Fréttablaðið - 20.03.2009, Blaðsíða 10

10 20. mars 2009 FÖSTUDAGUR
EFNAHAGSMÁL Minnisblað sem
Davíð Oddsson, þáverandi formað-
ur bankaráðs Seðlabankans, rit-
aði eftir símtal við Geir H. Haar-
de, þáverandi forsætisráðherra,
síðastliðið sumar er persónulegt
minnisblað Davíðs. Seðlabankinn
hefur á þeim forsendum neitað
Fréttablaðinu um afrit af því.
Davíð upplýsti í Kastljósi Sjón-
varpsins 24. febrúar að hann hefði
fundið minnisblaðið við tiltekt á
skrifborði sínu. Það hafi hann
ritað eftir símtal í júní 2008, þar
sem hann hafi varað þáverandi
forsætisráðherra við yfirvofandi
hruni íslenska bankakerfisins.
Geir H. Haarde hefur sagt að
hann muni ekki eftir því sam-
tali sem Davíð vísaði í. Hafi slíkt
samtal átt sér stað hafi það í það
minnsta ekki verið formlegt sam-
tal þar sem stefna Seðlabankans
hafi verið látin í ljós.
Fréttablaðið óskaði eftir afriti
af minnisblaðinu 25. febrúar.
Seðlabankinn hefur nú svarað
erindinu og hafnað því að afhenda
afrit af minnisblaðinu.
Í svari Seðlabankans segir:
„Þar sem hér er um persónulegt
minnisblað formanns banka-
stjórnar að ræða, sem er í vörslu
hans sjálfs, er ekki unnt að verða
við beiðni yðar um afhendingu
þess.“
Gunnar Helgi Kristinsson,
prófessor í stjórnmálafræði við
Háskóla Íslands og sérfræðing-
ur um opinbera stjórnsýslu, segir
flókið að meta hvort umrætt
minnisblað eigi að teljast per-
sónuleg eign starfsmannsins eða
eign Seðlabankans.
„Fólk hripar ýmislegt hjá sér í
vinnunni, en það sem mér finnst
orka meira tvímælis er að minn-
ast á þetta í viðtalinu. Ef þetta
var bara til minnis fyrir hann
persónulega hefur þetta auðvit-
að ekkert gildi,“ segir Gunnar
Helgi.
Hann bendir á að hafi skjalið
ekki verið vistað formlega hjá
bankanum sé ekkert sem sanni
að minnisblaðið hafi verið skrifað
á þeim tíma sem haldið hafi verið
fram. Þá hafi það enga þýðingu
og sanni hvorki eitt né neitt.
Fréttablaðið óskaði einnig eftir
afriti af upptöku af símtalinu. Í
svari Seðlabankans segir að ein-
ungis símtöl alþjóða- og mark-
aðssviðs bankans séu hljóðrituð.
Tilgangurinn sé að eiga upptökur
af viðskiptum ef ósætti komi upp.
Símtöl úr síma formanns banka-
stjórnar séu ekki hljóðrituð.
Fréttablaðið hefur kært synj-
un Seðlabankans á ósk um afrit
af minnisblaðinu til úrskurðar-
nefndar um upplýsingamál.
brjann@frettabladid.is
Minnisblað Davíðs
er persónulegt gagn
Minnisblað fyrrverandi formanns bankaráðs Seðlabankans um símtal hans við
þáverandi forsætisráðherra er persónulegt minnisblað og ekki í vörslu bankans.
Orkar tvímælis að minnast á slíkt óformlegt plagg í viðtali, segir sérfræðingur.
VIÐTAL Davíð Oddsson sagðist hafa varað Geir H. Haarde, þáverandi forsætisráð-
herra, við yfirvofandi bankahruni í símtali í júní 2008. Geir hefur ekki kannast við
slíkt samtal. FRÉTTABLAÐIÐ/STEFÁN
URRRR Kasper, þriggja mánaða gamall
hvítur ljónsungi, bítur í hárið á Nödju
Radovic, gæslumanni sínum, í dýra-
garðinum í Belgrad. FRÉTTABLAÐIÐ/AP
NOREGUR Framfaraflokkurinn í
Noregi mælist nú stærsti stjórn-
málaflokkur landsins, með 30,9
prósenta fylgi. Verkamanna-
flokkurinn tapar hins vegar fylgi;
hann fengi 28,4 prósent ef kosið
yrði nú, samkvæmt könnun Opin-
ion fyrir fréttastofuna ANB.
Samkvæmt könnuninni fengju
hægriflokkarnir 96 þingmenn, 14
fleiri en í síðustu kosningum. Þó
er fylgisaukning Framfaraflokks
að nokkru á kostnað Hægriflokks-
ins, sem tapar 3,5 prósentum og
mælist nú með 13,2 prósent.
Vinstrisósíalistar í flokki
Kristinar Halvorsen fjármála-
ráðherra, SV, tapa einnig fylgi og
mælast nú aðeins með 6,1 prósent
samkvæmt könnun Sentio fyrir
Dagens Næringsliv. - aa
Stjórnmál í Noregi:
Framfaraflokk-
urinn stærstur
SIV JENSEN Leiðtogi Framfaraflokksins
en flokkurinn mælist stærstur í Noregi.
Bæjarráð Voga ætlar að endurskoða
ákvörðun bæjarstjóra um að taka alla
yfirvinnu af starfsmanni í félagsþjón-
ustu bæjarins enda sé hún ekki í
samræmi við samþykkt bæjarráðsins
sem veitti bæjarstjóranum heimild
til að ræða við bæjarstarfsmenn
um fimm til tíu prósenta lækkkun á
yfirvinnu.
KJARAMÁL
Starfsskerðing endurskoðuð
FJÖLMIÐLAR Ísafoldarprentsmiðja
og 365 miðlar hafa endurnýjað
samning um prentun Frétta-
blaðsins. Samningurinn gildir til
næstu tíu ára.
Ari Edwald, forstjóri 365
miðla, segir samninginn gerðan í
framhaldi af því að Samkeppnis-
eftirlitið hafnaði samningi 365
og Árvakurs um kaup Árvakurs
á Fréttablaðinu og Pósthúsinu,
dreififyrirtæki þess. „Mér þykir
súrt í brotið að þetta hafi endað
þannig og er enn áhugasamur um
að finna fleti til að fá náð yfir-
valda fyrir samstarfi á dreifingu
og jafnvel prentun. Ef uppruna-
legi samningurinn hefði fengið að
standa hefði ekki komið til þess
að ríkisbankar væru að afskrifa
um þrjá milljarða hjá Árvakri,
eins og komið hefur fram í frétt-
um. Það er tjón sem stjórnvöld
ákveða að skattgreiðendur taki á
sig,“ segir Ari Edwald. - kg
Fréttablaðið og Ísafold:
Nýr samningur
til tíu ára