Fréttablaðið - 23.12.2008, Blaðsíða 50
34 23. desember 2008 ÞRIÐJUDAGUR
sport@frettabladid.is
ÍÞRÓTTAMAÐUR ÁRSINS Íþróttamað-
ur ársins fyrir árið 2008 verður
útnefndur föstudaginn 2. janúar
næstkomandi en atkvæði í kjöri
Samtaka íþróttafréttamanna hafa
verið talin og því liggur ljóst fyrir
hvaða tíu íþróttamenn urðu í efstu
sætum í kjörinu.
Atkvæðagreiðsla félagsmanna í
Samtökum íþróttafréttamanna er
leynileg og fer þannig fram að
hver félagsmaður SÍ setur saman
lista með nöfnum tíu íþróttamanna
sem honum þykja hafa skarað
fram úr á árinu.
Kjörið er þegar orðið sögulegt
hvað varðar að níu af íþróttamönn-
unum tíu koma úr hópíþróttum.
Þetta er einstakt í 53 ára sögu
kjörsins en gamla metið er frá
árinu 2005 þegar aðeins tveir ein-
staklingsíþróttamenn voru á list-
anum. Það setur þetta sögulega
kjör kannski í enn betra samhengi
að í 51 af 53 kjörum Samtaka
íþróttafréttamanna á Íþrótta-
manni ársins þá hafa ein-
staklingsíþróttamennirnir
verið fjórir eða fleiri á topp
tíu listanum.
Eini einstaklingsíþrótta-
maðurinn að þessu sinni er
júdókappinn Þormóð-
ur Árni Jónsson
sem er jafnframt
fyrsti júdómaður-
inn í sextán ár til
þess að komast
inn á listann. Síð-
astur á undan
honum til þess
að komast á list-
ann var Bjarni
Friðriksson árið
1992 en hann var
þá á listanum ellefta
árið í röð. Síðan þá
hefur enginn júdómað-
ur komist í hóp þeirra
tíu bestu.
Handbolta- og fótboltamenn eru
fjölmennastir á listanum en fjórir
leikmenn silfurliðsins frá Ólymp-
íuleikunum í Peking komast á topp
tíu listann. Á listanum eru einnig
tveir knattspyrnumenn og tvær
knattspyrnukonur. Þetta er í
fimmta sinn sem handbolti á svo
marga meðal þeirra tíu efstu en
það gerðist einnig árin 1960, 1972
og 1987. Handboltamenn áttu þrjá
á listanum 1989 þegar liðið vann b-
keppnina í Frakklandi en þeir voru
allir í þremur efstu sætunum.
Ólafur Stefánsson er meðal tíu
efstu í tíunda sinn en hann hefur
verið á listanum allar götur frá og
með árinu 1997 að árunum 1998 og
2005 undanskildum. Ólafur er
aðeins áttundi íþróttamaðurinn í
sögu kjörsins sem nær að komast
meðal tíu efstu í tíu skipti eða
fleiri en sundmaðurinn Guðmund-
ur Gíslason á metið en hann komst
fimmtán sinnum í hóp þeirra tíu
bestu í kjörinu.
Eiður Smári Guðjohnsen er
ekki langt á eftir Ólafi en hann
er níunda árið í röð á lista yfir
þá tíu bestu. Eiður Smári hefur
fimm sinnum á undanförnum
átta árum verið meðal þeirra
fjögurra hæstu í kjörinu.
Aðrir reynsluboltar á
listanum eru þeir Jón
Arnór Stefánsson
sem er í sjötta sinn á
listanum og Her-
mann Hreiðarsson
sem er í fimmta
sinn á listanum.
Þrír nýliðar eru á
listanum í ár, hand-
boltamaðurinn Alex-
ander Petersson,
knattspyrnukonan Katr-
ín Jónsdóttir og júdó-
maðurinn Þormóður
Árni Jónsson.
ooj@frettabladid.is
ÞORMÓÐUR ÁRNI JÓNSSON 25 ára
júdómaður hjá JR á Íslandi
Í fyrsta sinn á topp tíu listanum.
FRÉTTABLAÐIÐ/ANTON
SNORRI STEINN GUÐJÓNSSON 27 ára
handboltamaður hjá GOG í Danmörku
Í þriðja sinn á topp tíu listanum.
