Fréttablaðið - 23.12.2008, Blaðsíða 26

23. DESEMBER 2008 ÞRIÐJUDAGUR2 ● fréttablaðið ● þorláksmessa
Þegar allsherjargoðinn Hilmar
Örn Hilmarsson er spurður hvað
hann geri yfirleitt á Þorláksmessu
kemur ýmislegt skondið í ljós.
„Það sem er fast hjá mér er að
mér tekst aldrei að kaupa gjöf
handa konunni minni fyrr en á Þor-
láksmessu. Sama hvað ég reyni. Ég
er búinn að reyna að breyta þessu í
mörg ár en vikurnar fyrir jól hafa
alltaf farið í eitthvert rugl. Elding-
unni sem segir manni hvað sé rétt
lýstur ekki niður fyrr en á Þorláks-
messu. Þá skýrist þetta atriði.
Annað sem hefur tekið tíma
minn á Þorláksmessu síðustu ár
er að ég hef fylgst svolítið með
þessum sýklahernaði sem er kall-
aður skata því skötuát er iðkað af
vinum mínum. Þar er mjög dular-
full hreyfing í gangi þar sem ólík-
legustu menn eru að uppgötva í
sér vestfirsk gen. Ég bara fylgist
með þessu með undrun og ógeði.
Kem gjarnan við hjá Steindóri
Andersen vini mínum sem er far-
inn að tengjast þessum eiturefna-
hernaði.“
Spurður hvort þeir félagar
fremji einhvern seið við þetta
tækifæri svarar Hilmar Örn.
„Nei, nei, ég skýt bara nefinu inn
hjá Andersen og svo held ég mig í
hæfilegri fjarlægð og fylgist með
hröfnum og öðrum fuglum æla allt
í kring.“
Allsherjargoðinn telur að lút-
erstrúnni hafi hnignað við eflingu
skötunnar. „Það er heiðið í eðli
sínu að fara í svona manndóms-
vígslu eins og að éta skötu. Þetta
eru einhver afturvirk þjóðlegheit.
Fólk er að uppgötva hluti sem það
hefur ekki iðkað áður og enginn af
þeirra forfeðrum. Það er kannski
einhver trúarlegur þáttur í þessu
sem ég er ekki búinn að meðtaka
sjálfur því ég er náttúrulega svo
mikil kveif. Samt er aðdáunar-
vert að sjá fullorðið fólk og viti-
borið standa í þessu. En svona er
Þorláksmessan hjá mér og ég fer
brosandi inn í aðfangadag.“ - gun
Heiðið í eðli sínu
Hilmari tekst aldrei að kaupa gjöf handa
konunni sinni fyrr en á Þorláksmessu,
sama hvað hann reynir, að eigin sögn.
FRÉTTABLAÐIÐ/STEFÁN
Íslenskir friðarsinnar standa sem fyrr að blysför niður Laugaveginn
klukkan 18 í dag, en þetta er í 29. sinn sem gengið er í þágu friðar á
Þorláksmessu. Að göngunni stendur samstarfshópur friðarhreyfinga
en í honum eru: Félag leikskólakennara, Friðar- og mannréttindahóp-
ur BSRB, Friðar- og mannréttindanefnd Æskulýðssambands þjóðkirkj-
unnar, Menningar- og friðarsamtökin MFÍK, SGI á Íslandi (Friðarhópur
búddista) og Samtök hernaðarandstæðinga.
Í upphafi göngunnar gefst fólki kostur á að kaupa kyndla en Hamra-
hlíðarkórinn leiðir hana að venju með söng. Göngunni lýkur svo á Ing-
ólfstorgi þar sem efnt verður til fundar. Birna Þórðardóttir flytur ávarp
en fundarstjóri er Lárus Páll Birgisson sjúkraliði og félagi í Samtökum
herstöðvaandstæðinga. Hann segir göngunni ætlað að vekja fólk til um-
hugsunar um frið. Að hans mati hefur sjaldan verið jafn mikil þörf á
því. „Þetta er líka kröfuganga. Við viljum ekki að landið okkar sé notað
undir hernað eða hernaðarhyggju og að peningarnir okkar fari í að taka
þátt í hernaði. Það hefur engin ríkisstjórn á Íslandi, svo ég muni, gert
jafn marga samninga við erlend herveldi um æfingaaðstöðu hér á landi
en núverandi ríkisstjórn með tilheyrandi útgjöldum.
Sýnist mér nýtt fjárlagafrumvarp benda til þess
að útgjöld til Varnarmálastofnunar verði aukin
enn frekar,“ segir Lárus.
