
Sex hesthús sett í einangrun
MÓTMÆLI Hvatt er til þess að
almenningur fari í verslanir
Bónuss í dag og sleppi því að
versla í mótmælaskyni. Eva
Hauksdóttir, ein af forsprökkum
mótmælanna, segir hugmyndina
að hindra viðskipti.
Guðmundur Marteinsson,
framkvæmdastjóri Bónuss, segir
mótmælendur velkomna í
verslunina, öryggisgæsla verði
ekki aukin. „Við vonum mótmæl-
in verði friðsöm. Við höfum líka
boðið forsprökkunum að koma á
skrifstofuna þar sem við Jóhann-
es getum farið yfir þau mál sem
fólki finnst að standi upp á
okkur,“ segir hann. - ghs
Boðnir velkomnir í verslanir:
Mótmælt verð-
ur í Bónus í dag
LÖGREGLAN Eftir rannsókn á
kortanotkun þrjátíu einstaklinga,
sem grunaðir eru um að svíkja
undan skatti, hefur ríkisskatt-
stjóri ákveðið að biðja þá um
skýringar á notkuninni.
Fólkið notaði erlend kort á
Íslandi og greiddi inn á þau úti.
Samkvæmt heimildum Stöðvar
tvö munu einstök kort hafa verið
notuð fyrir allt að fjörutíu
milljónir á ári. Viðtölin fara fram
í janúar, og verða óútskýrð mál
send skattrannsóknarstjóra. - kóþ
Ríkisskattstjóri rannsakar:
Skoðar kort 30
auðugra manna
SPURNING DAGSINS