FRÉTTABLAÐIÐ/VILHELM
MARGRÉT LÁRA VIÐARSDÓTTIR 22 ára
fótboltakona hjá Val á Íslandi
Í þriðja sinn á topp tíu listanum.
FRÉTTABLAÐIÐ/STEFÁN
KATRÍN JÓNSDÓTTIR 31 árs fótboltakona
hjá Val á Íslandi. Í fyrsta sinn á topp tíu
listanum. FRÉTTABLAÐIÐ/VILHELM
Metár hjá hópíþróttamönnum
Kjör Samtaka íþróttafréttamanna á Íþróttamanni ársins er sögulegt í ár því í fyrsta sinn kemst aðeins einn
einstaklingsíþróttamaður á topp tíu listann. Handbolta- og fótboltamenn eru fjölmennastir á listanum.
JÓN ARNÓR STEFÁNSSON 26 ára körfu-
boltamaður hjá KR á Íslandi.
Í sjötta sinn á topp tíu listanum.
MYND/ GRAZIANERI
HERMANN HREIÐARSSON 34 ára fót-
boltamaður hjá Portsmouth í Englandi
Í fimmta sinn á topp tíu listanum.
NORDICPHOTOS/GETTY
GUÐJÓN VALUR SIGURÐSSON 29 ára
handboltamaður hjá Rhein Neckar
Löwen í Þýskalandi í fjórða sinn á topp
tíu listanum. FRÉTTABLAÐIÐ/VILHELM
EIÐUR SMÁRI GUÐJOHNSEN 30 ára
fótboltamaður hjá Barcelona á Spáni
Í níunda sinn á topp tíu listanum.
NORDICPHOTOS/AFP
ALEXANDER PETERSSON 28 ára hand-
boltamaður hjá Flensburg í Þýskalandi.
Í fyrsta sinn á topp tíu listanum
FRÉTTABLAÐIÐ/VILHELM
ÓLAFUR STEF-
ÁNSSON 35 ára
handboltamaður
hjá Ciudad Real
á Spáni. Í tíunda
sinn á topp tíu
listanum.
FRÉTTABLAÐIÐ/VILHELM
Sóknarmaðurinn Haukur Ingi Guðnason ákvað í gær að ganga
aftur í raðir uppeldisfélags síns Keflavíkur og skrifa undir tveggja
ára samning eftir sex ára dvöl hjá Fylki en samningur hans við
Árbæjarfélag átti að renna út um áramótin. Hinn þrítugi Haukur
Ingi á að baki 138 leiki í efstu deild með Keflavík, KR og Fylki og
hefur skorað 30 mörk í þeim leikjum en hann var einnig á mála
hjá Liverpool um hríð.
„Það má orða það þannig að það hafi verið erfitt að
yfirgefa Fylki en auðvelt að velja Keflavík. Ég var búinn
að vera í sex ár hjá Fylki og er sá leikmaður sem hefur
verið lengst samfleytt þar af núverandi leikmannahópi
og mér leið vel í Árbænum. Það voru nokkur félög
sem höfðu samband við mig og ég var að skoða mín
mál en þegar Keflavík kom inn í þetta þá var valið
ekki erfitt. Ég er náttúrulega uppalinn í Keflavík og
ef yngri flokkar eru teknir með þá hef ég eflaust
leikið þar í einhver tuttugu ár,“ segir Haukur Ingi.
Keflavík rétt missti af Íslandsmeistaratitlinum síð-
asta sumar eins og kunnugt er eftir mikið kapphlaup
við FH en Haukur Ingi fer ekkert leynt með það að hann sé mætt-
ur í Bítlabæinn til þess að ná enn betri árangri næsta sumar.
„Það var ótrúlega svekkjandi fyrir Keflvíkinga að hafa ekki
náð að klára dæmið síðasta sumar og ég viðurkenni það að
ég var líka mjög svekktur fyrir þeirra hönd. Það er því vissulega
krefjandi verkefni fyrir höndum að gera enn betur næsta sumar
og ég er alla vega mættur til þess að gefa mig 100 prósent fram
í að svo verði og ég tel víst að allir verði innstilltir á það.“
Haukur Ingi hittir fyrir mörg kunnugleg andlit í Kefla-
víkurliðinu og þar á meðal er einn af bestu vinum
hans, Jóhann Birnir Guðmundsson.