Birna Þórðardóttir hefur tekið þátt í friðar-
göngunni frá upphafi. „Ég man ekki til þess að
hafa legið inni á spítala á Þorláksmessu en það
væri það eina sem gæti komið í veg fyrir það að
ég færi í gönguna. Mér hefur aldrei áður hlotnast
sá heiður að fá að ávarpa göngufólk en ég mun fjalla
um frið í víðum skilningi.“ - ve
Gengið í þágu friðar
Birna Þórðardóttir hefur tekið þátt í friðargöngunni
frá upphafi.
FRÉTTABLAÐIÐ/TEITUR
Hefð hefur skapast fyrir því
að þrír tenórar komi fram á
Þorláksmessukvöld og taki
lagið. Í þetta sinn verða þeir
hins vegar fjórir.
Síðustu ár hafa nokkrir af fremstu
tenórum þjóðarinnar haldið tón-
leika á svölum kaffi- og veitinga-
hússins Sólons við góðar und-
irtektir. Þetta árið verður hins
vegar brugðið aðeins út af van-
anum þar sem tónleikarnir verða
haldnir í Kvosinni á svölum Giml-
is við úti taflið í Lækjargötu og
verða tenórarnir fjórir.
„Tenórarnir eru Jóhann Frið-
geir Valdimarsson, Snorri Wiium,
Gissur Páll Gissurarson og Garð-
ar Thor Cortes. Undirleikari er
Steinunn Birna Ragnarsdóttir og
hefjast tónleikarnir klukkan níu
að kveldi. Þetta er um fjörutíu
mínútna dagskrá,“ segir Guðríður
Inga Ingólfsdóttir, viðburðafull-
trúi á Höfuðborgarstofu.
Ástæðan fyrir breyttri stað-
setningu er vegna hagræðingar.
„Tónleikarnir eru búnir að festa
sig í sessi sem Þorláksmessu-
hefð og eru fastur liður hjá mörg-
um, þannig að svæðið fyrir fram-
an Sólon er ekki nógu stórt lengur.
Hjá Gimli er mikið rými án þess
að stöðva þurfi umferð eða nokk-
uð annað og því þótti tilvalið að
halda tónleikana á svölunum þar.
Þá komast fleiri að og fleiri geta
notið viðburðarins,“ útskýrir Guð-
ríður Inga ánægð.
Á boðstólum verða nokkrar af
vinsælustu tenóraríum óperubók-
menntanna, söngleikjatónlist og
að sjálfsögðu hátíðleg jólalög. „Jó-
hann Friðgeir hefur sungið á þess-
um viðburði frá upphafi en Garð-
ar Thor er að syngja með í fyrsta
skipti. Tenórarnir fjórir hafa þó
verið að syngja saman nú í aðdrag-
anda jóla og hafa til dæmis verið
með hátíðartónleika í Íslensku óp-
erunni,“ segir Guðríður Inga.
Tónleikarnir eru lokaviðburð-
ur Miðborgarstofu á þessu ári en
á Þorláksmessu mun Gabríeli-
blásturskvintettinn einnig leika
víða um bæinn. „Hann spilar ljúfa
tóna víðs vegar um miðborgina
milli klukkan átta og níu. Síðan er
friðargangan klukkan sex, líkt og
vant er. Okkar helsti viðburður er
hins vegar tónleikar tenóranna,“
segir Guðríður Inga og hlakkar til
að sjá sem flesta í miðborginni í
kvöld.
- hs
Tenórar á Gimlissvölum
Garðar Thor Cortes hefur bæst í fríðan hóp tenóra sem syngja á Þorláksmessutónleikum á svölum Gimlis í Kvosinni. Snorri Wiium
hefur áður sungið á tónleikunum en auk þeirra verða Jóhann Friðgeir Valdimarsson og Gissur Páll Gissurarson. FRÉTTABLAÐIÐ/GVA
Guðríður Inga Ingólfsdóttir hefur haft veg og vanda af því að skipuleggja tónleikana
í samráði við tenórana og hlakka þau öll til kvöldsins.
Íslenskur saltfiskur
útvatnaður að hætti Spánverja
frumkvöðlafyrirtæki ársins  - viðurkenning frá matur úr héraði - localfood - fiskvinnsla frá árinu 
Salisksteikurnar frá Ekta ski eru sérstaklega útvatnaðar fyrir
matreiðslu eins og hún gerist best við Miðjarðarhað.
466 1016
www.ektafiskur.is
pöntunarsími: