Tíminn - 19.04.1986, Blaðsíða 4

4 Tíminn
Laugardagur 19. apríl 1986
llllllllllllllllllllll ÚTLÖND llllllllllllllll
Söngflokkurinn Icy: Eiríkur Hauksson, Helga Mölier og Pálmi Gunnarsson og Svandís Þorvaldsdóttir, átta ára, koma fram á myndbandinu
Gleðibankinn (Bank of Fun), en Gleðibankinn er meðal laganna sem kynnt verða í ísl. sjónvarpinu á sunnud.
(Yíniam. Sverrir)
Allt á fullu í Bergen aö undirbúa
EVRÓPU-SÖNGVA-
KEPPNINA1986
íslenski „Gleöibankinn" er í fyrsta kynningar-
þættinum í sjónvarpinu á sunnudagskvöld
Það stendur mikið til í Bergen í
sambandi við Söngvakeppni sjón-
varpsstöðva í Evrópu 1986, en eins
og flestir vita bera Norðmenn hita
og þunga dagsins, þar sem þeirra
fólk bar sigur úr býtum s.l. ár.
1 fréttatilkynningum sem borisl
hafa frá ráðamönnum í Bergen
segir, „að þó mikið standi til vegna
söngvakeppninnar 3. maí, sé
keppnin þó aðeins létt og skemmti-
legt millispil í tónlistarlífi bæjarins,
því stuttu seinna hefst hin árlega
tónlistarhátíð í Bergen í Grieg-
höllinni".
Tæknimenn norska sjónvarpsins
hafa verið að undirbúa tæknilegu
hliðina, en mjög flókið kerfi þarf
til að allt smelli saman og samband
náist jafnóðum við hinar evrópsku
stöðvarnar. Nýr ta.-knibúnaður hef-
ur verið settur upp og allt gert til
þess að söngvakeppnin fari sem
best fram.
Grieg-höllin er
falleg bygging
„Falleg bygging og snjall arki-
tekt", sagði forstjórinn fyrir
söngvakeppninni, Frank W. Naef,
þegar hann kom til að skoða húsið
þar scm keppnin átti að fara fram.
Arkitektinn er danskur, heitir
Knud Munk, og þykir honum liafa
tekist mjög vel upp með höllina,
sem var vígð 22. maí 1978 af Ólafi
Noregskonungi.
Grieg-höllin hefur því verið not-
uð í 8 ár og þar hafa heimsfrægir
listamenn komið fram. Klassískir
meistarar svo sem Vladimir
Ashkenazy, Emil Gilels o.fl. Jazz-
fólk svo sem Oscar Peterson, Ella
Fitzgerald, Count Basie o.fl. o.fl.
En Grieg-höllin er ekki eingöngu
tónleikahöll. Þar hefur farið fram
skautasýningin „Symphony on Ice“
og var þá stóra sviðið ísilagt.
Einnig hafa verið þarna lands-
fundir og þing stjórnmálaflokka,
hárgreiðslukeppni og hársýning,
tískusýningar og meira að segja
kanínu-sýningar!
Reykjavík 200 ára
-Bergen er916ára!
Bergen er mjög vinsæll ferða-
mannabær og þar eru margvíslegar
fornminjar að sjá, því borgin er
hvorki meira né minna en 916 ára.
Þarna hefur verið mikill uppgangur
í sambandi við olíuvinnslu Norð-
manna, en lögð er áhersla á að ekki
sé hróflað við gömlum minjum,
svo við höfnina má sjá gömul
verslunarhús frá tímum Hansa-
kaupmanna og þar liggur við
bryggju stórt og virðulegt gamalt
seglskip „Statsraad Lemkuhl" sem
ferðamenn geta skoðað.
Grieg-safninu í Bergen hefur
nýlega bæst mikill fengur frá New
York, um 300 bréf - bæði skrifuð
af Grieg og til hans. Einnig er
þarna um að ræða handrit að
músík, um 29 talsins.
Útgefandi Griegs var útgáfufyr-
irtækið „Peters“ í Leipzig, en eig-
enaa: þess voru af gyðingaættum
og fluttust til Bandaríkjanna
stuttufyrirseinni heimsstyrjöldina.
Allt Grieg-bréfasafnið og nótur
o.fl. var sett í bankahólf í New
York og er það nýlega komið í
dagsins ljós. 1980 bauðst norska
ríkinu safnið til kaups og það var
keypt fyrir 5 millj. n.kr.
Áse Kleveland á að stjórna útsend-
ingunni í Evrópu-söngvakeppn-
inni. Hún er mjög þekkt í Noregi
sem tónlistarmaður, gítarleikari og
söngvari. Hún hefur spilað inn á
margar plötur og komið fram á
tónleikum á Norðurlöndum, víða í
Evrópu og Bandaríkjunum og ■
sjónvarpi víðs vegar um heim. Áse
Kleveland keppti fyrir Noreg í
Evrópu-söngvakeppninni 1966 og
varð þá nr. 3. Áse Kleveland er í
dag formaður ■ Sambandi tónlist-
armanna í Noregi og kemur víða
við ■ norsku menningarlífi.
Grieg-höllin
í Bergen
þykir
falleg og
stflhrein.
FRÉTTAYFIRLIT
PARÍS — Stjórnvöld í Frakk-
landi tilkynntu í gær að þau
ætluðu sér að vísa fjórum Lí-
býumönnum úr landi. Þeir eru
sakaðir um aðgerðir er truflað
geta almenningsfrið. Franska
stjórnin hefur því alls vísað
sex Líbýumönnum úr landi í
þessum mánuði.
LUNDÚNIR - Geoffrey
Howe utanríkisráðherra Bret-
lands staðfesti morðin á tveim-
ur Bretum sem haldið hafði
verið í gíslingu í Líbanon.
Hann ákærði Líbýumenn um
mannránin.
BEIRÚT — Samtök innan
SÞ sögðu í gær að lík þriðja
mannsins er fannst í hliöum
Austur-Beirút i fyrradag hafi
ekki verið af Alec Collett,
breska blaðamanninum.
WASHINGTON - Ali
Treiki sendiherra Líbýu hjá SÞ
sagði stjórn sína vera tilbúna í
viðræður við bandarísk stjórn-
völd um hættuna á stigmögnun
ofbeldisátaka eftir árás Banda-
ríkjamanna á Líbýu.
AÞENA - Líbýskur em-
bættismaður sagði stjórn sína
búast við nýrri árás frá hendi
Bandaríkjamanna. Hann sagði
þjóð sína þó aldrei gefast upp
í þvi sem hann kallaði barátt-
unni gegn heimsvaldastefnu.
AUSTUR-BEHLÍN
Mikhail Gorbachev Sovétleið-
togi sagði árás Bandaríkja-
manna á Líbýu sýna að stjórn-
völd í Washington hefðu enga
stefnu í málefnum þessa
svæðis. Hann hvatti ríki Vest-
ur-Evrópu til að mótmæla að-
gerðum Bandaríkjamanna og
sagði þær geta valdið versn-
andi samskiptum milli austurs
og vestur.
NAIROBI - Einir 175
Bandaríkjamenn fóru frá Súd-
an í gær til Kenýa. Mannflutn-
ingar þessir þóttu nauðsýnlegir
þar sem óttast var um öryggi
bandaríska borgara í Súdan
eftir skotárásina á bandaríska
sendiráðsmanninn siðastlið-
inn miðvikudag.
GÍBRALTAR — Bretar
styrktu loftvarnir sínar á Gí-
braltar í kjölfarið á hótunum
um hefndaraðgerðir gegn
breskum stöðvum eftir þátt
þeirra í árásinni á Líbýu.
HÖFÐABORG - p.w.
Botha forseti Suður-Afríku
sagði í gær að allir þeir svert-
ingjar, sem haldið er föngum
vegna brota á lögum þeim er
takmarka ferðafrelsi svert-
ingja, yrðu leystir úr haldi hið
bráðasta. Frá og með næstu
viku verður ekki hægt að hand-
taka fólk vegna brota á lögum
þessum.
PARÍS — Marcel Dassault,
faðir franska flugvélaiðnaðar-
ins og upphafsmaður að bygg-
ingu Mirageþotnanna, lést á
sjúkrahúsi í París í fyrrinótt 94
ára að aldri.