„Árið 1997 skildu leiðir hjá mér og góðvini
mínum Jóhanni Birni þegar við fórum báðir í
atvinnumennsku erlendis en við hétum okkur því
að spila aftur saman einn daginn og við höfðum
reglulega talað um það síðan þá. Ég reyndi nú að
plata hann yfir til Fylkis á tímabili en það gekk ekki
eftir en núna verður gaman að spila með honum hjá
Keflavík,“ segir Haukur Ingi að lokum.
HAUKUR INGI GUÐNASON: SKRIFAÐI Í GÆR UNDIR TVEGGJA ÁRA SAMNING VIÐ UPPELDISFÉLAG SITT KEFLAVÍK
Erfitt að yfirgefa Fylki, auðvelt að velja Keflavík
Hefur þú séð þessa kerru?
Þessi tveggja öxla kerra hvarf frá Hamarshöfða 8, Reykjavík á sunnudag eða
mánudagsmorgun (14.–15. desember). Númerið á vagninum er TB 168.
Þeir sem geta gefið upplýsingar um hvarf kerrunnar eru beðnir að hringja í lögregluna
í Reykjavík í síma 444 1000 eða 820 1790.
> Margrét Kara valdi að fara í KR
Kvennalið KR í körfubolta fékk mikinn liðsstyrk í gær
þegar landsliðskonan Margrét Kara Sturludóttir ákvað að
ganga til liðs við Vesturbæjarliðið. Margrét Kara hóf tíma-
bilið með bandaríska háskólaliðinu Elon en er nú komin
aftur heim og valdi að fara í KR frekar en að snúa aftur til
Keflavíkur. Kara er uppalinn Njarðvíkingur en
hefur spilað undanfarin þrjú tímabil
með Keflavík. Hún var lykilmaður
í Íslandsmeistaraliði Keflavíkur
í fyrra og var þá með 12,2 stig,
9,7 fráköst og 3,4 stoðsending-
ar að meðaltali í leik.
STAÐAN Í ENSKU DEILDINNI:
Liverpool 18 11 6 1 27-12 39
Chelsea 18 11 5 2 36-7 38
Aston Villa 18 10 4 4 30-20 34
Man. United 16 9 5 2 27-10 32
Arsenal 18 9 4 5 30-21 31
Hull City 18 7 6 5 27-31 27
Everton 18 7 5 6 23-25 26
Fulham 17 6 6 5 16-12 24
Bolton 18 7 2 9 22-24 23
Portsmouth 18 6 5 7 20-28 23
Wigan 17 6 4 7 21-20 22
Newcastle 18 5 7 6 24-25 22
Sunderland 18 6 3 9 21-26 21
Middlesbrough 18 5 5 8 17-27 20
Stoke City 18 5 5 8 17-30 20
Tottenham 18 5 4 9 20-23 19
West Ham 18 5 4 9 18-26 19
Man.City 18 5 3 10 31-27 18
Blackburn 18 4 4 10 20-34 16
West Brom 18 4 3 11 14-33 15
FÓTBOLTI Sigurganga Chelsea á
útivöllum endaði á Goodison Park
í gærkvöldi þegar liðið gerði
markalaust jafntefli við heima-
menn í Everton. Liverpool verður
þar með á toppnum í ensku
úrvalsdeildinni um jólin, einu
stigi á undan Chelsea.
Chelsea var fyrir leikinn búið
að vinna 11 útileiki í röð en eftir
að liðið missti mann af velli eftir
hálftíma leik hugsaði liðið meira
um að komast burtu með stig.
John Terry, fyrirliði Chelsea,
fékk rautt spjald strax á 35.
mínútu fyrir tæklingu á Leon
Osman. Terry sýndi takkanna og
fór hátt í tæklinguna en rauða
spjaldið var harður dómur. - óój
Enska úrvalsdeildin í fótbolta:
Terry fékk rautt
ALVEG BRJÁLAÐUR John Terry var allt
annað en sáttur við rauða spjaldið frá
Phil Dowd dómara. NORDICPHOTOS/GETTY